[᭓᭙39B]
᭓᭙
ᬯᬾᬧ᭄ᬬᬦᬓ᭄ᬮᬸᬄᬚᬤ᭄ᬫᬦᬾᬲᬸᬕᬶᬳᬦ᭄᭞ᬧᬸᬦᬶᬓᬯᬦ᭄ᬢᬄᬓᬧᬸᬚᬶ᭞ᬯ᭄ᬬᬓ᭄ᬢᬶᬓᬘᬶᬭᬾᬦᬦ᭄᭞ᬚᭂᬚᭂᬄᬳᬲᬶᬂᬗ᭄ᬮᬄᬧ᭄ᬬᬦᬓ᭄᭞ᬓᬢᬄᬦᬸᬶᬯᬾᬦ᭄ᬢᭂᬦ᭄ᬦᬶᬗ᭄ᬕᬮ᭄ᬕᬸᬫᬶ᭞ᬗᬾᬗ᭄ᬕᬢᬂᬧ᭄ᬬᬦᬓ᭄᭞ᬯᬮᬸᬬᬓᬤᬶᬩᭀᬭᭀᬲᬶᬦ᭄᭞ᬦ᭄ᬤᬢ
ᬦ᭄ᬳᬶᬯᬂᬧᬢᬫ᭄ᬩᬾᬫᬗ᭄ᬕᬶᬄᬓᬵᬕᬸᬗᬦ᭄᭞ᬳᬲᬶᬂᬧ᭄ᬭᬭᬩᬶᬫᬸᬮᬶᬄ᭞ᬧᬜ᭄ᬚᭀᬯᬦ᭄ᬧᬯᭀᬗᬦ᭄᭞ᬫᬢᬶᬗ᭄ᬕᬮ᭄ᬲᬄᬲᬓᬶᬂᬲᬢ᭄ᬭᬶᬬ᭞ᬧᬸᬦᬶᬓᬦᬾᬭᬸᬭᬸᬄᬳᬮᬶᬄ᭞ᬭᬭᬶᬲ᭄ᬓᬵᬋᬧᬂ᭞ᬩᭀᬬᬜᬭᬶᬫᬶᬮᬶᬳᬶᬦ᭄᭟ᬧᬶᬭᬂᬤᬶᬦ᭠
ᬮᬫᬶᬦ᭄ᬳᬶᬤᬦᬾᬭᬶᬂᬕ᭄ᬬᬜᬃ᭞ᬯ᭄ᬬᬢᬭᬧᬶᬢᬸᬂᬰᬰᬶᬄ᭞ᬤᬍᬫ᭄ᬓᬘᬭᬶᬢ᭞ᬫᬗᬸᬢᬸᬲ᭄ᬧᬸᬢ᭄ᬭᬦ᭄ᬳᬶᬤ᭞᭠ᬘᭀᬓᭀᬃᬤᬤᬾᬯᬕᬸᬂᬕ᭄ᬥᬾᬫᬗ᭄ᬓᬶᬦ᭄᭞ᬮᬸᬗ᭄ᬳᬓᬕ᭄ᬬᬜᬃ᭞ᬗᬓ᭄ᬱᬶᬚᬕᬢᬾᬫᬗ᭄ᬓᬶᬦ᭄᭟ᬧ᭄ᬭᬵᬕᬸᬂᬓ᭄ᬮᬸᬂᬓᬸᬂᬫ᭄ᬯᬂᬫ᭠
ᬜ᭄ᬘᬲᬫ᭄ᬢᭀᬦᬦ᭄᭞ᬕᬶᬭᬂᬢ᭄ᬮᬲᬦ᭄ᬗᬶᬭᬶᬂ᭞ᬧᬥᬗᬗ᭄ᬕᭀᬩᬸᬗᬄ᭞ᬬᬤ᭄ᬬᬧᬶᬦ᭄ᬢ᭄ᬯᬭᬗ᭄ᬮᬄ᭞ᬤᬸᬕᬶᬳᬦ᭄ᬢᬸᬓ᭄ᬜᬫᬜᬶᬮᬶᬄ᭞ᬤ᭄ᬫᭂᬦ᭄ᬓᬤᬾᬦᬂ᭞ᬗᬩᬃᬢᬦ᭄ᬤᬗᬾᬗᬯᬶᬭ᭄᭟ᬢᬸᬤᬶᬂᬢᬸᬚᬸᬄᬳᬾᬗ᭄ᬕᬾᬂᬧᬲᬗᬾᬗᬸᬘᬾᬓ᭄ᬘᬓ᭄᭞
[᭔᭐40A]
ᬲ᭄ᬩᭂᬂᬘᬮᬸᬄᬫᬫᬗᬶᬤ᭄᭞ᬫᬶᬭᬶᬩ᭄ᬢ᭄ᬯᬄᬓᬳᬾᬫᬦ᭄᭞ᬓᬕ᭄ᬬᬜᬃᬜᭂᬦ᭄ᬢᭀᬓᬂᬭᬭᬲ᭄᭞ᬢ᭄ᬯᬶᬜᬓᬾᬩᬾᬃᬓᬾᬩᬾᬃᬳᬶᬮᬶᬄ᭞ᬢ᭄ᬯᬭᬗᬶᬢᬸᬗᬂ᭞ᬳᬯᬓ᭄ᬲᬶᬕᬸᬕ᭄ᬫᬩᭂᬢ᭄ᬭᬶᬭᬶᬄ᭟ᬦᬵᬗ᭄ᬳᬶᬂᬧᬦ᭄ᬢᭂᬲ᭄ᬳᬦ᭄ᬢᬸᬓ᭄ᬧᬲᬭᬗᬾᬗᬸᬗ᭄ᬓᬸᬮᬂ᭞
ᬫᬓᬳᬫᭂᬗᬫᭂᬂᬧᬗᬶᬭᬶᬂ᭞ᬳᬶᬗ᭄ᬕᬶᬄᬬᬦᬸᬧᬫ᭞ᬓᬤᬶᬩᬸᬢᬢᬸᬫ᭄ᬩᬾᬦ᭄ᬓᭂᬤᬢ᭄᭞ᬫᬫᬗ᭄ᬕᬶᬳᬶᬦ᭄ᬨᬮ᭠ᬩᬸᬓ᭄ᬢᬶ᭞ᬓᬾᬄᬬᬦ᭄ᬢᬸᬢᬸᬭᬂ᭞ᬫᬗᬯᬾᬤᬸᬍᬕ᭄ᬳᬢᬶ᭟ᬩᬩᬦ᭄ᬢᬾᬭᬦ᭄ᬲᬂᬫᬯᬉᬧᬘᬭ᭞ᬢᭀᬂᬜᬦ᭄ᬤᬂᬘᬘᬤᬶᬦ᭄ᬫ
ᬮᬶᬄ᭞ᬋᬫ᭄ᬩᬢ᭄ᬮᬾᬫ᭄ᬧᬾᬓ᭄ᬫᬫᬲ᭄᭞ᬧᬗᬯᬶᬦ᭄ᬩᭂᬤᬶᬮ᭄ᬲᬶᬦᬧᬂ᭞ᬩᭂᬗᭀᬂᬳᬦᬓᬾᬫᬩᬮᬶᬄ᭞ᬮ᭄ᬯᬶᬃ᭠ᬲᬹᬃᬬ᭄ᬬᬯᬶᬫ᭄ᬪ᭞ᬫᬶᬚᬶᬮᬸᬤᬬᬕᬶᬭᬶ᭟ᬓ᭄ᬜᬭᬶᬂᬪᬹᬱᬡᬯ᭄ᬬᬓ᭄ᬢᬶᬮ᭄ᬯᬶᬃᬯᬶᬦ᭄ᬢᬂ᭞ᬧᬓ᭄ᬭᬾᬤᬾᬧ᭄ᬓᬤᬶᬢᬢᬶᬢ᭄᭞ᬓᬳᭂᬩᬦᬶᬂ᭠
ᬫᬾᬕ᭞ᬢᬦ᭄ᬲᬄᬢ᭄ᬥᬸᬂᬫᬓᭂᬫ᭄ᬩᬭᬦ᭄᭞ᬮᬮᬜ᭄ᬘᬂᬫᬵᬲᬾᬫᬉᬓᬶᬃ᭞ᬫᬲᭀᬘᬫᬶᬭᬄ᭞ᬩᭂᬓ᭄ᬤᬾᬦᬶᬂᬫᬶᬭᬄᬳᬤᬶ᭟ᬬᬦ᭄ᬲᬯᬗᬂᬢᬦ᭄ᬪᬶᬦᬓᬤᬶᬘᬭᬶᬢ᭞ᬯᬃᬡ᭄ᬦᬳᬶᬤ᭄ᬯᬕᬸᬂᬫᬗ᭄ᬓᬶᬦ᭄᭞ᬓᭂᬮ᭄ᬭᬫ᭄ᬩᬸᬢᬕᬶᬫ᭄ᬩᬮ᭄᭞
Kaca:Bali-lontar-gaguritan-rereg-gianyar-300ppi.pdf/40
Kaca puniki sampun kauji-wacén
