Kaca:Bali-lontar-gaguritan-rereg-gianyar-300ppi.pdf/4

Saking Wikisource
Kaca puniki sampun kauji-wacén

[᭓3B]

ᬢ᭄ᬭ᭞ᬢᬢᬸᬡᬩᬚᬂᬳᬮᬶᬢ᭄᭞ᬲᬢ᭄ᬲᬢ᭄ᬳᭀᬜ᭄ᬘᭀᬲ᭄ᬭᬯ᭞ᬳᬯᬦᬦ᭄ᬗᬮᬦ᭄ᬢᬭᬂ᭞ᬲᬲᬫᭂᬢᭀᬦᬦᬾᬲᬫᬶ᭞ᬓ᭄ᬮᬸᬂᬓᬸᬂᬕ᭄ᬬᬜᬃ᭞ᬫᬮᬶᬄᬦᬤᭀᬲ᭄ᬳᬲᬶᬓᬶ᭟ᬦᬾᬫᬗ᭄ᬓᬶᬦ᭄ᬧᬳᬶᬗᬦᬦ᭄ᬯᬾᬦ᭄ᬢᭂᬦ᭄ᬤᬮᬶᬳᬦ᭄᭞ᬳᬦ᭠
ᬓᬾᬳᬕᬸᬂᬫᬗ᭄ᬕᬶᬲ᭄᭞ᬮᬸᬗ᭄ᬲᬸᬃᬓᬳᬕᬸᬗᬦ᭄᭞ᬲᬵᬫ᭄ᬧᬸᬦ᭄ᬳᬓᬾᬳᬵᬧ᭄ᬭᬪᬵᬯ᭞ᬭᬶᬂᬢᬸᬕᬸᬓᭀᬘᬧ᭄ᬦᬾᬫᬗ᭄ᬓᬶᬦ᭄᭞ᬘᬡ᭄ᬥᬶᬦᬾᬋᬗᬢ᭄᭞ᬲ᭄ᬯᬭᬦ᭄ᬲᬸᬗᬸᬦᬾᬭᬶᬮᬗᬶᬢ᭄᭟ᬫᬮᬶᬄᬭᬶᬂᬚᬕᬢ᭄ᬜᬮ᭄ᬬᬦ᭄‌ᬓᭀᬘᬧ᭄ᬢᭀ
ᬬᬦᬾᬫᬬᬸᬤ᭄ᬥ᭞ᬫᬍᬧᬸᬓ᭄ᬫᬶᬚᬶᬮᬕ᭄ᬦᬶ᭞ᬲᬓᬤᬶᬕᬸᬭᬶᬦ᭄ᬤ᭞ᬓᬸᬘᬶᬢ᭄ᬫᬓᬸᬧᬶᬂᬧᬢ᭄ᬧᬢ᭄᭞ᬫᬩᬢᬶᬲ᭄ᬳᬓᬸᬢᬸᬲ᭄‌ᬲᬶᬓᬶ᭞ᬳᬶᬓᬸᬄᬫᬘᬗ᭄ᬕᬄ᭞ᬇᬭᬶᬓᬵᬭᬶᬂᬲᬸᬓᬵᬯᬢᬶ᭟ᬫᬮᬶᬄᬓᬸᬮ᭄ᬓᬸᬮ᭄ᬧᬚᭂᬦᭂᬗᬦ᭄ᬫᬲ᭄ᬯᬭᬢ
ᬦ᭄ᬢᬶᬦᭂᬧᬓᬦ᭄᭞ᬓᬢᬓ᭄ᬳᬓᭀᬢᬶᬓᭀᬢᬶ᭞ᬫᬦᬗ᭄ᬓᭂᬧᬂᬬᬸᬤ᭄ᬥ᭞ᬧᬸᬦᬶᬓᬘᬶᬭᬶᬢᭂᬮᬲ᭄᭞ᬧᬦᬸᬕ᭄ᬭᬳᬦ᭄ᬲᬦᬾᬗᬹᬦᬶ᭞ᬫᬗ᭄ᬓᬶᬦ᭄ᬭᬭᬶᬲᬂ᭞ᬧ᭄ᬭᬪᬵᬯᬦᬾᬲᬋᬗᬶᬦ᭄᭟ᬯ᭄ᬬᬤᬶᬦ᭄ᬯᬾᬦ᭄ᬢᭂᬦ᭄ᬓᬤᬶᬳᬶᬫᬥᬾᬧᬲᭂ
[᭔4A]
ᬓ᭄‌ᬯᬸᬲ᭄ᬯᬺᬤ᭄ᬥ᭞ᬓᬤᬶᬫᭀᬂᬕᬸᬕᬸᬄᬓᬂᬓᬵᬭᬶ᭞ᬮ᭄ᬯᬶᬃᬫ᭄ᬧᬸᬭᬵᬕᬦᬵᬣ᭞ᬲᬧᬸᬦᬶᬓᬳᬸᬧᬫᬶᬦ᭄ᬜᬵ᭞ᬘᭀᬓᭀᬃᬤᬋᬡᬫᬶᬲᬶᬗ᭄ᬕᬶᬄ᭞ᬫᬗ᭄ᬓᬶᬦᬸᬚ᭄ᬯᬮ᭞ᬮ᭄ᬯᬶᬃᬳᬢᭂᬧ᭄ᬲᬸᬫᭂᬮᬧᬶᬗᬕ᭄ᬦᬶ᭟ᬫᬗ᭄ᬓᬶᬦ᭄ᬳᬃᬣᬦ᭄ᬳᬶᬤᬘᭀᬓᭀᬃ
ᬤᬳᭀᬓᬦᬵᬕᬭ᭞ᬭᬭᬶᬲ᭄ᬗᭂᬤᬸᬫ᭄ᬧᬫᬵᬃᬕ᭄ᬕᬶ᭞ᬢᬸᬮ᭄ᬬᬪᬶᬫᬲᬾᬦ᭞ᬳᬕᬸᬮᬕᬸᬮᬲᬶᬕ᭄ᬕᬶ᭞ᬧ᭄ᬭᬯᬷᬭᬢᬦ᭄ᬤᬂᬳᬜ᭄ᬚ᭄ᬭᬶᬳᬶᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬬᬢ᭄ᬦ᭞ᬫᬳᬶᬭᬶᬗᬦ᭄ᬗᬩᭂᬘᬶᬓ᭄᭟ᬭᬭᬶᬲ᭄ᬫᬗ᭄ᬓᬶᬦ᭄ᬦᭂᬢᭂᬕᬂᬓᬩᬢ᭄ᬯᬦ᭄᭞᭠
ᬭᬷᬂᬫᬵᬃᬕ᭄ᬕᬶᬦᬾᬫᬓᭀᬃᬲᬶ᭞ᬯᬲ᭄ᬢ᭄ᬭᬩᬩᭀᬢᭀᬭᬦ᭄᭞ᬭᭀᬫᬧᬶᬜ᭄ᬘᭂᬗᬕᬶᬫ᭄ᬩᬮ᭄᭞ᬫᬲᬸᬫ᭄ᬧᬂᬧᬸᬘᬸᬓ᭄ᬳᬓᬢᬶᬄ᭞ᬢᬸᬮ᭄ᬬᬩᬮᬯ᭞ᬧᬘᬂᬫᬧᭂᬭᬂᬫᬢᬦ᭄ᬤᬶ᭟ᬫᬗᭂᬲᬾᬗᬶᬦ᭄ᬳᬶᬤᬳᬶᬤᬾᬯᬕ᭄ᬥᬾᬲᬫ᭄ᬪ᭞᭠
ᬗᬚᬓᬶᬦ᭄ᬲᬋᬂᬪ᭄ᬓᬢᬶ᭞ᬭᬶᬂᬮᬶᬗ᭄ᬕᬦ᭄ᬪᬝᬵᬭ᭞ᬲᬂᬫᬸᬢᭂᬃᬩᬮᬶᬭᬵᬚ᭄ᬬ᭞ᬬᬦ᭄ᬢᬸᬮᬓ᭄ᬧᬘᬂᬫᬢᬦ᭄ᬤᬶᬂ᭞ᬲᬫ᭄ᬩᬸᬂᬮᬜ᭄ᬘᬶᬗᬦ᭄᭞ᬲᬶᬮᬶᬄᬢᬓᭂᬭᬦ᭄ᬕᭂᬢᬶᬄ᭟ᬢᬸᬫᬸᬮᬶᬭᬯᬸᬄᬳᬶᬤᬾᬯᬕ᭄ᬥᬾᬲᬫ᭄ᬪ᭞ᬫᬳᬶᬭᬶᬗᬦ᭄ᬧᬢᬂ