[᭓᭘38B]
᭓᭘
ᬢ᭄ᬯᬄᬚᬸᬭᬸᬧᬘ᭞ᬤ᭄ᬯᬬᬦ᭄ᬕᭂᬥᬾᬬᬩ᭄ᬳᬮᬶᬢ᭄᭟ᬩᬮᬾᬃᬲᬾᬢ᭄ᬭᬫᬓᬵᬤᬶᬳᬶᬤᬾᬯᬵᬦᭀᬫ᭄ᬳᭀᬓ᭞ᬲᬋᬂᬤᬾᬯᬓ᭄ᬢᬸᬢ᭄ᬭᬳᬶ᭞ᬳᬶᬤᬾᬬᭂᬯᬕ᭄ᬥᬾᬩᬜ᭄ᬚᬃ᭞ᬧ᭄ᬭᬩ᭄ᬓᭂᬮ᭄ᬕᬸᬲ᭄ᬢᬶᬕ᭄ᬭᬶᬬ᭞ᬳᬶᬘᬸᬧᬓ᭄ᬳᬶᬕᭂᬚᭂᬦ᭄ᬫᬮᬶᬄ᭞ᬳᬶᬫᬥᬾ
ᬩᭀᬦ᭞ᬫᬥᬾᬓ᭄ᬭᬫᬲ᭄ᬚᭂᬤᭂᬂᬫᬮᬶᬄ᭟ᬧ᭄ᬭᬩ᭄ᬓᭂᬮ᭄ᬗᬶᬜ᭄ᬚᬸᬂᬳᬶᬓᬫᬲᬦ᭄ᬓᬺᬢ᭄ᬣ᭞ᬳᬶᬤᬾᬩ᭄ᬯᬕ᭄ᬧ᭄ᬭᬩ᭄ᬓᭂᬮ᭄ᬓᬶᬢ᭄ᬕᬶᬢ᭄᭞ᬍᬚᭂᬃᬤᬶᬗ᭄ᬕᬮ᭄ᬤᬾᬰ᭞ᬧᬸᬦᬶᬓᬧ᭄ᬭᬩ᭄ᬓᭂᬮ᭄ᬢᬭᬸᬡ᭞ᬳᬓᬾᬄᬬᬦ᭄ᬘᬭᬶᬢᬫᬮᬶᬄ᭞ᬧ᭄ᬭᬓᬗ᭄ᬕᭀᬧᬋᬓᬦ᭄᭞
ᬲᬳᬦᬦᬶᬂᬲᬩᬾᬧᬸᬭᬶ᭟ᬫᬮᬶᬄᬳᬶᬧᬸᬦ᭄ᬫᬗ᭄ᬕᭂᬄᬫᬜ᭄ᬘᬧᬗᭂᬚ᭄ᬭᭀᬯᬦ᭄᭞ᬳᬶᬤᬾᬯᬜᭀᬫᬦ᭄ᬳᬂᬓ᭄ᬮᬶᬂ᭞ᬳᬶᬤᬾᬯᬳᬲᭂᬫᬦ᭄᭞ᬧᬸᬦᬶᬓᬭᬶᬩᬓ᭄ᬩᬓᬦ᭄᭞ᬳᬶᬤᬾᬯᬲᬩᬭᬶᬂᬍᬩᬶᬄ᭞ᬲ᭄ᬭᭀᬗ᭄ᬕᬘᭂᬩᬳᬂ᭞ᬤᬾᬯ᭠
ᬕ᭄ᬭᬸᬤᬸᬕ᭄ᬲᬩ᭄ᬤᬫᬮᬶᬄ᭟ᬘᬸᬢᭂᬢᬂᬭᬶᬂᬕ᭄ᬬᬜᬃᬓᬧ᭄ᬬᬦ᭄ᬤᭂᬮ᭄ᬳᬦᬮ᭄ᬤᬤ᭄ᬯ᭞ᬤ᭄ᬯᬧᭀᬤᭀᬮ᭄ᬫᬶᬦᬓᬵᬤᬶ᭞ᬲᬶᬓ᭄ᬩᭀᬦ᭄ᬢ᭄ᬯᬤᬬ᭞ᬚᬸᬭᬸᬧᬶᬰᬸᬦᬳᬂᬢᬶᬫ᭄ᬧᬮ᭄᭞ᬦᬕᬶᬄᬳᬕᬸᬂᬚᬦᬶ᭞ᬢ᭄ᬯᬭᬗᬶᬢᬸᬗᬂ᭞ᬲᭀᬓ᭄ᬲᬶᬤ᭄ᬥᬫᬧᬶᬓᭀ
[᭓᭙39A]
ᬮᬶᬄ᭟ᬘᭀᬓᭀᬃᬤᬫᬥᬾᬲᬋᬂᬘᭀᬓᭀᬃᬤᬕ᭄ᬥᬾᬳᭀᬓ᭞ᬯᬦ᭄ᬢᬄᬳᬶᬤᬫᬮᬕᭂᬦ᭄ᬢᬶ᭞ᬗᬫᭂᬮ᭄ᬭᬶᬂᬚ᭄ᬭᭀᬕ᭄ᬬᬜᬃ᭞ᬲ᭄ᬦᭂᬂᬫᬳᬾᬩᬢ᭄ᬳᬾᬩᬢᬦ᭄᭞ᬲᭀᬫᬄᬳᬗ᭄ᬕᭀᬦ᭄ᬫᬗᬸᬮᬫᬶᬦ᭄᭞ᬗᭂᬩᭀᬳᬂᬧᬜ᭄ᬚᬓ᭄᭞ᬓ᭄ᬭᬡ᭠
ᬧ᭄ᬭᬩ᭄ᬓᭂᬮ᭄ᬲᬸᬪᬓ᭄ᬢᬶ᭟ᬓᬤᬶᬲᬸᬫᬸᬬᬸᬕ᭄ᬚᬕᬢᬾᬭᬶᬂᬓ᭄ᬭᭀᬓᬸᬢᬕ᭄ᬬᬜᬃ᭞ᬫᬦᬓᭂᬳᬂᬲᬸᬪᬓ᭄ᬢᬶ᭞ᬢ᭄ᬓᬾᬂᬩᬩᬄᬘᬶᬦ᭞ᬕᬶᬭᬂᬧᬥᬫᬵᬢᬸᬭᬦ᭄᭞ᬳᬗ᭄ᬕᬾᬦ᭄ᬫᬢ᭄ᬩᭂᬮᬶᬦ᭄ᬪᬓ᭄ᬢᬶ᭞ᬧᬂᬤᬓᬘᬶᬭᬶᬬᬦ᭄᭞ᬪᬓ᭄ᬢᬶᬭᬶᬂᬦᬓ᭄ᬳᬕᬸᬂᬫᬗ᭄ᬕᬶᬲ᭄᭟ᬘᭀ
ᬓᭀᬃᬤᬓᬮᬶᬄᬲᬵᬫ᭄ᬧᬸᬦ᭄ᬫᬤᭂᬮ᭄ᬧᬓᬬᬸᬦᬦ᭄᭞ᬪᬓ᭄ᬢᬶᬦ᭄ᬧᬜ᭄ᬚᬓᬾᬲᬫᬶ᭞ᬧᬸᬭᬸᬦ᭄ᬫᬗᬸᬯᬓᬂ᭞ᬯ᭄ᬬ᭠ᬤᬶᬦ᭄ᬳᬶᬤᬾᬯᬗᬸᬭᬄ᭞ᬤᬾᬯᬳᬩ᭄ᬬᬦ᭄ᬩᬲᬾᬫᬮᬶᬄ᭞ᬤᬾᬯᬩᬩᬶᬢ᭄ᬭ᭞ᬲ᭄ᬬᬗᬦ᭄ᬢᭂᬕᭂᬄᬪᬓ᭄ᬢᬶ᭟ᬢᬦ᭄ᬲᬧᬶᬭᬭ᭠
ᬫ᭄ᬬᬫᬸᬗ᭄ᬕ᭄ᬯᬶᬂᬧᬓᬬᬸᬦᬦ᭄᭞ᬫᬮᬾᬤᬂᬮᬾᬤᬂᬲᬳᬶ᭞ᬫᬳᬶᬕᭂᬮᬶᬕᭂᬮᬦ᭄᭞ᬗᬯᬾᬦ᭄ᬢᭂᬦᬂᬕᬕᭀᬘᬾᬓᬦ᭄᭞ᬗᬸᬢᬸᬲ᭄ᬚᬸᬭᬸᬩᭀᬭᭀᬲ᭄ᬲᬳᬶ᭞ᬮᬦ᭄ᬫᬜ᭄ᬘᬶᬗᬦ᭄᭞ᬚᬤ᭄ᬫᬮᬸᬄᬳᬮᬶᬢᬮᬶᬢ᭄᭟ᬳᬲᬶᬂᬫᬤᬺ
Kaca:Bali-lontar-gaguritan-rereg-gianyar-300ppi.pdf/39
Kaca puniki sampun kauji-wacén
