[᭓᭗37B]
ᬢᬸ᭞ᬕᬳᭀᬓ᭄ᬧᬸᬦᬶᬓᬫᬮᬶᬄ᭞ᬩᬢᬸᬄᬫᬓ᭄ᬢᬧᬃᬯ᭄ᬯ᭞ᬚᬤ᭄ᬫᬓᬢᬾᬓᬳᬋᬧᬂ᭞ᬢᬫ᭄ᬩᬾᬫᬗ᭄ᬓᬶᬦ᭄ᬫᬫᬗ᭄ᬕᬶᬳᬶᬦ᭄᭞ᬚᬤ᭄ᬫᬧᬢᬓ᭞ᬫᬭᬹᬧᬓᭂᬫ᭄ᬩᬃᬓᬓᬵᬮᬶᬄ᭟ᬳᬓᬾᬄᬬᬜ᭄ᬘᬭᬶᬢᬩᬩ᭄ᬘᬶᬓ᭄ᬲᬓᬾᬂᬕ᭄ᬬᬜᬃ᭞ᬢᬦ᭄ᬳ᭠
ᬤᬳᬸᬘᬧ᭄ᬫᬮᬶᬄ᭞ᬓᬸᬤᬂᬓᬯᬸᬯᬸᬲ᭄᭞ᬲᬂᬓᬭᬶᬳᬦᬂᬕ᭄ᬬᬜᬃ᭞ᬧᬩ᭄ᬓᭂᬮ᭄ᬧ᭄ᬭᬓᬗ᭄ᬕᬾᬳᬶᬤ᭞ᬳᬸᬧ᭠ᬫᬳᬬᬫ᭄᭞ᬳᬶᬦᬦ᭄ᬜᬦᬾᬦᬶᬗ᭄ᬕᬮᬶᬦ᭄᭟ᬧᬩ᭄ᬭᬶᬬᬓ᭄ᬢ᭄ᬯᬭᬓᬃᬯᬦ᭄ᬚᬚᬮᬗᬦ᭄᭞ᬧᬥᬫᬗᬕᬧ᭄ᬯᬶᬱ᭄ᬝᬶ᭞ᬳᬶᬤᬤᬾᬯ᭠
ᬗᬸᬭᬄᬢᬮᬶᬓᬸᬧ᭄᭞ᬓᬵᬭᬶᬭᬶᬂᬕ᭄ᬬᬜᬃ᭞ᬫᬗᬫᭂᬮᬂᬤᬕᬶᬂᬧᬸᬭᬶ᭞ᬤᬾᬯᬳᬩ᭄ᬬᬦ᭄ᬘᬦᬂ᭞ᬲᬋᬂᬧᬶᬦᬓᬧᬗ᭄ᬮᬶᬗ᭄ᬲᬶᬃ᭟ᬳᬶᬤᬳᬶᬤᬾᬯᬗᬸᬭᬄᬲᬓᬤᬶᬫᬧᬭᬄᬧᬭᬄ᭞ᬳᭀᬓᬦ᭄ᬜᬦᬾᬓᬓᬵᬮᬶᬄᬤᬾᬯᬲ᭄ᬦᭂᬢ
ᬦ᭄᭞ᬤᬾᬯᬭᬳᬶᬦᬾᬤᬸᬳᬸᬭᬦ᭄᭞ᬭᬶᬂᬢᬮᬶᬓᬸᬧ᭄ᬓᬭᬶᬫᬮᬶᬗ᭄ᬕᬶᬄ᭞ᬗᬸᬓᬸᬳᬶᬦ᭄ᬭᬵᬚ᭄ᬬ᭞ᬲ᭄ᬭᬶᬂᬓᬓ᭄ᬮᬸᬂᬓᬸᬂᬦᬗ᭄ᬓᬶᬮ᭄᭟ᬫᬮᬶᬄᬫᬓᬧᬦ᭄ᬯᬧ᭄ᬭᬩ᭄ᬓᭂᬮ᭄ᬕ᭄ᬬᬜᬃ᭞ᬓᬵᬭᬶᬰᬾᬱᬦᬶᬂᬲᬶᬲᬶᬧ᭄᭞ᬫᬶᬯᬄᬓᬧᬥᭂᬫᬂ᭞ᬳᬶᬕᬸᬲ᭄ᬢᬶᬓ᭄ᬢᬸᬢ᭄ᬕᭂᬢ
[᭓᭘38A]
ᬲᬦ᭄᭞ᬓᬵᬮᬶᬄᬳᬶᬤᬓᭀᬫ᭄ᬧ᭄ᬬᬂᬩᬚᬶᬂ᭞ᬳᬶᬤᬾᬯᬫᬶᬘ᭞ᬤᬾᬯᬢᬭᬸᬩ᭄ᬦᬶᬓᬫᬮᬶᬄ᭟ᬤᬾᬯᬲᬶᬢᭂᬩ᭄ᬢᬸᬢ᭄ᬦᬓ᭄ᬱᬤ᭄ᬯᬬᬦ᭄ᬮᬦ᭄ᬢᬃ᭞ᬳᬶᬤᬾᬯᬲᬦ᭄ᬤᬢ᭄ᬫᬓᬵᬤᬶ᭞ᬭᬶᬂᬚ᭄ᬭᭀᬓᬚᬦᬦ᭄᭞ᬤᬾᬯᬕᬸᬤᬸᬕ᭄ᬤᬸᬕ᭄ᬥᬾᬕᬸ᭠
ᬤᬕ᭄᭞ᬤᬾᬯᬩᬦ᭄ᬢᬲ᭄ᬯᬬᬦ᭄ᬩᭂᬦ᭄ᬤᬶᬃ᭞ᬤᬾᬯᬜᬫ᭄ᬩᬸᬚᬚᬃ᭞ᬕᬸᬲ᭄ᬢᬶᬲᭂᬫ᭄ᬧᭀᬕ᭄ᬦᬶᬓᬫᬮᬶᬄ᭟ᬫᬥᬾᬲᬸᬥᬃᬡ᭄ᬦᬓ᭄ᬢᬸᬢ᭄ᬭᬬᬸᬯᬬᬦ᭄ᬢᬗ᭄ᬕᬳᬦ᭄᭞ᬳᬶᬯᬬᬦ᭄ᬓᬭᬂᬫᬮᬶᬄ᭞ᬮᬦ᭄ᬳᬶᬓ᭄ᬢᬸᬢ᭄ᬫᬫ᭄ᬩᬂ᭞ᬢ᭄ᬓᬦᬶᬂᬳᬶᬫᭂᬤᬮ᭄ᬕᭂᬩᬕᬦ᭄᭞ᬫ᭄ᬓᭂᬮ᭄ᬩᬭᬸ᭠
ᬧᬦ᭄ᬲ᭄ᬬᬦ᭄ᬢᬶ᭞ᬳᬶᬲᬩ᭄ᬤᬳᭀᬬ᭞ᬧᬦ᭄ᬤᬾᬩᬕᬸᬮ᭄ᬯᬬᬦ᭄ᬲᬗ᭄ᬕᬶ᭟ᬫᬶᬦᬓᬵᬤᬶᬕᬸᬲ᭄ᬢᬶᬩᭀᬦ᭄ᬧᬮᬶᬂᬢ᭄ᬯ᭞ᬤᬾᬯᬯᬩᬜ᭄ᬚᬃᬧᭀᬤᭀᬮ᭄ᬫᬮᬶᬄ᭞ᬮᬦ᭄ᬤᬾᬯᬕᬸᬮᬶᬗᬦ᭄᭞ᬫᬮᬶᬄᬲᭀᬭᭀᬄᬩᬚᬗᬦ᭄᭞ᬤ᭄ᬯᬕᬺᬤᭂᬕ᭄ᬤ᭄ᬯ
ᬢᬸᬭᬸᬦ᭄ᬫᬮᬶᬄ᭞ᬮᬦ᭄ᬤ᭄ᬯᬓᬲᬶᬫᬦ᭄᭞ᬤ᭄ᬯᬲᬦᬸᬃᬲᬩᬾᬂᬧᬸᬭᬶ᭞ᬳᬶᬤᬩ᭄ᬭᬳ᭄ᬫᬡᬧᬥᬡ᭄ᬥᬕ᭄ᬥᬾᬫ᭠ᬥᬾᬩᬸᬭ᭄ᬯᬦ᭄᭞ᬲᬋᬂᬫᬗᬶᬭᬶᬂᬳᬶᬳᬚᬶ᭞ᬧ᭄ᬭᬡ᭄ᬥᬓᭂᬓ᭄ᬭᬦ᭄᭞ᬢᬸᬮᬯ᭄ᬦᬂᬲᬩᬾᬂᬧᬸᬭᬶ᭞ᬳᬸᬮᬓᬳᬶᬤᬬᬂᬦᭀᬦ᭞
Kaca:Bali-lontar-gaguritan-rereg-gianyar-300ppi.pdf/38
Kaca puniki sampun kauji-wacén
