[᭓᭖36B]
᭓᭖
ᬓ᭄ᬢ᭄ᬯᬦ᭄᭞ᬢ᭄ᬯᬭᬓᭀᬲᬶᬤ᭄ᬥᬗ᭄ᬭᬳᭀᬲᬶᬦ᭄᭞ᬓᬤᬶᬳᬶᬕ᭄ᬬᬜᬃ᭞ᬪᬓ᭄ᬢᬶᬫᬓ᭄ᬭᬡᬧ᭄ᬮᬶᬄ᭟ᬓᬤᬶᬫᬗ᭄ᬓᬶᬦ᭄ᬧᬸᬗ᭄ᬕᬯᬫᬜ᭄ᬘᬕ᭄ᬬᬜᬃ᭞ᬢᬦ᭄ᬧ᭄ᬕᬢ᭄ᬓᬓ᭄ᬮᬸᬗ᭄ᬓᬸᬂᬦᬗ᭄ᬓᬶᬮ᭄᭞ᬫᬦᬦ᭄ᬤᭂᬲᬂᬭᬕ᭞ᬯᬮᬸᬬᬓᬤᬶᬘᬭᬶᬢ᭞ᬭᬶᬂᬲ᭄ᬯᬾᬘ᭄ᬙᬮᬶᬗᬃ᭠
ᬱᬧᬸᬭᬶ᭞ᬧᬜ᭄ᬦᭂᬂᬳᬶᬤᬤᬍᬫ᭄ᬩᭂᬓᬸᬂᬭᬶᬂᬗᬹᬦᬶ᭟ᬪᬝᬵᬭᬤᬍᬫ᭄ᬓᬤᬶᬓᬧᬄᬳᬶᬤᬫᭂᬤᬮ᭄᭞ᬲ᭄ᬭᬶᬗᬦ᭄ᬢᬗ᭄ᬓᬶᬮ᭄ᬭᬶᬂᬧᬸᬭᬶ᭞ᬢᬸᬗ᭄ᬓᬸᬮ᭄ᬫᬮᬗ᭄ᬲᬶᬗᬦ᭄᭞ᬧᬸᬢ᭄ᬭᬧᬗᬋᬋᬤ᭄ᬯ᭞ᬤ᭄ᬯᬕᬸᬂᬕ᭄ᬥᬾᬤ᭄ᬯᬕᬸᬂᬳᬮᬶᬢ᭄᭞ᬧᬦᬯᬶᬂᬳᬶᬤ᭞ᬳᬓ᭄ᬯᬾᬄᬧᬸᬦᬶᬓ᭠
ᬫᬮᬶᬄ᭟ᬳᬶᬤᬳᬶᬤ᭄ᬯᬕᬸᬂᬕ᭄ᬥᬾᬗᬫᬶᬍᬢᬶᬦ᭄ᬫᬮᬗ᭄ᬲᬶᬗᬦ᭄᭞ᬫᬮᬶᬄᬳᬶᬤ᭄ᬯᬕᬸᬂᬳᬮᬶᬢ᭄᭞ᬳᬫᬹᬃᬯ᭄ᬯᬓᬡ᭄ᬬ᭠ᬓᬩᬩᭀᬢᭀᬳᬾᬢᬦ᭄ᬲᬧᬶᬭ᭞ᬯ᭄ᬬᬓ᭄ᬢᬶᬢᬦ᭄ᬧᬧᬶᬮᬶᬄᬳᬶᬲ᭄ᬢ᭄ᬭᬶ᭞ᬳᬧᬦ᭄ᬓᬩ᭄ᬬᬳᬦ᭄᭞ᬘᭀᬓᭀᬃᬤᬫᬬᬸ
ᬦ᭄ᬓᬵᬭᬶᬳᬮᬶᬢ᭄᭟ᬤᬸᬓ᭄ᬧᬸᬦᬶᬓᬳᬢᬫ᭄ᬩᬄᬭᬫ᭄ᬬᬦᬶᬂᬚᬕᬢ᭄᭞ᬧ᭄ᬭᬵᬕᬸᬂᬓ᭄ᬮᬸᬂᬓᬸᬂᬲᬫᬶ᭞ᬧᬥᬦᬦ᭄ᬤᬂᬩᬸᬗᬄ᭠᭞ᬍᬯᬶᬄᬩ᭄ᬭᬳ᭄ᬫᬡᬧᬶᬥᬥ᭞ᬩᬕᬸᬲ᭄ᬕᭂᬤᬾᬩᬕᬸᬲ᭄ᬭᬳᬶ᭞ᬕᬸᬲ᭄ᬢᬶᬫ᭄ᬬᬦ᭞ᬕᬸᬲ᭄ᬢᬶᬓᬺᬧᭂᬤ᭄ᬫᬗᭂᬦᭂᬫᬶᬦ᭄᭞ᬫᬓ᭠
[᭓᭗37A]
ᬲᬗᬸᬢᬶᬧᬸᬦ᭄ᬳᬶᬧᬕᭂᬄᬭᬶᬂᬍᬩᬄ᭞ᬳᬫᭂᬗᬫᭂᬂᬳᬶᬩᬤᬸᬂᬯᬜ᭄ᬘᬶ᭞ᬳᬓᬾᬄᬬᬦ᭄ᬓᬦ᭄ᬤᬳᬂ᭞ᬳᬶᬦ᭄ᬤᬶᬓ᭄ᬫᬮᬶᬂᬫᬕᬸᬡ᭞ᬫᬸᬮᬓᬲᬸᬩ᭄ᬳᬸᬮᬶᬗᬹᬦᬶ᭞ᬳᬾᬫᬦᬾᬫᬦᬦ᭄᭞ᬪᬝᬵᬭᬤᬾᬯᬵᬕᬸᬂᬭᬳᬶ᭟ᬫᬮᬶᬄᬬᬦ᭄ᬲᭂᬤᭂᬓ᭄ᬓᬃᬵ
ᬬ᭄ᬬᬍᬯᬶᬄᬧᬢᬶᬢᬺᬬᬦ᭄᭞ᬳᬶᬮᬾᬦᬶᬮᬾᬦ᭄ᬢᬦ᭄ᬫᬭᬶ᭞ᬩᬩ᭄ᬘᬶᬓ᭄ᬕ᭄ᬬᬜᬃ᭞ᬪᬝᬵᬭᬤᬍᬫ᭄ᬫᭂᬤᬮ᭄᭞᭠ᬦᭀᬦ᭄ᬢᭀᬦᬶᬮᬾᬦᬶᬮᬾᬦ᭄ᬩᭂᬘᬶᬓ᭄᭞ᬮᬾᬕᭀᬂᬦᬵᬕᬭ᭞ᬚᬳᬸᬓ᭄ᬲᬸᬓᬵᬯᬢᬶᬓᬧᬸᬚᬶ᭟ᬧᬾᬦ᭄ᬤᬾᬢ᭄ᬩᬭᬶ
ᬲ᭄ᬳᬶᬲᬗ᭄ᬓ᭄ᬭᬄᬓᬲᬸᬩ᭄ᬫᬗ᭄ᬯᬬᬂ᭞ᬕᬫ᭄ᬩᬸᬄ᭞ᬧᬮ᭄ᬬᬢᬦ᭄ᬓᬧᬸᬚᬶ᭞ᬫᬳᬗ᭄ᬓᭂᬧ᭄ᬓᬕ᭄ᬬᬜᬃ᭞ᬦᬾᬤᬯᬍᬩᭂᬂᬲᬩ᭄ᬤ᭠ᬕᭀᬬ᭞ᬫᬧᬦᬲᬃᬦᬦᬂᬭᬸᬓ᭄ᬢᬶ᭞ᬧᬦ᭄ᬕᬸᬄᬤᬶᬂᬲ᭄ᬯᬭ᭞ᬯ᭄ᬬᬓ᭄ᬢᬶᬢᭀᬂᬳᬤᬜᬫᬾᬦᬶᬦ᭄᭟ᬮᬸᬄᬕᬫ᭄ᬩᬸᬄᬚᬤ᭄ᬫᬮᬸᬄ
ᬦᬶᬘᬾᬧᬾᬃᬦᬶᬕᬸᬮ᭞ᬭᬗ᭄ᬓᬾᬲᬭᬶᬳᬶᬭᬲ᭄ᬫᬶᬦ᭄᭞ᬚ᭄ᬕᬾᬕᬾᬫᬗᭀᬜᬂ᭞ᬫᬸᬮᬍᬕᬶᬂᬕ᭄ᬬᬜᬃ᭞ᬭᬭᬲᬾᬗᭂᬜᬕᬂᬳᬢᬶ᭞ᬲᬂᬧᬭᬫᬾᬦᬓ᭄᭞ᬫᬘᭂᬧᭀᬮ᭄ᬫ᭄ᬭᬲᬫᬵᬢᬶ᭟ᬕᬕᭂᬢᬸᬦᬦ᭄ᬫᬾᬄᬫ᭄ᬢᬸᬲ᭄ᬫᬭ᭠
Kaca:Bali-lontar-gaguritan-rereg-gianyar-300ppi.pdf/37
Kaca puniki sampun kauji-wacén
