[᭓᭒32B]
᭓᭒
ᬓᭀᬃᬤᬕ᭄ᬥᬾᬳᭀᬓ᭞ᬘᭀᬓᭀᬃᬤᬦᬕᬶᬫᬓᬵᬤᬶ᭞ᬘᭀᬓᭀᬃᬤᬫᬥᬾᬫᬮᬶᬄ᭞ᬘᭀᬓᭀᬃᬤᬕᬾᬮ᭄ᬕᬾᬮ᭄ᬫᬗᬶᬫᬹᬃ᭞ᬫᬸᬮᬧᬸᬜᬄᬧᬸᬜᬳᬦ᭄᭞ᬦᬕᬶᬄᬳᬕᬸᬂᬧ᭄ᬭᬚᬦᬶ᭞ᬗᬯᬾᬩ᭄ᬬᬸᬃ᭞ᬦᬸᬧ᭄ᬢᬸᬧᬂᬤᬬᬉᬧᬬ᭟
ᬧᬭᬾᬫᬾᬦᬓᬾᬫᬓ᭄ᬚᬂ᭞ᬫᬲᬶᬄᬫᬗᬸᬮᬸᬗᬸᬮᬸᬗᬶᬦ᭄᭞ᬫᬓᬵᬤᬶᬧᬥᬡ᭄ᬥᬧᬶᬤᬤ᭞ᬫᬭᬵᬕᬧᬢᬶᬃᬢ᭄ᬣᬗᬸᬫᬶ᭞ᬫᬼᬤᬾᬢ᭄ᬓᬾᬦ᭄ᬤᬕᬶᬂ᭞ᬢ᭄ᬯᬭᬗᬶᬢᬸᬂᬳᬮᬳᬬᬸ᭞ᬲᭀᬓ᭄ᬲᬶᬤ᭄ᬥᬫᬩᬳᬦ᭄᭞ᬦᬕᬶᬄᬲᬸᬕᬶᬄᬧ᭄ᬭᬚᬦᬶ᭞ᬲᬳᬶᬗᬶᬫᬹᬃ
᭞ᬢ᭄ᬯᬭᬗᬶᬢᬸᬂᬯ᭄ᬓᬲᬦ᭄᭟ᬬᬦᬸᬧᬫ᭄ᬬᬂᬢᬶᬢ᭄ᬬᬂᬳᬶᬤ᭞ᬪᬝᬵᬭᬳᬶᬤ᭄ᬯᬕᬸᬂᬓᬵᬮᬶᬄ᭞ᬓᬤᬶᬢᬸᬜ᭄ᬚᬸᬂᬦᬶᬮ᭠ᬓᬺᬱ᭄ᬡᬵ᭞ᬓᬋᬩᬸᬢ᭄ᬩᬦ᭄ᬮᬶᬦ᭄ᬢᬄᬧᬸᬢᬶᬄ᭞ᬫᬓᬮᬯᬕᬶᬦ᭄ᬯᬕᬸᬂᬭᬳᬶ᭞ᬢᬦ᭄ᬧᬶᬗᬦ᭄ᬮᬶᬦ᭄ᬢᬄᬫᬂᬋᬩᬸᬢ᭄᭞ᬤᬤᬶᬫᬯ᭄ᬢᬸᬲᬾ
ᬗ᭄ᬕᭀᬂ᭞ᬢ᭄ᬯᬭᬧᬕᭂᬄᬗᬶᬲᬶᬕᬸᬫᬶ᭞ᬢ᭄ᬯᬭᬗᬶᬢᬸᬂ᭞ᬧᬗᬸᬧᭂᬢ᭄ᬚᬕᬢ᭄ᬗᬸᬘᬧᬂ᭟ᬫᬮᬶᬄᬢ᭄ᬯᬭᬫᬗᬾᬮᬶᬗᬂ᭞ᬧᬓᬵᬬᬦ᭄ᬳᬦᬓᬾᬗᬹᬦᬶ᭞ᬓ᭄ᬭᬡᬳᬶᬤᬜ᭄ᬦᭂᬂᬦᬵᬣ᭞ᬧᬓᬵᬃᬤ᭄ᬥᬶᬦ᭄ᬦᬓ᭄ᬳᬕᬸᬂᬫᬗ᭄ᬕᬶᬲ᭄᭞ᬗᬗ᭄ᬓᭂᬧᬂᬓᬫᬗ᭄ᬯᬶ᭞ᬲᬋᬂᬢᬩᬦ
[᭓᭓33A]
ᬦ᭄ᬩᬤᬸᬂ᭞ᬫᬮᬶᬄᬢᬸᬢᬸᬭᬦ᭄ᬭᬶᬂᬓᬸᬦ᭞ᬗᬳᭀᬦᬂᬤᬾᬯᬳᬕᬸᬂᬧᬜ᭄ᬚᬶ᭞ᬢᭀᬦᬾᬫᬮᬸ᭞ᬤᬸᬕᬲ᭄ᬓᬸᬲᬫ᭄ᬩ᭠ᬦᬾᬓᬮᬄ᭟ᬬᬦ᭄ᬢᬦ᭄ᬕ᭄ᬬᬜᬃᬫᬓᬸᬓᬸᬦ᭄᭞ᬓᬭᬗ᭄ᬳᬲᭃᬫ᭄ᬲᬋᬂᬫᬗ᭄ᬓᬶ᭞ᬩᬤᬸᬂᬓᬲᬶᬫᬦ᭄ᬗ᭄ᬭᬡᬳᬂ᭞ᬩᬗ᭄ᬮᬶᬧ᭄ᬘᬓ᭄ᬫᬸᬲᬸᬄᬚ
ᬢᬶ᭞ᬬᬦ᭄ᬢᬦ᭄ᬕ᭄ᬬᬜᬭᬾᬢᬶᬦ᭄ᬤᬶᬄ᭞ᬫᬾᬄᬕᭂᬫ᭄ᬧᬸᬂᬚᬕᬢ᭄ᬓ᭄ᬮᬸᬂᬓᬸᬂ᭞ᬫᬲᬶᬄᬢ᭄ᬯᬭᬓᬳᬾᬮᬶᬗᬂ᭞ᬲᬸᬪᬓ᭄ᬢᬶᬦ᭄ᬳᬦᬓᬾᬭᬶᬳᬶᬦ᭄᭞ᬩᬗ᭄ᬭᬲ᭄ᬲᬳᬸᬃ᭞ᬦᬂᬩᭀᬓᭀᬂᬧᬶᬮᬶᬄᬯᬬᬳ᭟ᬮ᭄ᬬᬸᬩᬦ᭄ᬫᬗᭂᬩᬗᬂ᭞ᬧᬫᬵᬃᬕ᭄ᬕᬦ᭄ᬳᬶᬤ᭄ᬯᬕᬸᬂᬚᬦᬶ᭞
ᬤᬬᬦ᭄ᬲᬗᬸᬢᬾᬕ᭄ᬮᬭᬂ᭞ᬲᭀᬂᬩᬤᬸᬤᬦᬾᬢᬶᬢᬶᬦᬶᬦ᭄᭞ᬬᬦ᭄ᬓᬧᬶᬦᭂᬄᬩᬦ᭄ᬩᭂᬮᬶ᭞ᬧᬵᬢᬹᬢ᭄ᬧᬫᬵᬃᬕ᭄ᬕᬦ᭄ᬤᬾᬯᬵᬕᬸᬂ᭞ᬳᬗ᭄ᬕᬦᬶᬂᬗᬯᬾᬲᬗ᭄ᬕᬄ᭞ᬢᭀᬂᬳᬶᬗᭂᬢ᭄ᬢᬳᬾᬦ᭄ᬫᬦ᭄ᬢᭂᬦᬶᬦ᭄᭞ᬩᬲᬾᬳ᭄ᬢᬸᬄ᭞ᬜᬾᬦ᭄ᬲᬾᬦ᭄ᬤᭂᬫ᭄ᬤᬤᬶ
ᬧᬗᬗ᭄ᬕᬾᬬᬦ᭄᭟ᬳᬸᬮᬶᬳᬶᬮᬸᬩᬦ᭄ᬗᬾᬲ᭄ᬢ᭄ᬬᬂ᭞ᬫᬸᬗ᭄ᬓᬸᬲᬂᬲᬕᬸᬫᬶᬩᬮᬶ᭞ᬕ᭄ᬬᬜᬭᬾᬫ᭄ᬮᬢ᭄ᬤᬶᬢ᭄ᬗᬄ᭞ᬫᬯᬦᬦ᭄ᬢᭀᬂᬲᬶᬤ᭄ᬥᬩᭂᬲᬶᬓ᭄᭞ᬳᬤᬳᬶᬯᬕ᭄ᬦ᭄ᬬᬳᬓᬶᬓᬶᬢ᭄᭞ᬲᬢᬢᬳᭂᬫ᭄ᬧᭂᬢ᭄ᬓᬓ᭄ᬮᬸᬂᬓᬸᬂ᭞ᬩ᭄ᬯᬶᬦ᭄ᬫᬶᬜ᭄ᬚᬸᬮᬶᬦ᭄ᬳᬸᬢᬸᬲᬦ᭄᭞
Kaca:Bali-lontar-gaguritan-rereg-gianyar-300ppi.pdf/33
Kaca puniki sampun kauji-wacén
