Kaca:Bali-lontar-gaguritan-rereg-gianyar-300ppi.pdf/28

Saking Wikisource
Kaca puniki sampun kauji-wacén

[᭒᭗27B]
᭒᭗
ᬲᬋᬗ᭄ᬫᬫᬃᬵᬕ᭄ᬕᬶ᭞ᬫᬓ᭄ᬫᬶᬢ᭄ᬭᬶᬂᬩᬜ᭄ᬚᬭᬗ᭄ᬓᬦ᭄᭞ᬲᬋᬂᬩ᭄ᬭᬳ᭄ᬫᬵᬡᬲᬸᬮᬶᬗ᭄ᬕᬶᬄ᭞ᬮᬸᬗ᭄ᬕᬧᬘᬂᬫᬗᬫ᭄ᬩᬶᬮ᭄᭞ᬮᬯᬶᬢᬦᬾᬲᬦᬾᬓᬵᬢᬹᬢ᭄᭞ᬓ᭄ᬭᬶᬲ᭄ᬲᬶᬩᬭᬸᬜᬫ᭞ᬳᬶᬭᬵᬓ᭄ᬱᬲᬩ᭄ᬥᬓ᭄ᬫᬮᬶᬄ᭞ᬲᬩᬸᬓ᭄ᬲᬸᬢ᭄ᬭ᭞ᬲᬦᬾᬫᬤᬕᬶᬂᬓ᭄ᬫᬶᬢ᭠
ᬦ᭄᭟ᬫᬤᬸᬮᬸᬃᬢᬸᬫ᭄ᬩᬓ᭄ᬳᬧᬲᬂ᭞ᬳᬶᬲᬤᬾᬕ᭄‌ᬳᬶᬩᬭᬸᬳᬮᬶᬲ᭄᭞ᬧᬸᬲ᭄ᬢᬓᬦᬾᬓᭀᬘᬧ᭄ᬳᬶᬘᬮ᭄᭞ᬳᬲᬧᬸᬦᬶᬓᬓᬢᬫ᭄ᬧᬶ᭞ᬲᬵᬫ᭄ᬧᬸᬦ᭄ᬓᬳᬢᬹᬃᬲᬫᬶ᭞ᬢᬍᬃᬧᬶᬰᬸᬦᬦᬾᬗᬶᬫᬹᬃ᭞ᬢᬦ᭄ᬯᬸᬲᬦ᭄ᬧᬦᬗ᭄ᬲᬬ᭞ᬗᬫᭂᬮᬂ᭠
ᬚᬶᬯᬦᬾᬫᬗ᭄ᬓᬶᬦ᭄᭞ᬲᬢ᭄ᬲᬢ᭄ᬤᬫᬸᬄ᭞ᬢᬦ᭄ᬯᬗ᭄ᬤᬾᬢᬶᬩᬦᬶᬂᬧᬦᬲ᭄᭟ᬢᬸᬮ᭄ᬬᬭᬶᬂᬢ᭄ᬕᬮ᭄ᬫᬮᬓᬂ᭞ᬢᭀᬂᬳᬤᬩᬦᬶᬗᭀᬮᬲᬶᬦ᭄᭞ᬫᬳᬶᬫ᭄ᬩᬶᬄᬳᬶᬫ᭄ᬩᬸᬄᬓᬶᬢ᭞ᬭᬩᬶᬧᬋᬓᬦ᭄ᬗᬮᬳᬶᬦ᭄᭞ᬳᬓᬸᬤᬂᬮᬸᬄᬮᬸᬄᬫ᭄ᬯ
ᬦᬶ᭞ᬧᬥᬗᬸᬮᬄᬳᬸᬮᬄᬮᬓᬸ᭞ᬫᬗᬮᬶᬄᬧᬲᬬᬸᬩᬦ᭄᭞ᬦᭂᬗ᭄ᬕᬸᬄᬤᬾᬯᬾᬓ᭄ᬧᬘᬂᬫᬵᬢᬶ᭞ᬧᬩ᭄ᬬᬬᬸ᭞ᬫᬸᬮᬶᬗᬮᬶᬄᬧᬓᬤᬗᬦ᭄᭟ᬭᬱᬫᬵᬢᬶᬫᬦᬶᬧ᭄ᬯᬦ᭄᭞ᬢ᭄ᬩᭂᬗᬦ᭄ᬫᬢᬶᬦ᭄ᬤᬶᬄᬢᬶᬦ᭄ᬤᬶᬄ᭞ᬫᭂᬫ᭄ᬩᬄᬗᬢᭂᬳᬂ
[᭒᭘28A]
ᬩᬩᬦ᭄ᬤᬦ᭄᭞ᬫᬗᬩᬩᭀᬓᬢ᭄ᬕᬕᬶᬢᬶᬓ᭄᭞ᬮᬾᬦ᭄ᬫᬮᬓ᭄ᬱᬡᬫᬗᬮᬶᬄ᭞ᬲᬦᬾᬢᭀᬦ᭄ᬤᬾ᭠ᬦ᭄ᬩᬓᬢ᭄ᬳᭂᬚᬸᬓ᭄᭞ᬧᭂᬧᭂᬗᬩᬕᬕᬫᬦ᭄᭞ᬫᬤᬸᬮᬸᬭᬦ᭄ᬢᬮᬶᬦ᭄ᬲᬫ᭄ᬧᬶ᭞ᬢᬮᬶᬧ᭄ᬬᬸᬄ᭞ᬓ᭄ᬮᬾᬢᬾᬓ᭄ᬲᬢᬸᬲᬢᬸ
ᬦ᭄᭟ᬳᬤᬲᭂᬗᬧ᭄ᬫᬓᬸᬬᬬᬗᬦ᭄᭞ᬫᬫᬢᬸᬄᬩᬸᬦ᭄ᬢᭂᬃᬫᬮᬳᬶᬩ᭄᭞ᬗᬩᬲᬦᬦ᭄ᬫᬢ᭄ᬕᭂᬦᬦ᭄᭞ᬗᬩ᭠ᬕ᭄ᬮᬗ᭄ᬕᬂᬳᬸᬮᬢ᭄ᬕᬢᬶ᭞ᬢᭀᬩᬓᬢ᭄‌ᬧ᭄ᬮᬳᬶᬩᬶᬦ᭄᭞ᬲᬸᬩᬓᬾᬫᬗᬮᬶᬄᬳᬗ᭄ᬓᬸᬄ᭞ᬓᬢᬓᬾᬧᬶᬲᬯᬢᬦ᭄᭞ᬲ
ᬦᬾᬫᬗᬸᬮᬄᬭᬭᬘᬶ᭞ᬭᬱᬢᬓᬸᬢ᭄᭞ᬲᬗ᭄ᬓᬮᬤᬶᬚᬮᬦ᭄ᬚᬮᬦ᭄᭟ᬚᬕᬢ᭄ᬓᬭᬶᬫᬳᬩᬩᬦ᭄᭞ᬫᬜ᭄ᬘᬦᬾᬧᬥᬫᬓ᭄ᬫᬶᬢ᭄᭞ᬫᬫᭂᬗ᭄ᬓᬸᬂᬧᬘᬂᬫᬗ᭄ᬭᬸᬲᬓ᭄᭞ᬩᬗ᭄ᬮᬶᬫᬶᬲᬤ᭄ᬬᬜᬋᬗᬶᬦ᭄᭞ᬧᬘᬂᬦᬳᬸᬃᬲᬲᬗᬶ᭞ᬓ᭠
ᬮᬶᬮᬶᬭᬦ᭄ᬫᬗ᭄ᬤᬾᬧᬸᬧᬸᬢ᭄᭞ᬲᬭᬢ᭄ᬫᬧᬶᬦᬸᬦᬲ᭄᭞ᬭᬶᬂᬳᬶᬤᬲᬂᬫᬸᬢᭂᬃᬩᬮᬶ᭞ᬤᬕᬶᬗᬶᬧᬸᬦ᭄᭞ᬫᬗ᭄ᬤᬾᬳᬶᬘ᭄ᬙᬧᬦᬸᬕ᭄ᬭᬳᬦ᭄᭟ᬬᬦ᭄ᬓᬦᬸᬕ᭄ᬭᬳᬦ᭄ᬚᬶᬯ᭞ᬧᬶᬦᬸᬦᬲ᭄ᬫᬜ᭄ᬚᬦᬾᬲᬫᬶ᭞ᬕ᭄ᬮᬶᬲᬂᬧᬶᬲᬦ᭄ᬩᬸᬤᬮᬂ᭞ᬳᬶᬤᬳᬦ᭠