Kaca:Bali-lontar-gaguritan-rereg-gianyar-300ppi.pdf/27

Saking Wikisource
Kaca puniki sampun kauji-wacén

[᭒᭖26B]
᭒᭖
ᬦᬾᬨᬮᬦᬾᬢᬫᬳᬂ᭞ᬪᬓ᭄ᬢᬶᬦᬾᬫᬓ᭄ᬭᬡᬧ᭄ᬮᬶᬄ᭞ᬢ᭄ᬯᬄᬢᬾᬜᬦ᭄ᬤᬂᬩᬸᬓᬓᬾᬢᭀ᭞ᬳᬧᬦ᭄ᬭᬢᬸᬜᬓ᭄ᬭᬯᬃᬢ᭄ᬢᬶ᭞ᬫᬓᬮᬄᬳᬬᬸᬦᬶᬂ᭞ᬧᬵᬢᬹᬢᬾᬤ᭄ᬭᬸᬯᬾᬓᬕᬶᬦᬸᬂ᭞ᬗᬫᬃᬵᬕ᭄ᬕ᭄ᬬᬂᬲᬥᬹᬥᬢ᭄ᬫ᭄ᬫ᭞ᬧᬸᬦᬧᬶᬩᬳᭀ
ᬲᬂᬫᬮᬶᬄ᭞ᬳᬦᬓ᭄ᬳᬕᬸᬂᬗᬸᬭᬄᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄᭟ᬧᬫᬵᬃᬕ᭄ᬕᬦᬾᬕᬕᬜ᭄ᬘᬗᬦ᭄᭞ᬲ᭄ᬯᬪᬵᬯᬓᬤᬶᬫᬦᬗᬶᬲ᭄᭞ᬦᬶᬲ᭄ᬢᬾᬚᬫᬤᬸᬮᬸᬃᬳᬾᬭᬂ᭞ᬢᬦ᭄ᬧᬢ᭄ᬥᬸᬂᬓᬫ᭄ᬧᬾᬓ᭄ᬳᬮᬶᬢ᭄᭞ᬮᬸᬤᬶᬦ᭄ᬧᬦᬲ᭄ᬭᬶᬂᬫᬃᬵᬕ᭄ᬕᬶ᭞ᬧ᭄ᬭᬶᬗᭂᬢᬾᬦᬸᬳᬸ᭠
ᬢ᭄ᬩᬳᬸ᭞ᬮᬶᬦ᭄ᬢᬂᬤᬾᬰᬧᭂᬦᬲᬦ᭄᭞ᬭᬭᬶᬲ᭄ᬓᬦ᭄ᬤᭂᬕ᭄ᬭᬶᬂᬫᬃᬵᬕ᭄ᬕᬶ᭞ᬩᬯᬸᬭᬳᬸᬄ᭞ᬫᬭᬃᬵᬬ᭄ᬬᬦ᭄ᬭᬶᬂᬉᬫᬮᬗ᭄ᬲᬢ᭄᭟ᬯᬾᬦ᭄ᬢᭂᬦ᭄ᬳᬸᬢᬸᬲᬦ᭄ᬫᬜᬧ᭞ᬳᬶᬤᬩ᭄ᬭᬳ᭄ᬫᬵᬡᬲᬸᬮᬶᬗ᭄ᬕᬶᬄ᭞ᬫᬳᬶᬭᬶᬗᬦ᭄ᬧᬭᬫᬾᬦᬓ᭄᭞ᬦᬫ᭄ᬧᬶᬧᬗ᭄ᬭᬳᭀᬲᬾ
ᬫᬗ᭄ᬓᬶᬦ᭄᭞ᬤᬕᬶᬗᬶᬧᬸᬦᬾᬲᬫᬶ᭞ᬓᬯᬶᬢᬦᬾᬧᬘᬂᬓᬵᬢᬹᬃ᭞ᬭᬭᬶᬲ᭄ᬦᬸᬦᬲ᭄ᬢᭂᬩᭂᬗᬦ᭄᭞ᬧᬘᬂᬫᬜ᭄ᬘᬶ᭠ᬢ᭄ᬳᬶᬳᬚᬶ᭞ᬳᬦ᭄ᬢᬸᬓ᭄ᬲᬵᬫ᭄ᬧᬸᬦ᭄᭞ᬦᬵᬕᬭᬦᬾᬗᬭᬭᬢ᭞ᬳᭀᬃᬢ᭄ᬢᬤᬤᭀᬲ᭄ᬳᬳᭀᬭᭀᬗᬦ᭄᭞ᬩᬩ᭠
[᭒᭗27A]
ᬢᬸᬄᬫᬚᬧᬶᬢᬸᬗ᭄ᬕᬶᬮ᭄᭞ᬳᬓᬸᬤᬢᬫ᭄ᬩᬲᬲᭀᬭᭀᬓ᭄᭞ᬫᬃᬵᬕ᭄ᬕᬶᬲᬵᬫ᭄ᬧᬸᬦ᭄ᬓᬤᬶᬓᬸᬃᬲᬶ᭞ᬭᬶᬂᬢ᭄ᬕᬮ᭄ᬩᭂᬲᬃᬲ᭠ᬫᬶ᭞ᬉᬫᬓᬾᬮᭀᬃᬓᬤᬶᬕ᭄ᬭᬸᬲ᭄᭞ᬭᬳᬸᬳᬶᬂᬧᬗᬸᬩᭂᬗᬦ᭄᭞ᬕᬧᬢ᭄ᬧᬦᬶᬫ᭄ᬧᬸᬕᬦ᭄ᬲᬫᬶ᭞ᬫᬗ᭄ᬤᬾᬮᬦ᭄ᬢᬸᬃ᭞ᬳᬋᬧᬾᬓ᭠
ᬩᬜ᭄ᬚᬭᬗ᭄ᬓᬦ᭄᭟ᬲᬶᬓᭂᬧ᭄ᬲᬵᬫ᭄ᬧᬸᬦ᭄ᬫᬳᬜ᭄ᬘᬳᬦ᭄᭞ᬮᬍᬩᭀᬦ᭄ᬩᬗ᭄ᬓᬾᬫᬫᬸᬜᬶ᭞ᬯᬯᬶᬮᬗᬦ᭄ᬚᬤ᭄ᬫ᭠ᬤᭀᬫᬲ᭄᭞ᬦᬾᬧᬘᬂᬗᭀᬚᭀᬕ᭄ᬓᬧᬸᬭᬶ᭞ᬫᬮᬶᬄᬫᬲᬶᬓᭂᬧ᭄ᬩᭂᬤᬶᬮ᭄᭞ᬕᬕ᭄ᬮᬭᬦ᭄ᬧᬘᬂᬗᭂᬚᬸᬓ᭄᭞ᬗᬩᬓ᭄ᬮᬾ᭠
ᬢᬾᬓ᭄ᬮᬶᬫ᭞ᬩᭀᬓᬢ᭄ᬩᬯᬓ᭄ᬫᬫᬸᬘᬸᬓᬶᬦ᭄᭞ᬧᬘᬂᬗᬤᬸᬓ᭄᭞ᬦ᭄ᬮᬲᬂᬦᬾᬜᬭᬶᬩᬭᬓ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢᬶᬂᬳᬜ᭄ᬘᬳᬦ᭄᭞ᬓᬾᬯᬦ᭄ᬢᭂᬦ᭄ᬫᬜᬦ᭄ᬢᭀᬲ᭄ᬯᬗ᭄ᬲᬶᬢ᭄᭞ᬓᬵᬭᬶᬦᭂᬤᭂᬮ᭄ᬭᬶᬂᬓᬸᬭᬫᬲ᭄᭞ᬯᬢᭂᬓ᭄ᬮᬮ᭄ᬩᭀ᭠
ᬦᬾᬲᬫᬶ᭞ᬧᬸᬦᬶᬓᬓᬩᭀᬗ᭄ᬓᭀᬮᬶᬦ᭄᭞ᬳᬦ᭄ᬢᬸᬓ᭄ᬢᬭᬸᬧᬧᬤᬸ᭞ᬫᬮᬶᬄᬲᬶᬓᭂᬧ᭄ᬧᬚᭂᬕᬦ᭄᭞᭠ᬧ᭄ᬭᬫᬾᬦᬓᬾᬫᬫᬸᬗ᭄ᬓᬸᬭᬶᬦ᭄᭞ᬧᬘᬂᬦᬸᬳᬸᬓ᭄᭞ᬓᬤᬶᬩ᭄ᬮᬩᬸᬃᬓᬢᬶᬕ᭟ᬓ᭄ᬭᬘᬓᬳᬶᬘ᭄ᬙᬾᬦ᭄ᬓᬳᬸᬮ᭞ᬢ᭄ᬩᭂᬗᬦ᭄