[᭒᭔24B]
᭒᭔
ᬦ᭄ᬢᬸᬓ᭄ᬧᬸᬭᬸᬱ᭞ᬲᬍᬢᭂᬄᬭᬕᬦᬾᬫᬗ᭄ᬓᬶ᭞ᬲᬢ᭄ᬫᬩᬸᬓᬸᬃ᭞ᬳᬶᬤᬲᬶᬤᬾᬯᬧᬶᬢᬭ᭟ᬩ᭄ᬘᬶᬓ᭄ᬭᬢᬸᬫᬮᬶᬗᬦ᭄᭞ᬦᬾᬫᬗ᭄ᬓᬶᬦ᭄ᬜᬦ᭄ᬤᬂᬘᭂᬩᬸᬭᬶᬦ᭄᭞ᬫᬗ᭄ᬤᬾᬕ᭄ᬮᬶᬲ᭄ᬧᬦ᭄ᬤᬾᬯᬢᬦ᭄᭞ᬓᬧᬸᬗ᭄ᬓᬸᬃᬫᬮᬶᬄᬦᬸᬫᬤᬶ᭞ᬲᬵᬫ᭄ᬧᬸᬦᬂᬓ
ᬤᬶᬫᬗ᭄ᬓᬶᬦ᭄᭞ᬓᬩᬾᬭᬾᬩᬾᬭᬾᬢᬦ᭄ᬩᬸᬳᬸᬂ᭞ᬤᬤᭀᬲ᭄ᬧᬘᬂᬩᬮᬶᬩᬮ᭄ᬬᬦ᭄᭞ᬧᬧᬲᬶᬦ᭄ᬭᬢᬸᬢ᭠ᬦ᭄ᬤᬗᬶᬦ᭄᭞ᬬᬤᬶᬦ᭄ᬲᬗ᭄ᬓᬸᬃ᭞ᬧᬫᬸᬮᬸᬢ᭄ᬧᬦ᭄ᬤᬾᬯᬢᬦ᭄᭟ᬳᬦᬓᬾᬳᬕᬸᬂᬗᬦ᭄ᬤᬶᬓ᭞ᬫᬗ᭄ᬮᬸᬢ᭄ᬲᬃᬯᬶᬫᬦᬗᬶᬲ᭄᭞ᬤ
ᬦ᭄ᬤᬾᬦ᭄ᬩᭂᬮᬶᬫᬥᬾᬭᬓ᭞ᬯᬶᬭᬾᬄᬓᬤᬸᬂᬲᬸᬩᬧ᭄ᬮᬶᬄ᭞ᬤᬤᬶᬦᬓᬸᬢᬶᬦ᭄ᬫᬵᬢᬶ᭞ᬓᬩᬦ᭄ᬤᬩᬦ᭄ᬧ᭄ᬬᬦᬓ᭄ᬘᬸᬘᬸ᭞ᬳᬾᬮᬶᬂᬫᬓᬸᬭᬫ᭄ᬩᬾᬬᬦ᭄᭞ᬦᬄᬤᭂᬧᬂᬲᬸᬩᬢᬢᬓᬶᬦ᭄᭞ᬲᬧᬦᬸᬤᬸᬄ᭞ᬚ᭄ᬮᬾᬦᬾᬢᬶᬩᬭᬶᬂᬢᬶᬢ᭄ᬬᬂ᭟
ᬳᬶᬭᬢᬸᬩᬲ᭄ᬓᬲᭀᬫ᭄ᬧᭀᬓᬦ᭄᭞ᬧᬫᬸᬗᬸᬦ᭄ᬳᬶᬘᬾᬤᭀᬓ᭄ᬭᬶᬭᬶᬄ᭞ᬚᬤ᭄ᬫᬓᬵᬬᬫᬮᬶᬄᬧ᭄ᬭᬚ᭄ᬜᬦ᭄᭞ᬧᬸᬦᬶᬓᬢ᭄ᬯᬭᬮᬶᬗ᭄ᬕᬦᬶᬦ᭄᭞ᬘ᭄ᬮᬂᬉᬧᬬᬲᬦ᭄ᬤᬶ᭞ᬜᬶᬦ᭄ᬥᬬᬂᬓᬬᬸᬦ᭄ᬳᬶᬭᬢᬸ᭞ᬧᬸᬦᬶᬓᬦᬾᬭᬃᬵᬬ᭄ᬬᬦᬂ᭞᭠
[᭒᭕25A]
ᬳᬶᬲᬭᬓᬗ᭄ᬕᬾᬬᬂᬫᬗ᭄ᬓᬶᬦ᭄᭞ᬩᬸᬢᬧᭂᬗ᭄ᬓᬸᬂ᭞ᬦᬦ᭄ᬤᬦᬂᬫᬶᬭᬶᬕ᭄ᬩᬮᬸᬂᬩᬂ᭟ᬲᬓᬤᬶᬳᬶᬕᬚᬄᬳᬮᬲ᭄᭞ᬲᬩᬸᬄᬦᭂᬧᬾᬦ᭄ᬧᬗ᭄ᬓᬸᬂᬳᬶᬤᬶᬂ᭞ᬫᬶᬢᬸᬳᬸᬧᬫᬸᬜᬶᬦ᭄ᬓᬢᬓ᭄᭞ᬫᬵᬢᬷᬫᬦᬸᬳᬸᬢᬂᬫᬸᬜᬶ᭞ᬗᬶᬥᭂᬧᬂᬤᬗ᭄ᬓᬂᬤᬗ᭄ᬓᬶᬂ᭞ᬲᬧᬸ
ᬦᬶᬓᬶᬨᬮᬦᬶᬧᬸᬦ᭄᭞ᬓᬤᬶᬋᬱᬶᬫᬦᬯ᭞ᬗᬸᬭᬶᬧᬂᬫᬘᬦᬾᬫᬵᬢᬶ᭞ᬩᬳᬸᬳᬶᬤᬸᬧ᭄᭞ᬭᬕᬦᬾᬗ᭄ᬫᬲᬶᬦ᭄ᬲᬾᬤ᭄ᬥ᭟ᬚᬤ᭄ᬫᬦᬾᬤ᭄ᬫᭂᬦ᭄ᬓᬤᬾᬦᬦ᭄᭞ᬫᭀᬫᭀᬦᬾᬓ᭄ᬦᬶᬳᬸᬮᬸᬭᬶᬦ᭄᭞ᬧᭀᬮᬶᬄᬦᬗ᭄ᬓᭂᬩᬂᬭᬭᬱᬦ᭄᭞ᬧ
ᬢᭂᬄᬭᬶᬂᬓᭀᬫ᭄ᬧ᭄ᬬᬂᬩᬚᬶᬂ᭞ᬗᬸᬮᬳᬂᬨᬮᬩᬸᬓ᭄ᬢᬶ᭞ᬢᬦ᭄ᬗᬶᬢᬸᬂᬮᬶᬗ᭄ᬕᬶᬄᬳᬶᬭᬢᬸ᭞ᬓᬤᬶᬫᬗ᭄ᬓᬶᬦ᭄ᬢᬫᬳᬂᬭᬸᬲᬓ᭄ᬳᬦ᭄ᬢᬸᬓ᭄ᬳᬸᬯᬳᬸᬯᬶ᭞ᬩᬬᬢᬸᬤᬸᬄ᭞ᬲ᭄ᬫᬸᬢᬾᬫᬩᬾᬮᬕᬚᬄ᭟ᬦᬵᬗ᭄ᬳᬶᬂᬢᬶᬢ᭄ᬬᬂᬢᬦ᭄ᬧᬲᬄ᭞ᬲ᭠
ᬳᬶᬭᬶᬂᬲᬤᬾᬤᬾᬲᬶᬗ᭄ᬕᬶᬄ᭞ᬓᬢᬳᬸᬭᬂᬫᬫᬋᬓᬦ᭄᭞ᬤᭀᬄᬓᬧᭀᬢᬶᬢ᭄ᬬᬂᬤᬶᬮᬲᬶᬦ᭄᭞ᬧᬗᬦ᭄ᬤᬶᬓᬦ᭄ᬳᬶᬳᬚᬶ᭞ᬪᬝᬵᬭᬫᬍᬩᬸᬳᬯᬸ᭞ᬢᬶᬢ᭄ᬬᬂᬗᬶᬭᬶᬂᬫᬦᬢᬓ᭄᭞ᬲᬧᬦᬸᬤᬸᬄᬲᬗ᭄ᬳ᭄ᬬᬂᬯᬶᬤ᭄ᬥᬶ᭞ᬫᬗ᭄ᬤᬾ᭠
Kaca:Bali-lontar-gaguritan-rereg-gianyar-300ppi.pdf/25
Kaca puniki sampun kauji-wacén
