Kaca:Bali-lontar-gaguritan-rereg-gianyar-300ppi.pdf/24

Saking Wikisource
Kaca puniki sampun kauji-wacén

[᭒᭓23B]
᭒᭓
ᬢᬶᬲ᭄᭞ᬲᬸᬭᬵᬢ᭄ᬓᬚᬗᬾᬧ᭄ᬮᬶᬄ᭞ᬰᬵᬲ᭄ᬢ᭄ᬭᬢᬦᬶᬓᬗᬶᬦ᭄ᬓᬳᬸᬄ᭞ᬗᬸᬮᬲᬸᬩᬫᬩᬾᬬ᭞ᬓ᭄ᬦᬨᬮᬦᬾᬦᬸᬫᬶᬢᬶᬲ᭄᭞ᬢᬸᬗ᭄ᬕᬮ᭄ᬗᬸᬦ᭄ᬢᬸᬓ᭄᭞ᬢᭀᬬᬦ᭄ᬯᬲ᭄ᬧᬦᬾᬫᬘᬧ᭄ᬘᬧ᭄᭟ᬩ᭄ᬮᬸᬲ᭄ᬦᭂᬧᬾᬦᬶᬦ᭄ᬧᬩᬶᬦᬦ᭄᭞ᬲᬭᬸᬯᬂᬲᬸᬫᬗ᭄ᬓᬶ
ᬦ᭄ᬳᬾᬮᬶᬂ᭞ᬜᬶᬗᬓ᭄ᬧᬸᬢ᭄ᬭᬳᬦᭀᬫ᭄ᬳᬦᭀᬫ᭄᭞ᬧᬸᬢᬸᬓᬵᬭᬶᬳᬮᬶᬢ᭄ᬳᬮᬶᬢ᭄᭞ᬓᬵᬭᬶᬫᬭᬕᬤᬓᬶ᭞ᬤᬸᬭᬸᬂᬦ᭄ᬤᬾᬦ᭄ᬳᭂᬫ᭄ᬧᬸᬢᬶᬦ᭄ᬩᬸᬲᬸᬂ᭞ᬓᬢᭂᬓᭂᬤ᭄ᬭᬵᬚᬩᬬ᭞ᬳᬧᬢᭀᬂᬤᬤᬶᬦᬾᬚᬦᬶ᭞ᬩ᭄ᬩᬲ᭄ᬓᬤᬸᬭᬸᬲ᭄᭞ᬢᬦ᭄ᬳᬶᬘ᭄ᬙᬦ᭄ᬳᬶ
ᬤᬪᬝᬵᬭ᭟ᬮᬘᬸᬃᬤᬤᬶᬧᬦᬳᬸᬭᬦ᭄᭞ᬳᬧᬧᬕᬯᬾᬦᬾᬗᬹᬦᬶ᭞ᬓᬭᬾᬓᬩᬳᬦ᭄ᬳᬶᬩᬧ᭞ᬩᬸᬓᬢ᭄ᬯᬭᬗ᭄ᬮᬄᬓᬶᬃᬢ᭄ᬢᬶ᭞ᬦᬾᬨᬮᬦ᭄ᬜᬓᬧᬗ᭄ᬕᬶᬄ᭞ᬲᬓᬵᬮᬦ᭄ᬫᬸᬢᬦ᭄ᬮᬸᬳᬸᬂ᭞ᬢᬦ᭄ᬓᭀᬘᬧᬦ᭄ᬭᬶᬂᬫᬃᬵᬕ᭄ᬕ᭞ᬳᬓᬾᬄ᭠
ᬳᬦᬓᬾᬫᬩᬮᬶᬄ᭞ᬭᬶᬂᬓ᭄ᬮᬸᬂᬓᬸᬂ᭞ᬗ᭄ᬭᬭᬶᬲ᭄ᬓᬧᬲᬭᬾᬦᬦ᭄᭟ᬲᬵᬫ᭄ᬧᬸᬦ᭄ᬧᭀᬮᬶᬄᬫᬫᬋᬓᬦ᭄᭞ᬤᬕᬶᬗᬶᬧᬸᬦ᭄ᬦᬸᬦᬲ᭄ᬳᬸᬭᬶᬧ᭄᭞ᬓᬤᬶᬓ᭄ᬥᬶᬲ᭄ᬢᬤᬳᬃᬱ᭞ᬢᬦ᭄ᬢᬸᬦᬳᬗᬲᬶᬳᬲᬶᬄ᭞ᬢᬦ᭄ᬯᬾᬦ᭄ᬢᭂᬦ᭄ᬩᬳᭀᬲ᭄ᬫᬮᬶᬄ᭞
[᭒᭔24A]
ᬭᬭᬶᬲ᭄ᬓᬢᬸᬮᬂᬫᬦ᭄ᬢᬸᬓ᭄᭞ᬫᬧᬫᬶᬢ᭄ᬲᬫᬶᬩᬸᬤᬮ᭄᭞ᬫᬢᬹᬢ᭄ᬩᬸᬭᬶᬤᬾᬯᬲᬓ᭄ᬱᬶ᭞ᬫᬗ᭄ᬤᬾᬧᬸᬧᬸᬢ᭄᭞ᬭᬳᬸᬳᬶᬂᬲᬧᬭᬧᬸᬢ᭄ᬭ᭟ᬫᬓᬸᬫ᭄ᬧᬸᬮ᭄ᬭᬶᬂᬩᬜ᭄ᬚᬭᬗ᭄ᬓᬦ᭄᭞ᬓᬩᭂᬮ᭄ᬩᭂᬮ᭄ᬮᬶᬗ᭄ᬕᬶᬳᬾᬫᬗ᭄ᬓᬶᬦ᭄᭞ᬓᬵᬭᬶᬫᬓᬫ᭄ᬩᭂᬂᬓᬫ᭄ᬩᭂ᭠
ᬗᬦ᭄᭞ᬯᬶᬭᬾᬄᬫᬜ᭄ᬘᬧᬥᬲ᭄ᬗᬶᬢ᭄᭞ᬦᬾᬫᬗ᭄ᬓᬶᬦ᭄ᬓᬩ᭄ᬮᬲᬶᬦ᭄᭞ᬫᬶᬲᬤ᭄ᬬᬧᬘᬂᬫᬂᬮᬩᬸᬃ᭞ᬳᬦᬓ᭄ᬳᬕᬸᬂ᭠ᬫᬥᬾᬭᬓ᭞ᬫᬧᬸᬗᬸᬭᬶᬂᬳᬶᬳᬚᬶ᭞ᬳᬦᬓ᭄ᬳᬕᬸᬂ᭞ᬕ᭄ᬫᭂᬢᬂᬫᬗ᭄ᬓᬶᬦ᭄ᬩᬳᭀᬲᬂ᭞ᬦᬸᬦᬲ᭄ᬧᬶᬲᬦ᭄᭞ᬳᬾ᭠
ᬭᬗᬂᬭᬕᬦᬾᬫᬗ᭄ᬓᬶᬦ᭄᭞ᬚᬕᬤᬤᭀᬲ᭄ᬓᬓ᭄ᬥᬾᬓᬦ᭄᭞ᬬᬦᬶᬂᬳᭂᬗ᭄ᬓᬾᬦ᭄ᬚᬕᬶᬲᬧᬶᬄ᭞ᬋᬋᬄᬦᬾᬗᬫᬶᬫᬶᬢᬶᬦ᭄᭞ᬬᬦᬶᬂᬦᬵᬕᬭᬩᬩᬢᬸᬄ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬘᬭᬸᬯᬂ᭞ᬓᬩᬢᭂᬓ᭄‌ᬢᬺᬱ᭄ᬡᬵᬲᬸᬪᬓ᭄ᬢᬶ᭞ᬧ᭄ᬭᬬᬦ
ᬳᬸᬃ᭞ᬫᬾᬮᬦᬶᬦ᭄ᬚᬕᬢ᭄ᬕ᭄ᬬᬜᬃ᭟ᬦᬾᬫᬗ᭄ᬓᬶᬦ᭄ᬦᬸᬦᬲ᭄ᬤᬩ᭄ᬤᬩᬂ᭞ᬭᬶᬳᬶᬦᬦ᭄ᬭᬢᬸᬫᭂᬤᬮᬶᬦ᭄᭞ᬳᬲᬶᬂᬯᬾᬦ᭄ᬢᭂᬦ᭄ᬓᬭᬶᬢᬺᬱ᭄ᬡᬵ᭞ᬧᬸᬦᬶᬓᬫᬗ᭄ᬤᬗᬶᬭᬶᬂ᭞ᬬᬤᬶᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄ᭞ᬗᬭᬕᬦᬸᬦᬲ᭄ᬫᬗᬫᬹᬓ᭄᭞ᬮᬸᬓᬢ᭄ᬳ