[᭑᭖᭒162B]
᭑᭖᭒
ᬲᭀᬭᭀᬳᬦ᭄ᬲᬫᬶ᭞ᬫᬲᬶᬄᬢᭀᬫᬗᬯᬾᬮᬶᬜᬸᬄ᭞ᬬᬦ᭄ᬋᬲᭂᬧ᭄ᬋᬱᭂᬧ᭄ᬭᬶᬂᬫᬦᬄ᭞ᬓᬢᭀᬦ᭄ᬓᬤᬶᬕᬸᬦᬸᬂᬳᬳᭀᬧᬶ᭞ᬳᭂᬦ᭄ᬤᬶᬄᬫᬸᬭᬸᬩ᭄᭞ᬳᬦ᭄ᬢᬸᬓ᭄ᬧᬗᬗ᭄ᬕᬾᬦᬾᬩᬸᬗᬄ᭟ᬲᬧᬸᬦᬶᬓᬳᬲᬸᬚᬢᬶᬦ᭄ᬜ᭞ᬳᬶᬦ᭄ᬤᬶᬓᬾᬤᬸᬓᬶᬗᬹᬦᬶ᭞ᬓᬵᬮ
ᬦᬶᬂᬧᬗᭂᬦᭂᬫ᭄ᬩᬸᬮᬦᬦ᭄᭞ᬧᬢᬶᬃᬢ᭄ᬣᬵᬦ᭄ᬲᬂᬭᬢᬸᬓᬵᬮᬶᬄ᭞ᬗᬾᬮᬶᬗᬶᬦ᭄ᬓᬤᬶᬭᬶᬳᬶᬦ᭄᭞ᬧᬫᬃᬵᬕ᭄ᬕᬦ᭄ᬪᬝᬵᬭᬤᬸᬫᬸᬦ᭄᭞ᬲᬂᬲᬶᬤ᭄ᬥᬳᬸᬫᬭᬶᬂᬲᬢ᭄ᬭᬶᬬ᭞ᬯ᭄ᬬᬓ᭄ᬢᬶᬢᬦᬦᬳᬫᬤᬤᬶᬦ᭄᭞ᬭᬶᬂᬓᬧ᭄ᬭᬪᬹᬦ᭄᭞ᬤᬾᬭᬲᬢ᭄ᬲᬢ᭄ᬰᬷᬳᬭᬶᬥᬃᬫ᭄ᬫ᭞ᬳᬸᬯᬸᬲᬶᬂᬓ
ᬚᬦᬧ᭄ᬭᬶᬬ᭞ᬓᭀᬢ᭄ᬢᬫᬦ᭄ᬪᬝᬵᬭᬭᬶᬳᬶᬦ᭄᭞ᬲ᭄ᬣᬶᬢᬶᬭᬶᬲᬃᬯ᭄ᬯᬤᬾᬯ᭞ᬫᬓᬵᬤᬶᬓᬯᬶᬢᬦ᭄ᬲᬫᬶ᭞ᬢᬦ᭄ᬲᬄᬫᬓᬾᬃᬢ᭄ᬢᬶᬍᬯᬶᬄ᭞ᬗᬃᬤ᭄ᬥᬶᬦᬶᬦ᭄ᬚᬕᬢ᭄ᬭᬳᬬᬸ᭞ᬢᭂᬕᬸᬳᬶᬂᬬᬰᬩ᭄ᬭᬢ᭞ᬍᬕᬇᬥᭂᬧᬾᬦᬾᬚᬦᬶ᭞ᬢ᭄ᬓᬲᬸᬫᬸᬬᬸᬕ᭄᭞ᬢᬦ᭄ᬪᬶᬦ
ᬭᬶᬂᬫᬬᬚ᭄ᬜ᭟ᬯ᭄ᬬᬓ᭄ᬢᬶᬦ᭄ᬬᬩ᭄ᬗᭀᬂᬫᬜᭀᬧᬓ᭄᭞ᬲᭂᬤᭂᬂᬘᬼᬧᬶᬦ᭄ᬩᬸᬬᬸᬂᬢᬧᬶᬲ᭄᭞ᬯᬶᬭᬾᬄᬓᬤᬸᬂᬓᬭᬦᭂᬳᬦ᭄᭞ᬫᬗ᭄ᬕᬶᬳᬶᬦ᭄ᬧᬸᬦᬶᬓᬲᬫᬶ᭞ᬳᬦᬓᬾᬳᬓᬾᬄᬧ᭄ᬭᬧ᭄ᬢᬶ᭞ᬫᬢᬸᬭᬦ᭄ᬢᭂᬓᬮᬸᬫᬶᬦ᭄ᬢᬸᬄ᭞ᬮᬄᬫ᭄ᬯᬦᬶᬦ᭄ᬤᬢᬦ᭄ᬢᬸᬦ᭞ᬲᬳᬦᬦᬶᬂᬳᬕᬸᬂ
[᭑᭖᭓163A]
ᬳᬮᬶᬢ᭄᭞ᬕᬶᬭᬂᬜᬸᬚᬸᬃᬫᬶᬲᬤ᭄ᬬᬯᬦ᭄ᬢᬄᬫᬗᭂᬦᬄ᭟ᬧᬜ᭄ᬚᬓ᭄ᬕᬸᬦᬸᬂᬫᬕ᭄ᬭᬾᬦ᭄ᬤᭀᬢᬦ᭄᭞ᬧᬘᬭᬸᬗᬸᬂᬢ᭄ᬓᬦᬗ᭄ᬓᬶ᭠ᬮ᭄᭞ᬲᬃᬯ᭄ᬯᬶᬗᬢᬸᬭᬂᬯᭀᬯᭀᬳᬦ᭄᭞ᬕᬶᬭᬂᬫᬦᬄᬳᬧᬂᬳᬸᬦᬶᬂ᭞ᬪᬝᬵᬭᬚᬸᬫ᭄ᬦᭂᬂᬫᬗ᭄ᬓᬶᬦ᭄᭞ᬳᬦᬓᬕᬸᬂᬲᭃᬄᬲ᭄ᬫᬶᬢ
ᬳᬭᬹᬫ᭄᭞ᬢᬦ᭄ᬲᬶᬧᬶᬢᬸᬱ᭄ᬝᬦᬶᬂᬫᬦᬄ᭞ᬲᬓᬜ᭄ᬘᬦ᭄ᬩᬦ᭄ᬤᬾᬕᬫᬮᬶᬄ᭞ᬧᬥᬕᬸᬧᬸᬄᬗᬢᬸᬭᬂᬤᬕᬶᬂᬲᬵᬕᬭ᭟ᬳᬧᬦ᭄ᬧᬥᬫᬫ᭄ᬯᬢᬂ᭞ᬭᬳᬸᬳᬶᬂᬗᬓᬦ᭄ᬢᬶᬫ᭄ᬩᬸᬮ᭄ᬍᬩᬶᬄ᭞ᬳᬦ᭄ᬢᬸᬓ᭄ᬫᬸᬮᬓᬩᬸᬓ᭄ᬧᬤᬦ᭄᭞ᬳᬦ᭄ᬢᭂᬂᬓᬧᬸᬭᬶᬫᬦᬗ᭄ᬓᬶ᭠
ᬮ᭄᭞ᬧᬾᬲᬦ᭄ᬮᬗ᭄ᬯᬦᬾᬓᬧᬸᬚᬶ᭞ᬫᬯᬤᬄᬲᭀᬓ᭄ᬱᭀᬓᬦ᭄ᬫᬲᬸᬳᬸᬦ᭄᭞ᬫᬶᬯᬄᬳᬶᬤᬾᬯᬲᬩ᭞ᬩᬦ᭄ᬩᬦ᭄ᬢᬶᬦ᭄ᬤᬓᬦᬾᬦᬗ᭄ᬓᬶᬮ᭄᭞ᬫᬳᬶᬭᬶᬗᬦ᭄᭞ᬗᬸᬦ᭄ᬤᬶᬢ᭄ᬳᬸᬮᬫ᭄ᬳᬜᬃᬮᬗ᭄ᬯᬦ᭄᭟ᬧᬸᬦᬧᬶᬫᬮᬶᬄᬩᬳᭀᬲᬂ᭞ᬧᬸᬗ᭄ᬕᭂᬮᬂᬘᬭᬶᬢᬧᬸᬦᬶ᭠
ᬓᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬧᬳᬶᬍᬳᬦ᭄᭞ᬩᬩᬤᬦ᭄ᬳᬶᬤᬶᬓᬾᬭᬶᬳᬶᬦ᭄᭞ᬘᬭᬂᬦ᭄ᬬᬫᬦᬯᬶᬓᬵᬭᬶ᭞ᬫᬭᬲ᭠ᬢᭀᬂᬲᬶᬤ᭄ᬥᬓᬵᬢᬹᬃ᭞ᬲᭀᬓ᭄ᬩᬩᬦ᭄ᬢᬂᬓᬳᬸᬗ᭄ᬕᬳᬂ᭞ᬳᬗ᭄ᬕᬾᬦ᭄ᬦᬸᬢᬸᬭᬶᬦ᭄ᬳᬮᬶᬢᬮᬶᬢ᭄᭞ᬧ᭄ᬬᬦᬓ᭄ᬘᬸᬘᬸ᭞ᬓ᭄ᬦᬶᬧᬥᬲᬳᬶᬦᬶᬗ᭟
Kaca:Bali-lontar-gaguritan-rereg-gianyar-300ppi.pdf/163
Kaca puniki sampun kauji-wacén
