Kaca:Bali-lontar-gaguritan-rereg-gianyar-300ppi.pdf/162

Saking Wikisource
Kaca puniki sampun kauji-wacén

[᭑᭖᭑161B]
᭑᭖᭑
ᬗᬸᬦ᭄‌᭞ᬭᬫ᭄ᬬᬦᬶᬂᬧᬮᬮ᭄ᬬᬦ᭄ᬢᬦ᭄ᬧ᭄ᬕᬢ᭄᭟ᬫᬦᬫ᭄ᬧᬄᬩᬶᬮᬂᬳᬩᬜ᭄ᬚᬃ᭞ᬢᬦ᭄ᬓᬸᬭᬗᬦ᭄ᬢᬥᬄᬪᬹᬓ᭄ᬢᬶ᭞ᬭᬶᬂᬯᬦ᭄ᬢᬶᬮᬦ᭄᭠ᬦᬾᬫᬥᬦᬥᬦ᭞ᬢᬸᬮ᭄ᬬᬓᬤᬶᬕᬸᬦᬸᬂᬦᬲᬶ᭞ᬫᬳᬸᬦ᭄ᬤᬕᬸᬦ᭄ᬤᬕ᭄‌ᬩᬾᬕᬸᬮᬶᬂ᭞ᬫᬶᬯᬄᬲᬲᬗᬦᬦᬶᬧᬸᬦ᭄᭞ᬢ᭄ᬯᬭᬓᭀ
ᬫᬩ᭄ᬓᭂᬮ᭄‌ᬢᬓᬶᬮᬦ᭄᭞ᬫᬩᬮᬶᬄᬲᬫ᭄ᬩᬶᬮ᭄ᬦᬦ᭄ᬤᬦ᭄ᬧ᭄ᬬᬦᬓ᭄᭟ᬢᬯᭂᬗᬦ᭄ᬯ᭄ᬬᬓ᭄ᬢᬶᬗᬦ᭄ᬢᭂᬦᬂ᭞ᬭᬲᬓᬤᬶᬭᬶᬂᬧᬗᬶᬧᬶ᭞ᬳᬦᬓᬾᬳᬕᬸᬂᬫᭂᬤᬮ᭄ᬫᬦᭀᬦ᭄ᬢᭀᬦ᭄᭞ᬳᬸᬧᬫᬶᬳ᭄ᬬᬂᬰᬶᬯᬧᬢᬶ᭞ᬧᬭᬳᬶᬲ᭄ᬢ᭄ᬭᬶᬦᬾᬫᬗᬶᬭᬶᬂ᭞ᬢᬸᬮ᭄ᬬᬳᬧ᭄ᬱᬭᬶᬭᬶᬂᬫᬾ
ᬭᬸ᭞ᬳᬗ᭄ᬲᭀᬦᬗ᭄ᬲᭀᬦᬾᬓᬸᬫᭂᬜ᭄ᬘ᭄ᬬᬂ᭞ᬢᬦ᭄ᬲᬄᬧᬥᬵᬡ᭄ᬥᬵᬗᬚᭂᬗᬶᬢ᭄᭞ᬫᬩ᭄ᬭᬶᬬᬸᬓ᭄᭞ᬲᬓᬳᬾ᭠ᬭᬶᬂᬩᬜ᭄ᬘᬶᬗᬄ᭟ᬳᬮᬸᬗ᭄ᬕᬸᬳᬶᬂᬲᬶᬗ᭄ᬳᬦᬧ᭞ᬧ᭄ᬭᬕᬸᬂᬫᬜ᭄ᬘᬧᬸᬗ᭄ᬕᬯᬲᬫᬶ᭞ᬫᭂᬦ᭄ᬤᭂᬓ᭄‌ᬲᬳᬵᬢ᭄ᬲᬶᬦᭀᬫ᭄᭞ᬳᬦᬓ᭄ᬳᬕᬸᬂ᭠
ᬗᬦ᭄ᬤᬶᬓᬮᬶᬭᬶᬂ᭞ᬲᬵᬫ᭄ᬧᬸᬦᬢᬢᬳᬮᬶᬗ᭄ᬕᬶᬄ᭞ᬓᬾᬦ᭄ᬤᬳᬦ᭄ᬲᬗᬦ᭄ᬤᬸᬮᬸ᭞ᬧᭀᬮᬄᬲᬂᬫᬯᭀᬧᬘᬭ᭞ᬭᬲ᭄ᬧᬢᬶᬧᬥᬵᬍᬧᬲ᭄ᬭᬶ᭞ᬢᬸᬯᬶᬧᬗᬶᬲ᭄᭞ᬧᬦ᭄ᬢᭂᬲ᭄ᬦᬫ᭄ᬧᭂᬓᬶᬦ᭄ᬲᬂᬦᬵᬣ᭟ᬧᬸᬦᬶᬓᬦᬾᬫᬯᬮᬮᬜ᭄ᬘᬂ᭞ᬩᬕᬸᬲ᭄ᬓᬭᬶᬢ᭄ᬭᬸ
[᭑᭖᭒162A]
ᬡᬘ᭄ᬦᬶᬓ᭄᭞ᬲᬦᬾᬫᬯᬧᬢᬭᬡ᭞ᬫᬶᬯᬄᬧᬢᬮᬗᬦ᭄ᬳᬸᬢᬶᬓ᭄᭞ᬲᬲ᭄ᬮᬶᬭᬦ᭄ᬧᬸᬦᬶᬓᬲᬫᬶ᭞ᬭᬹᬧᬦᬾᬳᬮᬸᬂᬮᬸᬳᬸᬂ᭞ᬯᬕᭂᬤᬶᬂᬘᬾᬱ᭄ᬝᬜᬭ᭞ᬢᬦ᭄ᬓᭂᬦᬘᬘᬤᬶᬦ᭄ᬫᬮᬶᬄ᭞ᬓᬤᬶᬓ᭄ᬢᬸᬲ᭄᭞ᬫᬗᬳᬲᬂᬢᬸᬮᬂᬳᬶᬕ᭟ᬯ᭄ᬬᬓ᭄ᬢᬶᬗ᭠
ᬯᬾᬫᬦᬄᬧᬸᬲᬂ᭞ᬲ᭄ᬩᭂᬂᬤᭂᬫ᭄ᬤᭂᬫ᭄ᬓᭂᬜᬸᬂᬫᬦᬶᬲ᭄᭞ᬫᬓᬶᬢᬗᭂᬜ᭄ᬚᬸᬳᬶᬦ᭄ᬭᭀᬓᭀ᭞ᬕᬕ᭄ᬭᬶᬢᬶᬦᬦ᭄ᬧ᭄ᬭᬚᬦᬶ᭞ᬢᬶᬫ᭄ᬧᬮ᭄ᬜᬦᬾᬗᬤᭂᬫᬶ᭞ᬓᬸᬤᬤᬤᬶᬜᬳᬶᬩ᭄ᬮᬸᬲ᭄᭞ᬦ᭄ᬗᬶᬮ᭄‌ᬫ᭄ᬩᭀᬓ᭄‌ᬤᬫᬗᭀᬫᭀᬂ᭞ᬗ᭄ᬳᬶᬂᬩᭀᬬᬜᬦ᭄ᬤᬂᬩᬳᭀᬲᬶᬦ᭄
᭞ᬚᬤ᭄ᬫᬳᬶᬩᬸᬓ᭄᭞ᬩᬸᬤᬸᬄᬧᬮᬶᬂᬓᬲ᭄ᬫᬭᬦ᭄᭟ᬫᬮᬶᬄᬧᬸᬦᬶᬓᬭᬶᬗᬃᬱ᭞ᬦᬾᬫᬓ᭄ᬢᬢᭂᬤᬸᬂᬧᬗᬯᬶᬦ᭄᭞ᬳ᭠ᬭᬸᬩ᭄‌ᬓᬍᬫᬾᬫᬚᬚᬃ᭞ᬲᬸᬤᬸᬢᬸᬗ᭄ᬕᬸᬮᬾᬫᬗᬧᬶᬢ᭄᭞ᬚᬤ᭄ᬫᬧᬶᬮᬶᬳᬦ᭄ᬲᬫᬶ᭞ᬓᬸᬫᬶᬲ᭄ᬩ᭄ᬭᬶᬲ᭄‌ᬤᬶᬧᬓ᭄ᬲᬸᬓᬸ᭞ᬧᬦ᭄ᬢᭂᬲᬫᭂ᭠
ᬗᬫᭂᬂᬓᬢᭀᬂ᭞ᬲ᭄ᬫᬸᬦᬾᬧᬦ᭄ᬢᭂᬲᬜ᭄ᬚᬶᬳᬶᬦ᭄᭞ᬢ᭄ᬯᬭᬓᭀᬤᬸᬦ᭄᭞ᬳᬧᬦ᭄ᬢᬶᬦ᭄ᬤᬓᬦᬾᬗᬫ᭄ᬧᬓ᭄᭟ᬧ᭄ᬭᬫᬾᬦᬓ᭄‌ᬫ᭄ᬯᬂᬧᬋᬓᬦ᭄᭞ᬧ᭄ᬭᬩ᭄ᬓᭂᬮ᭄ᬤᬶᬢᬸᬫᬜᬦ᭄ᬤᬶᬂ᭞ᬭᬶᬂᬦᬢᬃᬧᬥᬧᬤᬫ᭄ᬧ᭄ᬬᬓ᭄᭞ᬳᬍᬧᬍᬧ᭄ᬦᬦ᭄ᬤᬂᬍᬯᬶᬄ᭞ᬫᬲᭀᬭᭀᬄ