[᭑᭕᭗157B]
᭑᭕᭗
ᬩᬮᬸᬂᬫ᭄ᬩᬂᬫᬲᬸᬗ᭄ᬕᬧᭀᬮᬶᬂ᭞ᬭᬭᬾᬦ᭄ᬮᬦ᭄ᬲᬫ᭄ᬧᬦ᭞ᬧᬳᭀᬦ᭄ᬧᬳᭀᬦᬾᬳᬋᬧᬂ᭞ᬲᬵᬫ᭄ᬧᬸᬦ᭄ᬗᭂᬲ᭄ᬕᭂᬮᬃᬲᬫᬶ᭞ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥ᭞ᬭᬶᬂᬕ᭄ᬬᬜᬃᬢᬸᬢᬸᬭᬂᬫᬮᬶᬄ᭟ᬓᬘᬭᬶᬢᬧᬭᬳᬕᬸᬂᬫᬜ᭄ᬘᬧᬸᬗ᭄ᬕᬯ᭞ᬫᬗ᭄ᬭᬳᭀᬲ᭄ᬲᬋᬂᬲᬫᬶ᭞ᬭᬶᬂ᭠
ᬧᬸᬭᬶᬕ᭄ᬬᬜᬃ᭞ᬯᬶᬭᬾᬄᬧᬸᬭᬶᬲᬵᬫ᭄ᬧᬸᬦ᭄ᬢᭂᬮᬲ᭄᭞ᬫᬳᭂᬧᬳᬦ᭄ᬲᬋᬂᬲᬫᬶ᭞ᬫᬯ᭄ᬢᬸᬕᬶᬭᬂ᭞ᬫᬢ᭄ᬫᭂᬲᬂᬗᬃᬬ᭄ᬬᬦᬶ᭠ᬦ᭄᭟ᬩᬩᬢᬸᬳᬾᬗᭂᬫ᭄ᬧᬶᬦ᭄ᬭᬶᬂᬲ᭄ᬫᬭᬪᬯ᭞ᬭᬶᬂᬭᬗ᭄ᬓᬶᬢᬫᬧᬓ᭄ᬱᬶᬭᬶᬂ᭞ᬲᬸᬫᬗ᭄ᬕᬾᬦ᭄ᬢᭂᬕᬮ᭄ᬮᬮᬂ᭞ᬧᬮ᭄ᬬᬢᬦ᭄ᬓᬦ᭄ᬬᬪᬵ
ᬯ᭞ᬭᬸᬫ᭄ᬳᬸᬩᬸᬤᬾᬗᬃᬬ᭄ᬬᬦᬶᬦ᭄᭞ᬭᬳᬸᬄᬓᬢᬫᬦ᭄᭞ᬲᬸᬓᬵᬯᬢᬶᬦᬾᬭᬶᬂᬮᭀᬚᬶ᭟ᬩᬶᬢ᭄ᬭᬲ᭄ᬬᬗᬦ᭄ᬚ᭄ᬭᭀᬳᬕᬸᬂᬮᬦ᭄ᬭᬢ᭄ᬦᬓᬦ᭄ᬬ᭞ᬳᬸᬓᬶᬭᬦ᭄ᬫ᭄ᬯᬂᬕ᭄ᬭᬶᬬᬲᬸᬘᬶ᭞ᬓ᭄ᬭᬫᬲᬾᬧᬸᬦᬶᬓ᭞ᬢᬮᬶᬓᬸᬧ᭄ᬲᬋᬂᬲᬶᬤᬦ᭄᭞ᬭᬶᬂᬮᬮ᭠
ᬗᬦ᭄ᬫᬗᭂᬫ᭄ᬧᬶᬦᬶᬦ᭄᭞ᬫᬮᬶᬄᬳᬩ᭄ᬬᬦ᭄ᬲᭂᬤᬄ᭞ᬚ᭄ᬭᭀᬳᬜᬭᬾᬓᬓᬃᬵᬬ᭄ᬬᬦᬶᬦ᭄᭟ᬫ᭄ᬭᬚᬦ᭄ᬧ᭄ᬭᬦ᭄ᬢᭂᬦ᭠ᬦ᭄ᬭᬳᬸᬄᬓᬚ᭄ᬭᭀᬓᬭᬦ᭄ᬤᬦ᭄᭞ᬧᬗᬚ᭄ᬭᭀᬯᬦᬾᬗᭂᬫ᭄ᬧᭀᬦᬶᬦ᭄᭞ᬯ᭄ᬬᬓ᭄ᬢᬶᬳᬲᬓ᭄ᬱᬡ᭞ᬢᬦ᭄ᬧᬳᬶᬗᬦ᭄ᬭᬫᬾ
[᭑᭕᭘158A]
ᬫᬓᬃᬵᬬ᭄ᬬ᭞ᬮ᭄ᬯᬶᬃᬲᬶᬤᭂᬫ᭄ᬢᬦ᭄ᬧ᭄ᬕᬢ᭄ᬧ᭄ᬭᬧ᭄ᬢᬶ᭞ᬢ᭄ᬯᬭᬗᬶᬢᬸᬗᬂ᭞ᬢᬸᬬᬸᬄᬓᬩᬾᬬᬦ᭄ᬗᬭᬧᬶᬦ᭄᭟ᬓᬤᬶᬓᬧᬾᬗᬶᬦ᭄ᬫᬦᬳᬾᬫᬗᬦ᭄ᬢᭂᬦᬂ᭞ᬚᭂᬚᭂᬄᬧᬜ᭄ᬚᬓᬾᬧ᭄ᬭᬧ᭄ᬢᬶ᭞ᬲᬭᬢ᭄ᬦᭂᬕᭂᬦ᭄ᬮᬓᬃ᭞ᬫᬸᬯᬄᬫᬩ᭄ᬓᭂᬮ᭄ᬢᬓᬶᬮᬦ᭄᭞ᬓᬩᬢᭂᬓ᭄ᬳᬦ᭄ᬢᬸᬓ᭄
ᬲᬸᬪᬓ᭄ᬢᬶ᭞ᬫᬢᬢᬓᬦ᭄ᬮ᭄ᬬᬂ᭞ᬫᬓᬃᬵᬬ᭄ᬬᬲᬮᬶᬂᬮᬶᬫ᭄ᬧᬤᬶᬦ᭄᭟ᬧᬓᬺᬩ᭄ᬯᬢ᭄ᬓᬳᬢᭂᬄᬳᬦ᭄ᬢᬸᬓ᭄ᬧᬫ᭄ᬓᭂᬮ᭄ᬦ᭄ᬬ᭞᭠ᬧᬸᬗ᭄ᬕᬯᬦ᭄ᬬᬗᬚᭂᬗᬶᬦ᭄᭞ᬲᬸᬫᬶᬗ᭄ᬓᬶᬦ᭄ᬫᬯ᭄ᬢᬸᬕᬶᬭᬂ᭞ᬧᬸᬦᬧᬶᬫᬮᬶᬄᬧᬜ᭄ᬚᬗᬂ᭞ᬲᭀᬢᬦᬶᬂᬢᬺᬱ᭄ᬡᬵᬲᬸᬪᬓ᭄ᬢᬶ᭞ᬯ᭄ᬬᬓ᭄ᬢᬶᬲᬓ᭄ᬱ᭠
ᬡ᭞ᬧᬸᬧᬸᬢ᭄ᬱᬸᬭᬶᬦᬾᬫᬗ᭄ᬓᬶᬦ᭄᭟ᬯᬮᬸᬬᬫᬮᬶᬄᬓᬭᬫ᭄ᬬᬦᬾᬓᬤᬶᬭᬶᬂᬓᬸᬦ᭞ᬬᬦ᭄ᬋᬲᭂᬧᬂᬭᬸᬗ᭄ᬳᬢᬶ᭞ᬜᬦ᭄ᬤᬂᬲᬧᬸᬦᬶᬓ᭞ᬳᬦᬓᬕᬸᬂᬲᬵᬫ᭄ᬧᬸᬦ᭄ᬩᬸᬤᬮ᭄᭞ᬯᬮᬸᬬᬚᬸᬫ᭄ᬦᭂᬂᬫᬗ᭄ᬓᬶᬦ᭄᭞ᬭᬶᬂᬧᬸᬭᬶᬕ᭄ᬬᬜᬃ᭞ᬩᬗᬸᬦ᭄ᬢᬾᬚᬦᬶᬂᬧᬸᬭᬶ᭟ᬬᬦ᭄ᬲ᭠
ᬯᬗᬂᬢᬦ᭄ᬪᬶᬦᬓᬤᬶᬘᬭᬶᬢ᭞ᬯᬮᬸᬬᬭᬶᬂᬤ᭄ᬯᬭᬯᬢᬶ᭞ᬤᬾᬦᬶᬂᬬᬸᬤ᭄ᬥᬓᬸᬮ᭞ᬧᬸᬗ᭄ᬕᬯᬢᬦ᭄ᬢᬸᬦᬢᬸᬦ᭞ᬓᬕ᭄ᬬᬜᬃᬭᬳᬸᬄᬫᬦᬗ᭄ᬓᬶᬮ᭄ᬫᬮ᭄ᬯᬶᬄᬮ᭄ᬯᬶᬳᬦ᭄᭞ᬳᬗᬗ᭄ᬕᭀᬢᬸᬫᬦ᭄ᬤᬂᬫᬦ᭄ᬢ᭄ᬭᬶ᭟ᬗᬮᬶᬗ᭄ᬕᬶᬳᬶᬦ᭄ᬋᬫ᭄ᬩᬢ᭄ᬮᬾᬦᬦᬸᬗ᭄ᬕᬂᬓᬸᬤ᭄ᬥ᭞ᬫ
Kaca:Bali-lontar-gaguritan-rereg-gianyar-300ppi.pdf/158
Kaca puniki sampun kauji-wacén
