[᭑᭕᭖156B]
᭑᭕᭖
ᬕ᭄ᬬᬜᬃ᭞ᬬᬢ᭄ᬦᬲᬳᬕᬕᬫᬦ᭄᭞ᬕᬕ᭄ᬮᬶᬲᬦ᭄ᬲᬶᬓᭂᬧ᭄ᬧ᭄ᬭᬧ᭄ᬢᬶ᭞ᬗᭂᬩᭂᬓᬶᬦ᭄ᬩᬜ᭄ᬘᬶᬗᬄ᭞ᬫᬮᬶᬄᬗᬸᬗ᭄ᬲᬶᬧᬦᭂᬧᬶ᭟ᬳᬦᬓᬾᬳᬕᬸᬂᬲᬵᬫ᭄ᬧᬸᬦ᭄ᬫᬸᬧᬸᬢᬂᬧᬗ᭄ᬭᬳᭀᬲ᭄᭞ᬓᬳᬶᬭᬶᬂᬩᬦ᭄ᬫᬜ᭄ᬘᬲᬫᬶ᭞ᬗᭂᬧᬳᬂᬧᬫᬵᬃᬕ᭄ᬕ᭞ᬧᬘᬂᬧᬵᬗ᭄ᬓᬢᬾ
ᬩᬾᬜ᭄ᬚᬗᬦ᭄᭞ᬳᬧᬦ᭄ᬤᬸᬭᬸᬂᬳᬗ᭄ᬓᭂᬧ᭄ᬲᬫᬶ᭞ᬫᬤᬗᬦ᭄ᬲ᭄ᬫᬶᬢ᭞ᬓ᭄ᬦᬶᬫᬗ᭄ᬕᭂᬄᬓᬩᬗ᭄ᬮᬶ᭟ᬲᬓᬾᬫᬳᭀᬦ᭄᭠ᬧᬤ᭄ᬫᬦ᭄ᬢ᭄ᬭᬶᬧ᭄ᬢᬓ᭄᭞ᬤ᭄ᬭᬸᬯᬾᬦ᭄ᬤᬾᬯᬚᬼᬧᬸᬂᬲᬫᬶ᭞ᬪᬓ᭄ᬢᬶᬦᬾᬓᬕ᭄ᬬᬜᬃ᭞ᬳᬢᬹᬃᬫᬜ᭄ᬘᬧᬸᬗ᭄ᬕᬯ᭞ᬗ᭄ᬕᬶᬄᬲᬫ᭄ᬧᬸᬦᬂᬗᭀ᭠
ᬩᭂᬢᬂᬫᬮᬶᬄ᭞ᬢᭀᬫ᭄ᬮᭀᬓ᭄ᬲᬧᬶᬲᬦ᭄᭞ᬓᬧᭂᬕᬦᬶᬧᬸᬦ᭄ᬫᬢᬦ᭄ᬤᬶᬂ᭟ᬢᬸᬫᬸᬮᬶᬤᬸᬓ᭄ᬭᬶᬂᬤᬶᬦᬯᬺᬲ᭄ᬧᬢᬶᬯᬕᬾᬫᬤᬗ᭄ᬓᬸᬗᬦ᭄᭞ᬧᬗ᭄ᬮᭀᬂᬧᬶᬮᬶᬫᬭᬶᬗᬹᬦᬶ᭞ᬰᬰᬶᬄᬦᬸᬚᬸᬚ᭄ᬬᬾᬱ᭄ᬝ᭞ᬭᬄᬦᭂᬫ᭄ᬢᭂᬗ᭄ᬕᭂᬓ᭄ᬢᬸᬗ᭄ᬕᬮ᭄᭞ᬢᬳᬸᬦ᭄ᬜᬲᬵᬫ᭄ᬧᬸᬦ᭄ᬫᬵ᭠
ᬕᬶᬗ᭄ᬲᬶᬃ᭞ᬇᬰᬓᬵᬯᬃᬱ᭞ᬲ᭄ᬬᬩᬗ᭄ᬲᬶᬢ᭄ᬦᭂᬫ᭄ᬩ᭄ᬮᬲᬶᬓᬶ᭟ᬤᬸᬓ᭄ᬧᬸᬦᬶᬓᬗᬗ᭄ᬓᬢᬶᬦ᭄ᬚᬕᬢ᭄ᬤᬰᬤᬾᬰ᭞ᬲ᭄ᬫᬶᬂᬯᬯᬸᬕᬮᬂᬓᬗᬶᬦ᭄᭞ᬫᬦᭀᬤᭀᬲ᭄ᬗᬮᬾᬭᬂ᭞ᬫᬕᭂᬩ᭄ᬬᬸᬕ᭄ᬤᬤᭀᬲᬧᬶᬲᬦ᭄᭞ᬳᬸᬧᬫᬧᬲᬂᬚᬮᬥᬶ᭞ᬫᬕᬕᬶ
[᭑᭕᭗157A]
ᬮᬓᬦ᭄᭞ᬲᬹᬃᬬ᭄ᬬᬓᬾᬳᬯᬦ᭄ᬢᬶᬯᬦ᭄ᬢᬶ᭟ᬲᬫᬳᬸᬭᬦ᭄ᬓᭂᬦ᭄ᬤᬂᬩᭂᬦ᭄ᬤᭀᬫᬸᬦ᭄ᬬᬲᬶᬫ᭄ᬩᬦ᭄᭞ᬓᬸᬫᬭᬸᬢᬸᬕ᭄᭞ᬲ᭄ᬯᬭᬦᬶᬂᬩ᭄ᬥᬶᬮ᭄᭞ᬗ᭄ᬳᬶᬂᬲᭀᬓ᭄ᬫᬤᬗᬦ᭄᭞ᬫᬬᬸᬤ᭄ᬥᬳᬩ᭄ᬭᬶᬬᬓᬦ᭄᭞ᬰᬢ᭄ᬭᬸᬫᬵᬢᬶᬮᬶᬫᬂᬲᬶᬓᬶ᭞ᬭᬭᬶᬲ᭄ᬚ᭄ᬭᬶᬄᬩᬸᬗ᭄ᬓᬄ᭞ᬩᬗ᭄ᬮᬶᬳᬧ᭄ᬯᬦ᭄᭞ᬫ᭄ᬦᬾ
ᬓ᭄ᬓᬗᬶᬦ᭄᭟ᬗ᭄ᬭᬕᬲ᭄ᬳᬩᬶᬂᬯᬾᬦ᭄ᬢᭂᬦ᭄ᬮᬾᬦ᭄ᬜᭂᬩᬸᬭᬶᬦ᭄ᬚᬸᬭᬂ᭞ᬳᬓᬾᬄᬚᬶᬗ᭄ᬓᭂᬮ᭄ᬓᬦᬶᬦ᭄᭞ᬯᬾᬦ᭄ᬢᭂᬦ᭄ᬓᭂᬦᬶᬲᬸᬗ᭄ᬕ᭞ᬓᬵᬭᬶᬤ᭄ᬓᬄᬲᭂᬗᬮ᭄ᬲᭂᬗᬮ᭄᭞ᬫᬤᬗᬦᬾᬓᬢᬸᬜ᭄ᬚᭂᬮᬶᬦ᭄᭞ᬤᭀᬱᬦᬾᬗ᭄ᬮᬯᬦ᭄᭞ᬢᬸᬫᬸᬮᬶᬭᬭᬶᬲ᭄ᬚᬭᬳᬶᬦ᭄᭟ᬲᬚ᭠
ᬭᬸᬫᬶᬦ᭄ᬫᬤᬗᬦ᭄ᬗᬬᬸᬄᬜ᭄ᬭᬳᬂᬤᬾᬰ᭞ᬦᬸᬗ᭄ᬓᬸᬮ᭄ᬫᬦᬸᬦᬲ᭄ᬳᬸᬭᬶᬧ᭄᭞ᬲᬵᬫ᭄ᬧᬸᬦ᭄ᬓᬕᬤᬾᬦᬦ᭄᭞ᬫ᭄ᬓᭂᬮ᭄ᬫᭂᬓᭂᬮ᭄ᬲᬫᬶᬢᬮ᭄ᬯᬄ᭞ᬩᭀᬦ᭄ᬜᬸᬄᬧᬜᭂᬫ᭄ᬩᬳᬦ᭄ᬫᬮᬶᬄ᭞ᬓᬕ᭄ᬭᬶᬢ᭄ᬓᬕ᭄ᬬᬜᬃ᭞ᬢ᭄ᬓᬦᬶᬂᬧ᭄ᬬᬦᬓ᭄ᬲᭀᬫᬄᬲᬫᬶ᭟ᬘᬸᬢᭂᬢᬂ
ᬲᬢ᭄ᬯᬦᬾᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥᬓᬮᬄ᭞ᬤᬰᬤᬾᬰᬦᬾᬲᬫᬶ᭞ᬗᬯᬸᬮᬓᬕ᭄ᬬᬜᬃᬗᬾᬮᬶᬗᬶᬦ᭄ᬓᬤᬶ᭠ᬭᬶᬂᬓᬸᬦ᭞ᬳᬶᬤᬾᬯᬧ᭄ᬢᬓ᭄ᬫᬓᬵᬤᬶ᭞ᬫᬗᭂᬫ᭄ᬧᬸᬤᬾᬰ᭞ᬚᬕᬢᬾᬭᬶᬂᬢᭂᬧᬶᬲᬶᬭᬶᬂ᭟ᬯᬸᬲ᭄ᬧᬸᬦᬶᬓᬭᬭᬶᬲ᭄ᬗᬯᬗᬸᬦ᭄ᬕᭂᬮᬃ᭞
Kaca:Bali-lontar-gaguritan-rereg-gianyar-300ppi.pdf/157
Kaca puniki sampun kauji-wacén
