Kaca:Bali-lontar-gaguritan-rereg-gianyar-300ppi.pdf/155

Saking Wikisource
Kaca puniki sampun kauji-wacén

[᭑᭕᭔154B]
᭑᭕᭔
ᬫᬶᬢ᭄ᬲᬓᬶᬂᬕ᭄ᬬᬜᬃ᭞ᬧ᭄ᬭᬬᬗᬳᬸᬕ᭄ᬘᬭᬂᬲᬭᬶ᭞ᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄᭞ᬧᬮ᭄ᬬᬢᬦᬾᬫᬜᬋᬗᬶᬦ᭄᭟ᬦᬸᬚᬸᬤᬶᬦᬅᬗ᭄ᬕᬭᬯᬕᬾᬫᬢᬮ᭄ᬧᬸᬦᬶᬓ᭞ᬧᬩᬮᬶᬓ᭄ᬘᬭᬂᬲᬭᬶ᭞ᬧᬗ᭄ᬮᭀᬂᬧᬶᬂᬢᬶᬕ᭞ᬰᬰᬶᬄᬓᬤᬰᬭᬄᬮᬶᬫ᭞ᬜᬭᬶᬢᭂᬗ᭄ᬕᭂᬓᬾ
ᬳᬲᬶᬓᬶ᭞ᬇᬰᬓᬵᬯᬃᬱ᭞ᬲ᭄ᬬᬩᬗ᭄ᬲᬶᬢ᭄ᬫᭀᬮᬲ᭄ᬲᬶᬓᬶ᭟ᬢᬦ᭄ᬧᬶᬯᬦ᭄ᬬᬸᬤ᭄ᬥᬭᬾᬄᬓᬶᬧᭂᬓ᭄ᬚᬮᬦ᭄ᬫᬸᬮ᭞ᬩᬗ᭄ᬮᬶᬦᬾᬢ᭄ᬓᬦ᭄ᬗᬶᬮ᭄᭞ᬓᬸᬤ᭄ᬬᬂᬗᬯᬍᬲᬂ᭞ᬳᬧᬦ᭄ᬕᬸᬫᬶᬚᭀᬄᬲᬯᬢ᭄᭞ᬲᬭᬤᬶᬢᬸᬩᬸᬓᬚᬦᬶ᭞ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥ᭞ᬓᬳᬸ᭠
ᬩᬸᬤ᭄‌ᬫᬦᬦ᭄ᬤᭂᬲᬶᬸᬲ᭄ᬫᬗ᭄ᬓᬶᬦ᭄᭟ᬳᬸᬩᬸᬤ᭄ᬧᬸᬦᬶᬓᬳᬦᬦ᭄ᬢᬤ᭄᭞ᬪᬓ᭄ᬢᬶᬦᬾᬓᬕ᭄ᬬᬜᬃ᭞ᬓᬸᬦᭂᬂᬲᬂᬳᬶᬦᬶᬦᬸᬗ᭄ᬲᬶᬫᬮᬶᬄ᭞ᬢᬦ᭄ᬲᬶᬧᬶᬦᬶᬂᬋᬡ᭞ᬧᬦ᭄ᬫᬤ᭄ᬯᬾᬚᬕᬢ᭄ᬮᬶᬗ᭄ᬕᬄ᭞ᬓᬲᬸᬕᬶᬳᬦ᭄ᬭᬶᬂᬕᬸᬦᬸᬂᬓᭀᬧᬶ᭞ᬫᬘᬭᬶᬓ᭄ᬮᬶᬗ᭄ᬕᬄ᭞ᬓᬢᬄᬬᬦ᭄ᬘᬭᬶᬢᬫᬮᬶᬄ᭟
ᬓᬲ᭄ᬯᬾᬦ᭄‌ᬲ᭄ᬯᬾᬦ᭄ᬳᬶᬤᬾᬯᬧᭀᬕᬶᬢ᭄‌ᬭᬶᬂᬲᬶᬤᬦ᭄᭞ᬲᬬᬦ᭄ᬫᬾᬮᬶᬓᬩᬗ᭄ᬮᬶ᭞ᬫᭀᬫᭀᬦᬾᬗᬭᬡᬳᬂ᭞ᬢᬸᬗ᭄ᬓᬲ᭄ᬓᬚ᭄ᬭᭀᬓ᭄ᬮᭀᬤᬦ᭄ᬲᬶᬤᬦ᭄᭞ᬦᬕᬶᬄᬫᬫᭂᬲᬶᬓᬂᬕᬸᬫᬶ᭞ᬢ᭄ᬯᬭᬜᬶᬤ᭄ᬥᬳᬂ᭞ᬓ᭄ᬭᬡᬫᬫᭂᬲᬦ᭄ᬫᬩᬮᬶ᭟᭠
[᭑᭕᭕155A]
ᬤᬤᬶᬫᬯ᭄ᬢᬸᬧᬧᬶᬦᭂᬳᬾᬫᬲᬮᬶᬲᬸᬳᬦ᭄᭞ᬢᬮᬶᬓᬸᬧ᭄ᬳᬚᬓᬶᬦ᭄ᬫᬩᬮᬶᬓ᭄᭞ᬦᬓ᭄ᬫᬸᬮᬫᬭᬕ᭞ᬗᬶᬭᬶᬂᬢᬮᬶᬓᬸᬧ᭄‌ᬓᬭᬶᬢᬸᬗ᭄ᬓᬲ᭄᭞ᬩᬤᬯᬦᬦ᭄ᬧᬕᭂᬄᬓᬩᬗ᭄ᬮᬶ᭞ᬦᬾᬩᬤᬗᬶᬦᬦ᭄‌ᬓᬕ᭄ᬬᬜᬃᬗᬸᬦ᭄ᬢᭂᬂᬲᬸᬪᬓ᭄ᬢᬶ᭟ᬲᬵᬫ᭄ᬧᬸᬦᬾᬜ᭄ᬘᭂᬧ᭄ᬧᬯᬶᬮ᭠
ᬗᬦᬾᬤᬸᬓ᭄ᬧᬸᬦᬶᬓ᭞ᬲᭀᬓ᭄ᬗᭂᬩᬗᬶᬦᬲᬶᬓᬶ᭞ᬳᬶᬤᬾᬯᬩᬤᬯᬦᬦ᭄᭞ᬭᬭᬶᬲ᭄ᬫᬧᬸᬢᬸᬲᬦ᭄ᬓᬕ᭄ᬬᬜᬃ᭞ᬤᬕᬶᬂᬦᬸᬦᬲᬶᬦᬫ᭄ᬧᬸᬭ᭞ᬗᬢᬸᬭᬂᬚᬕᬢ᭄᭞ᬧ᭄ᬭᬬᬫᬵᬢᬹᬃᬓᬳᬾᬓᬩᬗ᭄ᬮᬶ᭟ᬓᬾᬯᬦ᭄ᬢᭂᬦ᭄ᬮᬾᬤᬂᬳᬦᬓ᭄ᬳᬕᬸᬂᬳᬶᬘ᭄ᬙᬧᬗᬫ᭄ᬧᬸ᭠
ᬭ᭞ᬗᬫᬜ᭄ᬚᬓᬂᬓᬤᬶᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬫᬧᬸᬢᬸᬲᬦ᭄᭞ᬲᬶᬓᭂᬧ᭄ᬫᬗᬯᬸᬕ᭄ᬤᬾᬰ᭞ᬗᬭᬕᬲᬶᬤ᭄ᬥᬫᬩᬮᬶ᭠ᬓ᭄᭞ᬳᬾᬮᬶᬂᬭᬶᬂᬓᬸᬦ᭞ᬲ᭄ᬯᬾᬘ᭄ᬙᬦ᭄ᬪᬝᬵᬭᬭᬶᬬᬶᬦ᭄᭟ᬳᬦᬓᬾᬳᬕᬸᬂᬢᬦ᭄ᬧᬜ᭄ᬚᬂᬫᬯᬘᬦ᭞ᬲᬓᬶᬂᬲᬹᬓ᭄ᬱ᭄ᬫᬚᬢᬶ᭞᭠
ᬳᬾᬮᬶᬗᬾᬫᬭᬕ᭞ᬗᬫᬜ᭄ᬘᬳᬾᬫᬦᬾᬫᬦᬦ᭄᭞ᬋᬦ᭄ᬢᭂᬄᬩᬲᬫᬦᬾᬗᬹᬦᬶ᭞ᬯᬦ᭄ᬢᬄᬓᬮᬸᬕ᭄ᬭ᭞᭠ᬧᬘᬂᬗᬦ᭄ᬢᭀᬲᬶᬦ᭄ᬕᬸᬫᬶ᭟ᬕ᭄ᬮᬶᬲᬂᬘᬭᬶᬢᬫᬦᬸᬚᬸᬭᬳᬸᬄᬭᬶᬂᬤᬶᬦ᭞ᬅᬗ᭄ᬕᬭᬧᬳᬶᬂᬩᬮᬗᬹᬦᬶ᭞ᬧᬗ᭄ᬮᭀᬂᬩᬤ᭄ᬭᬯᬤ᭞ᬭᬄ