[᭑᭕᭓153B]
᭑᭕᭓
ᬦ᭄ᬫᬘᬶᬳ᭄ᬦᬯ᭄ᬬᬓ᭄ᬢᬶ᭞ᬤᬸᬓ᭄ᬯᭂᬗᬶᬧᬸᬦᬶᬓ᭞ᬭᬶᬂᬧᬾᬚᬾᬂᬓ᭄ᬩᬸᬲ᭄ᬩᬭ᭞ᬯ᭄ᬢᬸᬳᬸᬬᬂᬚᭂᬚᭂᬄᬤ᭄ᬤᬶᬗᬶᬦ᭄᭞ᬭᬲᬦᬶᬂᬫᬦᬄ᭞ᬧᭀᬦ᭄ᬤᭀᬓᬦ᭄ᬩᬗ᭄ᬮᬶᬧᬓ᭄ᬮᬶᬤ᭄ᬓᬶᬤ᭄᭟ᬢ᭄ᬮᬲ᭄ᬳᬶᬘᬮ᭄ᬲᬸᬳᬸᬂᬲᭂᬧᬶᬭᬶᬂᬩᬜ᭄ᬘᬶᬗᬄ᭞ᬫᬫᬸᬦ᭄ᬢᬄᬫ᭄ᬮᬳᬶᬩ᭄᭞ᬚᭂᬚᭂᬳᬾᬓᬮᬶᬯᬢ᭄᭞ᬦᬾᬫ
ᬗ᭄ᬓᬶᬦ᭄ᬘᭀᬓᭀᬃᬤᬲᬸᬤ᭄ᬥ᭞ᬯᬶᬭᬾᬄᬧᬸᬧᬸᬲᬵᬫ᭄ᬧᬸᬦ᭄ᬓᬦᬶᬦ᭄᭞ᬓᬸᬤ᭄ᬬᬂᬫᬗ᭄ᬮᬯᬦ᭄᭞ᬲᬸᬫᬶᬗ᭄ᬓᬶᬦ᭄ᬫᬯᭂᬯᭂᬄ᭞ᬭᬶᬫ᭄ᬭᬶᬫ᭄᭟ᬢ᭄ᬮᬲ᭄ᬧᬧᬶᬦᬶᬳᬾᬫᬗ᭄ᬭᬲᬧᬘᬂᬭᬸᬲᬓ᭄᭞ᬫᬮᬶᬄᬦᬸᬧ᭄ᬢᬸᬧᬂᬧᬭᬳᬶᬲ᭄ᬢ᭄ᬭᬶ᭞ᬫᬶᬯᬄᬲᬫ᭄ᬢᭀᬦᬦ᭄᭞ᬓᬕᬾᬢ᭄ᬧᬸᬢᬸᬲᬦ᭄ᬗᬗ᭄ᬮᬶᬢ᭄ᬓ᭞ᬫ
ᬗᬢᬸᬭᬶᬦ᭄ᬕᬢᬶᬕᬢᬶ᭞ᬓᬵᬢᬸᬭᬶᬦ᭄ᬫᬗ᭄ᬕᬢ᭄᭞ᬫᬦ᭄ᬢᬸᬓ᭄ᬓᬩᬗ᭄ᬮᬶᬫᬗ᭄ᬓᬶᬦ᭄᭟ᬧᬸᬗ᭄ᬓᬸᬭᬶᬧᬸᬦ᭄ᬲᬓᬶᬂᬩᬗ᭄ᬮᬶᬫᬮᬶᬄᬩᬳᭀᬲᬂ᭞ᬘᭀᬓᭀᬃᬤᬫᬗ᭄ᬓᬶᬦ᭄ᬗᬦᬹᬢᬶᬦ᭄᭞ᬲᬾᬗ᭄ᬓᭀᬓ᭄ᬲᬶᬤᬓᭂᬧᬂ᭞ᬧᬦ᭄ᬲᬵᬫ᭄ᬧᬸᬦ᭄ᬧᭀᬮᬶᬄᬚᬮᬭᬦ᭄᭞ᬦ᭄ᬳᭂᬃᬢᬸᬫᬸᬮᬶᬫ
ᬫᬃᬵᬕ᭄ᬕᬶ᭞ᬲᬤᬕᬶᬂᬚ᭄ᬭᭀ᭞ᬧ᭄ᬭᬮᬶᬗ᭄ᬕᬓᬧᬸᬦ᭄ᬤᬸᬓ᭄ᬲᬫᬶ᭟ᬓᬵᬭᬶᬫᬗ᭄ᬕᭂᬄᬧᬗᬶᬭᬶᬗᬾᬓᬤᬶᬭᬶᬂᬓᬸᬦ᭞ᬢ᭄ᬕᬮ᭄ᬲ᭄ᬮᬢᬾᬓᬳᬸᬗ᭄ᬲᬶ᭞ᬢ᭄ᬭᬸᬲ᭄ᬗᬮᬾᬃᬓᬗᬶᬦᬂ᭞ᬢᬜ᭄ᬘᬭᬶᬢᬧᬸᬦᬶᬓ᭞ᬧᬶᬦᬄᬲᬵᬫ᭄ᬧᬸᬦ᭄ᬕᬮᬂᬓᬗᬶᬦ᭄᭞ᬢᬸᬫᬸᬮᬶᬫᬸᬗ᭄ᬕᬄ᭞ᬫᬸ
[᭑᭕᭔154A]
ᬲᬸᬄᬲᬳᬲᬗᭂᬢᬹᬢ᭄ᬩᬸᬭᬶ᭟ᬳᬭᬦ᭄ᬢᬩᬦ᭄ᬲᬹᬃᬬ᭄ᬬᬓᬾᬫᬳᬶᬤᭂᬃᬪᬹᬯᬦ᭞ᬲᬳᬲᬓᬢᬸᬜ᭄ᬚᭂᬮᬶᬦ᭄᭞ᬳᬲᬶᬂᬳᬲᬶᬂᬤᬾᬰ᭞ᬦᬸᬗ᭄ᬓᬸᬮ᭄ᬫᬦᬸᬦᬲ᭄ᬳᬶᬘ᭄ᬙ᭞ᬲ᭄ᬥᬶᬄᬬᬦᬸᬦᬲ᭄ᬳᬸᬭᬶᬧ᭄᭞ᬢᬦ᭄ᬧᬯᬦ᭄ᬬᬸᬤ᭄ᬥ᭞ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥᬓ᭄ᬦᬶ᭟ᬤᬯᭂᬕ᭄ᬭᬶᬂᬤᬶ᭠
ᬦᬰᬹᬓ᭄ᬭᬯᬕᬾᬧᬸᬦᬶᬓ᭞ᬯᬭᬓ᭄ᬭᬸᬮᬸᬢ᭄ᬭᬶᬂᬗᬹᬦᬶᬇᬰᬓᬵᬭᬶᬂᬓᬸᬦ᭞ᬢᬦ᭄ᬓᭀᬘᬧ᭄ᬧᭀᬳᬶᬂᬧᬜ᭄ᬚ᭠ᬓ᭄᭞ᬲᬳᬲᬧᬥᬜᬭᬳᬶᬦ᭄᭞ᬢᬦ᭄ᬧᬾᬦ᭄ᬤᬄᬪᬹᬭᬧᬶᬚᬳᬋᬩᬸᬢ᭄ᬤᬕᬶᬂ᭟ᬲᬧᬸᬦᬶᬓᬳᬶᬦ᭄ᬤᬶᬓᬾᬭᬶᬂᬓᬸᬦ᭞ᬗ᭄ᬳᬶᬂᬓᬵ
ᬭᬶᬗᬶᬭᬗᬶᬦ᭄᭞ᬓᬾᬯᬦ᭄ᬢᭂᬦ᭄ᬩ᭄ᬯᬓᬦ᭄ᬬ᭞ᬧᬸᬦᬶᬓᬦᬾᬢᬸᬢᬸᬭᬂ᭞ᬗᬢᭂᬧᬂᬲᬢ᭄ᬯᬦᬾᬭᬶᬳᬶᬦ᭄᭞ᬫᬗ᭄ᬤᬾᬜᬓ᭄ᬮᬦ᭄ᬢᬃ᭞ᬓᬘᬭᬶᬢᬭᬯᬸᬄᬫᬗ᭄ᬓᬶᬦ᭄᭟ᬯᬸᬲ᭄ᬧᬸᬦᬶᬓᬓᬘᬭᬶᬢᬕᬸᬲ᭄ᬢᬶᬜᭀᬫᬦ᭄ᬗᬸᬭᬄ᭞ᬗᬸᬭᬄᬫᬥᬾᬘᬭᬂᬲᬭᬶ᭞ᬫᬦᬦ᭄ᬤᭂᬲᬂ
ᬭᬕ᭞ᬓᬩᬗ᭄ᬮᬶᬫᬗᬯᬸᬮ᭞ᬲᬲ᭄ᬯᬾᬦᬾᬯ᭄ᬢᬸᬭᬸᬦ᭄ᬢᬶᬓ᭄᭞ᬕ᭄ᬮᬶᬲ᭄ᬫᬓᭂᬤᭂᬗᬦ᭄᭞ᬓᬳᬸᬩᬸᬤ᭄ᬗᬮᬶᬄᬓᬦ᭄ᬢᬶ᭟ᬲᬵᬫ᭄ᬧᬸᬦ᭄ᬓᬧ᭄ᬬᬦᬶᬂᬭᬶᬂᬳᬦᬓᬾᬳᬕᬸᬂᬭᬶᬂᬕ᭄ᬬᬜᬃ᭞ᬲᬓᬶᬂᬋᬡᬫᬦᬫ᭄ᬧᬾᬦᬶᬦ᭄᭞ᬘᭀᬓᭀᬃᬤᬕ᭄ᬥᬾᬓᭀᬘᬧ᭄᭞ᬫᬧ
Kaca:Bali-lontar-gaguritan-rereg-gianyar-300ppi.pdf/154
Kaca puniki sampun kauji-wacén
