[᭑᭕᭒152B]
᭑᭕᭒
ᬪᬓ᭄ᬢᬶᬦᬾᬓᬕ᭄ᬬᬜᬃ᭞ᬢ᭄ᬯᬭᬕ᭄ᬥᬾᬫᬗᬶᬗᭂᬢᬂ᭞ᬩᬲᬫᬦ᭄ᬪᬝᬵᬭᬭᬶᬳᬶᬦ᭄᭞ᬫᬲᬶᬄᬧᬸᬭᬸᬕᬂ᭞ᬓᬾᬦᬾᬨᬮᬦᬾᬢᭂᬧᬸᬓᬶᬦ᭄᭟ᬦᬵᬗ᭄ᬳᬶᬂᬩᬧᬢ᭄ᬯᬭᬧᬘᬂᬤᬤᬶᬧᬲᬄ᭞ᬢᬺᬱ᭄ᬡᬵᬦ᭄ᬩᬧᬦᬾᬭᬶᬂᬘ᭄ᬦᬶᬂ᭞ᬦᬄᬚᬮᬦ᭄ᬤᬩ᭄ᬤᬩᬂ᭞ᬳᬃᬘ᭄ᬙᬦᬾᬤᬶ᭠
ᬧᬸᬭᬧᬸᬭ᭞ᬢ᭄ᬥᬸᬦᬂᬢᭀᬫᬓᬲᬫᬶ᭞ᬢ᭄ᬓᬦᬶᬂᬧ᭄ᬭᬮᬶᬗ᭄ᬕ᭞ᬳᬶᬭᬶᬂᬭᬭᬸᬤ᭄ᬓᬩᬗ᭄ᬮᬶ᭟ᬘᭀᬓᭀᬃᬤᬕ᭄ᬥᬾᬲᬸᬩᬫ᭄ᬦᭂᬂ᭠ᬓᬤᬶᬧᬗᭂᬕᬂ᭞ᬓᬾᬯᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬫᬯᬗ᭄ᬲᬶᬢ᭄᭞ᬦᬸᬤᬸᬳᬶᬦ᭄ᬦ᭄ᬥᬸᬦᬂ᭞ᬧ᭄ᬭᬮᬶᬗ᭄ᬕᬭᬶᬂᬧᬸᬭ᭞ᬳᬶᬲ᭄ᬢ᭄ᬭᬶᬦᬾᬫ᭄ᬫᬧᬸᬤᬸᬄᬲ
ᬫᬶ᭞ᬮᬶᬂᬫᬓᬸᬭᬫ᭄ᬩᬾᬬᬦ᭄᭞ᬯᬾᬦ᭄ᬢᭂᬦ᭄ᬫᬫᬸᬦ᭄ᬢᬕ᭄ᬫᬦ᭄ᬢᬶᬕ᭄᭟ᬫᬲ᭄ᬮᬶᬬᬸᬭᬦ᭄ᬜᬸᬳᬸᬤ᭄ᬓᭂᬩᭂᬦ᭄ᬧᭂᬢᬶᬓᭀᬢᬓ᭄᭞ᬮᬾᬦ᭄ᬜᬗ᭄ᬓᬶᬮ᭄ᬧ᭄ᬭᬦᬓ᭄ᬘ᭄ᬭᬶᬓ᭄᭞ᬜᬗ᭄ᬓ᭄ᬭᬸᬂᬲᬶᬲᬶᬄᬚᬮᬦ᭄᭞ᬲ᭄ᬥᬶᬄᬓᬗᭂᬦ᭄ᬫᬤ᭄ᬓᭂᬲᬦ᭄᭞ᬩᬦ᭄ᬮᬘᬸᬭᬾᬩᬸᬓᬚᬦᬶ᭞ᬤ᭠
ᬤᬶᬧᬭᬭᬸᬤᬦ᭄᭞ᬧᬜ᭄ᬚᬂᬮᬦ᭄ᬘᬭᬶᬢᬫᬮᬶᬄ᭟ᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄ᬦ᭄ᬳᭂᬃᬢᬸᬫᬸᬮᬶᬫᬫᬃᬵᬕ᭄ᬕ᭞ᬧᬜ᭄ᬚᬓᬾᬳᬓᬾᬄᬗᬶᬭᬶᬂ᭞ᬲᬯᬢᬭᬤᭀᬫᬲ᭄᭞ᬮᬸᬄᬫ᭄ᬯᬦᬶᬩᬚᬂᬢ᭄ᬯ᭞ᬲᬶᬓᭂᬧ᭄ᬧᭀᬦ᭄ᬤᭀᬓᬦ᭄᭞ᬜᬵᬋᬗᬶᬦ᭄᭞ᬧᬫ᭠
[᭑᭕᭓153A]
ᬓ᭄ᬮᬶᬤ᭄ᬳ᭄ᬬᬂ᭞ᬩᬸᬗ᭄ᬓᬄᬳᬚ᭄ᬭᬶᬄᬢᬫ᭄ᬧᬓ᭄ᬱᬶᬭᬶᬂ᭟ᬫᬕᬸᬮᬸᬗᬦ᭄ᬫᬶᬢᬳᭂᬦ᭄ᬗᬫᬹᬓ᭄ᬫᬫᭂᬲᬦ᭄᭞ᬢ᭄ᬕᬮ᭄ᬮᬮᬂᬫᬶᬮᬸᬚ᭄ᬭᬶᬄ᭞ᬢᭀᬂᬤᬤᬶᬳᬦ᭄ᬤᭂᬕᬂ᭞ᬚᬕᬢᬾᬓᬢᬶᬗ᭄ᬕᬮᬦ᭄᭞ᬫᬮᬶᬄᬗᬭᬭᬶᬲ᭄ᬫᬩᬮᬶᬓ᭄᭞ᬫᬗ᭄ᬓᬶᬦ᭄ᬘᭀᬓᭀᬃᬤ᭞ᬇᬭᬶᬓᬵᬫᬯᬦ᭄ᬢᬸᬦ᭄ᬫ
ᬮᬶᬄ᭟ᬭᬳᬸᬳᬾᬓ᭄ᬮᭀᬤ᭄ᬓᬗᬶᬦ᭄ᬲᬫᬶᬫᬮᬶᬄᬫᬕᭂᬩᬦᬦ᭄᭞ᬲᬳᬲᬧᬥᬫᬩᬮᬶᬓ᭄᭞ᬫᬸᬲᬸᬳᬾᬚ᭄ᬭᬶᬄᬩᬸᬗ᭄ᬓᬄ᭞ᬫᬤᬸᬭᬦ᭄ᬢ᭄ᬯᬭᬓᬭ᭄ᬯᬦ᭄᭞ᬩ᭄ᬓᭂᬮ᭄ᬜᬫᬓᬸᬢᬂᬲᬫᬶ᭞ᬢᬸᬗ᭄ᬓᬸᬮ᭄ᬫᬦᭀᬗ᭄ᬓ᭄ᬮᬂ᭞ᬩᬄᬩᬗᬸᬦ᭄ᬓᬧᬸᬭᬸᬕᬶᬦ᭄᭟ᬯᬮᬸᬬᬓ᭄ᬦᬘᭀ
ᬓᭀᬃᬤᬗ᭄ᬭᬜ᭄ᬚᬶᬂᬓᬚ᭄ᬭᭀ᭞ᬫᬭᬲᬲ᭄ᬯᬾᬘ᭄ᬙᬦ᭄ᬯᬶᬤ᭄ᬥᬶ᭞ᬯᬯᬸᬫᬢ᭄ᬭᬓᭂᬜ᭄ᬘᬄ᭞ᬓ᭄ᬭᬡᬧ᭄ᬭᬮᬶᬗ᭄ᬕᬦᬾᬧᬸᬦ᭄ᬤᬸᬳᬂ᭞᭠ᬲᭀᬓ᭄ᬚᬕᬢ᭄ᬧᬢ᭄ᬫᭀᬦ᭄ᬓᬵᬭᬶ᭞ᬳᬸᬩᬸᬤ᭄ᬕ᭄ᬬᬜᬃ᭞ᬜᬭᬶᬮᬗ᭄ᬕᭂᬂᬫᬗᬸᬓᬸᬳᬶᬦ᭄᭟ᬘᭀᬓᭀᬃᬤᬕ᭄ᬥᬾᬳᬸᬩᬸᬤ᭄ᬯ᭄ᬮᬸᬦᬶᬂ᭠
ᬩ᭄ᬭᬳ᭄ᬫᬵᬢ᭄ᬬ᭞ᬗᬓ᭄ᬱᬶᬧᬜ᭄ᬚᬓᬾᬚ᭄ᬭᬶᬄ᭞ᬫᬧᬸᬢᬸᬲᬦ᭄ᬩᬸᬤᬮ᭄᭞ᬤᬸᬳᬸᬃᬪᬝᬵᬭᬓᬯᬶᬢᬦ᭄᭞ᬲᬭᬳᬸᬳᬾᬲᬵᬫ᭄ᬧᬸᬦ᭄ᬯᭂᬗᬶ᭞ᬯ᭄ᬢᬸᬢᬦ᭄ᬧᬶᬗᬦ᭄᭞ᬩᬶᬗᬃᬧᬜ᭄ᬚᬓᬾᬧ᭄ᬭᬫᬗ᭄ᬓᬶᬦ᭄᭟ᬓᬩᬶᬦᬩᬶᬦᬬᬸᬲ᭄ᬧᬚ᭄ᬦᭂᬗᬦ᭄ᬧᬸᬦᬶᬓ᭞ᬢᬹᬃᬲᬵᬫ᭄ᬧᬸ
Kaca:Bali-lontar-gaguritan-rereg-gianyar-300ppi.pdf/153
Kaca puniki sampun kauji-wacén
