[᭑᭔14B]
᭑᭔
ᬫᬦᭂᬫᬸᬤᬸᬄᬓᬶᬢᬩᬭ᭞ᬚᬦᬶᬚᬸᬫᬸᬦᬶᬦ᭄ᬫᬓᬾᬃᬢ᭄ᬢᬶ᭞ᬫᬗᬲ᭄ᬢᬯᬬᬂᬳᬸᬭᬶᬧ᭄᭞ᬧᬶᬮᬶᬄᬓᬦᬸᬕ᭄ᬭᬳᬦ᭄ᬳᬶᬤᬸᬧ᭄᭞ᬲᬸᬩᬓ᭄ᬢᬧᬹᬃᬡ᭄ᬦᬳᬂ᭞ᬘᬶᬭ᭄ᬬᬂᬫᬤᬾᬯᬲᬓ᭄ᬱᬶ᭞ᬫᬗ᭄ᬤᬾᬲᬸᬳᬸᬤ᭄᭞ᬲᬧᬗᬶᬫᬹᬃᬳᬶᬤᬹᬃᬚᬦ᭟ᬕᬢᬶᬬᬂᬢᬸᬦ᭄ᬤᬾᬦᬂᬫ
ᬢᬸᬮᬓ᭄᭞ᬗᬢᬸᬭᬶᬦ᭄ᬳᬶᬩᬧᬫᬗ᭄ᬕᬶᬲ᭄᭞ᬩᬓᬮ᭄ᬫᬸᬧᬸᬢᬂᬧᬗ᭄ᬭᬯᭀᬲ᭄᭞ᬭᬶᬂᬳᬶᬤᬲᬂᬫᬸᬢᭂᬃᬩᬮᬶ᭞ᬳᬗ᭄ᬕᭀᬦ᭄ᬫᬜᬸᬗ᭄ᬮᬧ᭄ᬕᬸᬫᬶ᭞ᬢ᭄ᬯᬶᬫᬗᬯᬾᬭᬳᬬᬸ᭞ᬩ᭄ᬮᬶᬩᬦᬶᬫᬦᬗ᭄ᬕᬸᬗᬂ᭞ᬜᬤ᭄ᬬᬩᭂᬮᬶᬫᬦᬢᬓᬶᬦ᭄᭞ᬬᬦ᭄ᬓᬭᬸᬲᬓ᭄᭞ᬢᭀ᭠
ᬗᭀᬲ᭄ᬩᭂᬮᬶᬳᬤᬶᬜ᭄ᬯᬂ᭟ᬲᬧᬸᬦᬶᬓᬋᬦ᭄ᬢᭂᬄᬯᬵᬘᬦ᭞ᬘᭀᬓᭀᬃᬤᬤᬾᬯᬵᬕᬸᬂᬭᬳᬶ᭞ᬢᬹᬃᬭᬭᬶᬲ᭄ᬜᬢ᭄ᬲᬢᬶᬦ᭄ᬭᬕ᭞ᬭᬶᬂᬳ᭄ᬬᬂᬢ᭄ᬭᬶᬬᭀᬤᬰᬶᬲᬓ᭄ᬱᬶ᭞ᬯ᭄ᬥᬶᬓᬘᬶᬃᬬ᭄ᬬᬦᬶᬂᬯ᭄ᬥᬶ᭞ᬧᬦᬓᬾᬄᬧᬭᬵᬕᬸᬂᬳᬕᬸᬂ᭞ᬫᬗᬶᬭᬶᬂᬲᬓᬶᬂᬕ᭄ᬬᬜᬃ᭞
ᬲᭂᬩᬸᬄᬮᬤᭂᬕ᭄ᬓᬤᬶᬭᬗ᭄ᬤᬶ᭞ᬓᬂᬲᬶᬦᬗ᭄ᬕᬸᬄ᭞ᬫᬾᬄᬧᬘᬂᬫᬲᬲᬧᬶᬳᬦ᭄᭟ᬳᬶᬤᬳᬦᬓ᭄ᬳᬕᬸᬂᬗᬸᬭᬄ᭞ᬢᬦ᭄ᬧᬜ᭄ᬚᬂᬢ᭄ᬮᬲ᭄ᬫᬗᬶᬭᬶᬂ᭞ᬫᬦᬢᬓ᭄ᬲᬩᬬᬵᬦ᭄ᬢᬓ᭞ᬗᬦᬹᬢᬶᬦ᭄ᬳᬢᬸᬭᬾᬗᬹᬦᬶ᭞ᬤᬸᬓ᭄ᬫᬗᭂᬫ᭄ᬩᬓᬂᬕᬸᬫᬶ᭞ᬢ᭄ᬯᬶᬤᬍᬫ᭄ᬫ
[᭑᭕15A]
ᬓᬃᬵᬤ᭄ᬥᬶ᭞ᬳᬾᬮᬵᬳᬶᬗᬾᬫᬲᬫ᭄ᬢᭀᬦ᭄᭞ᬢᬶᬢᬶᬲ᭄ᬪᬝᬵᬭᬲᬕᬦᬶᬂ᭞ᬫᬗ᭄ᬤᬾᬮᬦ᭄ᬢᬸᬃ᭞ᬚᬕᬢᬾᬓᬬᬂᬓᬯ᭄ᬓᬲ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬩᬩᬳᭀᬲᬦ᭄᭞ᬢᬸᬫᬸᬮᬶᬫᬤᬾᬯᬲᬓ᭄ᬱᬶ᭞ᬯᬶᬭᬾᬄᬲᬵᬫ᭄ᬧᬸᬦᬶᬂᬩᬲᬫ᭞ᬧᬸᬦᬶ᭠
ᬓᬲᬢ᭄ᬘᬸᬤᬫᬡᬶ᭞ᬢᬦ᭄ᬯᬾᬦ᭄ᬢᭂᬦ᭄ᬩᬳᭀᬲ᭄ᬫᬮᬶᬄ᭞ᬦᬵᬗ᭄ᬳᬶᬂᬓᬵᬭᬶᬫᬗᬸᬫᬗᬸ᭞ᬤᬸᬭᬸᬂᬫᬓᬦ᭄ᬢᭂᬦ᭄ᬕᭂᬦᬄ᭞ᬫᬮᬶᬄᬳᬾᬮᬶᬂᬭᬶᬂᬳᬶᬳᬚᬶ᭞ᬓᬤᬶᬓᭂᬢᬸᬲ᭄᭞ᬓᬬᬸᬦᬾᬍᬳᭂᬗᬦ᭄ᬲᬾᬤ᭄ᬥ᭟ᬭᬭᬶᬲ᭄ᬫᬧᬸᬢᬸᬲᬦ᭄ᬩᬸᬤᬮ᭄
᭞ᬧᬘᬂᬗᬢᬸᬭᬶᬦ᭄ᬳᬶᬳᬚᬶ᭞ᬳᬦᬓ᭄ᬳᬕᬸᬂᬕ᭄ᬥᬾᬭᬓ᭞ᬕᬸᬲ᭄ᬢᬶᬗᬸᬭᬄᬫᬥᬾᬗᬶᬭᬶᬂ᭞ᬢᬦ᭄ᬓᭀᬘᬧ᭄ᬲᬵᬫ᭄ᬧᬸᬦ᭄ᬫᬫᬃᬵᬕ᭄ᬕᬶ᭞ᬓᭀᬫ᭄ᬧ᭄ᬬᬂᬩᬚᬶᬂᬫᬓ᭄ᬮᬶᬤ᭄ᬫᬦ᭄ᬢᬸᬓ᭄᭞ᬓᬵᬭᬶᬭᬶᬂᬤᬾᬰᬩᬡ᭄ᬥ᭞ᬜᬶᬤ᭄ᬥᬬᬂᬭᬳᭀᬲᬾᬫ
ᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬕ᭄ᬬᬸᬃ᭞ᬫᬾᬄᬧᬘᬂᬫᬭᬋᬚᭂᬓᬦ᭄᭟ᬳᬾᬮᬶᬂᬭᬶᬂᬭᬕᬦᬾᬳᬶᬯᬂ᭞ᬓ᭄ᬭᬡᬓᬵᬭᬶᬫᬜᬶᬗᬶᬤ᭄᭞ᬳᬸᬬᬂᬗᬋᬋᬄᬤᬮᬶᬳᬦ᭄᭞ᬳᬓᬾᬄᬳᬦᬓ᭄ᬧᬥᬕ᭄ᬢᬶᬂ᭞ᬳᬲᬶᬦ᭄ᬢᭂᬧᬸᬓ᭄ᬓᬳᬾᬜᭀᬭᬶᬦ᭄᭞ᬭᬱ
Kaca:Bali-lontar-gaguritan-rereg-gianyar-300ppi.pdf/15
Kaca puniki sampun kauji-wacén
