[᭑᭔᭕145B]
ᬲᬋᬂᬲᬫᬶ᭞ᬩᬤ᭄ᬬᬢᭂᬫ᭄ᬧᬹᬃ᭞ᬗᬸᬭᬄᬚ᭄ᬮᬡ᭄ᬝᬶᬓ᭄ᬭᬶᬂᬧᬬᬸᬤ᭄ᬥ᭟ᬳᬦᬓᬾᬳᬕᬸᬂᬗᬦ᭄ᬤᬶᬓ᭞ᬳᬶᬤᬶᬩ᭄ᬮᬶᬩᬧᬲᬫᬶ᭞ᬘᭂᬦ᭄ᬤᭂᬓ᭄ᬩᭂᬮᬶᬢ᭄ᬯᬭᬧᬜ᭄ᬚᬂ᭞ᬬᬤ᭄ᬬᬧᬶᬦ᭄ᬫᬤᬾᬯᬲᬓ᭄ᬱᬶ᭞ᬲᬧᬶᬲᬦ᭄ᬳᬚᬓ᭄ᬲᬫᬶ᭞ᬘᭀᬓᭀᬃᬤᬕ᭄ᬥᬾᬫᬲᬳᬸᬃ᭞ᬧ
ᬘᬂᬦᬧᬶᬦᬶᬓᬧᬜ᭄ᬚᬗᬂ᭞ᬰᬢ᭄ᬭᬸᬦᬾᬫᬗ᭄ᬓᬶᬦ᭄ᬩᬳᭀᬲᬶᬦ᭄᭞ᬬᬦ᭄ᬢᬓᭀᬘᬧ᭄ᬧᬫᬃᬵᬕ᭄ᬕᬶᬦ᭄ᬰᬢ᭄ᬭᬸᬦᬾᬩᬾᬜ᭄ᬚᬂ᭟ᬲᬫ᭄ᬧ᭄ᬮᬗᬦᬾᬓᬭᬳᬢᬂ᭞ᬧ᭄ᬭᬕᬸᬂᬩᬗ᭄ᬮᬶᬲᬵᬫ᭄ᬧᬸᬦ᭄ᬲᬫᬶ᭞ᬫᬗᭂᬩᭂᬮ᭄ᬭᬶᬂᬩᬸᬓᬶᬢ᭄ᬕᬸᬮ᭄ᬬᬂ᭞ᬢ᭄ᬕᬮ᭄ᬮᬮᬗᬾᬫᬜᬳᬸᬭᬶᬦ᭄᭞
ᬗ᭄ᬕᬶᬄᬬᬦ᭄ᬲᬓᬤᬶᬫᬗ᭄ᬓᬶᬦ᭄᭞ᬜᬦ᭄ᬤᬂᬳᭂᬧᬄᬲᬓᬶᬂᬤᬸᬫᬸᬦ᭄᭞ᬚᬦᬶᬫᬥᬾᬤᬶᬲᬫ᭄ᬧ᭄ᬮᬗᬦ᭄᭞ᬧᬮ᭄ᬬᬢᬦ᭄ᬗᬢᬸᬄᬫᬜᬦ᭄ᬤᬶᬂ᭞ᬢ᭄ᬕᬮ᭄ᬮᬮᬂᬜᬦ᭄ᬢ᭄ᬭᬤᬶᬩᬜ᭄ᬘ᭄ᬗᬄᬕ᭄ᬬᬜᬃ᭟ᬳᬶᬤᬳᬦᬓᬕᬸᬂᬕ᭄ᬥᬾᬭᬓ᭞ᬤᬶᬳᬗ᭄ᬮᬶᬂᬳᬢᬸᬭᬶᬦ᭄ᬫᬮᬶ᭠
ᬗ᭄ᬕᬶᬄ᭞ᬗᬶᬭᬶᬂᬳᬩ᭄ᬬᬦ᭄ᬩᬲᬾᬲ᭄ᬭᭀᬗ᭄ᬕ᭞ᬩᬶᬢ᭄ᬭᬫᬓᬵᬤᬶᬲᬓ᭄ᬯᬢᬶ᭞ᬓ᭄ᬭᬫᬲ᭄ᬲᬵᬫ᭄ᬧᬸᬦ᭄ᬫᬕᬶᬲᬶᬂ᭞ᬫᭀᬦ᭄ᬤᭀᬓ᭄ᬭᬶᬂᬫᬤᬗᬦ᭄ᬲᬵᬫ᭄ᬧᬸᬦ᭄᭞ᬫᬲᬋᬗᬦ᭄ᬭᬶᬂᬲ᭄ᬬᬗᬦ᭄᭞ᬜᬦ᭄ᬤᬂᬤᬩ᭄ᬤᬩᬂᬫᬫᬃᬵᬕ᭄ᬕᬶ᭞ᬢᬫ᭄ᬧᬓ᭄ᬱᬶᬭᬶᬂ᭞ᬗᬶᬮᬩ᭄ᬧᬾᬚᬾᬂᬳᬸ
[᭑᭔᭖146A]
ᬮᬶᬓᬚ᭟ᬫᬗᬶᬮᬩ᭄ᬳᬸᬮᬶᬓ᭄ᬮᭀᬤ᭄᭞ᬩᬤᬸᬮᬸᬯᬦᬬᬸᬩᭂᬩᭂᬗᬶᬦ᭄᭞ᬧᬸᬘᬸᬓ᭄ᬓᬧᬵᬢᬹᬢ᭄ᬲᬋᬂᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬬᬸᬲ᭄ᬫᬤᬩ᭄ᬤᬩ᭄ᬫᬮᬶᬄ᭞ᬲᬶᬓᭂᬧ᭄ᬲᬵᬫ᭄ᬧᬸᬦ᭄ᬫᬫᬃᬵᬕ᭄ᬕᬶ᭞ᬗᬾᬮᬶᬗᬶᬦ᭄ᬳᭀᬭᭀᬗᬦ᭄ᬲᬵᬫ᭄ᬧᬸᬦ᭄᭞ᬢᬦ᭄ᬘᬭᬶᬢᬧᬸᬦᬶᬓ᭞
ᬓᬮᬗᬦ᭄ᬪᬢᬫ᭄ᬧᬶᬄ᭞ᬫᬮᬶᬄᬧᬳᬸᬫ᭄᭞ᬧ᭄ᬭᬕᬸᬗᬾᬭᬶᬂᬧᬸᬭᬶᬕ᭄ᬬᬜᬃ᭟ᬧᬜ᭄ᬚᬓ᭄ᬢᭂᬓᬓᬤᬶᬳᭂᬫ᭄ᬩᬄ᭞᭠ᬮᬸᬄᬫ᭄ᬯᬦᬶᬘ᭄ᬦᬶᬓ᭄ᬓᭂᬮᬶᬄ᭞ᬢ᭄ᬓᬢ᭄ᬓᬾᬦᬵᬕ᭄ᬩᬩᬄᬪᬶᬦ᭞ᬜᭀᬜᬄᬫᬭᬸᬫ᭄ᬯᬦ᭄ᬫᬦᬗ᭄ᬓᬶᬮ᭄᭞ᬫᬕ᭄ᬭᬾᬦ᭄ᬤᭀᬢᬦᬶᬧᬸᬦ᭄ᬲᬫᬶ᭞ᬲ
ᬯᬾᬦ᭄ᬢᭂᬦ᭄ᬧᬤ᭄ᬭᬸᬯᬾᬦᬦᬶᬧᬸᬦ᭄᭞ᬓᬲᬸᬳᬸᬦ᭄ᬲᬗ᭄ᬓᬶᬮ᭄ᬓᬚ᭄ᬭᭀ᭞ᬓᬩᬮᬶᬓ᭄ᬩᬦ᭄ᬓᭂᬦ᭄ᬤᭂᬮ᭄ᬳᬢᬶ᭞ᬢ᭄ᬯᬭᬗᬶ᭠ᬢᬸᬂ᭞ᬢᬸᬬᬸᬄᬫᬤᬸᬮᬸᬃᬓᬩᬾᬬᬦ᭄᭟ᬢ᭄ᬯᬄᬜᬦ᭄ᬤᬂᬩᬸᬓᬓᬾᬢᭀ᭞ᬧᬦ᭄ᬢᬸᬫ᭄ᬩᬾᬦ᭄ᬫᬗ᭄ᬕᬶᬳᬶᬦ᭄ᬕᬸᬲ᭄ᬢᬶ᭞ᬦᬓᬕᬸᬂᬫ᭄ᬭᬲᬓ
ᬗ᭄ᬕᬾᬮᬦ᭄᭞ᬓᬾᬯᬦ᭄ᬢᭂᬦ᭄ᬫᬲᬳᬸᬃᬓᭂᬜᬶ᭞ᬍᬕᬇᬥᭂᬧᬾᬫᬦᬗ᭄ᬓᬶᬮ᭄᭞ᬳᬓᬾᬄᬬᬦ᭄ᬯᬸᬲᬫ᭄ᬧᬸᬦ᭄ᬫ᭠ᬫᬃᬵᬕ᭄ᬕᬶ᭞ᬲᬓ᭄ᬱᬡᬾᬲᬸᬓ᭄᭞ᬰᬢ᭄ᬭᬸᬲᬵᬫ᭄ᬧᬸᬦ᭄ᬧᬥᬫᬸᬗ᭄ᬕᬄ᭟ᬦᬾᬫᬗ᭄ᬓᬶᬦ᭄ᬫᬓᬦ᭄ᬢᭂᬘᭀᬗᬄ᭞ᬲᬫᬶᬢᬫᬤᬗᬦ᭄ᬫᬩ
Kaca:Bali-lontar-gaguritan-rereg-gianyar-300ppi.pdf/146
Kaca puniki sampun kauji-wacén
