Kaca:Bali-lontar-gaguritan-rereg-gianyar-300ppi.pdf/144

Saking Wikisource
Kaca puniki sampun kauji-wacén

[᭑᭔᭓143B]
᭑᭔᭓
ᬩᬗᬸᬦ᭄ᬓᬤ᭄ᬪᬹᬢᬦᬶᬂᬬᬸᬤ᭄ᬥ᭞ᬓᬸᬫᬭᬸᬢᬸᬕ᭄‌ᬲ᭄ᬯᬭᬦᬶᬂᬩ᭄ᬥᬶᬮ᭄᭞ᬲᬹᬃᬬ᭄ᬬᬓᬾᬢᬦ᭄ᬧ᭄ᬕᬢ᭄᭞ᬕᬸᬫᬸᬭᬸᬳᬶᬂᬢᬢᬩᬸᬳᬦ᭄᭞ᬢᬦ᭄ᬩᬶᬦᬭᭀᬩᬶᬂᬚᬮᬥᬶ᭞ᬭᬫᬾᬢᬂᬬᬸᬤ᭄ᬥ᭞ᬳᬤᭂᬤᭂᬲ᭄ᬲᬜ᭄ᬚᬢᬵᬕᬢᬶᬓ᭄᭟ᬯ᭄ᬓᬲᬦ᭄ᬓᬕᬶᬯᬂᬕ᭄ᬬᬜᬭᬾᬫ᭄ᬭ
ᬲᬓᬗ᭄ᬳᬾᬮᬦ᭄᭞ᬚ᭄ᬭᬶᬳᬾᬭᬳᬸᬄᬓᬘᬗ᭄ᬓᬶᬭ᭄᭞ᬯᬾᬦ᭄ᬢᭂᬦ᭄ᬤᬳᬸᬄᬢᬶᬕ᭞ᬤᬶᬦᬰᬸᬓ᭄ᬭᬓ᭄ᬮᬶᬯᭀᬦ᭄ᬲᬸᬗ᭄ᬲᬂ᭞ᬲᬶᬓᭂᬧ᭄ᬤᬳᬸᬄᬧᬢᬦᬸᬧ᭄ᬭᬧ᭄ᬢᬶ᭞ᬗ᭄ᬮᬦ᭄ᬢᬲ᭄ᬓᬲᬫ᭄ᬧ᭄ᬮᬗᬦ᭄᭞ᬘᭀᬓᭀᬃᬤᬕ᭄ᬥᬾᬗᬚᭂᬗᬶᬦ᭄᭟ᬦ᭄ᬳᭂᬃᬫᬕᬶᬭᬲ᭄ᬓᬯᬸᬮᬦᬾᬓᬳ
ᬫᬹᬓᬂᬲᬶᬤᬦ᭄ᬗᬗ᭄ᬮᬶᬦᬾᬚ᭄ᬭᬶᬄ᭞ᬢᬦ᭄ᬓᭂᬦᬳᬦ᭄ᬤᭂᬕᬂ᭞ᬢᬦ᭄ᬧᬾᬦ᭄ᬤᬄᬯᬮᬂᬢᬶᬦᭂᬩᬄ᭞ᬤᬳᬸᬢ᭄ᬧᬬᬸᬂᬧᬚᬸ᭠ᬗ᭄ᬓᬶᬮᬶᬂ᭞ᬗᬶᬦ᭄ᬤᬸᬭᬶᬂᬚᬸᬭᬂ᭞ᬤ᭄ᬯᬲᬧᭂᬃᬓᬶᬚᬧᬦᬾᬗᭂᬤᬶᬭ᭄᭟ᬧᬸᬗ᭄ᬕᭂᬮᬂᬘᬭᬶᬢᬦᬾᬬᬸᬤ᭄ᬥᬦᬾᬲᬵᬫ᭄ᬧᬸᬦ᭄ᬫᬭᬃᬵᬬ᭄ᬬᬦ᭄᭞᭠
ᬘᭀᬓᭀᬃᬤᬕ᭄ᬥᬾᬕ᭄ᬮᬶᬲ᭄ᬦᬗ᭄ᬓᬶᬮ᭄᭞ᬭᬶᬂᬳᬦᬓᬾᬳᬕᬸᬂᬗᬸᬭᬄ᭞ᬭᬶᬂᬩᬸᬓᬶᬢ᭄ᬚᬢᬶᬲᬫ᭄ᬧ᭄ᬮᬗᬦ᭄᭞ᬳᬦ᭄ᬓᬾ᭠ᬳᬕᬸᬂᬢ᭄ᬥᬸᬦ᭄ᬜᬕ᭄ᬚᬕᬶᬦ᭄᭞ᬥᬹᬄᬫᬭᬢ᭄ᬓ᭞ᬜᬫᬜᬫᬧᬥᬲᬫᬶ᭟ᬗᬶᬭᬶᬂᬫᬦ᭄ᬢᬸᬓ᭄‌ᬦᬓ᭄ᬳᬕᬸᬂᬤᬶᬧᬸᬭᬶᬫᬧᬗ᭄ᬭᬳᭀᬲ᭄᭞
[᭑᭔᭔144A]
ᬭᬓᬭᬳᬶᬲ᭄ᬲᬵᬫ᭄ᬧᬸᬦ᭄ᬲᬫᬶ᭞ᬜᬦ᭄ᬢᭀᬲ᭄ᬭᬶᬂᬩᬜ᭄ᬘᬶᬗᬄ᭞ᬳᬶᬳᬭᬶᬳᬶᬤᬤᬶᬚ᭞ᬦ᭄ᬤᬶᬓᬳᬂᬕ᭄ᬮᬶᬲ᭄ᬗᬢᬸᬭᬶᬦ᭄᭞ᬢᬹᬃᬫᬧᬸᬢᬸᬲᬦ᭄᭞ᬓᬩᬩᬓᬦ᭄ᬕᬢᬶᬕᬢᬶ᭟ᬓᬯᬃᬡ᭄ᬦᬳᬳᬦᬓᬾᬳᬕᬸᬂᬗᬸᬭᬄᬫᬫᬃᬵᬕ᭄ᬕ᭞ᬘᭀᬓᭀᬃᬤᬕ᭄ᬥᬾᬫᬗᬶᬭᬶᬂ᭞
ᬲᬃᬯ᭄ᬯᬶᬫᬕᭀᬜ᭄ᬚᬓᬦ᭄᭞ᬫᬫᬃᬵᬕ᭄ᬕᬫᬤᬦ᭄ᬤᬦ᭄ᬢᬗᬦ᭄᭞ᬲᭀᬢᬦᬶᬂᬢᬫ᭄ᬩᬾᬓᬧᬗ᭄ᬕᬶᬄ᭞ᬲᬂᬫᬗᬦ᭄ᬢᭂᬦᬂ᭞ᬍᬕᬳᬶᬥᭂᬧᬾᬫᬗᬶᬭᬶᬂ᭟ᬲᬭᬯᬸᬳᬾᬳᬭᬶᬂᬕ᭄ᬬᬜᬃᬲᬶᬓᭂᬧ᭄ᬗᭂᬩᭂᬓᬶᬦ᭄ᬩᬜ᭄ᬘᬶᬗᬄ᭞ᬫᬮᬶᬄᬧ᭄ᬭᬕᬸᬂᬲᬫᬶ᭞ᬲᬚᬯᬶᬦ᭄ᬧᬥᬗᬦ᭄᭞
ᬲᬵᬫ᭄ᬧᬸᬦ᭄ᬲᬫᬶᬧᬥᬦᬧᬓ᭄᭞ᬭᬶᬂᬍᬫ᭄ᬩᬸᬳᬕᬸᬂᬓᬢᬗ᭄ᬓᬶᬮ᭄᭞ᬲᬗᬶᬦᬢᬸᬭᬦ᭄᭞ᬢᬍᬃᬲᬵᬫ᭄ᬧᬸᬦ᭄‌ᬕ᭄ᬮᬶ᭠ᬲ᭄ᬧ᭄ᬭᬧ᭄ᬢᬶ᭟ᬬᬦ᭄ᬫᬓᭀᬧᬫᬲᬓᬢᬳᬾᬭᬶᬂᬕ᭄ᬬᬜᬃ᭞ᬮ᭄ᬯᬶᬃᬢᬺᬡᬢᬭᬸᬳᬓᬶᬂ᭞ᬭᬲᬢᬦ᭄ᬧᬚᬶᬯ᭞ᬓᬤᬶᬲᬹᬃᬬ᭄ᬬᬓᬕᬸ
ᬍᬫᬦ᭄᭞ᬦ᭄ᬤᬦ᭄ᬓᬲᬶᬮᬶᬭᬦ᭄ᬳᬗᬶᬦ᭄᭞ᬲᬬᬦ᭄ᬳᬗ᭄ᬮᬸᬗ᭄ᬕᬄ᭞ᬲ᭄ᬬᬸᬫᬦ᭄ᬫᬢ᭄ᬭᬲᭃᬄᬲᬭᬶ᭟᭜᭟ᬲᬶᬦᭀᬫ᭄᭟᭜᭟ᬲᬓᬢᬳᬾᬭᬶᬂᬧᬦᬗ᭄ᬓᬶᬮᬦ᭄᭞ᬧ᭄ᬭᬫᬜ᭄ᬘᬧᬸᬗ᭄ᬕᬯᬲᬫᬶ᭞ᬫᬗ᭄ᬭᬳᭀᬲ᭄ᬫᬳᬶᬘᬳᬶᬘᬳᬦ᭄᭞ᬲᭀᬢᬦᬶᬂᬢᬫ᭄ᬩᬾᬫ