[᭑᭓᭙139A]
᭑᭓᭙
ᬦᬢᬲᬶᬦ᭄᭞ᬚᬢᬶᬦᬶᬧᬸᬦ᭄᭞ᬬᬦ᭄ᬢᬸᬗ᭄ᬓᬲ᭄ᬧᬘᬂᬫᬬᬸᬤ᭄ᬥ᭟ᬳᬗᭀᬩ᭄ᬫᬦᬳᬾᬗᬦ᭄ᬢᭂᬦᬂ᭞ᬯᬤᬦᬮ᭄ᬯᬶᬃᬩ᭄ᬭᬳ᭄ᬫᬵ᭞ᬫᬹᬃᬢ᭄ᬢᬶ᭞ᬕᬶᬗ᭄ᬕᬸᬂᬢᬂᬳᬡ᭄ᬥᬯᬦ᭞ᬭᬱᬦ᭄ᬜᬜᬫ᭄ᬩᬓᬫᬦ᭄ᬢᬶᬂ᭞ᬧᬗᬶᬭᬶᬂᬬᬢ᭄ᬦᬲᬫᬶ᭞ᬤᬧᭂᬢᬂᬓᬵᬭᬶᬧᬩᬸᬦ᭄ᬩᬸᬦ᭄᭞ᬤᬶᬯᬗᬦ᭄ᬩᬜ᭄ᬚᬃᬲᭂ᭠
ᬗ᭄ᬕᬸᬳᬦ᭄᭞ᬦᬾᬘ᭄ᬮᬗᬦ᭄᭞ᬬᬫ᭄ᬮᬳᬶᬩ᭄᭞ᬧᬢᬶᬳᭂᬦ᭄ᬢᬸᬮ᭄᭞ᬓᬫᭂᬕᬦ᭄ᬫᬜᭂᬫ᭄ᬧᬮ᭄ᬲᬶᬮ᭟ᬗᬶᬲᬾᬦ᭄ᬓᬶᬚᬧᬦ᭄ᬫᬭᬾᬗᬂ᭞ᬜᬸᬫ᭄ᬩᬄᬜᬸᬫ᭄ᬩᬄᬦᬸᬦᬲ᭄ᬳᬸᬭᬶᬧ᭄᭞ᬳᬦᬓᬾᬳᬕᬸᬂᬜᬫ᭄ᬧᬸᬭ᭞ᬓᬾᬫᬯᭀᬦᬶᬓᬲᬂᬓᬵᬮᬶᬄ᭞ᬤ᭄ᬯᬕ᭄ᬬᬸᬃᬫᬶ
ᬦᬓᬵᬤᬶ᭞ᬓᬧᬗᬦ᭄ᬤᬶᬓᬵᬂᬫᬗᭂᬚᬸᬓ᭄᭞ᬢᬦ᭄ᬮᬶᬓ᭄ᬩᬗ᭄ᬮᬶᬧᬸᬦᬶᬓ᭞ᬚᬸᬭᬸᬳᭀᬮᬾᬲ᭄ᬲᬳᬶᬲᬳᬶ᭞ᬳᬶᬤ᭄ᬯᬋ᭠ᬦ᭄ᬤᭂᬄ᭞ᬫᬲᬶᬄᬓᬦ᭄ᬤᬶᬓᬵᬂᬫᬫᬲ᭄ᬢ᭟ᬭᬭᬶᬲ᭄ᬓᬵᬢᭂᬄᬓᬩᬜ᭄ᬘᬶᬗᬄ᭞ᬓᬩᬢᬸᬄᬓᬵᬢᬹᬃᬧ᭄ᬭᬫᬗ᭄ᬓᬶᬦ᭄᭞ᬢᬸᬫᬸᬮᬶᬭᬭᬶᬲ᭄ᬓᬢᬾ
ᬩᭀᬓ᭄᭞ᬭᬶᬂᬧᬢᬦᬸᬋᬓᭀᬫᬗ᭄ᬓᬶᬦ᭄᭞ᬢᬦ᭄ᬓᭀᬘᬧ᭄ᬲᬵᬫ᭄ᬧᬸᬦ᭄ᬫᬵᬢᬶ᭞ᬭᬶᬂᬕ᭄ᬬᬜᬃᬫᬮᬶᬄᬓᬯᬸᬯᬸᬲ᭄᭞ᬲᬶ᭠ᬓᭂᬧ᭄ᬫᬜ᭄ᬘᬓᬤᬢ᭄ᬢ᭄ᬓ᭞ᬳᬧᬦ᭄ᬓᬵᬭᬶᬫᬫᬶᬦᭂᬳᬶᬦ᭄᭞ᬯᬶᬭᬾᬄᬜᬢᬹᬃ᭞ᬧᬗᬶᬭᬶᬂᬓ᭄ᬮᬸᬂᬓᬸᬂᬳᬶᬫᬤᬂ᭞ᬳᬦᬓ᭄ᬓᬵᬭᬶᬧᬥ᭠
[᭑᭔᭐140A]
ᬢᬗᬃ᭞ᬓᬓ᭄ᬮᬸᬂᬓᬸᬂᬧᬥᬳᬚ᭄ᬭᬶᬄ᭞ᬓᬾᬯᬦ᭄ᬢᭂᬦ᭄ᬲᬶᬓᭂᬧ᭄ᬓᬸᬭᬫᬲ᭄᭞ᬗᬚᭀᬓᬂᬕ᭄ᬮᬶᬲ᭄ᬧ᭄ᬭᬧ᭄ᬢᬶ᭞ᬫᬗ᭄ᬭᬭᬶᬲ᭄ᬓᬧ᭠ᬦᭂᬧᬶ᭞ᬗᬫᭂᬮ᭄ᬓᬩᭂᬢᬦ᭄ᬲᬵᬫ᭄ᬧᬸᬦ᭄᭞ᬜᬦ᭄ᬤᬶᬂᬩᬩᬶᬢ᭄ᬭᬲ᭄ᬬᬗᬦ᭄᭞ᬍᬩᬶᬄᬲ᭄ᬭᭀᬗ᭄ᬕᬧᬥᬧ᭄ᬭᬧ᭄ᬢᬶ᭞ᬢ᭄ᬕᬮ᭄ᬢᭂᬤᬸᬂ᭞ᬫᬓᬸᬫ᭄ᬧᬸ
ᬮ᭄ᬓᬵᬭᬶᬭᬶᬂᬕ᭄ᬬᬜᬃ᭟ᬳᬶᬤᬳᬶᬤᬾᬯᬕ᭄ᬥᬾᬳᬩ᭄ᬬᬦ᭄ᬲᭂᬤᬄ᭞ᬧᬲᭂᬫᭂᬗᬦ᭄ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬧᬗᬶᬭᬶᬂᬲᬶᬓᭂ᭠ᬧ᭄ᬢᭂᬕᬮ᭄ᬮᬮᬂ᭞ᬳᬯ᭄ᬬᬢᬭᬧᬶᬢᬸᬂᬩᬗ᭄ᬲᬶᬢ᭄᭞ᬲᬶᬓᭂᬧ᭄ᬩᬤᬸᬮᬸᬜᬋᬗᬶᬦ᭄᭞ᬲᬧᬶᬲᬦ᭄ᬲᬋᬂᬫᬕᭂᬧ᭄ᬬᬸᬓ᭄᭞ᬭᬭᬶᬲ᭄ᬗᭀ
ᬚᭀᬕ᭄ᬓᬩᬜ᭄ᬘᬶᬗᬄ᭞ᬧᬗᬸᬢᬸᬲ᭄ᬳᬶᬤᬾᬯᬮᬶᬗ᭄ᬲᬶᬭ᭄᭞ᬓᬵᬭᬶᬧᬸᬗ᭄ᬓᬸᬭ᭄᭞ᬫᬚᬦ᭄ᬢᭀᬲᬦ᭄ᬭᬶᬂᬧᬮ᭄ᬬᬢᬦ᭄᭟ᬳᭀᬲᭂᬓ᭄ᬩᬳᭀᬲᬾᬭᬶᬂᬧᬸᬭ᭞ᬧᬸᬗ᭄ᬕᬯᬦᬾᬓᬤᬢ᭄ᬧ᭄ᬭᬧ᭄ᬢᬶ᭞ᬓ᭄ᬭᬡᬧᬜ᭄ᬚᬓᬾᬭᬶᬂᬚ᭄ᬭᭀᬓᬸᬢ᭞ᬫᬓ᭄ᬥᭂᬂᬓᬢᭂᬧᬶᬲᬶᬭᬶᬂ᭞
ᬧᬜ᭄ᬚᬂᬬᬦ᭄ᬘᬭᬶᬢᬫᬮᬶᬄ᭞ᬭᬶᬂᬩᬗ᭄ᬮᬶᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬯᬶᬭᬾᬄᬯᬾᬦ᭄ᬢᭂᬦ᭄ᬫᬗᬸᬦᬶᬗ᭄ᬳᬵᬂ᭞ᬧ᭄ᬭᬭᬢᬸᬦᬾ᭠ᬫᭂᬤᬮ᭄ᬲᬫᬶ᭞ᬦᬩᬸᬄᬓᬸᬮ᭄ᬓᬸᬮ᭄᭞ᬫᬗᬸᬦ᭄ᬤᬹᬃᬕ᭄ᬕᬫᬦᬶᬂᬬᬸᬤ᭄ᬥ᭟᭜᭟ᬤᬹᬃᬫ᭄ᬫ᭟᭜᭟ᬕᬤ᭄ᬕᬤᬦᬓ᭄ᬳᬕᬸᬂᬓ᭄ᬭᭀᬥ᭠
Kaca:Bali-lontar-gaguritan-rereg-gianyar-300ppi.pdf/140
Kaca puniki sampun kauji-wacén
