[᭑᭓᭗137B]
ᬓᬤᬸᬓᬦ᭄ᬳᬓᬢᬶᬄ᭞ᬤᭀᬗᬦᬦ᭄ᬫᬧᬶᬦ᭄ᬤᬩᬬ᭞ᬳᬗ᭄ᬕᭀᬦ᭄ᬩᭂᬮᬶᬘᬭᬶᬢᬺᬱ᭄ᬡᬵ᭞ᬭᬸᬫᬲᬢ᭄ᬩᭂᬮᬶᬫᬋᬗᬶᬦ᭄᭞ᬫᬕᬕᭂᬩᬸᬕ᭄᭞ᬫᬦᬸᬗ᭄ᬓᬧ᭄ᬕᬸᬫᬶᬕ᭄ᬬᬜᬃ᭟ᬫᬶᬯᬄᬩ᭄ᬯᬢ᭄ᬧᬓᬓᬲ᭄ᬧ᭄ᬭᬂ᭞ᬮ᭄ᬯᬶᬃᬦ᭄ᬬᬩ᭄ᬥᬶᬮ᭄ᬩᭀᬩᬢ᭄ᬫᬶᬫᬶᬲ᭄᭞ᬩ᭄ᬮᬶᬦᬾᬤᬶᬦᬶᬘᬕᭂᬭᬂ
᭞ᬩ᭄ᬥᬶᬫᬫᭂᬗᬦᬶᬦ᭄ᬳᬤᬶ᭞ᬓᬾᬯᬮᬢᬸᬦ᭄ᬤᬾᬦᬂᬫᬗᬮᬶᬄ᭞ᬲᬂᬯᬶᬦᬶᬤᬶᬳᬢᬮᬗ᭄ᬓᬸᬧ᭄᭞ᬓᬤᬶᬓᬯᬳᬦ᭄᭠ᬫᬺᬢ᭄ᬣ᭞ᬢᬦ᭄ᬩᬶᬦᬳᬶᬢᬭᬸᬳᬓᬶᬂ᭞ᬭᬶᬓᬮᬳ᭄ᬬᬸᬦ᭄᭞ᬢᬫ᭄ᬩᬾᬢᬶᬦᬶᬩᬦᬶᬂᬯᬃᬱ᭟ᬳᬓᬾᬄᬋᬓᭀᬬᬦ᭄ᬢᬸᬢᬸᬭᬂ᭞ᬩᬳᭀ
ᬲᬾᬫᬲᬶᬮᬶᬳᬲᬶᬄ᭞ᬧᬥᬲᬺᬂᬫᬶᬲᬺᬗᬂ᭞ᬲᭀᬢᬦᬶᬂᬳᬗᭂᬢᬸᬲ᭄ᬩᬶᬤ᭄ᬥᬶ᭞ᬧ᭄ᬭᬚ᭄ᬜᬦ᭄ᬫᬢᬢᬓᬦ᭄ᬭᬶᬭᬶᬄ᭞ᬧᬓ᭄ᬭᬾᬢᬾᬲ᭄ᬫᬗᬮᬧ᭄ᬓᬬᬸᬦ᭄᭞ᬘᭂᬦ᭄ᬤᭂᬓ᭄ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥ᭞ᬩᬩᬳᭀᬲᬾᬓᬤᬶᬫᬗ᭄ᬓᬶᬦ᭄᭞ᬲᬸᬗ᭄ᬲᬸᬂᬕᬸᬬᬸ᭞ᬲᬵᬫ᭄ᬧᬸᬗᬮ᭄ᬯ
ᬭᬶᬂᬢᬗ᭄ᬓᬶᬮᬦ᭄᭟ᬳᬶᬤᬲᬂᬫᬦ᭄ᬢᬸᬓ᭄ᬓᬲᬢ᭄ᬭᬶᬬ᭞ᬫᬧᬗ᭄ᬭᬳᭀᬲ᭄ᬲᬋᬂᬲᬫᬶ᭞ᬲᬶᬗᬶᬤ᭄ᬗᬫᬃᬕ᭄ᬬᬂᬳᬸᬢᬸᬲᬦ᭄᭞ᬓᬢ᭄ᬕᬮ᭄ᬮᬮᬂᬋᬓᭀᬫᬗ᭄ᬓᬶᬦ᭄᭞ᬓᬳᬸᬩᬸᬤ᭄ᬲᬓ᭄ᬯᬢᬶᬫᬮᬶᬄ᭞ᬧᬘᬂᬧᬵᬫᬃᬵᬕ᭄ᬕᬶᬦᬾᬫᬦ᭄ᬢᬸᬓ᭄᭞ᬳᬶᬤᬲᬂᬓᬭᬯᬸᬳᬦ᭄᭠
[᭑᭓᭘138A]
ᬤᬹᬢ᭞ᬫᬸᬮᬗᬚ᭄ᬧ᭄ᬲᬓᬶᬂᬭᬶᬳᬶᬦ᭄᭞ᬜᬤ᭄ᬬᬍᬩᬸᬭ᭄᭞ᬤᬶᬢ᭄ᬗᬳᬶᬂᬭᬡᬗ᭄ᬕᬡ᭟ᬚᬦ᭄ᬢᭀᬲ᭄ᬳᬶᬤᬾᬯᬮᬶᬗ᭄ᬲᬶᬃᬢ᭄ᬕᬮ᭄ᬮᬮᬂᬫᬧᬸᬢᬸᬲᬦ᭄ᬫᬫᭂᬦ᭄ᬤᬓᬶᬦ᭄᭞ᬲᬫᬶᬳᬤ᭄ᬫᬲᬲ᭄ᬮᬶᬭᬦ᭄᭞ᬩᬶᬲᬗᬶᬯᬫᬓᬲᬫᬶ᭞ᬮᬾᬬᬓ᭄ᬕᬸᬦᬸᬂᬧᬸᬦᬶᬓᬲᬫᬶ᭞ᬳᬯ᭄ᬬᬢᬭ
ᬧᬶᬢᬸᬮᬶᬓᬸᬭ᭄᭞ᬫᬮᬶᬄᬚᬤ᭄ᬫᬢᬶᬕᬂᬩ᭄ᬦᬂ᭞ᬩᬩᭂᬦ᭄ᬢᭂᬂᬧᬸᬦᬶᬓᬲᬫᬶ᭞ᬧᬥᬢ᭄ᬕᬸᬄ᭞ᬳᬸᬧᬫᬩᬢᬸᬫᬚᬮᬦ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬭᬶᬂᬳᬩ᭄ᬘᬵᬬᬦ᭄᭞ᬭᬯᬸᬄᬭᬶᬂᬧᬤᬶᬦᬵᬦ᭄ᬩᭂᬘᬶᬓ᭄᭞ᬯᬺᬲ᭄ᬧᬢᬶᬯᬕᬾᬦ᭄ᬫᬸᬲᬸᬗ᭄ᬲᬂ᭞ᬢᬗ᭄ᬕᬮ᭄ᬧᬶᬦ᭄ᬤᭀᬢᭂᬗ᭄ᬕᭂᬓ᭄ᬲᬶᬓᬶ᭞ᬭᬄᬧᬢ᭄ᬤᬸ
ᬓᬶᬂᬗᬹᬦᬶ᭞ᬫᬦᬸᬚᬸᬰᬰᬶᬄᬓᬯᬸᬮᬸ᭞ᬬᬦᬶᬂᬇᬰᬓᬵᬯᬃᬱ᭞ᬲ᭄ᬬᬩᬗ᭄ᬲᬶᬢ᭄ᬧᬢ᭄ᬩ᭄ᬮᬲ᭄ᬲᬶᬓᬶ᭞ᬯ᭄ᬗᬶᬲᬵᬫ᭄ᬧᬸᬦ᭄᭞ᬘᬭᬶᬢᬗᬦ᭄ᬢ᭄ᬬᬂᬫᬫᬃᬵᬕ᭄ᬕ᭟ᬯᬢᬭᬧᬦᬮᬶᬓ᭄ᬧᬶᬂᬢᬶᬕ᭞ᬧᬫᭂᬦ᭄ᬤᬓ᭄ᬯᬸᬲ᭄ᬦᬧᬓ᭄ᬲᬫᬶ᭞ᬫᬓᬵᬤᬶᬳᬶᬧᬸᬦ᭄ᬳᬶᬫᬤᬂ᭞ᬦᬢᬦ᭄ᬕᬢ᭄ᬭᬂᬫᬸᬘᬸᬓᬶᬦ᭄᭞
ᬓ᭄ᬭᬶᬕᬦ᭄ᬲᬤᬕᬶᬂᬧᬸᬭᬶ᭞ᬧᬗ᭄ᬭᬩ᭄ᬧᬋᬓᬦ᭄ᬲᬵᬫ᭄ᬧᬸᬦ᭄᭞ᬭᬳᬸᬳᬶᬂᬧᬸᬢ᭄ᬭᬩᬜ᭄ᬚᬭᬦᬗ᭄ᬓᬦ᭄᭞ᬓᬵᬭᬶᬳᬶᬲ᭄ᬢ᭄ᬭᬶᬮᬶᬗ᭄ᬲᬶᬃᬮᬶᬗ᭄ᬲᬶᬃ᭞ᬫᬓᬘᬶᬳ᭄ᬦ᭞ᬲᬸᬪᬓ᭄ᬢᬶᬦᬾᬫᬫᬋᬓᬦ᭄᭟ᬧ᭄ᬭᬬᬫᬗᬢᬸᬭᬂᬲᬸᬭᬵᬢ᭄᭞ᬫᬧᬫᬶᬢ᭄ᬭᬶᬂᬪᬝᬵᬭᬓᬵᬮᬶᬄ᭞ᬢᬸᬘᬧᬫᬗ᭄ᬓᬶᬦ᭄ᬲᬂ
Kaca:Bali-lontar-gaguritan-rereg-gianyar-300ppi.pdf/138
Kaca puniki sampun kauji-wacén
