[᭑᭓᭖136B]
᭑᭓᭖
᭟᭜᭟ᬲᭀᬦᭀᬫ᭄᭟᭜᭟ᬲᬂᬓᬵᬮᬶᬄᬫᭂᬦ᭄ᬤᭂᬓ᭄ᬳᬦᭂᬫ᭄ᬩᬄ᭞ᬦ᭄ᬳᭂᬃᬫᬸᬗ᭄ᬕ᭄ᬯᬶᬂᬩᬢᬹᬃᬘᬡ᭄ᬥᬶ᭞ᬳᬶᬤ᭄ᬯᬕᬸᬂᬢᬦ᭄ᬲᬄᬲ᭄ᬫᬸᬲ᭄ᬫᬶᬢ᭞ᬲᬃᬯ᭄ᬯᬶᬳᬦᬸᬗ᭄ᬲᬸᬗᬶᬂᬮᬶᬭᬶᬂ᭞ᬢ᭄ᬓᬳᬶᬤᬾᬯᬳᬤᬶ᭞ᬤᬶᬦ᭄ᬬᬦ᭄ᬗᬋᬂᬳᬮᬸᬗ᭄ᬕᬸᬄ᭞ᬲᬗᬶᬦᬚ᭄ᬜᬦ᭄ᬳᬯᭀᬢ᭄ᬲᭂᬓᬃ᭞ᬩᬗ᭄ᬕᬬᬂᬢᬶ᭠
ᬢ᭄ᬬᬂᬳᬶᬭᬶᬓᬶ᭞ᬧ᭄ᬭᬡᬖᬢ᭞ᬳᬸᬢᬸᬲᬦ᭄ᬗᬲᬾᬗᬶᬦ᭄ᬢᬶᬢ᭄ᬬᬂ᭟ᬲᬂᬲᬢ᭄ᬲᬢ᭄ᬳᬭᬶᬯᬗ᭄ᬰ᭞ᬳᬲᬸᬂᬲ᭄ᬫᬶᬢᬳᬦᬯᬸᬭᬶ᭠ᬦ᭄᭞ᬯᬶᬮᬲᬾᬂᬲᬗᬶᬦᬕ᭄ᬯᬦ᭄᭞ᬢᬺᬱ᭄ᬡᬦ᭄ᬳᬤᬶᬦᬾᬭᬶᬂᬩ᭄ᬮᬶ᭞ᬬᬦ᭄ᬢᬦ᭄ᬳᬤᬶᬗᬃᬤ᭄ᬥᬶᬦᬶᬦᬶᬦ᭄᭞ᬧᬮᬶᬗ᭄ᬕᬶᬄᬳᬶᬩ᭄ᬮᬶᬳᬕᬸᬂ᭞ᬢᬦ᭄
ᬲᬸᬭᬸᬤ᭄ᬫᬫᬗ᭄ᬕᬶᬄᬳᬾᬭᬂ᭞ᬚᬦᬶᬚᬸᬫᬸᬦᬶᬦ᭄ᬫᬓᬾᬃᬢ᭄ᬢᬶ᭞ᬳᬦᬾᬫᬮᬸ᭞ᬲᬸᬩᬬᬂᬢᭀᬳᬤᬶᬗᬸᬭᬄ᭟ᬲᭀᬢᬦᬶᬂᬳᬦᬓ᭄ᬫᬜᬫ᭞ᬢ᭄ᬯᬄᬫᬶᬬᭂᬕᬦ᭄ᬲᬳᬶᬲᬳᬶ᭞ᬢᬺᬱ᭄ᬡᬵᬦᬾᬲᬧ᭄ᬭᬣᬶᬯᬶᬅᬓᬵᬱ᭞ᬧᬫᬃᬵᬕ᭄ᬕᬶᬦ᭄ᬳ᭄ᬬᬂᬰᬶᬯᬗᬹᬦᬶ᭞
ᬤᬸᬓ᭄ᬓᬵᬭᬶᬗᬹᬦ᭄ᬤ᭄ᬭᬕᬶᬭᬶ᭞ᬓᭀᬘᬧ᭄ᬲᬗᬃᬚ᭄ᬚᬸᬦᬲᬵᬫ᭄ᬧᬸᬦ᭄᭞ᬧᬕᭂᬄᬢ᭄ᬓᬾᬦᬶᬂᬬᬰ᭞ᬧᬸᬭᬸᬱᬳᬗ᭄ᬕᭀᬦ᭄ᬦᬲᬭᬶᬦ᭄᭞ᬕᬸᬮᬶᬓ᭄ᬕᭀᬤ᭞ᬲ᭄ᬬᬢᬶᬦ᭄ᬩᬓᬮ᭄ᬲᬬᬗᬂ᭟ᬓᬾᬢᭀᬳᬤᬶ᭞ᬫᬓᬤᬤ᭄ᬯ᭞ᬲᬢ᭄ᬲᬢ᭄ᬳᬸᬦ᭄ᬤᬾᬦ᭄ᬩᭂᬮᬶᬫᬵᬢᬶ᭞
[᭑᭓᭗137A]
ᬓᭂᬫᬫᬸᬮᬶᬄᬓᬕ᭄ᬬᬜᬃ᭞ᬩᬤᬶᬗᬂᬕᬸᬫᬶᬦᬾᬕᬢᬶ᭞ᬯ᭄ᬓᬲ᭄ᬬᬦ᭄ᬲᬶᬤ᭄ᬥᬧᬗᬾᬲ᭄ᬢᬶ᭞ᬕᬸᬫᬶᬦᬾᬲᬸᬩᬫᬩ᭄ᬭᬶᬬᬸ᭠ᬓ᭄᭞ᬤᬸᬫᬤᬓ᭄ᬲᬶᬤ᭄ᬥᬲᬤ᭄ᬬ᭞ᬢᬸᬢᬸᬕᬂᬲᬸᬪᬓ᭄ᬢᬶᬦ᭄ᬳᬤᬶ᭞ᬭᬶᬂᬩ᭄ᬮᬶᬳᬕᬸᬂ᭞ᬳᬶᬗᬦᬶᬦ᭄ᬩᬸᬓᬦᬾᬲᬸᬩ᭟ᬳᬶᬤᬳᬦᬓ᭄ᬳᬕᬸᬂᬗᬸᬭᬄ
᭞ᬤᬸᬭᬂᬳ᭄ᬮᬲ᭄ᬫᬜᬳᬸᬭᬶᬦ᭄᭞ᬓᬵᬭᬶᬦᬓᭂᬄᬘᬾᬱ᭄ᬝᬓᬵᬭ᭞ᬯ᭄ᬓᬲᬦ᭄ᬫᬳᬢᬹᬃᬳᬭᬶᬲ᭄᭞ᬳᬶᬗ᭄ᬕᬶᬄᬲᬓᬤᬶᬫᬗ᭄ᬓᬶ᭠ᬦ᭄᭞ᬲᬓᬤᬶᬩᬳᭀᬲᬾᬯᬯᬸ᭞ᬩᭀᬬᬲᬓᬶᬂᬢᬸᬦᬪᬓ᭄ᬢ᭄ᬬ᭞ᬗᬦᬹᬢᬶᬦ᭄ᬧᬸᬧᬸᬢᬾᬭᬶᬳᬶᬦ᭄᭞ᬗ᭄ᬳᬶᬂᬬᬦ᭄ᬲᬵᬫ᭄ᬧᬸᬦ᭄᭞᭠
ᬧᬗᬸᬢᬸᬲ᭄ᬘᭀᬓᭀᬃᬳᬶᬤᬾᬯ᭟ᬤᭀᬄᬓᬧᭀᬢᬶᬢ᭄ᬬᬂᬢᬸᬮᬓ᭄᭞ᬓᬾᬫᬯᭀᬦ᭄ᬓᬭᬶᬫᬗᬦ᭄ᬢᬶ᭞ᬫᬗ᭄ᬓᬶ᭠ᬦ᭄ᬯᬾᬦ᭄ᬢᭂᬦ᭄ᬧᬳᬶᬗᬦᬦ᭄᭞ᬯᬶᬚᬶᬮ᭄ᬫᬺᬢ᭄ᬣᬲᬜ᭄ᬚᬶᬯᬦᬶ᭞ᬯᬦ᭄ᬢᬄᬜᬤ᭄ᬬᬫᬗᬶᬭᬶᬂ᭞ᬬᬤ᭄ᬬᬧᬶᬦᬢ᭄ᬫᬄᬍᬩᬸᬭ᭄᭞ᬓᬾᬯ
ᬦ᭄ᬢᭂᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬚᬢᬸᬧᬋᬓᬦ᭄ᬳᬲᬶᬓᬶ᭞ᬫᬓᬘᬶᬳ᭄ᬦ᭞ᬲ᭄ᬯᬾᬘ᭄ᬙᬦᬾᬫᬗᬸᬢᬸᬲ᭄ᬢᬶᬢ᭄ᬬᬂ᭟ᬦᬄᬢᭀᬩ᭄ᬦᭂᬄᬳᬤᬶᬗᬸᬭᬄ᭞ᬳᬧᬂᬳᬤᬫᬜᬓ᭄ᬱᬶᬦᬶᬦ᭄᭞ᬦᬾᬧᬋᬓᬦ᭄ᬳᬤᬶᬳᬶᬫᬤᬂ᭞ᬧ᭄ᬭᬬᬩᬓᬮ᭄ᬗᬶᬭᬶᬂᬳᬤᬶ᭞ᬦᬾ᭠
Kaca:Bali-lontar-gaguritan-rereg-gianyar-300ppi.pdf/137
Kaca puniki sampun kauji-wacén
