Kaca:Bali-lontar-gaguritan-rereg-gianyar-300ppi.pdf/135

Saking Wikisource
Kaca puniki sampun kauji-wacén

[᭑᭓᭔134B]
᭑᭓᭔
ᬓ᭄᭞ᬘᬭᬶᬢᬲᬂᬮᬸᬗ᭄ᬳᬵ᭞ᬲᬵᬳᬫ᭄ᬧᬸᬦ᭄ᬢᬸᬭᬸᬦ᭄ᬭᬶᬂᬩᬮᬶ᭞ᬢᬹᬃᬲᬵᬫ᭄ᬧᬸᬦ᭄ᬦᬧᭂᬢᬂ᭞ᬲᬶᬓᭂᬧ᭄ᬗᭂᬩᭂᬓᬶᬦ᭄ᬩᬜ᭄ᬘᬶᬗᬄ᭞ᬫᬶᬯᬄᬲᬵᬫ᭄ᬧᬸᬦ᭄‌ᬬᬢ᭄ᬦᬵᬲᬫᬶ᭞ᬓᬵᬭᬶᬜᬦ᭄ᬢᭀᬲᬂ᭞ᬲᬓᬳᬾᬤᬸᬭᬸᬂᬧ᭄ᬭᬧ᭄ᬢᬶ᭟ᬫᬗ᭄ᬓᬶᬦ᭄ᬭᬳᬸᬄᬦ᭄ᬳᭂᬃᬢᬸᬫᬸᬮᬶᬫᬤᬩ᭄ᬤᬩ᭄᭞ᬳᬦ
ᬓ᭄ᬳᬕᬸᬂᬕ᭄ᬥᬾᬚ᭄ᬮᬡ᭄ᬝᬶᬓ᭄᭞ᬫᭂᬤᬮ᭄ᬓᬩᬜ᭄ᬘᬶᬗᬄ᭞ᬲᬳᬗ᭄ᬭᬗ᭄ᬲᬸᬓ᭄‌ᬪᬹᬱᬡ᭞ᬳᬦᬓ᭄ᬳᬕᬸᬂᬓ᭄ᬢᬸᬢ᭄‌ᬚ᭄ᬮᬡ᭄ᬝᬶᬓ᭄᭞ᬮ᭄ᬯᬶᬃᬖᬢᭀᬢ᭄ᬓᬘ᭞ᬬᬬᬢᬦᬾᬥᭂᬧ᭄ᬯᬶᬱ᭄ᬝᬶ᭟ᬢᬹᬃᬗᬦ᭄ᬤᬶᬓᬦᬄᬦᬾᬚᬦᬶᬤᬩ᭄ᬤᬩᬂ᭞ᬦᬾᬲ᭄ᬥᭂᬂᬫᬮᬸᬤᭀᬭᬶ᭞᭠
ᬗᬦ᭄ᬤᬳᬂᬧᬚᬮᬦ᭄᭞ᬩ᭄ᬥᬶᬮᬾᬚᬦᬶᬧᬸᬘᬸᬓᬂ᭞ᬲᬂᬓᬶᬘ᭄ᬙᬾᬦ᭄ᬯᬘᬦᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬫᬫᬃᬕ᭄ᬕ᭞ᬢᬦ᭄ᬩᬶᬦ᭠ᬮ᭄ᬯᬶᬃᬕᬸᬦᬸᬂᬳᬧᬶ᭟ᬮᬭᬧ᭄ᬦᬶᬂᬲᬜ᭄ᬚᬢᬓᬤᬶᬢᬝᬶᬢᬾᬕᬸᬫ᭄ᬬᬃ᭞ᬦᬭᬸᬄᬢᬾᬚᬦᬶᬂᬭᬯᬶ᭞ᬓᬵᬮᬰᬗ᭄ᬓᬕᬸᬫᬶᬢ᭞᭠
ᬳᬗᬯᬾᬋᬲ᭄ᬦᬶᬂᬫᬦᬄ᭞ᬕ᭄ᬭᬶᬓ᭄ᬦᬶᬂᬓᬸᬤ᭄ᬥᬳᬫ᭄ᬮᬶᬗᬶᬂ᭞ᬕᬺᬩᭂᬕᬶᬂᬩᬮ᭞ᬭᬲᬫᬸᬩᬸᬭᬂᬧ᭄ᬭᬣᬶᬯᬶ᭟ᬓᬩᬶᬦᬯᬲ᭄ᬯᬭᬦ᭄ᬢᬫ᭄ᬩᬸᬭᬾᬢᬦ᭄ᬧ᭄ᬕᬢ᭄᭞ᬳᬦᬓ᭄ᬳᬕᬸᬂᬕ᭄ᬥᬾᬚ᭄ᬮᬡ᭄ᬝᬶᬓ᭄᭞ᬗᬮᬶᬗ᭄ᬕᬶᬳᬶᬦ᭄ᬋᬫ᭄ᬩᬢ᭄᭞ᬢᬸᬮ᭄ᬬᬕᬡ᭄ᬥᬭᬧᬢ᭄ᬬ᭞ᬳᬦ᭠
[᭑᭓᭕135A]
ᬓ᭄ᬳᬕᬸᬂᬓ᭄ᬢᬸᬢ᭄‌ᬚ᭄ᬮᬡ᭄ᬝᬶᬓ᭄᭞ᬳᬸᬫᬸᬗ᭄ᬕ᭄ᬯᬶᬂᬓᬸᬤ᭄ᬥ᭞ᬯ᭄ᬬᬓ᭄ᬢᬶᬳᬗᬺᬱᬶᬳᬢᬶ᭟ᬧ᭄ᬭᬭᬵᬚᬧᬸᬢ᭄ᬭᬓᬵᬭᬶᬳᬸᬫᬸᬗ᭄ᬕᬸᬄᬳᬶᬂᬧᬸᬭ᭞ᬧᬦ᭄ᬓᭀᬭᬶᬳᬮᬶᬢᬮᬶᬢ᭄᭞ᬧᬭᬯᬶᬓᬹᬳᬗᭂᬫ᭄ᬩᬦ᭄᭞ᬲᬯᬢᭂᬓᬶᬂᬲᬵᬫ᭄ᬧᬸᬦ᭄ᬚᬤ᭞ᬲᬫᬶᬫᬓ᭄ᬫᬶᬢ᭄ᬭᬶᬂᬧᬸᬭᬶ᭞ᬦ᭄ᬤᬢᬦ᭄ᬘ᭠
ᬭᬶᬢ᭞ᬲᬂᬮᬸᬗ᭄ᬳᬳᬸᬘᬧ᭄ᬫᬮᬶᬄ᭟ᬩᬳᬸᬥᬡ᭄ᬥᬫᬜ᭄ᬘᬫᬜ᭄ᬘᬢᭀᬲ᭄ᬦᬶᬂᬲ᭄ᬮᬢ᭄᭞ᬫᬶᬯᬄᬫᬚᬦ᭄ᬢᭀᬲ᭄ᬭᬶᬂᬫᬗ᭄ᬕᬶᬲ᭄᭞ᬢᬹᬃᬲᬵᬫ᭄ᬧᬸᬦ᭄ᬫᬲᬹᬃᬬ᭄ᬬᬓ᭄᭞ᬲᬶᬦᬳᬸᬭᬦ᭄ᬕᬕᬫᭂᬮᬦ᭄᭞ᬬᬦ᭄ᬗᬦ᭄ᬢᭀᬲ᭄ᬭᬳᬸᬄᬭᬶᬂᬢᭂᬧᬶ᭞ᬫᬾᬄᬬᬦ᭄ᬓᬗ᭄ᬕᬾᬮᬦ᭄᭞ᬯ᭄ᬢᬸᬲ᭄ᬭᬓ᭄ᬦᭂ
ᬮᬲᬂᬫᬸᬜᬶ᭟ᬳᬧᬦ᭄ᬧᬤᬶᬂᬓ᭄ᬮᬓ᭄ᬫᬦᬾᬂᬓ᭄ᬮᬾᬂᬫᬕᬕᬶᬮᬓᬦ᭄᭞ᬓᬤᬶᬤᬭᬢᬦ᭄ᬫᬳᬦ᭄ᬤᬕᬶᬂ᭞ᬧᬜ᭄ᬚᬂᬬᬦ᭄ᬢᬸᬢᬸᬭᬂ᭞ᬧᬦ᭄ᬲᭀᬢᬦᬶᬂᬲᬵᬫ᭄ᬧᬸᬦ᭄‌ᬗᬾᬮᬄ᭞ᬭᬶᬂᬓ᭄ᬮᬸᬂᬓᬸᬂᬳᬸᬘᬧ᭄ᬫᬮᬶᬄ᭞ᬧᬦ᭄ᬲᬵᬫ᭄ᬧᬸᬦ᭄‌ᬬᬢ᭄ᬦ᭞ᬲᬶᬓᭂᬧ᭄ᬜᬸᬲᬸᬧ᭄ᬭᬶᬂᬢᭂᬧᬶ᭟᭠
ᬳᭀᬲᭂᬓ᭄ᬩᬩᬳᭀᬲᬾᬯ᭄ᬬᬓ᭄ᬢᬶᬫᬶᬢᬳᭂᬦ᭄ᬓᬸᬘᬶᬯ᭞ᬲᬵᬫ᭄ᬧᬸᬦ᭄ᬫᬧᬸᬢᬸᬲᬦ᭄ᬓᬩᬗ᭄ᬮᬶ᭞ᬫᬓᬃᬱᬢᬸᬮᬸᬗᬦ᭄᭞ᬭᬶᬂᬩᬗ᭄ᬮᬶᬤᬸᬭᬸᬂᬩᬾᬩᬲ᭄᭞ᬳᬧᬦ᭄ᬓᬵᬭᬶᬫᬫᬶᬦᭂᬳᬶᬦ᭄᭞ᬩᬲ᭄ᬓᬲᬼᬓᬦ᭄᭞ᬓᬭᬗ᭄ᬳᬵᬲᭂᬫ᭄‌ᬩ᭄ᬘᬶᬓ᭄᭟ᬯ᭄ᬢᬸᬕᬩᭂᬂᬧᬲᬳᬸ