[᭑᭓᭐130B]
᭑᭓᭐
ᬤᬾᬧᬓ᭄ᬫᬵᬲ᭄ᬳᭂᬦ᭄ᬤᬶᬄᬫᬸᬭᬸᬩ᭄᭞ᬢᬦ᭄ᬤᭀᬄᬮᬯᬦ᭄ᬮᬜ᭄ᬚᬂ᭞ᬧᬢᬦᬳᬦᬾᬮᬦᬢᬶᬓ᭄᭞ᬩᬕᬸᬲ᭄ᬩᬕᬸᬲ᭄᭞ᬚᬤ᭄ᬫᬲ᭄ᬮᬶᬭᬦ᭄ᬲᬲᬓ᭄᭟ᬲᬲ᭄ᬯᬾᬦᬾᬫᬦᬤᭀᬲ᭄ᬚᬤ᭄ᬫ᭞ᬢᬫ᭄ᬩᬾᬫᬗ᭄ᬓᬶᬦ᭄ᬫᬫᬗ᭄ᬕᬶᬳᬶᬦ᭄᭞ᬪᬹᬱᬡᬦ᭄ᬲᬂᬭᬢᬸᬲᬲᬓ᭄᭞
ᬢᬦ᭄ᬯᬾᬦ᭄ᬢᭂᬦ᭄ᬧᬥᬭᬶᬂᬩᬮᬶ᭞ᬲᬃᬯ᭄ᬯᬫᬵᬲ᭄ᬳᬶᬦ᭄ᬢᭂᬦ᭄ᬫᬡᬶᬓ᭄᭞ᬫᬓ᭄ᬭᬜᬩ᭄ᬫᬗᭂᬦ᭄ᬤᬶᬄᬫᬸᬭᬸᬩ᭄᭞ᬢᬦ᭄ᬩᬶᬦᬓᬤᬶᬩᬶᬦ᭄ᬢᬂ᭞ᬳᬢᬹᬢ᭄ᬢᭂᬓᬦᬶᬂᬲᬲᬶᬫ᭄ᬧᬶᬂ᭞ᬕ᭄ᬮᬸᬂᬫᬸᬭᬸᬩ᭄᭞ᬤ᭄ᬭᬲᬢ᭄ᬲᬢ᭄ᬭᬢᬸᬭᬶᬂᬲᬸᬭᬵᬢ᭄᭟ᬧᬦ᭄ᬢᭂᬲ᭄ᬗᬮᬶᬗ᭄ᬕᬶᬳᬶᬦ᭄ᬋᬫ᭄ᬩᬢ᭄᭞ᬢᬦ᭄ᬤᭀᬄ
ᬢ᭄ᬥᬸᬗᬾᬫᬗᬧᬶᬢ᭄᭞ᬫᬢᭂᬳᭂᬦᬦ᭄ᬢᭂᬗ᭄ᬕᭂᬓ᭄ᬚᬤ᭄ᬫ᭞ᬭᬶᬂᬗᬚᭂᬂᬲᬂᬧᬭᬋᬱᬶ᭞ᬧᬸᬦᬶᬓᬫᬮᬶᬄᬦᬾᬧᬸᬗ᭄ᬓᬸᬭ᭄᭞ᬲᬂᬯᬢᭂᬓ᭄ᬩᬳᬸᬥᬡ᭄ᬥ᭞ᬳᬗᬗ᭄ᬕᭀᬢᬸᬫᬦ᭄ᬤᬂᬫᬦ᭄ᬢ᭄ᬭᬶ᭞ᬢᬸᬳᬸᬧᬗᬸᬲ᭄᭞ᬧᬥᬗᬮᬶᬗ᭄ᬕᬶᬳᬶᬦ᭄ᬓᬸᬤ᭄ᬥ᭞᭟ᬧᬫᭂᬦ᭄ᬤᬓ᭄ᬲᬵᬫ᭄ᬧᬸᬦ᭄ᬫᬤᬫ᭄ᬧ᭄ᬬ
ᬓ᭄᭞ᬧ᭄ᬭᬕᬸᬂᬓᬭᬗ᭄ᬳᬵᬲᭂᬫ᭄ᬫᭂᬦ᭄ᬤᬓᬶᬦ᭄᭞ᬕ᭄ᬮᬶᬲᬂᬲᬵᬫ᭄ᬧᬸᬦ᭄ᬫᬫᬃᬵᬕ᭄ᬕ᭞ᬚᭂᬚᭂᬮ᭄ᬫᬥᬹᬧᬮᬗᬶᬭᬶᬂ᭞ᬭᬲᬫᬸᬩᬸᬭᬂ᭠ᬧ᭄ᬭᬣᬶᬯᬶ᭞ᬢᬫ᭄ᬩᬸᬭᬾᬲᬵᬫ᭄ᬧᬸᬦ᭄ᬫᬦᬩᬸᬄ᭞ᬤᭂᬤᭂᬄᬲᬗ᭄ᬳ᭄ᬬᬂᬤᬶᬯᬵᬗ᭄ᬓᬭ᭞ᬳᬗᬯᬾᬳᬗᬺᬲᬶᬳᬢᬶ᭞ᬓᬾᬄᬬᬦ᭄ᬯᬸᬯᬸ᭠
[᭑᭓᭑131A]
ᬲ᭄᭞ᬲᬕᬾᬢᬵᬭᬳᬸᬄᬭᬶᬂᬩᬜ᭄ᬘᬶᬗᬄ᭟ᬲᬓᬢᬳᬾᬭᬶᬂᬩᬜ᭄ᬘᬶᬗᬄ᭞ᬫᬜᭀᬧᬓ᭄ᬩᭂᬗᭀᬂᬫᬩᬮᬶᬄ᭞᭠ᬫᬗ᭄ᬭᬲᬢ᭄ᬯᬭᬶᬂᬚᬕᬢ᭄᭞ᬯᬮᬸᬬᬓᬤᬶᬫᬗᬶᬧᬶ᭞ᬬᬦ᭄ᬋᬲᭂᬧᬂᬤᬶᬳᬢᬶ᭞ᬢᬦ᭄ᬩᬶᬦᬮ᭄ᬯᬶᬃᬳᬸᬓᬶᬃᬲᬦ᭄ᬢᬸᬦ᭄᭞ᬧᬦᭂᬤᭂᬂᬦᬶᬂ
ᬓᬃᬢ᭄ᬢᬶᬓᬫᬲ᭞ᬧᬦᭂᬤᭂᬗᬦ᭄ᬬᬳᬲ᭄ᬭᬶ᭞ᬳᬾᬫ᭄ᬩᬸᬄᬭᬸᬫ᭄ᬭᬸᬫ᭄᭞ᬭᬫ᭄ᬬᬦᬶᬂᬲ᭄ᬯᬭᬵᬚᬓᬃᬵᬬ᭄ᬬ᭟ᬲᬸᬫᬸᬬᬸᬕ᭄ᬫᬜ᭄ᬚᬶᬂᬓᬚ᭄ᬭᭀ᭞ᬕᬸᬂᬕ᭄ᬥᬾᬚ᭄ᬮᬡ᭄ᬝᬶᬓ᭄ᬜᬋᬗᬶᬦ᭄᭞ᬲᬋᬂᬭᬶᬂᬧ᭄ᬭᬭᬵᬚᬧᬸᬢ᭄ᬭ᭞ᬓᬕᬸᬂᬓ᭄ᬢᬸᬢ᭄ᬫᬶᬦᬓᬵᬤᬶ᭞ᬘᬭᬶᬢᬭᬳᬸᬄᬭᬶᬂᬧᬸᬭᬶ᭞ᬳ
ᬢᬧ᭄ᬧᬮᬶᬗ᭄ᬕᬶᬳᬾᬲᬵᬫ᭄ᬧᬸᬦ᭄᭞ᬳᬢᬢᬓᬤᬶᬘᬭᬶᬢ᭞ᬧᬸᬦᬧᬶᬲᬶᬄᬳᬸᬘᬧ᭄ᬫᬮᬶᬄ᭞ᬓᬂᬧᬲᬸᬕᬸᬄ᭞ᬧᭂ᭠ᬧᭂᬓ᭄ᬭᬳᬸᬄᬭᬶᬂᬳᬶᬭᬶᬗᬦ᭄᭟ᬲᭀᬢᬦᬶᬂᬲᬸᬩᬮᬯᬶᬃᬬ᭄ᬬ᭞ᬢᬦ᭄ᬓᬸᬭᬗᬦ᭄ᬨᬮᬩᬸᬓ᭄ᬢᬶ᭞ᬫᬩᬳᭀᬲ᭄ᬫᬕᬕᭀᬜ᭄ᬚᬓᬦ᭄᭞
ᬢᬫ᭄ᬬᬸᬩᬮᬶᬧ᭄ᬥᬧ᭄ᬭᬧ᭄ᬢᬶ᭞ᬧ᭄ᬭᬭᬢᬸᬩᬗ᭄ᬮᬶᬫᬓᬵᬤᬶ᭞ᬲᬳᬳᬶᬭᬶᬗᬦ᭄ᬫᬓ᭄ᬭᬸᬕ᭄᭞ᬳᬸᬢᬸᬲᬦ᭄ᬩᬤᬸᬂᬢᬩᬦᬦ᭄᭞ᬲᬶᬗ᭄ᬳᬵᬭᬵᬚᬢᬫ᭄ᬬᬸᬧ᭄ᬭᬧ᭄ᬢᬶ᭞ᬢᬫ᭄ᬬᬸᬓ᭄ᬮᬸᬂᬓᬸᬂ᭞ᬓᬳᬸᬢᬸᬲ᭄ᬘᭀᬓᭀᬃᬤᬭᬓ᭟ᬢᬫ᭄ᬬᬸᬲᬓᬶᬂᬚᬕᬢ᭄ᬕ᭄ᬬᬜᬃ᭞ᬲᬵᬫ᭄ᬧᬸ
Kaca:Bali-lontar-gaguritan-rereg-gianyar-300ppi.pdf/131
Kaca puniki sampun kauji-wacén
