Kaca:Bali-lontar-gaguritan-rereg-gianyar-300ppi.pdf/130

Saking Wikisource
Kaca puniki sampun kauji-wacén

[᭑᭒᭙129B]
᭑᭒᭙
ᬫᬶ᭞ᬫᬗ᭄ᬤᬾᬓᬩᬸᬤᬮ᭄᭞ᬓᬲᬓ᭄ᬯᬢᬶᬲᬋᬂᬲᬫᬶ᭟ᬫᬓᬚᬮᬭᬦ᭄ᬧᬘᬂᬗᬋᬋᬄᬓᬭᬳᬬ᭄ᬯᬦ᭄‌ᬲᬓᬶᬂᬫᬗ᭄ᬓᬶᬦ᭄ᬢ᭠ᬫ᭄ᬩᬾᬦᬶᬦ᭄᭞ᬫᭂᬲᭂᬳᬶᬦ᭄ᬤᬸᬃᬚᬦ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬩᬩᬳᭀᬲᬦ᭄᭞ᬓ᭄ᬭᬘᬧᬥᬩᬸᬤᬮ᭄ᬲᬫᬶ᭞ᬭᬶᬓᬫᬭᬵᬃᬬ᭄ᬬᬦ᭄᭞ᬫᬭᬸᬧᬫᬩ᭄ᬘᬶ᭠
ᬓ᭄‌ᬩ᭄ᬘᬶᬓ᭄᭟ᬳᬲᬧᬸᬦᬶᬓᬓᭀᬘᬧ᭄‌ᬬᬸᬤ᭄ᬥᬦᬾᬭᬶᬂᬘᬾᬂᬘᬾᬗᬦ᭄᭞ᬯᬦ᭄ᬢᬄᬧᬗᬢᬕ᭄ᬓᬵᬮᬶ᭞ᬜᬾᬦ᭄ᬫᬭᬕ᭠ᬓᬵᬮ᭞ᬘᭀᬓᭀᬃᬤᬧ᭄ᬮᭀᬓᭀᬢ᭄ᬗ᭄ᬭᬡᬳᬂ᭞ᬫᬮᬍᬫᭂᬲ᭄‌ᬲᬳᬶᬲᬳᬶ᭞ᬓ᭄ᬭᬡᬳᬶᬕ᭄ᬯᬂ᭞ᬩᬢᬸᬬᬂᬲᬋᬂᬫᬩᬮᬶᬓ᭄᭟ᬲ᭄ᬦᭂᬂ
ᬫᬗᭂᬗ᭄ᬓᬸᬓ᭄‌ᬢ᭄ᬯᬭᬓᭀᬜᬬᬗᬂᬭᬕ᭞ᬤᬶᬕᬸᬫᬶᬩᬤᬸᬗᬾᬗᭂᬫ᭄ᬧᬶ᭞ᬯᬾᬄᬢᬶᬩᬦ᭄ᬢᬶᬩᬦᬦ᭄᭞ᬕ᭄ᬢᬧᬾᬢ᭄ᬓᭂᬤ᭄ᬓᬢᬸᬮᬂ᭞ᬢᭀᬂᬜᬦ᭄ᬤᬂᬫᬮᬶᬄᬩᬳᭀᬲᬶᬦ᭄᭞ᬧᬗᬸᬢᬸᬲ᭄ᬳᬶᬤ᭞ᬲᬂᬓᬲᬸᬗ᭄ᬲᬸᬗᬶᬂᬩᬮᬶ᭟ᬓᬤᬸᬂᬩᬸᬭᬸᬄᬓᬬᬸᬦᬾᬫᬓᬃᬵᬬ᭄ᬬ
ᬋᬢ᭞ᬳᬃᬱᬦᬾᬭᬶᬂᬧᬶᬓᭀᬮᬶᬄ᭞ᬦᬄᬢᬸᬢᬸᬭᬂ᭞ᬓᬦ᭄ᬤᬦ᭄ᬕᬸᬫᬶᬦᬾᬲᬸᬩ᭞ᬳᬧᬗᬦ᭄ᬢᬸᬦ᭄ᬓᬬᬂᬚᬦᬶ᭞ᬗ᭄ᬳᬶᬂ᭠ᬳᬫ᭄ᬧᬸᬭᬬᬂ᭞ᬲᬶᬦᭀᬫ᭄ᬳᬗ᭄ᬕᬾᬦ᭄ᬦᭂᬫ᭄ᬩᬗᬶᬦ᭄᭟᭜᭟ᬲᬶᬦᬶᬫ᭄᭟᭜᭟ᬧᬸᬢ᭄ᬭᬦ᭄ᬭᬢᬸᬦᬾᬭᬶᬂᬲᬲᬓ᭄᭞ᬧᬫᬥᬾᬢ᭄ᬥᬸᬦ᭄ᬓᬩ᭠
[᭑᭓᭐130A]
ᬮᬶ᭞ᬓᬓᬭᬗ᭄ᬳᬵᬲᭂᬫ᭄‌ᬫᬫᬶᬤᬭ᭞ᬲᬃᬯ᭄ᬯᬶᬫᬦᬳᬸᬃᬧᬸᬦᬕᬶ᭞ᬭᬶᬂᬓᬳ᭄ᬬᬗᬦ᭄ᬩᭂᬲᬓᬶᬄ᭞ᬫᬳᬶᬭᬶᬗᬦ᭄ᬧᬭᬯᬥᬹ᭞ᬮᬦ᭄ᬯᬢᭂᬓ᭄‌ᬦᬶᬓᬶᬮ᭄ᬬ᭞ᬫᬓᬵᬤᬶᬲᬂᬧᬭᬋᬱᬶ᭞ᬓᬾᬄᬬᬦ᭄ᬯᬸᬯᬸᬲ᭄᭞ᬲᬵᬫ᭄ᬧᬸᬦ᭄ᬫᬦᬸᬗ᭄ᬕᬂᬩᬳᬶᬢ᭄ᬭ᭟ᬯᬯᬸᬢ᭄ᬥᬸᬦ᭄ᬲᬓᬶᬂᬓᬨᬮ᭄᭞
ᬩ᭄ᬗᭀᬂᬳᬦᬓᬾᬫᬩᬮᬶᬄ᭞ᬧᬗᬶᬭᬶᬂᬫᬓᬦ᭄ᬤᬓᬦ᭄ᬤ᭞ᬫᬲᬼᬢ᭄ᬢᭀᬕᭀᬕ᭄‌ᬕ᭄ᬭᬦ᭄ᬢᬶᬫ᭄᭞ᬢᬦ᭄ᬲᬄᬢᬫ᭄ᬩᬸᬭᬾᬫᬸᬘᬸᬓᬶᬦ᭄᭞ᬗᬢ᭄ᬕᬢ᭄ᬫᬦᬳᬾᬳᬸᬮᬗᬸᬦ᭄᭞ᬩ᭄ᬥᬶᬮ᭄ᬫᬲᭀᬭᭀᬄᬲᭀᬭᭀᬄ᭞ᬲᬂᬫᬯᬧ᭄ᬭᬓᬢᬫᬾᬂᬕᬢᬶ᭞ᬯ᭄ᬬᬓ᭄ᬢᬶᬧᬗᬸᬲ᭄᭞
ᬳᬦ᭄ᬢᬸᬓ᭄ᬧᬗ᭄ᬕᭀᬦᬾᬩᬸᬗᬄ᭞ᬭᬶᬂᬧᬸᬗ᭄ᬓᬸᬃᬫᬮᬶᬄᬧᬸᬦᬶᬓ᭞ᬦᬾᬫᬓ᭄ᬢᬢᬸᬗ᭄ᬕᬸᬮ᭄ᬧᬸᬦᬶᬓᬶ᭞ᬲᬫᬶᬧᬧᬶᬮᬶ᭠ᬳᬦ᭄‌ᬲᬲᬓ᭄᭞ᬲ᭄ᬩᭂᬂᬳᬘᬺᬂᬓᬸᬫᬶᬲ᭄ᬓᬸᬫᬶᬲ᭄᭞ᬦᬾᬫᬓ᭄ᬢᬧ᭄ᬥᬂᬧᬭᬾᬲᬶ᭞ᬩ᭄ᬭᬶᬲ᭄ᬗ᭄ᬭᬶᬲ᭄ᬤᬾᬧᬓ᭄ᬲᬸᬓᬸ᭞ᬧᬦ᭄ᬢᭂᬲ᭄ᬦᭂᬧᭂᬓᬶᬦ᭄ᬓᬢᭀᬂ᭞ᬢᭀᬂ
ᬜᬦ᭄ᬤᬂᬘᬘᬤᬶᬦ᭄ᬫᬮᬶᬄ᭞ᬲᬤᬸᬧᬸᬗ᭄ᬕᬸᬮ᭄᭞ᬢᬸᬮᬸᬧ᭄‌ᬧᬾᬮᬾᬢ᭄‌ᬢ᭄ᬮᬾᬫ᭄ᬧᬾᬓ᭄ᬫᬫᬲ᭄᭟ᬧᬥᬘᬾᬱ᭄ᬝᬓᬵᬭ᭞ᬩᬩᭂᬦ᭄ᬢᭂᬂᬧᬸᬦᬶᬓᬲᬫᬶ᭞ᬳᬗᭀᬩ᭄ᬫᬦᬳᬾᬗᬦ᭄ᬢᭂᬦᬂ᭞ᬭᬶᬗᬚᭂᬂᬧᬸᬦᬶᬓᬫᬮᬶᬄ᭞ᬳᬢᬾᬦᬢᬾᬦᬾᬩᬲᬼᬯᬶᬄ