[᭑᭒᭗127B]
ᬫᬦᬶᬂᬩ᭄ᬥᬶᬮ᭄᭞ᬍᬩᬸᬳᬮᬶᬫᬸᬦᬦ᭄᭞ᬧᬥᬢᬦ᭄ᬗᬮᬶᬦ᭄ᬢᬂᬢᬸᬓᬤ᭄᭞ᬳᬓᬾᬄᬫᬵᬢᬶᬓ᭄ᬦᬶᬫᬶᬫᬶᬲ᭄᭞ᬭᬄᬫᬓᬘᬓᬦ᭄᭞ᬲᬸᬯᬾᬳᬢᬦ᭄ᬤᬶᬂᬚᬸᬭᬶᬢ᭄᭟ᬓᬤᬶᬭᬋᬗ᭄ᬕᬦᬶᬂᬳᬦ᭄ᬢᬸᬓ᭄ᬲ᭄ᬯᬭᬦ᭄ᬢᬢᬩᬸᬳᬦ᭄᭞ᬧᬜ?ᬚᬓ᭄ᬲᬓ᭄ᬯᬢᬶᬫᬫ᭄ᬥᬶᬫ᭄ᬥᬶ᭞
ᬢᭀᬂᬮᬚᬸᬗᬫᬹᬓᬂ᭞ᬳᬧᬦ᭄ᬓᬮᬶᬦ᭄ᬢᬗᬦ᭄ᬮᬯᬦ᭄᭞ᬦᬾᬯᬕ᭄ᬥᬾᬗᬸᬭᬄᬫᬓᬵᬤᬶ᭞ᬳᬕᬶᬮᬂ᭞ᬲᬋᬂ᭠ᬤᬾᬯᬕ᭄ᬥᬾᬭᬳᬶ᭟ᬤᬶᬯᬗᬦ᭄ᬢ᭄ᬓᬓᬵᬭᬶᬫᬮᬶᬄᬳᬮᬶᬗᬦ᭄᭞ᬩᬲ᭄ᬓᬤᬺᬲ᭄ᬫᬶᬫᬶᬲ᭄᭞ᬳᬮᬶᬢᬮᬶᬢ᭄ᬓᬮᬾᬭᬦ᭄᭞ᬲ
ᬳᬲᬗᬤᭀᬂᬓᬂᬧᬜ᭄ᬚᬓ᭄᭞ᬲᬲᬫ᭄ᬢᭀᬦᬦ᭄ᬫᬜᬦ᭄ᬤᬶᬂ᭞ᬧᬦ᭄ᬓᬭᬶᬳᬦ᭄ᬯᬫ᭄᭞ᬧᬢᬗ᭄ᬓᭂᬧᬾᬢᬦ᭄ᬕᬶᬕᬶᬲᬶᬦ᭄᭟ᬫᬸ᭠ᬦ᭄ᬢᬩ᭄ᬓ᭄ᬭᭀᬤᬤᬾᬯᬕ᭄ᬥᬾᬗᬸᬭᬄᬫᬫᬭᬳᬂ᭞ᬯᬯᬸᬫᬚᭀᬕ᭄ᬓᭂᬦᬶᬫᬶᬫᬶᬲ᭄᭞ᬗ᭄ᬳᬶᬂᬓᬵᬭᬶᬲᬶᬫ᭄ᬧᬶᬭᬦ᭄᭞ᬭᬭᬶᬲ᭄ᬩᬸᬤᬮ᭄ᬫᬭᬭ᭠
ᬫ᭄ᬧ᭞ᬲᬶᬓᭂᬧ᭄ᬩᬢᬸᬄᬓᬕᬾᬢ᭄ᬧ᭄ᬭᬧ᭄ᬢᬶ᭞ᬗ᭄ᬳᬶᬂᬫᬚᬤᭂᬗᬦ᭄᭞ᬭᬶᬂᬓᬩᬮ᭄ᬬᬦ᭄ᬓᬵᬭᬶᬗᬦ᭄ᬢᬶ᭟ᬓᬤᬶᬩᬶᬗᬃᬦᬓ᭄ᬳᬕᬸᬂᬲ᭠ᬓ᭄ᬯᬢᬶᬫᬫ᭄ᬬᬃᬱ᭞ᬧᬢᬸᬮᬸᬂᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬕ᭄ᬮᬶᬲ᭄ᬫᬧᬸᬢᬸᬲᬦ᭄᭞ᬗᭂᬤᭂᬂᬩᬢᬸᬄᬧᬸᬦᬶᬓ᭞ᬗ᭄ᬳᬶᬂᬤᬦᬾᬲᬂᬢᬶᬕᬂᬲᬶᬓᬶ᭞ᬓᬤᬶ
[᭑᭒᭘128A]
ᬓᬤᬢᬦ᭄᭞ᬓᬵᬭᬶᬜᬶᬤ᭄ᬭᬳᬧᬂᬧᬲ᭄ᬢᬶ᭟ᬕ᭄ᬮᬶᬲᬦ᭄ᬭᬳᬸᬄᬳᬸᬩᬸᬤ᭄ᬧᬮ᭄ᬬᬢᬦ᭄ᬲᬓᬾᬂᬓᬚ᭞ᬢ᭄ᬕᬮ᭄ᬮᬮᬂᬫᬫᬸᬗ᭄ᬓᬸᬭᬶᬦ᭄᭞ᬗᭀᬚᭀᬕ᭄ᬓᬩᬜ᭄ᬘᬶᬗᬄ᭞ᬘᭀᬓᭀᬃᬤᬕ᭄ᬥᬾᬦᬢᬲᬂ᭞ᬤᬶᬚᬩᬢᬸᬳᬾᬫᬕᬶᬲᬶ᭞ᬯᬾᬦ᭄ᬢᭂᬦ᭄ᬗᬸᬦᬶᬗᬂ᭞ᬭᬶᬂᬓᬩᬮ᭄ᬬᬦ᭄ᬗᭂᬩᭂᬮ᭄ᬓ
ᬭᬶ᭟ᬘᭀᬓᭀᬃᬤᬕ᭄ᬥᬾᬕ᭄ᬮᬶᬲ᭄ᬫᬗ᭄ᬓᬶᬦ᭄ᬫᬧᬸᬢᬸᬲᬦ᭄᭞ᬗᭂᬤᭂᬂᬩᬢᬸᬳᬾᬫᬗ᭄ᬓᬶᬦ᭄᭞ᬫᬗ᭄ᬤᬾᬓᬩᬜ᭄ᬘᬶᬗᬄ᭞ᬯ᭄ᬬᬓ᭄ᬢᬶᬓᬤᬶᬓᬤᬢᬦ᭄᭞ᬘᭀᬓᭀᬃᬤᬓ᭄ᬭᭀᬥᬢᬦ᭄ᬲᬶᬧᬶ᭞ᬫᬫᬦ᭄ᬢᭂᬕ᭄ᬥᬥ᭞ᬢ᭄ᬯᬶᬮᬸᬗ᭄ᬳᬵᬫᬜᭂᬧᭂᬢᬶᬦ᭄᭟ᬩ᭄ᬮᬶᬗᬸᬭᬄᬗ᭄ᬕᬶᬄᬩ᭄ᬮᬶᬲᬋᬂᬢᬶᬕ᭞
ᬦᬧᬶᬓ᭄ᬭᬡᬓᬤᬶᬫᬗ᭄ᬓᬶᬦ᭄᭞ᬮᬤᬢ᭄ᬓᬩᬜ᭄ᬘᬶᬗᬄ᭞ᬩ᭄ᬮᬶᬢ᭄ᬯᬭᬫᬗᬺᬗᬳᬂ᭞ᬤᬤᭀᬲ᭄ᬧᬭᬭᬸᬤᬦ᭄ᬫᬮᬶᬄ᭞ᬬᬦ᭄ᬮᬘᬸᬃ᭠ᬓᬮᬄ᭞ᬲᬓ᭄ᬯᬢᬶᬦᬾᬫᬗ᭄ᬓᬶᬦ᭄᭟ᬩ᭄ᬮᬶᬭᬶᬂᬩᬢᬸᬄᬓᬵᬭᬶᬫᬦᬫ᭄ᬬᬂᬓᬵᬕᬸᬗᬦ᭄᭞ᬧᬸᬦᬶᬓᬧᬶᬦᭂᬳᬶᬦ᭄ᬩ᭄ᬮᬶ᭞ᬳᬦᬹᬢᬂᬭᬶᬂᬓᬸᬦ᭞ᬰ᭠
ᬰᬡᬦ᭄ᬚ᭄ᬮᬡ᭄ᬝᬶᬓ᭄ᬲᬫᬧ᭄ᬢ᭞ᬗᬸᬭᬄᬫᬥᬾᬜᬳᬸᬭᬶᬦ᭄᭞ᬜᬭᬶᬦᬸᬧ᭄ᬢᬸᬧᬂᬓᬳᬸᬮᬦᬾᬓᬤᬶᬫᬗ᭄ᬓᬶᬦ᭄᭟ᬬᬦ᭄ᬲᬯᬸᬦᬶᬓᬩ᭄ᬮᬶᬫᬗ᭄ᬓᬶᬦ᭄ᬳᬢᬸᬭᬶᬦ᭄ᬢᬶᬢ᭄ᬬᬂ᭞ᬲᬓ᭄ᬯᬢᬶᬢ᭄ᬮᬩᬄᬩᭀᬗ᭄ᬓᭀᬮᬶᬦ᭄᭞ᬳᬫᬹᬓ᭄ᬤᬚᬗ᭄ᬓᬳᬦ᭄᭞ᬢᬶᬢ᭄ᬬᬂᬲᬓᬶᬂᬩᬜ᭄ᬘᬶᬗᬄ᭞
Kaca:Bali-lontar-gaguritan-rereg-gianyar-300ppi.pdf/128
Kaca puniki sampun kauji-wacén
