[᭑᭒᭖126B]
ᬓᭀᬃᬤᬧ᭄ᬮᭀᬓᭀᬢ᭄ᬓᬤᬶᬕᬢ᭄ᬕᬢ᭄ᬧᬓᬬᬸᬦᬦ᭄᭞ᬮᬾᬤᬂᬫᬦᬫ᭄ᬧᬾᬦᬶᬦ᭄᭞ᬗᬢᭂᬧᬂᬧᬗ᭄ᬭᬯᭀᬲ᭄᭞ᬧ᭄ᬭᬕᬸᬂᬩᬤᬸᬂᬢᬦ᭄ᬧᬜ᭄ᬚᬂ᭞ᬫᬶᬲᬤ᭄ᬬᬯᬦ᭄ᬢᬄᬫᬫ᭄ᬯᬢᬶᬦ᭄᭞ᬳᬚ᭄ᬜᬦᬦ᭄ᬳᬶᬤᬤᬍᬫ᭄ᬫᬸᬦ᭄ᬤᭂᬭᬶᬂ᭞ᬩᬮᬶ᭟ᬧᬸᬧᬸᬢᬶᬂᬩᬳᭀᬲ᭄ᬩᬤᬸᬂᬲᬵ᭠
ᬫ᭄ᬧᬸᬦ᭄ᬫᬢ᭄ᬩᬗᬦ᭄᭞ᬜᬸᬲᬸᬧ᭄ᬭᬶᬂᬢᭂᬧᬶᬲᬶᬭᬶᬂᬲᬵᬫ᭄ᬧᬸᬦ᭄ᬫᬗ᭄ᬓᬢ᭄᭞ᬜᬶᬮᬶᬩ᭄ᬜ᭄ᬬᭂᬧᬂᬕᬫᭂᬮᬦ᭄᭞ᬫᬗ᭄ᬤᬢᬦ᭄ᬓᬘᬶᬃᬬ᭄ᬬᬾᬂᬫᬃᬵᬕ᭄ᬕᬶ᭞ᬫᬗᬳᬸᬕ᭄ᬤᬾᬰ᭞ᬲᬮᭀᬦ᭄ᬢᬸᬓᬦ᭄ᬫᬩᬮᬶᬓ᭄᭟ᬲᬶᬓᭂᬧ᭄ᬩᬤᬸᬂᬲᬵᬫ᭄ᬧᬸᬦ᭄ᬜᬸᬲᬸᬧ᭄ᬩᬶᬮᬂᬤᬾᬰ᭞ᬢᬹᬃᬧᬥ
ᬬᬢ᭄ᬦᬲᬫᬶ᭞ᬢᬶᬗ᭄ᬓᬳᬶᬗᬬᬸᬤ᭄ᬥᬫᬓᬵᬤᬶᬦᬾᬓᬸᬢᬫᬭ᭞ᬧ᭄ᬭᬕᬸᬂᬩᬤᬸᬂᬫᬫᬸᬗ᭄ᬓᬸᬭᬶᬦ᭄᭞ᬗ᭄ᬳᬶᬂᬫᬚᬤᭂᬗᬦ᭄᭞ᬲᬮᭀᬤ᭄ᬘᬾᬂᬘᬾᬗᬦ᭄ᬫᬗ᭄ᬓᬶᬦ᭄᭟ᬓᬧ᭄ᬬᬸᬦᬶᬂᬭᬶᬂᬳᬶᬤᬾᬯᬕ᭄ᬥᬾᬳᬕᬸᬂᬯ᭄ᬢᬸᬓᬕ᭄ᬬᬢ᭄᭞ᬯ᭄ᬬᬓ᭄ᬢᬶᬢᬦ᭄ᬯ᭄ᬭᬸᬄᬦᬸᬯᬕᬦᬶᬦ᭄᭞ᬓ᭄ᬭᬡᬫᬸ᭠
ᬲᬸᬄᬢ᭄ᬓ᭞ᬧ᭄ᬭᬫᬗ᭄ᬓᬶᬦ᭄ᬫᬓᬸᬮ᭄ᬓᬸᬮᬦ᭄᭞ᬲ᭄ᬯᬭᬦ᭄ᬓᬸᬮ᭄ᬓᬸᬮᬾᬗᭂᬫ᭄ᬩᬸᬢᬶᬦ᭄᭞ᬤᬤᬶᬓᬢᭀᬭᬕ᭄᭞ᬭᬶᬂᬚ᭄ᬭᭀᬲᬓ᭄ᬯᬢᬶ᭟᭠ᬲᬵᬫ᭄ᬧᬸᬦ᭄ᬫᬧᬸᬢᬸᬲᬦ᭄ᬕᬢᬶᬫᬚᬚᬭᬦᬦ᭄᭞ᬳᬸᬩᬸᬤ᭄ᬧᬮ᭄ᬬᬢᬦ᭄ᬲᬫᬶ᭞ᬭᬳᬸᬳᬶᬂᬢ᭄ᬕᬮ᭄ᬮᬮᬂ᭞ᬩᬩᬢᬸᬄᬲᬂᬢᬶᬕᬂᬲᬦᬓ᭄᭞
[᭑᭒᭗127A]
ᬓᭀᬘᬧ᭄ᬭᬶᬂᬲᬓ᭄ᬯᬢᬶ᭞ᬲᬵᬫ᭄ᬧᬸᬦ᭄ᬫᬬᬸᬤ᭄ᬥ᭞ᬭᬶᬂᬢᬸᬓᬤ᭄ᬘᬾᬂᬘᬾᬗᬦ᭄ᬫᬗ᭄ᬓᬶᬦ᭄᭟ᬓᬸᬫᬭᬸᬢᬸᬕ᭄ᬲ᭄ᬯᬭᬦ᭄ᬩᭂᬤᬶᬮᬾᬢᬦ᭄ᬧ᭄ᬕᬢ᭄᭞ᬭᬲᬗ᭄ᬭᬸᬕᬗᬯ᭄ᬬᬢᬶ᭞ᬲᬹᬃᬬ᭄ᬬᬓ᭄ᬫᬳᬶᬤ᭄ᬭᬦ᭄᭞ᬕᬕᬫᭂᬮᬦ᭄ᬩᬶᬮᬂᬤᬗ᭄ᬓ᭞ᬳᬗᬯᬾᬳᬗᬺᬱᬶᬳᬢᬶ᭞ᬤᭂᬤᭂᬳᬶᬂᬦᬹᬯᬦ᭞
ᬲᭂᬦᬦ᭄ᬳᬶᬤᬳ᭄ᬬᬂᬭᬯᬶ᭟ᬦᬓ᭄ᬳᬕᬸᬂᬲᬓ᭄ᬯᬢᬶᬲᬵᬫ᭄ᬧᬸᬦ᭄ᬫᭂᬤᬮ᭄ᬭᬶᬂᬩᬜ᭄ᬘᬶᬗᬄ᭞ᬧ᭄ᬭᬭᬵᬚᬧᬸᬢ᭄ᬭᬗᬶᬭᬶᬂ᭞ᬳᬶᬤᬾᬯᬕ᭄ᬥᬾᬗᬸᬭᬄ᭞ᬤᬾᬯᬕ᭄ᬥᬾᬚ᭄ᬭᭀᬧᬳᬂ᭞ᬳᬮᬶᬢᬮᬶᬢ᭄ᬓᬮᬾᬭᬦ᭄ᬲᬫᬶ᭞ᬳᬶᬤᬾᬯᬩᬢᬸᬯᬦ᭄᭞ᬫᬗ᭄ᬭᬯᭀᬲ᭄ᬫᬤᬸᬫ᭄ᬧᬶᬮᬶᬄ᭟
ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬦ᭄ᬳᭂᬃᬢᬸᬫᬸᬮᬶᬫᬗ᭄ᬓᬢ᭄᭞ᬫᬕᬕᬶᬮᬓᬦ᭄ᬭᬶᬂᬫᬃᬵᬕ᭄ᬕᬶ᭞ᬫᬗᬫᬹᬓ᭄ᬗ᭄ᬮᭀᬤᬂ᭞ᬤᬶᬯᬗᬦ᭄᭞ᬢ᭄ᬓ᭠ᬧᬥᬩ᭄ᬮᬲ᭄᭞ᬓᬗᬶᬦ᭄ᬓᬳᬸᬄᬗᬫᬭᬦᬶᬦ᭄᭞ᬧᬦ᭄ᬧᬥᬬᬢ᭄ᬦ᭞ᬦᬓ᭄ᬳᬕᬸᬂᬕ᭄ᬥᬾᬳᬕᬸᬂᬜᬕᬦᬶᬦ᭄᭟ᬭᬫᬾᬓᬂᬧ᭄ᬭᬂᬲᬮᬶᬂᬫᬸ᭠
ᬦ᭄ᬤᬸᬃᬓᬫᬸᬦ᭄ᬤᬸᬭᬂ᭞ᬢᬦ᭄ᬧ᭄ᬕᬢ᭄ᬲ᭄ᬯᬭᬦᬶᬂᬩ᭄ᬥᬶᬮ᭄᭞ᬫᬶᬫᬶᬲ᭄ᬓᬤᬶᬳᬸᬚᬦ᭄᭞ᬲ᭄ᬮᬫ᭄ᬩᬤᬸᬗᬾᬗᬋᬧᬂ᭞ᬧᭀᬮᬾᬂᬓᬲᬶ᭠ᬫᬦᬾᬜᬦ᭄ᬤᬶᬂ᭞ᬫᬕᬕᬶᬭᬦ᭄᭞ᬓᬂᬲᬹᬃᬬᬓ᭄ᬳᬯᬦ᭄ᬢᬶᬯᬦ᭄ᬢᬶ᭟ᬧ᭄ᬢᭂᬂᬳᬚᬫᬸᬭᬦ᭄ᬲᬸᬮᬫ᭄ᬓᬢᭀᬦᬶᬂᬚᬕᬢ᭄᭞ᬲᬶᬦᬧᬸᬢ᭄ᬤᬸ
Kaca:Bali-lontar-gaguritan-rereg-gianyar-300ppi.pdf/127
Kaca puniki sampun kauji-wacén
