Kaca:Bali-lontar-gaguritan-rereg-gianyar-300ppi.pdf/126

Saking Wikisource
Kaca puniki sampun kauji-wacén

[᭑᭒᭕125B]
᭑᭒᭕
ᬮᬄ᭞ᬫᬓᬶᬭᬶᬕ᭄ᬧ᭄ᬭᬫᬗ᭄ᬓᬶᬦ᭄᭟ᬓᬳᬓᬾᬳᬦ᭄ᬮᬯᬦ᭄ᬭᬶᬂᬫᬫ᭄ᬩᬮ᭄ᬫᬓᬸᬓᬸᬳᬦ᭄᭞ᬮᭀᬦ᭄ᬢᭀᬂᬧᬸᬦᬶᬓᬲᬫᬶ᭞᭠ᬓᬕᬫᭂᬮ᭄ᬧᬮ᭄ᬬᬢᬦ᭄᭞ᬩᬗ᭄ᬮᬶᬦᭀᬤᭀᬲ᭄ᬗᭂᬮᭀᬤᬂ᭞ᬭᬶᬂᬲᬗᬾᬄᬲᬵᬫ᭄ᬧᬸᬦ᭄ᬓᬕᬶᬲᬶ᭞ᬫᬲᬂᬩᬦ᭄ᬤᬾᬭ᭞ᬘᬭᬂ
ᬲᬭᬶᬦᬾᬓᬸᬓᬸᬳᬶᬦ᭄᭟ᬲᬵᬫ᭄ᬧᬸᬦ᭄ᬓᬕᬫᭂᬮ᭄ᬭᬳᬸᬄᬓᬕᬸᬦᬸᬂᬩ᭄ᬭᬢᬦ᭄᭞ᬩᬤᬸᬂᬢᬩᬦᬦ᭄ᬮᬸᬫᬶᬦ᭄ᬤᬶᬄ᭞ᬢᬹᬃᬫᬗᬳᬸᬕ᭄ᬤᬾᬰ᭞ᬳᬲᬶᬂᬘᭀᬗᬄᬓᬧᬥᭂᬫᬂ᭞ᬗᬬᬸᬄᬧᬥᬦᬸᬦᬲ᭄ᬳᬸᬭᬶᬧ᭄᭞ᬢᬹᬃᬓᬕᬤᬾᬦᬦ᭄᭞ᬓᬢᬄᬓ᭄ᬢᭂᬩᬾᬭᬶᬂ᭠
ᬫᬃᬵᬕ᭄ᬕᬶ᭟ᬫᬕᬸᬮᬸᬗᬦ᭄ᬗᬶᬭᬶᬂᬭᬳᬸᬄᬓᬧᬮ᭄ᬬᬢᬦ᭄᭞ᬳᬯᬢᬭᬧᬶᬢᬸᬂᬩᬗ᭄ᬲᬶᬢ᭄᭞ᬮᬸᬄᬫ᭄ᬯᬦᬶᬘ᭄ᬭᬶᬓ᭄ᬢᬸᬯ᭞ᬧ᭄ᬭᬕᬸᬂᬫᬗ᭄ᬯᬶᬦᬾᬲᬫ᭄ᬬᬦ᭄᭞ᬭᬶᬂᬳᬸᬩᬸᬤ᭄ᬚᭂᬦᭂᬓ᭄ᬫᬮᬶᬗ᭄ᬕᬶᬄ᭞ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥᬧᬩᬮᬶᬓ᭄ᬚᬕᬢ᭄ᬫᬗ᭄ᬯᬶ᭟ᬯ᭄ᬢᬸᬓᬗᭂᬦ᭄ᬳᬶᬥᭂᬧᬾᬫᬓᬶ
ᬢᬫᬗᭂᬦᬂ᭞ᬫᬲᬶᬄᬧᬦᬶᬢᬄᬯᬶᬤ᭄ᬥᬶ᭞ᬢᭀᬧᬮᬶᬂᬓᬗ᭄ᬕᭀᬦ᭞ᬬᬦ᭄ᬓᬤᬶᬫᬢᭀᬄᬢᭀᬳᬦ᭄᭞ᬩᬦᬶᬗᭂᬢᭀᬳᬶᬦ᭄ᬳᬓ᭄ᬢᬶ᭞ᬢᬹᬃᬫᬗᬸᬫ᭄ᬩᬸᬮᬂ᭞ᬳᬧᬦ᭄ᬩᬸᬗ᭄ᬓᬸᬲ᭄ᬫᬓᬕᬸᬫᬶ᭟ᬲᬚᬩᬦᬶᬂᬲᬶᬩᬂᬫᬩ᭄ᬭᬶᬬᬸᬓ᭄ᬫᬓᬩᬶᬤᬂ᭞ᬢᬹᬃᬫᬘᬶᬭᬶᬫᬩ᭠
[᭑᭒᭖126A]
ᬮᬶᬓ᭄᭞ᬫᬳᬳᬶᬄᬧᬬᬸᬓᬮᬄ᭞ᬢᭀᬫᬓᬶᬢᬫᬗᭂᬦᬂ᭞ᬢᬶᬢᬄᬢᭀᬂᬤᬤᬶᬓ᭄ᬮᬶᬤᬶᬦ᭄᭞ᬕᬦ᭄ᬢᬶᬫᬦᬫᬶᬬᬂ᭞ᬲᬦ᭄ᬢᬦᬦᬾᬩᬸᬓᬚᬦᬶ᭟ᬬᬦ᭄ᬋᬱᭂᬧᬂᬫᬸᬮᬢ᭄ᬯᬄᬓᬵᬮᬶᬲᬗ᭄ᬳᬭᬦ᭄ᬚᬕᬢ᭄᭞ᬧᬗᬤᬸᬦᬶᬂᬓᬵᬮᬓᬵᬮᬶ᭞ᬧᬶᬰᬸᬦᬗᬭᬡ
ᬳᬂ᭞ᬓ᭄ᬭᬡᬫᬫᬸᬲᬸᬳᬦ᭄᭞ᬢᬦ᭄ᬧᬗᬾᬢᬂᬩ᭄ᬦᭂᬄᬧ᭄ᬮᬶᬄ᭞ᬧᬶᬤᬸᬓᬦ᭄ᬳᬶᬤ᭞ᬪᬝᬵᬭᬭᬶᬂᬢᭀᬄᬮᬗ᭄ᬓᬶᬭ᭄᭟ᬢ᭄ᬯᬭ᭠ᬦᭂᬢᭂᬧᬂᬳᬸᬘᬧᬶᬂᬭᭀᬕᬲᬗ᭄ᬳᬭ᭞ᬮᬦ᭄ᬯᬶᬤ᭄ᬥᬶᬰᬵᬲ᭄ᬢ᭄ᬭᬫᬮᬶᬄ᭞ᬧᬸᬦᬶᬓᬗᬭᬡᬳᬂ᭞ᬢᭂᬕᬭᬂᬧᬶᬦᭂᬄᬯᬲ᭄ᬧᬤᬳᬂ᭞ᬓ᭄ᬭ
ᬜ᭄ᬚᬶᬗᬦ᭄ᬩᬦ᭄ᬫᬳᬵᬫᬹᬃᬢ᭄ᬢᬶ᭞ᬧ᭄ᬭᬕᬸᬗᬾᬲᬫ᭄ᬬᬦ᭄᭞ᬧᬥᬦᬸᬚᬸᬧᬜᬮᬶᬄ᭟ᬬᬦ᭄ᬮᬘᬸᬭᬦ᭄ᬳᬶᬯᬂᬳᬦ᭄ᬢᬸᬓ᭄ᬫᬦᬓᭂᬳᬂ᭞ᬳᬫ᭄ᬭᬬᬰ᭄ᬘᬶᬢ᭄ᬢᬕᬸᬫᬶ᭞ᬫᬗᬘᬶᬦᬶᬦ᭄ᬚᬕᬢ᭄᭞ᬢᬦ᭄ᬯᬸᬭᬸᬂᬦ᭄ᬫᬸᬭᬸᬲᬓ᭄᭞ᬫᬗ᭄ᬫᬲᬶᬦ᭄ᬲᬋᬂᬲᬫᬶ᭞ᬓᬤᬶᬘᬭᬶᬢ᭞ᬫᬋᬩᬸ᭠
ᬣᬾᬦ᭄ᬤᭀᬗᬦᬾᬗᬹᬦᬶ᭟ᬢᬸᬢᬸᬕᬂᬲᬢ᭄ᬯᬦᬾᬯ᭄ᬓᬲ᭄ᬧᬂᬳᬤᬳᬶᬗᭂᬢᬂ᭞ᬯᬸᬲ᭄ᬧᬩᬮᬶᬓ᭄ᬫᬗ᭄ᬯᬶ᭞ᬓᬵᬭᬶᬫᬳᬶᬯᬗᬦ᭄᭞ᬩᬢᬸᬬᬂᬲ᭄ᬯᬂᬫᬓ᭄ᬥᭂᬂᬗᬦ᭄᭞ᬓᬩᬤᬸᬂᬫᬗᬮᬶᬄᬕᬸᬲ᭄ᬢᬶ᭞ᬧᬘᬂᬫᬸᬤᬮᬂ᭞ᬲᬵᬫ᭄ᬧᬸᬦ᭄ᬳᬗ᭄ᬓᭂᬧ᭄ᬲᬋᬂᬲᬫᬶ᭞ᬘᭀ