Kaca:Bali-lontar-gaguritan-rereg-gianyar-300ppi.pdf/123

Saking Wikisource
Kaca puniki sampun kauji-wacén

[᭑᭒᭒122B]
᭑᭒᭒
ᬧᬩ᭄ᬯᬶᬦ᭄ᬲᭂᬫᬗᬶᬦ᭄ᬳᬢᬶ᭞ᬬᬦ᭄ᬲᬯᬗᬂ᭞ᬓᬸᬤ᭄ᬥᬮᬾᬩ᭄ᬲᬓᬶᬂᬧᬕ᭄ᬥᭀᬕᬦ᭄᭟ᬫᬗᬸᬮᬸᬲᬶᬦᬼᬕᬦ᭄ᬫᬦᬄ᭞ᬳᬓᬾᬄᬬᬦ᭄ᬢᬸᬢᬸᬭᬂᬫᬮᬶᬄ᭞ᬘᬭᬶᬢᬲᬵᬫ᭄ᬧᬸᬦ᭄ᬫᬫᬃᬵᬕ᭄ᬕ᭞ᬓᬂᬢᬗᬶᬲᬸᬫᬶᬗ᭄ᬓᬶᬗᬸᬫᬶᬭᬶᬄ᭞ᬘ᭄ᬭᬶᬓ᭄‌ᬢ᭄ᬯᬩᬚᬂᬓ᭄ᬮᬶᬄ᭞ᬲᬵᬫ᭄ᬧᬸᬦ᭄ᬓᬳᬢᭂᬄᬓ
ᬩᬤᬸᬂ᭞ᬧᬫᬃᬵᬕ᭄ᬕᬶᬦᬾᬚᬤᭀᬚᬤᭀ᭞ᬲᬢᬶᬦ᭄ᬤᬓ᭄ᬚᬗ᭄ᬕᭂᬮ᭄ᬫᬦᭀᬮᬶᬄ᭞ᬫᬓᬓᬸᬤᬂ᭞ᬫᬘᬧ᭄ᬘᬧ᭄ᬳᬸᬚᬦ᭄‌ᬬᬾᬄᬫᬢ᭟ᬲᬵᬫ᭄ᬧᬸᬦ᭄ᬤᭀᬄᬫᬗ᭄ᬓᬶᬦ᭄ᬫᬫᬃᬵᬕ᭄ᬕ᭞ᬧᬾᬄᬮᬶᬦ᭄ᬢᬂᬚᬕᬢ᭄ᬫᬗ᭄ᬯᬶ᭞ᬓᬢᬄᬳᬦᬓᬾᬧᬤ᭄ᬗᭀᬓ᭄᭞ᬓᬫᬃᬵᬕ᭄ᬕᬦᬾᬬ
ᬫᬮᬶᬄ᭞ᬯ᭄ᬬᬓ᭄ᬢᬶᬓᬗᭂᬦ᭄ᬗᬶᬯᬲᬶᬦ᭄᭞ᬫᬩᬼᬲ᭄ᬫᬓᬸᬤᬂᬓᬸᬤᬂ᭞ᬢᭀᬬᬦ᭄ᬯᬱ᭄ᬧᬦᬾᬫᬘᬧ᭄ᬘᬧ᭄᭞ᬕ᭄ᬮᬶᬲᬶᬂᬘᬭᬶᬢᬧ᭄ᬭᬧ᭄ᬢᬶ᭞ᬫᬭᬶᬂᬩᬤᬸᬂ᭞ᬢᬹᬃᬲᬵᬫ᭄ᬧᬸᬦ᭄ᬓᬧᬓᭀᬍᬫᬦ᭄᭟ᬧᬸᬦᬧᬶᬫᬮᬶᬄᬩᬳᭀᬲᬂ᭞ᬭᬸᬫᬲᬢ᭄ᬲᬵᬫ᭄ᬧᬸᬦ᭄ᬭᬶᬂᬤᬸᬗ᭄ᬓᬶ᭞ᬧ᭄ᬭ
ᬕᬸᬂᬩᬤᬸᬂᬫᬗ᭄ᬓᬶᬦ᭄ᬓᭀᬘᬧ᭄᭞ᬲᬂᬘᬶᬤ᭄ᬥᬫᭀᬮᬶᬳᬶᬂᬚᬸᬭᬶᬢ᭄᭞ᬢᬦ᭄ᬲᬶᬧᬶᬫᬗ᭄ᬮᬾᬤᬗᬶᬦ᭄᭞ᬦᬧᬶᬯᬾᬦ᭄ᬢᭂ᭠ᬦ᭄ᬓᬭᬶᬲᬦ᭄ᬢᬸᬮ᭄᭞ᬳᬧᬦ᭄ᬗᬶᬭᬶᬂᬧᬓᬬᬸᬦᬦ᭄᭞ᬳᬶᬤᬲᬂᬫᬸᬢᭂᬭᬶᬂᬩᬮᬶ᭞ᬳᬮᬳᬬᬸ᭞ᬳᬧᬦ᭄ᬳᬶᬤᬗᬭᬕᬳᬂ᭟ᬲᬧᬸᬦᬶ
[᭑᭒᭓123A]
ᬓᬓᬩᬳᭀᬲᬂ᭞ᬲᬤ᭄ᬬᬦᬾᬓᬤᬸᬂᬮᬸᬫᬶᬦ᭄ᬤᬶᬄ᭞ᬯ᭄ᬬᬓ᭄ᬢᬶᬭᬳᬸᬄᬓᬢᬩᬦᬦ᭄᭞ᬳᬧᬦ᭄ᬲᬋᬂᬜ᭄ᬚᬬᬕᬸᬫᬶ᭞ᬲᬵᬫ᭄ᬧᬸᬦ᭄ᬫᬳᭂᬤᬸᬫ᭄ᬲᬫᬶ᭞ᬲᬋᬂᬳᬶᬢᬩᬦᬦ᭄ᬩᬤᬸᬂ᭞ᬤᬾᬰᬫ᭄ᬯᬂᬢ᭄ᬕᬮ᭄ᬲᬯᬄ᭞ᬫᬮᬶᬄᬦᬾᬭᬶᬂᬕᬸᬫᬂᬓᭀᬧᬶ᭞ᬧᬸᬜ
ᬦ᭄ᬜᬸᬄ᭞ᬯᬢ᭄ᬭᬓᬳᬶᬘ᭄ᬙᬾᬦ᭄ᬩᬩᬕ᭄ᬬᬦ᭄᭟ᬭᬳᬶᬳᬶᬂᬧ᭄ᬭᬩ᭄ᬓᭂᬮ᭄ᬫᬜ᭄ᬘ᭞ᬫᬶᬯᬄᬲᬫ᭄ᬢᭀᬦᬦ᭄ᬲᬫᬶ᭞ᬓᬢ᭄ᬓᬾᬂᬧᬓ᭠ᬢᬶᬓ᭄ᬚᬭᬦ᭄᭞ᬲᭀᬢᬦᬶᬂᬫ᭄ᬦᬗᬶᬂᬚᬸᬭᬶᬢ᭄‌᭞ᬦᬾᬧᬵᬢᬹᬢ᭄ᬓᬳᬶᬘ᭄ᬙᬾᬦ᭄᭞ᬫᬓᬵᬤᬶᬦᬾᬳᬦᬓ᭄ᬮᬸᬄ᭞ᬘᭀᬓᭀᬃᬤᬤᬾ
ᬦ᭄ᬧᬲᬃ᭞ᬢᬦ᭄ᬧᬜ᭄ᬚᬂᬲᬵᬫ᭄ᬧᬸᬦ᭄ᬓᬧᬳᬶᬘ᭄ᬙᬲᬫᬶ᭞ᬢ᭄ᬯᬭᬗᬶᬢᬸᬂᬓᬢ᭄ᬓᬾᬦ᭄ᬭᬵᬚᬩ᭄ᬭᬡ᭟ᬧᬜ᭄ᬚᬂᬫᬮᬶᬄᬩᬦ᭄ᬦᬸ᭠ᬢᬸᬭᬂ᭞ᬲᬓᬳᭀᬦ᭄ᬚᬕᬢ᭄ᬫᬗ᭄ᬯᬶ᭞ᬓᬵᬢᬹᬃᬭᬶᬂᬲᬂᬫᬸᬢᭂᬃᬚᬕᬢ᭄᭞ᬲᬂᬕᬸᬘᬕᬡᬭᬶᬂᬩᬮᬶ᭞ᬮᬾᬤᬂᬗᬾᬢᬶᬤᭀᬂᬕᬶ᭠
ᬕᬶᬲ᭄᭞ᬓᬩᬓᬩᬲᬶᬩᬂᬗᬸᬘᬸᬓ᭄᭞ᬧ᭄ᬭᬲᬶᬤ᭄ᬥᬤᬤᭀᬲ᭄ᬭᬩᬦ᭄᭞ᬧᬗᬲᬶᬮᬦ᭄ᬓᬵᬢᬹᬃᬲᬫᬶ᭞ᬓᬓ᭄ᬮᬸᬂᬓᬸᬂᬭᬳᬸᬳᬶᬂᬲᬭᬵᬚᬫᬸᬮ᭄ᬬ᭟ᬢ᭄ᬯᬄᬲᬤ᭄ᬬᬦᬾᬫᬭᬕ᭞ᬓ᭄ᬭᬡᬲᬶᬤ᭄ᬥᬓᬤᬶᬫᬗ᭄ᬓᬶᬦ᭄᭞ᬩᭀᬬᬫᬮᬶᬄᬫᬳᬶᬗᬦ᭄᭞᭠