[᭑᭒᭐120B]
᭑᭒᭐
ᬓᭀᬃᬤᬕ᭄ᬥᬾᬭᬶᬳᬶᬦ᭄᭟ᬲᬵᬫ᭄ᬧᬸᬦ᭄ᬓᬧᬶᬤᬃᬢ᭄ᬣᬳᬶᬦ᭄ᬤᬶᬓᬾᬭᬶᬂᬧᬬᬸᬤ᭄ᬥᬦ᭄᭞ᬫᬫᬦ᭄ᬢᭂᬕ᭄ᬧᬸᬧᬸᬓᬤᬶᬕ᭄ᬦᬶ᭞ᬚᬃᬱᬗᬯᬶᬭᬗᬂ᭞ᬘᭂᬧᭂᬢ᭄ᬘᭀᬓᭀᬃᬤᬳᭀᬓ᭞ᬫᬧᬧᬸᬗᬸᬭᬶᬂᬳᬶᬬᬭᬶ᭞ᬫᬥᬾᬧᬶᬦᭂᬳᬂ᭞ᬳᬧᬦ᭄ᬮ᭄ᬯᬶᬄᬲ᭄ᬥᭂᬂᬓ᭄ᬦᭂᬳᬶᬦ᭄᭟ᬩ
ᬲ᭄ᬓᬮᭀᬩᬜ᭄ᬚᭀᬓ᭄ᬳᬧᬦ᭄ᬫᬸᬲᬸᬄᬲ᭄ᬥᭂᬂᬫᬗᬧ᭄᭞ᬩ᭄ᬯᬶᬦ᭄ᬢ᭄ᬯᬭᬳᬤᬢᭀᬳᬶᬦ᭄᭞ᬘᭀᬓᭀᬃᬤᬦ᭄ᬤᬾᬯᬢ᭞᭠ᬓᬾᬗᬶᬦ᭄ᬫᬳᬩᬩᬦ᭄᭞ᬳᬸᬮᬶᬚᬸᬫᬄᬫᬮᬸᬓ᭄ᬦᭂᬳᬶᬦ᭄᭞ᬚᬮᬦ᭄ᬓᬶᬭᬶᬕᬂ᭞ᬲᬤᬗᬶᬦ᭄ᬳᬬᬸᬂᬕᬶᬲᬶ᭟ᬲᬵᬫ᭄ᬧᬸᬦ᭄ᬓᬧᬵᬢᬹᬢ᭄ᬩ᭠
ᬳᭀᬲᬾᬭᬭᬶᬲ᭄ᬫᬢᬸᬮᬓ᭄᭞ᬲᬋᬂᬧ᭄ᬭᬭᬸᬤᬦ᭄ᬫᬗ᭄ᬯᬶ᭞ᬢᬦ᭄ᬓᭀᬘᬧ᭄ᬭᬶᬂᬫᬃᬵᬕ᭄ᬕ᭞ᬫᬓᬸᬓᬸᬳᬦ᭄ᬭᬶᬗᬗᬦ᭄ᬢᬓ᭞ᬩᬤᬸᬗᬾᬲᬵᬫ᭄ᬧᬸᬦ᭄ᬮᬸᬫᬶᬦ᭄ᬤᬶᬄ᭞ᬫᬗᬳᬸᬕ᭄ᬤᬾᬰ᭞ᬭᬳᬸᬄᬓᬕᬸᬦᬸᬂᬲᬫᬶ᭟ᬦᬸᬚᬸᬤᬶᬦᬢᬾᬉᬫᬦᬶᬲ᭄ᬫ᭄ᬭᬓᬶᬄ᭞ᬧᬸᬦᬶᬓ
ᬓᬳᭀᬦ᭄ᬚᬕᬢ᭄ᬫᬗ᭄ᬯᬶ᭞ᬢᬗ᭄ᬕᬮᬾᬧᬶᬂᬢ᭄ᬮᬸᬮᬲ᭄᭞ᬰᬰᬶᬄᬓᬲᬭᬄᬢᬶᬕ᭞ᬓᬵᬭᬶᬢᭂᬗ᭄ᬕᭂᬓᬾᬳᬲᬶᬓᬶ᭞᭠ᬇᬰᬓᬵᬯᬃᬱ᭞ᬓᬵᬭᬶᬫᬗ᭄ᬕᭂᬄᬓᬤᬶᬗᬹᬦᬶ᭟ᬓᬘᬭᬶᬢᬲᬂᬓᬵᬭᬶᬭᬶᬂᬓᬯᬶᬲᬸᬦ᭄ᬬ᭞ᬕᬸᬲ᭄ᬢᬶᬕ᭄ᬥᬾᬧᬓᬶᬲᬶᬮᬶ᭞ᬫᬶᬢᬳᭂ᭠
[᭑᭒᭑121A]
ᬦ᭄ᬓᬭᬸᬲᬓ᭄᭞ᬚᬦᬶᬓᬾᬦ᭄ᬓᬾᬦᬂᬫᬤᬬ᭞ᬗ᭄ᬳᬶᬂᬳᬶᬕᬸᬲ᭄ᬢᬶᬳᬬᬸᬳᬶᬲ᭄ᬢ᭄ᬭᬶ᭞ᬭᬗ᭄ᬓᬸᬂᬲᬸᬗ᭄ᬓᬯ᭞ᬲᬶᬦᭀᬫᬾᬧᬕᬸᬮᬯᬶᬭ᭄᭟᭜᭟ᬲᬶᬦᭀᬫ᭄᭟᭜᭟ᬓᬗᭂᬦ᭄ᬫᬢᬦᬾᬗᬦ᭄ᬢᭂᬦᬂ᭞ᬢᬗᬶᬲᬶᬂᬯᭀᬂᬲᬚ᭄ᬭᭀᬧᬸᬭᬶ᭞ᬕᬶᬦ᭄ᬬᬓᬶᬂᬲ᭄ᬫᬭᬓᬢᭀᬦ᭄᭞
ᬢᬶᬦᭂᬫ᭄ᬧᬸᬳᬶᬂᬫᬭᬸᬢᬢᬳᬭᬶᬲ᭄᭞ᬫᬭᬶᬂᬕᬾᬕᬾᬃᬳᬗᬶᬗ᭄ᬕᬶᬮ᭄᭞ᬫᬦᬸᬓ᭄ᬜᬦᬾᬧᬲᬸᬭᬫ᭄ᬩ᭄ᬬᬂ᭞ᬓᬢᬸᬗ᭄ᬕᬮᬦᬶᬂᬫ᭄ᬭᬓ᭄᭞ᬓᬤᬶᬕᬸᬲ᭄ᬢᬶᬳᬕᬸᬂᬳᬶᬲ᭄ᬢ᭄ᬭᬶ᭞ᬲᭂᬤᬶᬄᬗᬸᬦ᭄ᬗᬸᬦ᭄᭞ᬢᬦ᭄ᬲᬄᬦᬸᬮᬫᬾᬤᬾᬯᬢ᭟ᬯ᭄ᬢᭂᬂᬭᬲᬦᬶᬗᬚ᭄ᬜᬦ᭞ᬦᭀᬭᬦᬭᭀᬢ᭄ᬓᬳ
ᬓ᭄ᬱᬶ᭞ᬲᬶᬦᬧᬸᬢᬶᬂᬓᬤᬸᬲ᭄ᬓᬺᬢ᭄ᬣᬵᬦ᭄᭞ᬢ᭄ᬳᭂᬃᬢᬶᬦᬶᬩᬳᬕᬸᬮᬶᬂ᭞ᬲᬫ᭄ᬩᬢ᭄ᬲᬫ᭄ᬩᬢ᭄ᬦᬗᬶᬲ᭄᭞ᬥᬳᬹᬄᬲᬸᬲᬸᬳᬸᬦᬦ᭄ᬢᬶᬢ᭄ᬬᬂᬭᬢᬸ᭞ᬓᬸᬤᬮᬲ᭄ᬗᬫᬗ᭄ᬚᬵᬓᬂ᭞ᬫᬦᬸᬢᬂᬢᬶᬢ᭄ᬬᬂᬳᬶᬭᬶᬓᬶ᭞ᬜᬤ᭄ᬬᬫᬶᬮᬸ᭞ᬗᬶᬭᬶᬂᬲᬢᬶᬩᬦᬶᬂᬧᬭ᭟ᬚᬦ᭄ᬢᭀᬲᬶᬦ᭄ᬢᬶᬢ᭄ᬬᬂᬘᭀ
ᬓᭀᬃᬤ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬩᬺᬲᬶᬄ᭞ᬫᬗᬗ᭄ᬓᬲ᭄ᬧᬭᬫᬩᬾᬮ᭞ᬬᬤᬶᬦ᭄ᬢ᭄ᬯᬓᬤᬶᬫᬗ᭄ᬓᬶᬦ᭄᭞ᬢᬶ᭠ᬗ᭄ᬓᬄᬲᬢ᭄ᬬᬲᬸᬩ᭄ᬭᬢᬶ᭞ᬮᬾᬤᬂᬗᬗ᭄ᬕᬾᬦ᭄ᬚᬸᬭᬸᬲᬧᬸᬄ᭞ᬚᬸᬭᬸᬧ᭄ᬘᬶᬓ᭄ᬧ᭄ᬘᬶᬓ᭄ᬘᭀᬓᭀᬃ᭞ᬓᬕᬾᬢ᭄ᬫᬓᬭ᭄ᬯᬦ᭄ᬧ᭄ᬭᬧ᭄ᬢᬶ᭞ᬲᬶᬓᭂᬧ᭄ᬩᬤᬸᬂ᭞
Kaca:Bali-lontar-gaguritan-rereg-gianyar-300ppi.pdf/121
Kaca puniki sampun kauji-wacén
