[᭑᭑᭙119B]
᭑᭑᭙
ᬦ᭄᭞ᬭᬶᬂᬧ᭄ᬭᬫ᭄ᬧᬢᬦ᭄ᬫᬗ᭄ᬯᬶᬢᬦᬶ᭟ᬓᬤᬶᬫᭂᬫᭂᬲᬦ᭄ᬳᬦᬓ᭄ᬳᬕᬸᬂᬫᬸᬗ᭄ᬕᬸᬳᬶᬋᬫ᭄ᬩᬢ᭄᭞ᬢᬦᬤᭀᬄᬧᬥᬵᬡ᭄ᬥᬗᬩᬶᬄ᭞ᬓᬢᬸᬂᬢᬸᬂᬤᬹᬃᬬᬰ᭞ᬯᬯᬸᬫᬚᭀᬕ᭄ᬭᬭᬶᬲ᭄ᬓᭂᬦ᭞ᬜᬮᬾᬫ᭄ᬧᭀᬄᬧᬥᬵᬡ᭄ᬥᬓ᭄ᬦᬶ᭞ᬫᭂᬲᬢ᭄ᬳ᭄ᬬᬗᬢ᭄ᬫ᭞ᬫᬗ᭄ᬓᬶᬦ᭄ᬓᬂ᭠
ᬲᬸᬭᬓ᭄ᬮᬸᬫᬶᬭᬶᬄ᭟ᬩᬗᬸᬦ᭄ᬓᬵᬤ᭄ᬪᬹᬢᬦᬶᬂᬧ᭄ᬭᬂᬳᬸᬧᬫᬲᬵᬕᬭᬧᬲᬂ᭞ᬳᬦᬭᬸᬄᬚᭂᬂᬦᬶᬂᬯᬶᬓᬶᬭ᭄᭞ᬦᬓ᭄ᬳᬕᬸᬂᬗᬦ᭄ᬤᬶᬓ᭞ᬗᬯᬂᬯᬂᬳᬶᬚᬸᬋᬫ᭄ᬩᬢ᭄᭞ᬮᬳᬸᬢᬂᬳᬫᬹᬓᬂᬚᬦᬶ᭞ᬯᬲ᭄ᬢᬸᬲᬗ᭄ᬓᬮ᭞ᬧᬗᬯᬶᬦᬾᬓ᭄ᬦᬶᬩ᭄ᬥᬶᬮ᭄᭟ᬦᬵᬗ᭄ᬳᬶᬂᬳᬦᬓᬾ᭠
ᬳᬕᬸᬂᬯᬸᬲ᭄ᬭᬸᬫᬲᬾᬂᬳᬚ᭄ᬜ᭞ᬰᬹᬭᬵᬧ᭄ᬭᬮᬷᬡᬳᬸᬦᬸᬗ᭄ᬲᬶ᭞ᬘᬡ᭄ᬥᬮᬭᬶᬂᬭᬕ᭞ᬮᬸᬓᬢ᭄ᬳᬦ᭄ᬢᬸᬓ᭄ᬧᬸᬭᬸᬱ᭞ᬫᬮᬶᬄᬓᬧᬼᬓᬦ᭄ᬫᬵᬃᬕ᭄ᬕᬶ᭞ᬫᬮᬶᬄᬫᬕᬶᬭᬲ᭄᭞ᬮᬳᬸᬢ᭄ᬳᬫᬹᬓᬂᬚᬦᬶ᭟ᬇᬭᬶᬓᬵᬲᬳᬲᬲᬫ᭄ᬩᬶᬮ᭄ᬦᭂᬕᭂᬦ᭄ᬫᬗᬫᬹᬓᬂ᭞ᬚᬸᬭᬸᬕ
ᬬᭀᬢ᭄ᬓᭂᬦᬩ᭄ᬥᬶᬮ᭄᭞ᬩᬄᬫᬦᬸᬗ᭄ᬓᬬᬓ᭄᭞ᬓᬤᬸᬂᬓᬢᬸᬂᬤᬸᬲ᭄ᬓ᭄ᬓᬺᬢ᭄ᬣᬵ᭞ᬦᬓ᭄ᬳᬕᬸᬂᬭᬸᬦ᭄ᬢᬸᬳᬶᬂᬓ᭄ᬱᬶᬢᬶ᭞ᬢᬹᬭᬶᬦᭂᬩᬸᬢᬦ᭄᭞ᬕᬶᬦᬶᬢᬶᬓ᭄ᬓᬢᬸᬫ᭄ᬩᬓᬶᬦ᭄᭟ᬢᬦᬲ᭄ᬯᬾᬫᭂᬮᬢ᭄ᬲᬗ᭄ᬳ᭄ᬬᬂᬚᬶᬯᬵᬦ᭄ᬢᬓ᭞ᬫᬸᬮᬓᬦ᭄ᬭᬄᬳᬸᬫᬶᬚᬶᬮ᭄᭞ᬦ᭄ᬳᭂᬃ᭠
[᭑᭒᭐120A]
ᬲᬶᬦᬸᬭᬓᬦ᭄᭞ᬕᬸᬫᬸᬭᬸᬳᬶᬂᬢᬢᬩᬸᬳᬦ᭄᭞ᬢᬦᬦᬳᬶᬦᬸᬘᬧ᭄ᬮᬶᬄ᭞ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥ᭞ᬫᬦ᭄ᬢᬸᬓᬶᬂᬭᬡᬫᬗ᭄ᬓᬶᬦ᭄᭟ᬓᬘᬭᬶᬢᬧᬢᬸᬮᬸᬂᬳᬸᬩᬸᬤ᭄ᬓᬲᬾᬧ᭄ᬢᭂᬓ᭞ᬘᭀᬓᭀᬃᬤᬕ᭄ᬥᬾᬫᬓᬵᬤᬶ᭞ᬫᬦ᭄ᬤᭂᬕᬶᬂᬧᬦᬭᬸᬗᬦ᭄᭞ᬓᬵᬢᬹᬃᬲᬵ
ᬫ᭄ᬧᬸᬦ᭄ᬤᬾᬯᬢ᭞ᬧᬥᬡ᭄ᬥᬲᬋᬂᬫᬗᬶᬭᬶᬂ᭞ᬓᬤᬶᬧᬗ᭄ᬲᭂᬕᬂ᭞ᬘᭀᬓᭀᬃᬤᬓᬤᬶᬲ᭄ᬫᬸᬢᬗᬶᬲ᭄᭟ᬥᬸᬄᬓᬢᬸᬯᭀᬦ᭄ᬢᬦ᭄ᬲᬶᬳᬦᬶᬂᬤᬾᬯ᭞ᬕᬦ᭄ᬢᬶᬢ᭄ᬯᬭᬫᬲᬵᬕᬭᬕ᭄ᬢᬶᬄ᭞ᬫᬸᬕᬸᬦᬸᬂᬓᬦᬧ᭞ᬓᬾᬢᭀᬧᬶᬦᭂᬄᬗᬭᬕ᭞ᬓᬕᬾᬢ᭄ᬫ
ᬕᬸᬮᬸᬗᬦ᭄ᬧ᭄ᬭᬧ᭄ᬢᬶ᭞ᬕᬸᬲ᭄ᬢᬶᬫᬥᬾᬗᬸᬭᬄ᭞ᬲᬋᬂᬕᬸᬲ᭄ᬢᬶᬫᬬᬸᬦ᭄ᬫᬮᬶᬄ᭟ᬲᬕᬺᬳᬦ᭄ᬭᬳᬸᬳᬶᬂᬭᬩᬶᬧᬸᬢ᭄ᬭᬲᬫ᭄ᬢᭀᬦᬦ᭄᭞ᬓᬤᬶᬲ᭄ᬫᬸᬲ᭄ᬫᬸᬢᬗᬶᬲ᭄᭞ᬫᬦᬳᬦᬂᬚ᭄ᬗᬄ᭞ᬭᬭᬸᬤ᭄ᬧᬢᬶᬍᬧᬂᬍᬧᬂ᭞ᬳᬾᬮᬶᬂᬤᬦᬾᬲᬦᬾᬭᬶᬳᬶᬦ᭄᭞ᬤᬸ
ᬓ᭄ᬳᬩᬶᬲ᭄ᬩᬸᬲᬦ᭄᭞ᬩᬢᬸᬄᬲᬋᬂᬲᬓ᭄ᬯᬢᬶ᭟ᬓᭂᬲ᭄ᬬᬩ᭄ᬓᭂᬲ᭄ᬬᬩ᭄ᬤᬸᬄᬓᬶᬢᬦᬾᬓᬤᬶᬢ᭄ᬕᬮ᭄᭞ᬤᬮ᭄ᬬᬸᬩᬵᬦ᭄ᬗᭂᬦᭂᬳᬶᬦ᭄᭞ᬳᬶᬤᬸᬧᬾᬳᬸᬮᬳᬂ᭞ᬓᬾᬢᭀᬫᬗ᭄ᬭᬲᬭᬶᬂᬭᬕ᭞ᬕᬕ᭄ᬮᬶᬲᬦ᭄ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬗᬚᭂᬂᬳᬶᬤ᭞ᬘᭀ᭠
Kaca:Bali-lontar-gaguritan-rereg-gianyar-300ppi.pdf/120
Kaca puniki sampun kauji-wacén
