[᭑᭑11B]
᭑᭑
ᬤᬘᭀᬓᭀᬃᬤ᭞ᬧᬘᬂᬫᬢᬗ᭄ᬓᬶᬲ᭄ᬫᬩᬮᬶᬓ᭄᭞ᬩᬧᬓ᭄ᬯᬗᬦ᭄᭞ᬬᬦ᭄ᬮᬯᬦᬂᬫᬢᬦ᭄ᬤᬶᬂ᭟ᬫᬗ᭄ᬓᬶᬦ᭄ᬤ᭠ᬤᬶᬲᬶᬓᭂᬧ᭄ᬩᬤᬸᬮᬸᬲᬸᬩᬳᬚᬓ᭄᭞ᬘᭀᬓᭀᬃᬤᬮᬳᬸᬢ᭄ᬕᬶᬲᬶ᭞ᬤᬗᬢᬸᬭᬶᬦ᭄ᬩᭂᬮᬲ᭄᭞ᬬᬦ᭄ᬳᬶᬤᬧᬘᬂᬘᭀ
ᬗᬄ᭞ᬮᬳᬸᬢᬂᬲᬚᬬᬂ᭞ᬲᬧᬶᬄᬩᬧᬳᬦ᭄ᬤᭂᬮᬂ᭞ᬢ᭄ᬯᬭᬗᬾᬯᭂᬳᬂᬫᬶᬫᬶᬲ᭄᭟ᬳᬶᬤᬾᬯᬕ᭄ᬥᬾᬓᬮᬾᬃᬢ᭄ᬓᬫᬲᬶᬮ᭞ᬫᭂᬧᭂᬲ᭄ᬫᬲᭂᬩᭂᬂᬕᬢᬶ᭞ᬧᬸᬢᬸᬲᬦ᭄ᬘᭀᬓᭀᬃᬤ᭞ᬗᬢᬸᬭᬶᬦ᭄ᬫᬗ᭄ᬤᬾᬩᬸᬤᬮ᭄᭞ᬧᬥᬡ᭄ᬥᬳᬘᬺᬂᬫᬦᭂᬗ᭄ᬓᬶ᭠
ᬓ᭄᭞ᬭᬢᬸᬩᬗ᭄ᬕᬬᬂ᭞ᬢᬶᬢ᭄ᬬᬂᬫᬲᭂᬫᬳᬶᬭᬶᬓᬶ᭟ᬲᬓᬶᬂᬫᬶᬲᬤ᭄ᬬᬧᬶᬲᬦ᭄ᬗᬢᬸᬭᬂᬚᬶᬯ᭞ᬫᬓᬘᬶᬭᬶᬦ᭄ᬲᬸᬪᬓ᭄ᬢᬶ᭞ᬗᬾᬤᬍᬫ᭄ᬫᬢᬸᬮᬓ᭄᭞ᬩᬓᬮ᭄ᬳᬧᬬᬫᬫᬹᬚᬵ᭞ᬗᬲ᭄ᬢᬯᬪᬝᬵᬢᬲᬳᬶ᭞ᬓ᭄ᬭᬡᬤᬶᬫ᭄ᬭᬚᬦ᭄᭞ᬜᭀᬤᭀᬕ᭄ᬫ
ᬳᬋᬧ᭄ᬓᬗᬶᬦ᭄᭟ᬭᬭᬶᬲ᭄ᬳᬶᬤᬾᬯᬕ᭄ᬥᬾᬓᬮᬾᬃᬫᬧᬫᬶᬢ᭄ᬩᬸᬤᬮ᭄᭞ᬢᬶᬦ᭄ᬤᬓᬦᬾᬲᬤᬕᬢᬶ᭞ᬗᬾᬤᬾᬗᬂᬢᭂᬩᬗᬦ᭄᭞ᬲᬵᬫ᭄ᬧᬸᬦ᭄ᬧᬥᬫ᭄ᬭᬬᬢ᭄ᬦ᭞ᬫᬚᬕᬩᬶᬮᬂᬳᬓᭀᬭᬶ᭞ᬭᬳᬸᬄᬓᬫ᭄ᬭᬚᬦ᭄᭞ᬭᬶᬂᬩᬾᬢᬾᬮᬦ᭄ᬲ
[᭑᭒12A]
ᬫᬶ᭟ᬫᬮᬶᬄᬗᬳᬸᬕᬂᬲᬶᬓᭂᬧ᭄ᬓᬧᬲᬭᬾᬦᬦ᭄᭞ᬤᭂᬤᭂᬢ᭄ᬲᬶᬓᭂᬧ᭄ᬫᬗᬸᬯᬶ᭞ᬗᭂᬩᭂᬓᬶᬦ᭄ᬩᬜ᭄ᬘᬶᬗᬄ᭞ᬧᬥᬡ᭄ᬥᬫ᭠ᬢᬩ᭄ᬢᬩᬦ᭄᭞ᬦᭀᬂᬓ᭄ᬮᬂᬗᭂᬘᬕᬂᬓᬸᬮᬫ᭄ᬩᬶ᭞ᬮᬓᭂᬦ᭄ᬫᬲᬸᬮᬫ᭄᭞ᬲᬸᬳᬸᬤ᭄ᬫᬯᬳᬸᬧᬢᬶ᭟ᬦᬾᬯᬚᬫᬸᬃᬲᬋᬂᬳᬶᬤᬾᬯᬩᭀ
ᬲᬓᬤᬶᬓ᭄ᬭᬾᬢᬳᬧᬶ᭞ᬫᬳᬭᭀᬗᬭᭀᬗᬦ᭄᭞ᬲᬋᬂᬗᬶᬭᬶᬂᬧᬥᬡ᭄ᬥ᭞ᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬢᬶᬢᬶᬩᭂᬲᬶ᭠ᬓᬭᬶᬫᬦᭀᬂᬓ᭄ᬮᬂᬯᬾᬦ᭄ᬢᭂᬦ᭄ᬫᬶᬜ᭄ᬘᬢᬶᬦ᭄ᬢᬶᬢᬶ᭟ᬓᬤᬶᬳᬳᬸᬲ᭄ᬕᬾᬧᬾᬭᬳᬸᬄᬓᬕ᭄ᬬᬜᬃ᭞ᬲᬸᬫᬶᬗ᭄ᬓᬶᬦ᭄ᬫᬗᬯᬾᬭᬶᬫ᭄ᬭᬶᬫ᭄᭞
ᬧᬜ᭄ᬚᬓᬾᬕᬸᬫᬭ᭞ᬲᭂᬗᬧ᭄ᬫᬗᬮᬶᬄᬲᭀᬭᭀᬳᬦ᭄᭞ᬳᬤᬕᭂᬲᬄᬗᬮᬶᬄᬕᬸᬲ᭄ᬢᬶ᭞ᬫᬲ᭄ᬮᬶᬯᭂᬭᬦ᭄᭞ᬧᬥᬲᬮᬶᬂᬢᬓᭀᬦᬶᬦ᭄᭟ᬤᬶᬚ᭄ᬭᭀᬓᬸᬢᬢᬦᬶᬓᬃᬯᬦ᭄ᬚᬚᬮᬗᬦ᭄᭞ᬩᬸᬓᬜᬯᬦᬾᬗᬩᬩᬶᬦ᭄᭞ᬧᬗᭀ
ᬩ᭄ᬧᬋᬓᬦ᭄᭞ᬧᬥᬗᬸᬗ᭄ᬲᬶᬩᬜ᭄ᬘᬶᬗᬄ᭞ᬚᬸᬭᬸᬕᬬᭀᬢ᭄ᬭᭀᬩᬦ᭄ᬩᭂᬤᬶᬮ᭄᭞ᬢᬭᬸᬡᬫᬫᬲ᭄᭞ᬗᭂᬩᭂᬓᬶᬦ᭄ᬳᬜ᭄ᬘᬓ᭄ᬲᬚᬶ᭟ᬧᬸᬧᬸᬢᬶᬂᬩᬩᬳᭀᬲ᭄ᬳᬶᬤᬦᬾᬳᬦᬓ᭄ᬳᬕᬸᬂᬗᬸᬭᬄ᭞ᬓᬧᬵᬢᬹᬢ᭄ᬲᬋᬂᬲᬂᬭᬳᬶ᭞ᬦᬓ᭄ᬳᬕᬸᬂᬕ᭄ᬥᬾ
Kaca:Bali-lontar-gaguritan-rereg-gianyar-300ppi.pdf/12
Kaca puniki sampun kauji-wacén
