[᭑᭑᭘118B]
᭑᭑᭘
ᬕᬸᬲ᭄ᬢᬶᬫᬥᬾᬳᭀᬓ᭞ᬲᬋᬂᬲᬫ᭄ᬢᭀᬦᬦ᭄ᬲᬫᬶ᭞ᬧ᭄ᬭᬭᬵᬚᬧᬸᬢ᭄ᬭ᭞ᬗᬫᬹᬓ᭄ᬢᬦ᭄ᬕᬶᬕᬶᬲᬶᬦ᭄᭟ᬢᬦ᭄ᬓᭂᬦᬳᬶᬗᬸᬧᬫᬭᬫ᭄ᬬᬦᬶᬗᬬᬸᬤ᭄ᬥ᭞ᬲᬮᬶᬂᬤᭂᬤᭂᬲ᭄ᬧ᭄ᬭᬂᬲᬶᬮᬶᬳᭀᬓᬶᬄ᭞ᬧᬥᬜᬸᬤ᭄ᬤᬢ᭄ᬥᬥ᭞ᬳᬲᬶᬂᬫᬶᬗᬾᬓᬢᬸᬢᬸᬭᬦ᭄᭞ᬢᬦ᭄ᬧᬾᬗᬦ᭄ᬫᬵ
ᬢᬶᬳᬓᬦᬶᬦ᭄᭞ᬭᬄᬫᬓᬘᬓᬦ᭄᭞ᬯ᭄ᬬᬓ᭄ᬢᬶᬗᬫ᭄ᬩᬗᬶᬂᬓ᭄ᬱᬶᬢᬶ᭟ᬧᬘᬧᭀᬮ᭄ᬧᭀᬮ᭄ᬓᬤᬶᬕ᭄ᬢᬲ᭄ᬳᬶᬦᭀᬭᬕ᭠ᬦ᭄᭞ᬫᬵᬢᬶᬫ᭄ᬯᬂᬓᬦᬶᬦ᭄᭞ᬫᬶᬫᬶᬲ᭄ᬓᬤᬶᬳᬸᬚᬦ᭄᭞ᬧ᭄ᬢᭂᬂᬳᬮᬶᬫᬸᬦᬦ᭄᭞ᬲᬶᬦᬧᬸᬢ᭄ᬓᬸᬓᬸᬲᬶᬂᬩ᭄ᬥᬶᬮ᭄᭞ᬤᬤᬶᬓᬕᬶᬯᬂᬯᭀᬂᬩᬤᬸᬂᬢ᭠
ᬗ᭄ᬓᭂᬧ᭄ᬚᬸᬭᬶᬢ᭄᭟ᬓᬘᬶᬗᬓ᭄ᬳᬦ᭄ᬢᬸᬓ᭄ᬧ᭄ᬭᬕᬸᬂᬩᬤᬸᬂᬚ᭄ᬭᬶᬄᬩᬸᬗ᭄ᬓᬄ᭞ᬕᬸᬲ᭄ᬢᬶᬭᬓᬤᭂᬩᭀᬫᬓᬵᬤᬶ᭞ᬲᬋᬂᬲᬮᬶᬢ᭄ᬳᭀ᭠ᬓ᭞ᬕᭂᬦ᭄ᬢᬶᬓ᭄ᬭᭀᬥᬫᬜᬶᬗᬓ᭄᭞ᬦᭀᬮᬾᬓ᭄ᬧᬜ᭄ᬚᬓ᭄ᬢᬸᬃᬫᬦᬸᬤᬶᬂ᭞ᬳᬸᬄᬜᬾᬦ᭄ᬋᬓᭀ᭞ᬫᬸᬲᬸᬄᬳᬫᬧᬕ᭄ᬚᬸᬭᬶᬢ᭄᭟ᬯᬾ
ᬦ᭄ᬢᭂᬦ᭄ᬫᬵᬢᬹᬃᬓᭀᬘᬧ᭄ᬧ᭄ᬭᬭᬵᬚᬧᬸᬢ᭄ᬭ᭞ᬲᬳᬲᬫᬫᬸᬘᬸᬓᬶᬦ᭄᭞ᬭᬶᬂᬧᬸᬗ᭄ᬓᬸᬃᬧᬸᬦᬶᬓ᭞ᬳᬦᬓ᭄ᬳᬕᬸᬂᬫᬸᬗ᭄ᬕᬳᬶᬂᬭᬫ᭄ᬩᬢ᭄᭞ᬧᬗᬫᬹᬓᬾᬓᬤᬶᬳᬕ᭄ᬦᬶ᭞ᬲ᭄ᬥᭂᬂᬤᬸᬫᬸᬮᬄ᭞ᬫᬯᬶᬦᬦ᭄ᬧᬜ᭄ᬚᬓᬾᬚ᭄ᬭᬶᬄ᭟ᬫᬸᬦ᭄ᬢᬩ᭄ᬓ᭄ᬭᭀᬥᬲᬂᬓᬵᬮᬶᬄᬳᬕᬶᬮᬂᬕᬶᬮᬂ᭞
[᭑᭑᭙119A]
ᬢᬸᬫᬦ᭄ᬤᬂᬢ᭄ᬓᬦᬸᬤᬶᬂ᭞ᬢᬸᬮ᭄ᬬᬤᬿᬢ᭄ᬬᬭᬵᬚ᭞ᬳᬫᬸᬧᬸᬳᬶᬦ᭄ᬤ᭄ᬭᬮᭀᬓ᭞ᬲ᭄ᬮᬫ᭄ᬩᬤᬸᬗᬾᬮᬸᬫᬶᬦ᭄ᬤᬄ᭞ᬓᬤᬶ᭠ᬲᬫᬬ᭞ᬢᬩᬦᬦ᭄ᬫᬸᬗ᭄ᬕᬄᬓᬗᬶᬦ᭄᭟ᬕᭂᬧ᭄ᬬᬸᬓ᭄ᬲᬧᬶᬲᬦ᭄ᬧᬫᬹᬓᬾᬫᬗ᭄ᬓᭂᬧᬦ᭄᭞ᬳᬸᬧᬫᬕᬺᬄᬓᬢ᭄ᬭᬶᬦᬶ᭞ᬗᬯᬾᬋ᭠
ᬲ᭄ᬦᬶᬂᬫᬦᬄ᭞ᬲᬹᬃᬬ᭄ᬬᬓ᭄ᬳᬲᬗ᭄ᬕᬭᬸᬳᬦ᭄᭞ᬓᬸᬫᬭᬸᬢᬸᬕ᭄ᬲ᭄ᬯᬭᬦᬶᬂᬩ᭄ᬥᬶᬮ᭄᭞ᬫ᭄ᬯᬂᬢᬢᬩᬳᬸᬳᬦ᭄᭞ᬭᬫ᭄ᬬᬧ᭄ᬭᬂᬢᬸᬫᬶ᭠ᬦ᭄ᬤᬶᬄ᭟ᬢᬦᬲ᭄ᬯᬾᬭᬸᬋᬓᬭᭀᬓ᭄ᬚᭂᬫᬸᬃᬬᬸᬤ᭄ᬥ᭞ᬲᬮᬶᬂᬤᭂᬤᭂᬲ᭄ᬲᬶᬮᬶᬄᬓ᭄ᬭᬶᬲ᭄᭞ᬧᬥᬲᬶᬮᬶᬄᬘᬶᬤ᭄ᬭ᭞ᬳᬢᬸᬲᬦ᭄ᬧᬸᬦᬂ
ᬧ᭄ᬚᬄ᭞ᬓᬗ᭄ᬳᬾᬮᬦ᭄ᬳᬢᬗ᭄ᬓᭂᬧ᭄ᬚᬸᬭᬶᬢ᭄᭞ᬤᬤᬶᬓᬕᬶᬯᬂ᭞ᬯᭀᬂᬫᬗ᭄ᬯᬶᬦᬾᬧᬥᬚ᭄ᬭᬶᬄ᭟ᬢᬹᬃᬳᬶᬗᬸᬗ᭄ᬲᬶᬳᬶᬗᬫᬹᬓ᭄ᬢᬦ᭄ᬭᬾᬭᬾᬦᬦ᭄᭞ᬢᬦ᭄ᬲᬶᬤ᭄ᬥᬳᬢᬗ᭄ᬕᬮ᭄ᬫᬮᬶᬄ᭞ᬢᬦ᭄ᬓᭂᬦᬳᬶᬗᬦ᭄ᬤᭂᬕᬂ᭞ᬫᬸᬗ᭄ᬓᬸᬃᬯᭂᬤᬸᬲ᭄ᬧᬢᬶᬍᬧᬂ᭞ᬧ᭄ᬭᬭᬵᬚᬧᬸᬢ᭄ᬭᬫᬸ᭠
ᬤᬶᬤᬶᬂ᭞ᬗᬸᬢᬂᬘᭀᬓᭀᬃᬤ᭞ᬓᬢ᭄ᬩᬢ᭄ᬩᬫᬫᬵᬗᬶᬤ᭄᭟ᬩᭂᬗᭀᬂᬓᬗᭂᬦ᭄ᬫᬦᬳᬾᬫᬫᬗᭂᬦᬂ᭞ᬧᬸᬦᬶᬓ᭠ᬤᬦᬾᬲᬂᬓᬵᬮᬶᬄ᭞ᬲᬂᬓᬲᬸᬓ᭄ᬱᬭᬾᬂᬧ᭄ᬭ᭞ᬧ᭄ᬮᬳᬶᬩᬾᬓᬤᬶᬓ᭄ᬦᬲ᭄᭞ᬗᬤᬸᬫ᭄ᬧ᭄ᬮᬂᬧᬢᬶᬧᬸᬭᬸᬕᬶᬦ᭄᭞ᬫᬸᬮᬶᬄᬫᬸᬮᬶᬳ
Kaca:Bali-lontar-gaguritan-rereg-gianyar-300ppi.pdf/119
Kaca puniki sampun kauji-wacén
