Kaca:Bali-lontar-gaguritan-rereg-gianyar-300ppi.pdf/118

Saking Wikisource
Kaca puniki sampun kauji-wacén

[᭑᭑᭗117B]
᭑᭑᭗
ᬳᬗ᭄ᬤᬦᬶᬂᬳᬺᬤ᭄ᬥᬬ᭞ᬫᬶᬚᬶᬮ᭄ᬓᬂᬪ᭄ᬭᬳ᭄ᬫᬵᬫᬹᬃᬢ᭄ᬢᬶ᭞ᬦᬄᬚᬦᬶᬫᬚᬮᬦ᭄᭞ᬫᬕᬶᬩ᭄ᬭᬲ᭄‌ᬭᬭᬶᬲ᭄ᬫᬫᬵᬃᬕ᭄ᬕ᭞ᬓᬤᬶᬢᬦ᭄ᬫᬦᬫ᭄ᬧᬓ᭄‌ᬓ᭄ᬱᬢᬶ᭞ᬳᬭᬦ᭄ᬢᬩᬦ᭄᭞ᬢᬸᬮ᭄ᬬᬩ᭄ᬮᬩᬸᬃᬳᬲᬸᬚᬶ᭟ᬳᬦᬸᬤᬸᬳᬦ᭄ᬳᬸᬫ᭄ᬯᬂᬲ᭄ᬯᬭᬦ᭄ᬕᬕᬫᭂᬮᬦ᭄᭞ᬲᬹᬃᬬ᭄ᬬᬓ᭄ᬳ
ᬭᬸᬗ᭄ᬭᬶᬂᬮᬗᬶᬃ᭞ᬗᬯᬾᬋᬲ᭄ᬦᬶᬂᬫᬸᬮᬢ᭄᭞ᬳᬦᬓ᭄ᬳᬕᬸᬂᬫᬸᬗ᭄ᬕᬸᬳᬶᬂᬋᬫᬢ᭄᭞ᬢᬦ᭄ᬲᬄᬥᬵᬡ᭄ᬥᬳᬗᬩᬶᬄ᭞ᬳᭀᬭᬭᬵᬚᬧᬸᬢ᭄ᬭ᭞ᬫᬸᬗ᭄ᬕᬄᬓᬦᬦ᭄ᬓᬾᬭᬶ᭟ᬓᬩᬶᬦᬯᬬᬦ᭄ᬋᬱᭂᬧᬂᬫᬦᬄ᭞ᬬᬦ᭄ᬧᬳᬶᬘ᭄ᬙᬦ᭄ᬯᬶᬤ᭄ᬥᬶ᭞ᬭᬲᬢᭀᬂᬓᬸᬘᬶᬯ᭞᭠
ᬳᬦᬓ᭄ᬳᬕᬸᬂᬓᬤᬶᬲᬶᬗ᭄ᬳ᭞ᬬᬦᬦ᭄ᬧᬓ᭄ᬱᬫᬶᬭᬶᬩ᭄ᬫᬫᬦ᭄ᬢᬶᬂ᭞ᬦᬵᬗ᭄ᬳᬶᬂᬓᬾᬯᭂᬤᬦ᭄᭞ᬯᬶᬭᬾᬄᬗᬭᬸᬫ᭄ᬧᬸᬄᬫᬫᬃᬵ᭠ᬕ᭄ᬕᬶ᭟ᬧᬫᬸᬘᬸᬓᬾᬢᬦ᭄ᬮ᭄ᬬᬦ᭄ᬕᬸᬲ᭄ᬢᬶᬫᬥᬾᬗᬸᬭᬄ᭞ᬕᬸᬲ᭄ᬢᬶᬧᬸᬢᬸᬫᬬᬸᬦ᭄ᬫᬮᬶᬄ᭞ᬫᬓᬲᬸᬧᬶᬢᬶᬂᬕ᭄ᬮᬃ᭞ᬫᬭᬾᬗᬂᬓᬤᬶᬓ᭄ᬦ᭠
ᬲ᭄᭞ᬭᬳᬸᬄᬭᬶᬂᬫᬗ᭄ᬯᬶᬢᬦᬶ᭞ᬤᬧᭂᬢᬂᬬᬸᬤ᭄ᬥ᭞ᬭᬫᬾᬲᬵᬫ᭄ᬧᬸᬦᬭᬓᬶᬢ᭄᭟ᬇᬭᬶᬓᬵᬲᬂᬓᬵᬮᬶᬄᬧ᭄ᬬᬦᬓ᭄ᬗᬮᬶᬄᬳᬮᬶᬗᬦ᭄᭞ᬫᬸᬗ᭄ᬕᬳᬗᬦᬦ᭄ᬓᬾᬭᬶ᭞ᬲᬫ᭄ᬩᬶᬮᬲᬸᬲᬸᬫ᭄ᬩᬃ᭞ᬳᬶᬄᬓᭀᬩᬤᬸᬂᬢᬩᬦᬦ᭄᭞ᬬᬢ᭄ᬦᬳᬶᬦ᭄ᬳᬸᬭᬶᬧᬾᬚ
[᭑᭑᭘118A]
ᬦᬶ᭞ᬢᬸᬲᬶᬂᬩᬸᬳᬸᬗᬦ᭄᭞ᬳᬶᬩᬗᬸᬭᬸᬕ᭄ᬧᬗ᭄ᬓᬸᬂᬳᬶᬤᬶᬂ᭟ᬕᬸᬲ᭄ᬢᬶᬦ᭄ᬓᬳᬶᬳᬶᬤᬪᬝᬵᬭᬘᭀᬓᭀᬃᬤ᭞ᬗᬯᭂᬢ᭄ᬯᬂᬩ᭄ᬭᬳ᭄ᬫᬵᬫᬹᬃᬢ᭄ᬢᬶ᭞ᬗᬮᬾᬩᬂᬩᬪᬹᬢᬦ᭄᭞ᬲᬶᬂᬩᬸᬳᬸᬂᬫᬨᬮᬜᬕ᭄᭞ᬕ᭄ᬭᬸᬩᬸᬕ᭄ᬢᬸᬫ᭄ᬧᬸᬃᬗᬸᬢᬄᬫᬶᬲᬶᬂ᭞ᬳᬶᬩᬢᬩᬦᬦ᭄᭞ᬕᬢ᭄ᬬᬂᬳᬶ
ᬩᬫ᭄ᬮᬳᬶᬩ᭄᭟ᬯ᭄ᬢᬸᬫᬢᬄᬮᬦ᭄ᬢᬲ᭄ᬓᭂᬤᬾᬓᬾᬫᬩ᭄ᬭᬶᬬᬕ᭄᭞ᬕᬸᬲ᭄ᬢᬶᬗᬸᬭᬄᬓᬗᬶᬲᬶᬦᬶᬲᬶᬦ᭄᭞ᬚ᭄ᬗᬳᬾᬓᬮᬶᬯᬢ᭄᭞ᬗ᭄ᬮᬯᬦᬶᬦ᭄ᬫᬗᬫᬹᬓᬂ᭞ᬳᬕᬶᬮᬂᬕᬶᬮᬂᬫᬦᬸᬤᬷᬂ᭞ᬲᬸᬫᬶᬗ᭄ᬓᬶᬦ᭄ᬕᬮᬓ᭄᭞ᬫᬸᬲᬸᬳᬾᬫᬗᬶᬕᭂᬮᬶᬦ᭄᭟ᬯ᭄ᬓᬲᬦ᭄ᬧᬢᬸᬢ᭄᭠
ᬢᬦ᭄ᬲᬶᬧᬶᬭᬫ᭄ᬬᬦᬶᬂᬧ᭄ᬭᬂ᭞ᬲᬹᬃᬬ᭄ᬬᬓ᭄ᬳᬯᬦ᭄ᬢᬶᬯᬦ᭄ᬢᬶ᭞ᬳᬫ᭄ᬮᬶᬗᬶᬃᬓᬃᬡ᭞ᬧ᭄ᬭᬾᬭᬾᬢ᭄ᬦ᭄ᬬᬫᬸᬦ᭄ᬬᬗ᭄ᬮᬤ᭄᭞ᬮ᭄ᬯᬶᬃᬕ᭄ᬮᬧ᭄‌ᬲ᭄ᬯᬭᬦᬶᬂᬩ᭄ᬥᬶᬮ᭄᭞ᬳᬲᬗ᭄ᬕᬭᬸᬳᬦ᭄᭞ᬲ᭄ᬭᬫ᭄ᬬᬦᬶᬂᬕᭀᬂᬫᬸᬜᬶ᭟ᬕᬸᬲ᭄ᬢᬶᬕ᭄ᬥᬾᬳᬕᬸᬂᬓ᭄ᬭᭀᬥᬫᬜᬶᬗᬓ᭄ᬧᬜ᭄ᬚᬓ᭄᭞ᬫᬢᬓᭂᬄᬢᬓᭂᬄ
ᬚ᭄ᬭᬶᬄ᭞ᬢᬸᬫᬸᬮᬶᬢᬸᬫᬦ᭄ᬤᬂ᭞ᬕᬶᬧᬶᬄᬳᬗᬫᬹᬓ᭄ᬭᬫ᭄ᬧᬓ᭄᭞ᬲᬸᬫᬳᬩ᭄ᬓᬯᬸᬮᬗᬶᬭᬶᬂ᭞ᬳᬓᬸᬬᭂᬗᬦ᭄᭞ᬲᬶᬂᬤᬾᬦ᭄ᬢᭂᬫ᭄ᬧᬸᬄᬚ᭄ᬭᬶᬄ᭟ᬬᬦ᭄ᬫᬓᬳᬸᬧᬫᬮ᭄ᬯᬶᬃᬮᬓ᭄ᬱᬡᬓᭀᬫᬭ᭞ᬳᬦᬓ᭄ᬕᬜ᭄ᬘᬂᬓᬵᬭᬶᬳᬮᬶᬢ᭄᭞ᬤᬤᬶᬓᬢᬶᬗ᭄ᬳᬮᬦ᭄᭞ᬳᬦ᭄ᬢᬸᬓ᭄