[᭑᭑᭖116B]
ᬓᬮᬩᬶᬭᬶᬂᬭᬡᬬᬚ᭄ᬜ᭟ᬲᬫ᭄ᬧᬸᬦ᭄ᬳᬦ᭄ᬤᭂᬮ᭄ᬧᬓᬬᬸᬦᬦ᭄᭞ᬢᬸᬫᬸᬮᬶᬗᬦ᭄ᬤᬶᬓᬳᬭᬶᬲ᭄᭞ᬦᬄᬬᬦ᭄ᬲᬸᬩᬓᬾᬢᭀ᭞ᬲ᭄ᬥᭂᬂᬤᬩ᭄ᬤᬩᬂᬦᬾᬚᬦᬶ᭞ᬕᭂᬩ᭄ᬬᬸᬕᬂᬤᬤᬶᬬᬂᬳᬩᭂᬲᬶᬓ᭄᭞ᬳᬧᬂᬤᬧᬢᬶᬚ᭄ᬮᬫᬸᬢ᭄᭞ᬳᬫᬹᬓᬂᬳᬘᭂᬧᭀᬓ
ᬦ᭄᭞ᬳᬢᬸᬭᬾᬢᬶᬢ᭄ᬬᬂᬫᬗᬶᬭᬶᬂ᭞ᬦ᭄ᬤᬦ᭄ᬓᬯᬸᬯᬸᬲ᭄᭞ᬲᬵᬫ᭄ᬧᬸᬦ᭄ᬫᬗᬶᬃᬬ᭄ᬬᬂᬫᬫᬵᬃᬕ᭄ᬕ᭟ᬧᬗᬶᬭᬶᬂᬲᬵᬫ᭄ᬧᬸᬦ᭄ᬘᬸᬫᬤᬂ᭞ᬲᬋᬕᭂᬧ᭄ᬕᬕᬫᬦᬶᬂᬳᬚᬸᬭᬶᬢ᭄᭞ᬧ᭄ᬧ᭄ᬭᬧᬸᬢ᭄ᬭᬮᬦ᭄ᬲᬫ᭄ᬢᭀᬦ᭄᭞ᬭᬶᬗ᭄ᬳᬚᭂᬂᬧᬸᬦᬶᬓᬲᬫᬶ᭞ᬦᬾᬫᬓ᭄ᬢᬢᭂᬤᬸᬂᬧᬗᬯᬶ
ᬦ᭄᭞ᬤᬶᬂᬤᬶᬂᬥᬥᬲᭀᬭᭀᬄᬩᬢᬸ᭞ᬫᬮᬶᬄᬲᭀᬭᭀᬄᬦᬾᬫᬗᬋᬫ᭄ᬩᬢ᭄᭞ᬳᬮᬂᬓᬚᭂᬂᬗᬾᬧᬶᬦᬸᬚᬶ᭞ᬚᬸᬭᬸᬩᬭᬸ᭞ᬬᬢ᭄ᬦᬫᬫᬸᬦ᭄ᬤᬸᬢ᭄ᬓᬯᬶᬢᬦ᭄᭟ᬓ᭄ᬭᬶᬲ᭄ᬓᬯᬶᬢᬦ᭄ᬧᬸᬦᬶᬓ᭞ᬳᬶᬲ᭄ᬓᬃᬕᬥᬸᬂᬓᬲᬸᬂᬓ᭄ᬮᬶᬢ᭄᭞ᬳᬦᬓ᭄ᬳᬕᬸᬂᬫᬭᬃᬵᬬ᭄ᬬ
ᬦ᭄᭞ᬧᬥᬵᬡ᭄ᬥᬧᬓᬾᬮ᭄ᬫᬗᬩᬶᬄ᭞ᬫᬶᬯᬄᬳᬶᬧᬗ᭄ᬮᬶᬧᬸᬃᬫᬮᬶᬄ᭞ᬫᬸᬮᬧᬗ᭄ᬳᬋᬧ᭄ᬧᬸᬦᬶᬓ᭞ᬓᬳᬸᬘᬧ᭄ᬧᬗ᭄ᬕᬋᬧ᭄ᬪᬹᬯᬦ᭞ᬫᬸᬮᬓᬲᬸᬩ᭄ᬳᬸᬮᬶᬗᬹᬦᬶ᭞ᬦᬾᬓᬯᬸᬯᬸᬲ᭄᭞ᬗᬳᭀᬦᬂᬤᬍᬫ᭄ᬩ᭄ᬮᬂᬫ᭄ᬩᬗᬦ᭄᭟ᬓᬘᬭᬶᬢᬲᬵ᭠
[᭑᭑᭗117A]
ᬫ᭄ᬧᬸᬦ᭄ᬫᭂᬤᬮ᭄᭞ᬫᬦ᭄ᬤᭂᬕ᭄ᬚ᭄ᬭᭀᬦᬶᬗ᭄ᬳᬜ᭄ᬘᬓ᭄ᬲᬚᬶ᭞ᬓᬯᭂᬗᬦ᭄ᬲᬂᬫᬗᬢᭀᬦᬂ᭞ᬬᬦ᭄ᬋᬲᭂᬧ᭄ᬤᬶᬳᬢᬶ᭞ᬢᬦ᭄ᬪᬶᬦᬘᬭᬶᬢᬗᬹᬦᬶ᭞ᬰ᭄ᬭᬶᬚᬬᬓᬢᭀᬂᬧᬸᬦᬶᬓᬸ᭞ᬯ᭄ᬬᬓ᭄ᬢᬶᬗᬢ᭄ᬕᬢᬶᬂᬫᬦᬄ᭞ᬍᬕᬇᬥᭂᬧᬾᬫᬗᬶᬭᬶᬂ᭞ᬬᬤᬶᬦᬼᬩᬸᬭ᭄᭟᭠
ᬢ᭄ᬯᬭᬗᬶᬢᬸᬂᬧ᭄ᬬᬦᬓ᭄ᬲᭀᬫᬄ᭟ᬲᬶᬓᭂᬧ᭄ᬲᬵᬫ᭄ᬧᬸᬦ᭄ᬫᬦ᭄ᬤᬳᬦ᭄᭞ᬫᬲᭀᬭᭀᬄᬫᬤᬸᬫ᭄ᬧᬫᬃᬵᬕ᭄ᬕᬶ᭞ᬩ᭄ᬥᬶ᭠ᬮ᭄ᬫᬲ᭄ᬮᬕ᭄ᬢᬸᬫ᭄ᬩᬓ᭄᭞ᬩᬦ᭄ᬤᬾᬰᬦᬾᬫᬫᬸᬘᬸᬓᬶᬦ᭄᭞ᬕᬕᬫᭂᬮᬦᬾᬢᬦ᭄ᬫᬭᬶ᭞ᬓᬕᬾᬢ᭄ᬯᬾᬦ᭄ᬢᭂᬦ᭄ᬚᬤ᭄ᬫᬭᬳᬸᬄ᭞ᬕᭂ᭠
ᬲᬄᬫᬚᬚᬭᬦᬦ᭄᭞ᬭᬭᬶᬲ᭄ᬫᬗᭀᬚᭀᬕ᭄ᬓᬧᬸᬭᬶ᭞ᬓᬭᬶᬗᬗ᭄ᬲᬸᬃ᭞ᬭᬶᬂᬦᬢᬳᬾᬲᭂᬗᬮ᭄ᬲᭂᬗᬮ᭄᭟ᬓ᭠ᬕ᭄ᬬᬢ᭄ᬲᬓ᭄ᬯᬾᬳᬶᬂᬫᬜᬶᬗᬓ᭄᭞ᬳᬢᬸᬭᬾᬫᬢᬸᬂᬢᬸᬂᬳ᭄ᬮᬶᬂ᭞ᬗ᭄ᬕᬶᬄᬭᬢᬸᬪᬝᬵᬭᬘᭀᬓᭀᬃᬤ᭞ᬩ᭄ᬭᬶᬗ᭄ᬓᬶᬢ᭄ᬲᬫ᭄ᬧᬸᬦ᭄ᬓᬳᬸᬗ᭄ᬕ
ᬳᬶᬦ᭄᭞ᬦᬧ᭄ᬮᬾᬓ᭄ᬭᬶᬂᬧᬗ᭄ᬯᬶᬢᬦᬶ᭞ᬫᬦᬯᬶᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄ᬧᬸᬯᬸᬦ᭄᭞ᬢᬸᬮᬸᬂᬫᬗ᭄ᬓᬶᬦ᭄ᬕᭂᬮᬶᬲᬂ᭞ᬳᬦᬓᬾᬳᬕᬸᬂᬫ᭄ᬬᬃᬲᬶ᭞ᬕᭂᬢᬸᬕ᭄ᬕᭂᬢᬸᬕ᭄᭞ᬫᬗᬸᬦ᭄ᬤᬹᬃᬫᬗ᭄ᬕᬮᬾᬂᬬᬸᬤ᭄ᬥ᭟᭜᭟ᬧᬸᬧᬸᬄᬤᬹᬃᬫ᭄ᬫ᭟᭜᭟ᬤᬸᬭᬸᬂᬢᬶᬦᬲ᭄ᬳᬦ᭄ᬢᬸᬓ᭄᭠
Kaca:Bali-lontar-gaguritan-rereg-gianyar-300ppi.pdf/117
Kaca puniki sampun kauji-wacén
