Kaca:Bali-lontar-gaguritan-rereg-gianyar-300ppi.pdf/116

Saking Wikisource
Kaca puniki sampun kauji-wacén

[᭑᭑᭕115B]
᭑᭑᭕
ᬦ᭄᭞ᬲᬶᬦᬄᬧᬘᬓᬂᬓᬓ᭄ᬭᬗ᭄ᬓᬾᬗᬶᬦ᭄᭟ᬲᬧᬸᬦᬶᬓᬧᬧᬶᬦᭂᬄᬓᬵᬭᬶᬗᬭᬕ᭞ᬫᬮᬶᬄᬲᬵᬫ᭄ᬧᬸᬦ᭄ᬓᬢᬶᬗ᭄ᬕᬮᬶᬦ᭄᭞ᬓᬭᬗ᭄ᬳᬲᭂᬫ᭄‌ᬧᬸᬦᬶᬓ᭞ᬜᬾᬦ᭄ᬢᭀᬚᬦᬶᬫᬫᬦᬂ᭞ᬳᬸᬩᬸᬤ᭄‌ᬢ᭄ᬕᬮ᭄ᬮᬮᬂᬧᬗᬶᬲᬶ᭞ᬕᬸᬫᬶᬦᬾᬮᬶᬗ᭄ᬕᬄ᭞ᬓᬧᬼᬓ᭄ᬧᬶᬦᭂ
ᬳᬾᬫᬦ᭄ᬓᬶᬦ᭄᭟ᬫᬮᬶᬄᬳᬾᬮᬶᬂᬉᬢ᭄ᬧᬢᬦᬾᬢᬦ᭄ᬧ᭄ᬕᬢ᭄᭞ᬢᬗᬶᬲ᭄ᬳ᭄ᬬᬂᬳ᭄ᬬᬗᬷᬧᬸᬭᬶ᭞ᬓᬤᬂᬳᬲᬲᬦ᭄᭞ᬫᬜ᭄ᬚᬶᬗᬶᬂᬚ᭄ᬭᭀᬓᬤᬢ᭄ᬯᬦ᭄᭞ᬲᬸᬫᬶᬗ᭄ᬓᬶᬦ᭄ᬫᬗᬯᬾᬳ᭄ᬭᬶ᭞ᬲᬯᭀᬗᬶᬂᬚ᭄ᬭᭀ᭞ᬧᬥᬧᬓᬲᭂᬦ᭄ᬯᬦ᭄ᬭᬯᬶ᭟᭜᭟ᬲᬶᬦᭀᬫ᭄
᭟᭜᭟ᬭᬭᬶᬲ᭄‌ᬮᬸᬗ᭄ᬳᬓᬧᬲᬭᬾᬦᬦ᭄᭞ᬓᬢᬸᬚᬸᬘᭀᬓᭀᬃᬤᬳᬶᬲ᭄ᬢ᭄ᬭᬶ᭞ᬓᬤᬶᬲ᭄ᬫᭂᬂᬢᬹᬃᬳᬗᭂᬧᬂ᭞ᬫᬶᬋᬗᬂᬲ᭄ᬯᬭᬦ᭄ᬩᭂᬤᬶᬮ᭄᭞ᬭᬶᬂᬳᬫ᭄ᬩᬾᬦ᭄ᬕᭂᬤᭀᬂᬫᬮᬶᬗ᭄ᬕᬶᬄ᭞ᬓᬳᬶᬭᬶᬂᬩᬦ᭄ᬧᬭᬯᬥᬹ᭞ᬧᬥᬩ᭄ᬗᭀᬂᬫᬜᭀᬧᬓ᭄᭞ᬓ᭄ᬮᬲ᭄ᬧᬧᬶᬦᭂᬳᬾ
ᬯᬥᬹ᭞ᬓᬕᬾᬢ᭄ᬭᬳᬸᬄ᭞ᬳᬦᬓᬾᬳᬕᬸᬂᬓᬧᬸᬭ᭟ᬢᬸᬫᬸᬮᬶᬭᬭᬶᬲ᭄ᬫᬲᬸᬘ᭄ᬬᬦ᭄᭞ᬧᬭᬭᬩᬶᬫᬗᬬᬳᬶᬦ᭄᭞ᬫᬗ᭄ᬭᬗ᭄ᬲᬸᬓ᭄‌ᬭᬵᬚᬪᬹᬣᬡ᭞ᬪᬹᬱᬡᬦᬾᬲᬃᬯ᭄ᬯᬍᬯᬶᬄ᭞ᬓ᭄ᬫᬶᬢᬦ᭄ᬧᬸᬦᬶᬓᬲᬫᬶ᭞ᬓᬯᭂᬗᬦ᭄ᬲᬗᬦ᭄ᬤᬸᬮᬸ᭞ᬓᬤᬶ
[᭑᭑᭖116A]
ᬳᬲᬦ᭄ᬤᬶᬦᬵᬯ᭞ᬭᬶᬗᬫ᭄ᬩᬾᬦ᭄‌ᬓ᭄ᬮᬶᬬᬦᬮᬶᬗ᭄ᬕᬶᬄ᭞ᬬᬦ᭄ᬲᬯᬦ᭄ᬗᬂ᭞ᬓᬤᬶᬲᬂᬭᬢᬸᬭᬶᬂᬲᬸᬭᬵᬢ᭄᭟ᬭᬭᬶᬲ᭄ᬳᬶᬤ᭠ᬫᬧᬸᬢᬸᬲᬦ᭄᭞ᬫᬗᭂᬲᬾᬗᬶᬦ᭄ᬭᬓᬭᬳᬶ᭞ᬫᬶᬯᬄᬧᬸᬢ᭄ᬭᬲᬫ᭄ᬢᭀᬦᬦ᭄᭞ᬫᬓ᭄ᬚᬂᬧᬥᬓᬢᬭᬶ᭞ᬘᬳᬶᬘᬳᬶᬧᬥᬲ
ᬫᬶ᭞ᬫᬶᬯᬄᬘ᭄ᬦᬶᬂᬕ᭄ᬥᬾᬳᬕᬸᬂ᭞ᬦᬾᬚᬦᬶᬤᬩ᭄ᬤᬩᬂ᭞ᬩᭂᬲᬶᬓᬂᬇᬥᭂᬧᬾᬚᬦᬶ᭞ᬚᬮᬦ᭄ᬧᬕᬸᬢ᭄᭞ᬲᬸᬩᬫᭂᬧᭂᬓᬶᬦ᭄ᬩᬜ᭄ᬘᬶᬗᬄ᭞ᬧᬸᬢ᭄ᬭᬦᬾᬲᬳᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬜᬤ᭄ᬬᬯᬦ᭄ᬢᬄᬗᬶᬭᬶᬂ᭞ᬕᬸᬲ᭄ᬢᬶᬫᬥᬾᬗᬸᬭᬄᬦᬶᬫ᭄ᬩᬮ᭄᭞ᬩᬦ᭄ᬓᭂᬢᬦᬾᬗᬯᬾ
ᬳᬲᬶᬦ᭄᭞ᬲᭂᬕᬸᬲᭂᬕᬸᬩᬾᬭᭀᬗ᭄ᬮᬶᬂ᭞ᬳᬶᬓ᭄ᬭᬸᬕ᭄‌ᬜᬤ᭄ᬬᬫᬫᬸᬘᬸᬓ᭄᭞ᬫᬗᬗ᭄ᬓᬲ᭄ᬫᬗ᭄ᬤᬾᬳ᭄ᬜᬕ᭄᭞ᬫᬓᬢᬯᬸᬃᬦᬶᬂᬳᬸᬢᬂᬲᬶᬄ᭞ᬓ᭄ᬦᬶᬧᬸᬧᬸᬢ᭄᭞ᬭᬶᬂᬳᬚᭂᬂᬘᭀᬓᭀᬃᬳᬶᬤᬾᬯ᭟ᬕᬸᬲ᭄ᬢᬶᬫᬬᬸᬦ᭄‌ᬲᭂᬫᬸᬓᬢᬺᬱ᭄ᬡᬵᬦ᭄᭞ᬳᬢᬸᬭᬾᬲ
ᬭᭀᬯ᭄ᬬᬦ᭄ᬢᬗᬶᬲ᭄᭞ᬭᬢᬸᬤᭀᬄᬢᬶᬢ᭄ᬬᬂᬫᬢᬶᬮᬃ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬘᬘᬩᬶᬦ᭄᭞ᬫᬓᬘᬶᬳ᭄ᬦᬦᬶᬂᬲᬸ᭠ᬪᬓ᭄ᬢᬶ᭞ᬳᬓᬾᬄᬬᬦ᭄ᬯᬸᬯᬸᬲᭂᬦ᭄‌ᬲᬫ᭄ᬧᬸᬦ᭄᭞ᬢᬢᬭᬶᬬᬦᬾᬭᬶᬗ᭄ᬳᬚᭂᬂ᭞ᬳᬢᬸᬭᬾᬧᬥᬫᬗᬶᬭᬶᬂ᭞ᬲᬯᬸᬃᬫᬦᬸᬓ᭄᭞