[᭑᭑᭔114B]
᭑᭑᭔
ᬯᬂᬳᬦ᭄ᬢᬸᬓ᭄ᬳᬶᬤᬗᬫᬃᬵᬕ᭄ᬕᬳᬂ᭞ᬩᬩᬳᭀᬲᬾᬲᬓᬶᬂᬲᬶᬮᬶᬩ᭄᭞ᬫᬾᬢ᭄ᬘᬶᬤ᭄ᬭᬮᬯᬦ᭄᭞ᬫᬓᬵᬤᬶᬲᭀᬂᬩᬤᬸᬤ᭞ᬫᬲᬶᬄᬬᬢ᭄ᬦᬫᬦᬶᬢᬶᬦᬶᬦ᭄᭞ᬳᬾᬮᬶᬂᬭᬶᬂᬭᬕ᭞ᬫᬤ᭄ᬯᬾᬧᬜ᭄ᬚᬓ᭄ᬳᬓᬶᬤᬶᬓ᭄᭟ᬜ᭄ᬦᭂᬂᬳᬕᬸᬂᬳᬦᬓ᭄ᬳᬕᬸᬂᬕ᭄ᬥᬾᬗᬸᬭᬄ᭞
ᬦᬵᬗ᭄ᬳᬶᬂᬲᭀᬓ᭄ᬳᬶᬤᬫᬮᬶᬗ᭄ᬕᬶᬄ᭞ᬫᬫᬶᬜ᭄ᬘᭂᬭᬂᬚᬕᬢ᭄᭞ᬳᬶᬳᬭᬶᬦᬓ᭄ᬳᬕᬸᬂᬓᭀᬃᬤ᭞ᬳᬶᬳᬭᬶᬲᬫᬶᬫᬗᬶᬭᬶᬂ᭞ᬤᬾᬯᬕ᭄ᬥᬾᬳᬦᭀᬫ᭄᭞ᬓᬵᬮᬶᬄᬤᬾᬯᬕ᭄ᬥᬾᬭᬳᬶ᭟ᬫᬓᬫᬶᬯᬄᬤᬾᬯᬕ᭄ᬥᬾᬧᬸᬢᬸᬚ᭄ᬭᭀᬲᭀᬓ᭞ᬳᬶᬤᬾᬯ᭠
ᬕ᭄ᬥᬾᬩᬲᬓᬶᬄ᭞ᬧᬢᬸᬗ᭄ᬕᬮᬦ᭄ᬩ᭄ᬬᬂ᭞ᬢᬦ᭄ᬲᬄᬭᬋᬫᬕᬸᬦᬶᬢ᭞ᬭᬶᬂᬩᬢᬦ᭄ᬓᭂᬧᭂᬮ᭄ᬫᬮᬶᬗ᭄ᬕᬶᬄ᭞ᬲᬋᬂᬲᬶᬦᬫ᭄ᬬᬦ᭄᭞ᬤᬾᬯᬢᬸᬢ᭄ᬦᬓ᭄ᬱᬮᬾᬦ᭄ᬩᬶᬩᬶ᭟ᬫᬓᬳᬤᬳᬶᬤᬾᬯᬫᬥᬾᬭᬓ᭞ᬓ᭄ᬭᬡᬮᬶᬗ᭄ᬕᬄᬗᬯᭂᬗ᭄ᬓᬸᬕᬸᬫᬶ᭞ᬭᬳᬸᬄ
ᬓᬧᬬᬗᬦ᭄᭞ᬧᬾᬚᬾᬂᬲ᭄ᬬᬗᬦ᭄ᬩᬩᬶᬢ᭄ᬭ᭞ᬢᬮᬶᬓᬸᬧ᭄ᬕ᭄ᬬᬜᬃᬫᬓᬤᬶ᭞ᬲᬶᬤᬦ᭄ᬓᬸᬭᬫᬲ᭄᭞ᬲᬤᬗᬶᬦ᭄ᬧᬓ᭄ᬭᬶᬲᬦ᭄ᬲᬫᬶ᭟ᬳᬫᬸᬦᬶᬓᬳᬶᬘ᭄ᬙᬦ᭄ᬤᬍᬫ᭄ᬗᬃᬤ᭄ᬬ᭞ᬢᬦ᭄ᬲᬸᬭᬸᬤ᭄ᬳᬫ᭄ᬭᬶᬄᬲᬶᬮᬶᬩ᭄᭞ᬲᬤ᭄ᬬᬦᬾᬫᬭᬕ᭞ᬕᬦ᭄ᬢᬶᬗ᭄ᬮᬄ᭠
[᭑᭑᭕115A]
ᬕᬸᬫᬶᬮᬶᬗ᭄ᬕᬄ᭞ᬳᬸᬮᬶᬜᭀᬤᭀᬕ᭄ᬦᭂᬓᬳᬂᬕᬸᬫᬶ᭞ᬓᬾᬄᬬᬦ᭄ᬩᬳᭀᬲᬂ᭞ᬯᬮᬾᬦᬶᬦ᭄ᬘᬭᬶᬢᬫᬮᬶᬄ᭟ᬤᬸᬓ᭄ᬧᬸᬦᬶᬓᬫᬗ᭄ᬯᬶᬦᬾᬲ᭄ᬥᭂᬂᬫᬶᬗᬯᬦ᭄᭞ᬢ᭄ᬮᬲ᭄ᬚᬕᬢᬾᬫᬩᬮᬶᬓ᭄᭞ᬲᭀᬓ᭄ᬓᬭᬶᬚ᭄ᬭᭀᬓᬸᬢ᭞ᬲᬤᬶᬦᬢᬦ᭄ᬧ᭄ᬕᬢ᭄ᬬᬸᬤ᭄ᬥ᭞
ᬲᬵᬫ᭄ᬧᬸᬦ᭄ᬓᬳᭀᬦ᭄ᬤᬾᬰᬲᬤᬶᬂ᭞ᬮᬦ᭄ᬧᬭᬾᬭᬾᬦᬦ᭄᭞ᬲᬫ᭄ᬧᬶᬤᬶᬮᬸᬓ᭄ᬮᬸᬓ᭄ᬫᬩᬮᬶᬓ᭄᭟ᬢᬦᬶᬦᬸᬘᬧ᭄ᬭᬫᬾᬢᬶᬗ᭄ᬓᬳᬶᬗᬬᬸᬤ᭄ᬥ᭞ᬧᬜ᭄ᬚᬂᬬᬦ᭄ᬢᬸᬢᬸᬭᬂᬫᬮᬶᬄ᭞ᬦᬾᬫᬗ᭄ᬓᬶᬦ᭄ᬘᬭᬶᬢ᭞ᬳᬶᬕᬸᬲ᭄ᬢᬶᬕ᭄ᬥᬾᬓᭀᬤᬦ᭄᭞ᬲᬋᬂᬤᬾᬯ᭠
ᬕ᭄ᬥᬾᬤᬗᬶᬦ᭄᭞ᬫ᭄ᬭᬲᬓᬸᬘᬶᬯ᭞ᬬᬦ᭄ᬧᬓ᭄ᬱᬳᬢᬦ᭄ᬤᬶᬂᬚᬸᬭᬶᬢ᭄᭟ᬦᬸᬚᬸᬤᬶᬦᬯᬺᬲ᭄ᬧᬢᬶᬧᭀᬦ᭄ᬓ᭄ᬭᬸᬮᬸᬢ᭄ᬭᬶᬂᬓᬸᬦ᭞ᬗᬤᬸᬫ᭄ᬧ᭄ᬮᬂᬩᬸᬤᬮ᭄ᬧ᭄ᬭᬫᬗ᭄ᬓᬶᬦ᭄᭞ᬭᬳᬸᬄᬓᬳᬶᬭᬶᬗᬦ᭄᭞ᬯ᭄ᬗᬶᬋᬋᬧ᭄ᬭᬶᬂᬧᬮ᭄ᬬᬢᬦ᭄᭞ᬩᬾᬜ᭄ᬚᬗᬦ᭄ᬭᬭᬶᬲ᭄ᬫᬫᬃᬵᬕ᭄ᬕᬶ᭞ᬫ᭠
ᬮᬶᬄᬘᬭᬶᬢᬳᬦᬓ᭄ᬳᬕᬶᬂᬭᬶᬂᬫᬗ᭄ᬯᬶ᭟ᬫ᭄ᬭᬄᬲᬶᬭᬢᬦ᭄ᬲᬸᬭᬸᬗᬦ᭄ᬧᬘᬂᬳ᭄ᬜᬕ᭄᭞ᬳᬦ᭄ᬢᬸᬓᬾᬓᬵᬭᬶᬓᬶᬜ᭄ᬘᬶ᭠ᬢ᭄᭞ᬲᭀᬓ᭄ᬫᬭᬶᬂᬚ᭄ᬭᭀᬓᬸᬢ᭞ᬫᬮᬶᬄᬓᬵᬭᬶᬗᬫᭂᬮ᭄ᬲᬸᬗ᭄ᬓᬦ᭄᭞ᬫᬗᬭᬸᬫ᭄ᬧᬸᬄᬤᭂᬗ᭄ᬓᬮ᭄ᬤᭂᬗ᭄ᬓᬶᬮ᭄᭞ᬓᬸᬤ᭄ᬬᬂᬫᬗ᭄ᬮᬯ᭠
Kaca:Bali-lontar-gaguritan-rereg-gianyar-300ppi.pdf/115
Kaca puniki sampun kauji-wacén
