Kaca:Bali-lontar-gaguritan-rereg-gianyar-300ppi.pdf/114

Saking Wikisource
Kaca puniki sampun kauji-wacén

[᭑᭑᭓113B]
᭑᭑᭓
ᬧᬓ᭄ᬦᬕᬶᬄᬮᬓ᭄ᬱᬡᬳᬶᬦ᭄᭞ᬫᬗᬯᬕᬯᬕ᭄᭞ᬫᬸᬲᬸᬄᬤᬾᬯᬾᬓᬾᬓ᭄ᬦᭂᬳᬶᬦ᭄᭟ᬓ᭄ᬦᬲᬸᬩᬦᬦ᭄ᬗᬋᬚᭂᬓ᭄ᬳᬦ᭠ᬓ᭄‌ᬢ᭄ᬯᬭᬲᬮᬄ᭞ᬳᬦᬓ᭄ᬲᬓᬾᬂᬢ᭄ᬩᭂᬂᬪᬓ᭄ᬢᬶ᭞ᬓ᭄ᬭᬡᬧᬬᬸᬭᬸᬦ᭄ᬤᬄ᭞ᬫᬲᬶᬄᬘᬾᬓ᭄ᬮᬾᬗᬭᬡᬳᬂ᭞ᬦᬄᬓᬾᬦᬾᬢᬫᬳᬂ᭠
ᬚᬦᬶ᭞ᬫᬲᬓ᭄ᬯᬗᬦ᭄᭞ᬤᬶᬩᬢᬸᬄᬫᬸᬲᬸᬄᬚᬦᬶ᭟ᬳᬧᬓ᭄ᬭᬡᬤᬤᬶᬕᭂᬲᬄᬫᬗᬸᬤᬸᬫ᭄ᬧ᭄ᬮᬂ᭞ᬚ᭄ᬦᭂᬂᬓ᭄ᬯᬂᬫᬸᬲᬸᬄ᭞ᬢ᭄ᬯᬭ᭠ᬗ᭄ᬮᬄᬚ᭄ᬗᬄ᭞ᬭᬭᬶᬲ᭄ᬳᬶᬘ᭄ᬙᬓ᭄ᬤᬾᬓ᭄ᬫᬩ᭄ᬭᬶᬬᬓ᭄᭞ᬦᬾᬫᬗ᭄ᬓᬶᬦ᭄ᬘᭀᬓᭀᬃᬤᬦᬕᬶ᭞ᬫᬶᬢᬳᭂᬦ᭄ᬳᬶᬯᬂ᭞ᬳᭀᬋᬫ᭄‌ᬯᬲ᭄ᬦᬓ᭄ᬘᬸᬤ᭄ᬓᬸᬦᬶᬂ᭟ᬦᬵ᭠
ᬗ᭄ᬳᬶᬂᬬᬦ᭄ᬭᬲᬳᬂᬳᬶᬘ᭄ᬙᬓ᭄ᬤᬾᬓᬾᬧᬸᬦᬶᬓ᭞ᬢᬸᬮ᭄ᬬᬤᬜᬸᬄᬳᭂᬜᬸᬢᬶᬦ᭄᭞ᬫᬜᬹᬃᬬ᭄ᬬᬓᬶᬦ᭄ᬭᬕ᭞ᬲᬧᬸᬦᬶᬓᬳᬸᬧᬫᬶᬦ᭄ᬜ᭞ᬦᬵᬗ᭄ᬳᬶᬂᬧᬶᬦᭂᬄᬳᬧᬂᬧᬲ᭄ᬢᬶ᭞ᬪᬝᬵᬭᬤᬍᬫ᭄᭞ᬫᬗ᭄ᬕᬶᬄᬳᬾᬭᬂᬓᬤᬶᬫᬗ᭄ᬓᬶᬦ᭄᭟ᬯ᭄ᬬᬓ᭄ᬢᬶᬢᬦ᭄ᬩᬶᬦᬓᬤᬶᬲᬲᭀᬗ᭄ᬕᬦᬶᬂ
ᬧᬭ᭞ᬮ᭄ᬯᬶᬃᬗᭂᬤᭂᬂᬳᬜ᭄ᬘᬂᬢᬶᬬᬶᬂ᭞ᬳᬶᬯᬕ᭄ᬩᬦ᭄ᬗᭂᬦᭂᬳᬂ᭞ᬧᬬᬸᬫᬳᬾᬫᬾᬤᬾᬫᬾᬤᬦ᭄᭞ᬫᬮᬶᬄᬭᬶᬂᬢᬦ᭄ᬢ᭄ᬭᬶᬓᬧ᭠ᬗ᭄ᬕᬶᬄ᭞ᬦᬗ᭄ᬕᬯᬶᬪᬹᬢ᭞ᬲᬵᬫ᭄ᬧᬸᬦ᭄ᬫᬕ᭄ᬦᬄᬭᬶᬂᬤᬸᬗ᭄ᬓᬶ᭟ᬲᬵᬫ᭄ᬧᬸᬦ᭄ᬧᬜ᭄ᬚᬂᬓᬤᬶᬫᬓ᭄ᬘᬸᬄᬫᬋᬧ᭄‌ᬫᬸᬗ᭄ᬕᬄ᭞ᬫᬗ᭄ᬓᬶᬦ᭄ᬪᬝᬵᬭᬓᬵᬮᬶᬄ᭞
[᭑᭑᭔114A]
ᬫᬦ᭄ᬢᬸᬓᬶᬗᬚ᭄ᬜᬦ᭞ᬓᬭᬗ᭄ᬳᬵᬲᭂᬫ᭄‌ᬗᬭᬡᬬᬂ᭞ᬲᬕᬸᬮᬸᬂᬲᬋᬂᬓᬩᬗ᭄ᬮᬶ᭞ᬫᬵᬯᬶᬦᬦ᭄ᬲᬶᬤ᭄ᬥ᭞ᬯ᭄ᬭᬭᬸᬤᬦᬾᬩᬸᬤᬮ᭄ᬲᬫᬶ᭟ᬓᬵᬭᬶᬩᬶᬫ᭄ᬩᬂᬬᬦ᭄ᬗ᭄ᬭᭀᬥᬳᬂᬢ᭄ᬯᬭᬲᬶᬤ᭄ᬥ᭞ᬮ᭄ᬯᬶᬃᬪᬶᬫᬦᬾᬤᬶᬢᬸᬮᬶᬲ᭄᭞ᬓᬸᬤ᭄ᬬᬂᬫᬜᬮᬦᬂ᭞ᬓᬾᬢᭀᬧᬧᬶᬦᭂᬄ
ᬗᬭᬕ᭞ᬬᬦ᭄ᬢᬦ᭄ᬘᬢᬹᬃᬦᬬᬲᬦ᭄ᬤᬶ᭞ᬩᬦ᭄ᬗᬯᬍᬲᬂ᭞ᬧᬸᬧᬸᬢ᭄ᬧᬧᬶᬦᭂᬳᬾᬲᬶᬮᬶᬩ᭄᭞ᬧᬜ᭄ᬚᬂᬬᬦ᭄ᬘᬭᬶᬢᬳᬶᬦ᭄ᬤᬶᬓᬾᬭᬶᬂᬧᬦᬗ᭄ᬓᬶᬮᬦ᭄᭞ᬲᬵᬫ᭄ᬧᬸᬦ᭄ᬗᬮᬸᬯᬭᬶᬂᬢᬗ᭄ᬓᬶᬮ᭄᭞ᬗᬸᬗ᭄ᬲᬶᬧᬸᬭᬶᬳᬸᬫᬄ᭞ᬧᬥᬲᬸᬗ᭄ᬲᬸᬢ᭄ᬲᬸᬗ᭄ᬓᬯ᭞ᬩᬳᭀᬲᬾᬭᬶᬂᬚᬩᬧᬸᬭᬶ᭞
ᬦ᭄ᬤᬢᬦ᭄ᬘᬭᬶᬢ᭞ᬕᬦ᭄ᬢ᭄ᬬᬦᬶᬂᬓᬳᬸᬘᬧ᭄ᬫᬮᬶᬄ᭟ᬳᬶᬗ᭄ᬕᬶᬄᬧᬸᬦᬶᬓᬢᬍᬃᬓᬶᬢᬫᬗᭂᬦᬂ᭞ᬧᬦᬶᬢᬄᬲᬗ᭄ᬳ᭄ᬬᬂᬯᬶᬤ᭄ᬥᬶ᭞ᬗᬫᬭᬫᬸᬦ᭄ᬤᬸᬭᬂ᭞ᬫᬓᬳᬮᬄᬳᬬᬸᬦᬶᬂᬚᬕᬢ᭄᭞ᬓᬤᬶᬳᬶᬤᬲᬂᬭᬢᬸᬩᬗ᭄ᬮᬶ᭞ᬢᬦ᭄ᬓᬯᬶᬖᬸᬦ᭄᭞ᬲᬤ᭄ᬬᬦᬾᬓᬤᬸᬮᬸᬫᬶ᭠
ᬦ᭄ᬤᬶᬄ᭟ᬫᬸᬮᬧᬕᬦ᭄ᬢ᭄ᬬᬦ᭄ᬳᬲᬶᬂᬢᬶᬦ᭄ᬤᬓ᭄‌ᬫᬜᬶᬤ᭄ᬥᬬᬂ᭞ᬲᬓᬶᬂᬤᬍᬫ᭄ᬫᬗᬃᬤ᭄ᬥᬶᬦᬶᬦ᭄᭞ᬢ᭄ᬯᬭᬳᬾᬮᬶᬗᬂ᭞ᬢ᭄ᬓᬾ᭠ᬦ᭄‌ᬲ᭄ᬯᬾᬘ᭄ᬙᬦ᭄ᬳᬦᬓ᭄᭞ᬫᬲᬶᬄᬫᬶᬮᬸᬗᬯᬾᬯᬾᬘᬶ᭞ᬫᬳᬸᬕᬂᬭᬕ᭞ᬓᬓᬭᬗ᭄ᬳᬵᬲᭂᬫ᭄‌ᬗᬮᬶᬄᬓᬦ᭄ᬢᬶ᭟ᬩᭀᬬᬳᬶ᭠