Kaca:Bali-lontar-gaguritan-rereg-gianyar-300ppi.pdf/113

Saking Wikisource
Kaca puniki sampun kauji-wacén

[᭑᭑᭒112B]
ᬩᬸᬗᬄᬢᬦ᭄ᬓᬢ᭄ᬓᬾᬂᬯ᭄ᬗᬶ᭞ᬫᬗ᭄ᬓᬶᬦ᭄ᬘᭀᬓᭀᬃᬤ᭞ᬭᬭᬶᬲ᭄ᬢᬗ᭄ᬓᬶᬮ᭄ᬓᬧᬸᬭᬶ᭟ᬪᬝᬵᬭᬤᬍᬫ᭄ᬳᬮᬸᬗ᭄ᬕᬸᬄᬳᬶᬂᬧᬢᬡ᭄ᬥᬓᬦ᭄᭞ᬫᬜ᭄ᬘᬧᬸᬗ᭄ᬕᬯᬦᬗ᭄ᬓᬶᬮ᭄᭞ᬫᬶᬯᬄᬲᬫ᭄ᬢᭀᬦᬦ᭄᭞ᬧᬳᬸᬫ᭄ᬗᬶᬭᬶᬂᬫᬩᬳᭀᬲ᭄᭞ᬫᬓᬵᬤᬶᬤᬾᬯᬭᬳᬶ᭞ᬧᬥᬵ᭠
ᬡ᭄ᬥᬧᬶᬥᬥ᭞ᬫᬩᬳᭀᬲ᭄ᬫᬤᬸᬫ᭄ᬧᬶᬮᬶᬄ᭟ᬪᬝᬵᬭᬤᬍᬫ᭄‌ᬲ᭄ᬯᬪᬵᬯᬓᬤᬶᬦᬶᬲ᭄ᬢᬾᬚ᭞ᬓᬜ᭄ᬘᬶᬢ᭄ᬘᭀᬓᭀᬃᬤᬦᬕᬶ᭞ᬭᬳᬸᬄᬫᬭᬭᬫ᭄ᬧ᭞ᬜᬮᬾᬫᬵᬧᭀᬄᬫᬳᬢᬹᬃᬲᭂᬫ᭄ᬩᬄ᭞ᬲ᭄ᬯᬪᬵᬯᬦᬾᬘᭀᬗᬄᬧᬲ᭄ᬢᬶ᭞ᬗᬶᬲᬶᬦ᭄ᬦᬾᬦ᭄ᬬᬸᬲᬂ᭞ᬲᬃ
ᬯ᭄ᬯᬶᬫᬦᬸᬦᬲᬫ᭄ᬧᬸᬭᬶ᭟ᬭᬢᬸᬤᬾᬯᬵᬕᬸᬂᬮᬘᬸᬃᬘᭀᬓᭀᬃᬤᬳᬶᬤᬾᬯᬫᬭᬕ᭞ᬗᬸᬢᬸᬲ᭄ᬢᬶᬢ᭄ᬬᬂᬓᬤᬶᬫ᭠ᬗ᭄ᬓᬶᬦ᭄᭞ᬢᬦ᭄ᬧᬳᬯᬦ᭄ᬩ᭄ᬭᬦ᭞ᬩᭀᬗ᭄ᬮᭀᬢ᭄ᬫᬢᬶᬗ᭄ᬕᬮ᭄᭞ᬕᬺᬳ᭞ᬩᭀᬬᬭᬲᬦᬶᬂᬍᬯᬶᬄ᭞ᬜᬦ᭄ᬤᬂᬧᬥᭂᬫᬂ᭞ᬤᭀ
ᬱᬢᬺᬱ᭄ᬡᬭᬶᬂᬳᬸᬭᬶᬧ᭄᭟ᬲᬓᬶᬂᬢᬶᬢ᭄ᬬᬂᬗᬃᬤ᭄ᬥᬶᬦᬶᬦ᭄ᬘᭀᬓᭀᬃᬳᬶᬤᬾᬯᬳᬾᬭᬂ᭞ᬪᬝᬵᬭᬤᬍᬫ᭄ᬜᬳᬸᬭᬶᬦ᭄᭞ᬦᬄᬘᬾᬓ᭄ᬮᬾᬲᬸᬩᬳᬂ᭞ᬤᬩ᭄ᬯᬶᬦ᭄ᬫᬦᬸᬢᬸᬭᬂ᭞ᬢ᭄ᬯᬄᬲᬸᬩᬫᬕᬦ᭄ᬢᬶ᭞ᬦᬫᬳᬂᬚᭂᬗᬄ᭞ᬦᬾᬚᬦᬶᬚᬮᬦ᭄ᬓᭂᬦᭂᬳᬶᬦ᭄᭟
[᭑᭑᭓113A]
ᬧᬥᬡ᭄ᬥᬧᬶᬤᬤᬫᬵᬢᬹᬃᬗ᭄ᬕᬶᬄᬯ᭄ᬬᬓ᭄ᬢᬶᬧᬶᬲᬦ᭄᭞ᬤᬾᬯᬦ᭄ᬧᬵᬢᬹᬢᬾᬧᬸᬦᬶᬓ᭞ᬲᬓᬤᬶᬧᬓᬬᬸᬦᬦ᭄᭞ᬳᬤᬶᬘᬓ᭄ᬭᬦᬶᬂᬕᬶᬮᬶᬗᬦ᭄᭞ᬯᬶᬭᬾᬄᬲᬵᬫ᭄ᬧᬸᬦ᭄ᬜᬦ᭄ᬤᬂᬦᬫ᭄ᬧᬶ᭞ᬫᬗ᭄ᬓᬶᬦ᭄ᬩᬳᭀᬲᬂ᭞ᬦᬾᬜ᭄ᬘᬾᬦ᭄ᬜᬦ᭄ᬤᬂᬫᬃᬵᬕ᭄ᬕᬶᬦᬶᬦ᭄᭟ᬲᬵᬫ᭄ᬧᬸᬦ᭄ᬗᬯᬦᭂᬳᬂᬘᭀ
ᬓᭀᬃᬳᬶᬤᬾᬯᬫᬭᬚᬲᬹᬃᬬ᭄ᬬ᭞ᬜᬸᬦ᭄ᬤᬭᬶᬦ᭄ᬲᬚᬕᬢ᭄ᬩᬮᬶ᭞ᬤᭀᬄᬭᬫᬗ᭄ᬕᭂᬳᬂ᭞ᬫᬓᬳᬮᬳᬬᬸᬦᬶᬂᬚᬕᬢ᭄᭞ᬲᬦᬾᬜ᭄ᬘᬾᬦ᭄ᬜᬦᬂᬧᭂᬘᬳᬶᬦ᭄᭞ᬭᬢᬸᬤᬸᬭᬸᬲᬂ᭞ᬫᬗ᭄ᬤᬾᬲᬶᬤ᭄ᬥᬫᬧᬲᬶᬮᬶᬄ᭟ᬩᭀᬬᬜᬦ᭄ᬤᬂᬧᬸᬦᬶᬓᬧᬘᬂᬲᬸᬗ᭄ᬓ
ᬦᬂ᭞ᬳᬶᬤ᭄ᬯᬕᬸᬂᬭᬳᬶᬜᬳᬶᬭᬶᬦ᭄᭞ᬗ᭄ᬕᬶᬄᬧᬸᬦᬶᬓᬧᬶᬲᬦ᭄᭞ᬳᬦᬹᬢᬂᬓᬤᬶᬘᬭᬶᬢ᭞ᬧᬫᬃᬵᬕ᭄ᬕᬦ᭄ᬲᬂᬓᬺᬱ᭄ᬡᬵᬗᬹᬦᬶ᭞ᬯᬲ᭄ᬢᬸᬫᬜ᭄ᬮᬕ᭄᭞ᬓᭀᬃᬤᬮᬶᬗ᭄ᬲᬶᬃᬲᬶᬫᬸᬄᬧᬮᬶᬂ᭟ᬓᬕᬺᬳᬶᬂᬓ᭄ᬭᭀᬥᬧᬸᬢᭂᬓ᭄‌ᬢᭀᬂᬫᬗᬭᬦ᭄ᬭᬕ᭞ᬫᬵᬢᬹᬃᬲ᭄ᬥᭂᬂᬦᬾᬫ
ᬗ᭄ᬓᬶᬦ᭄‌ᬢ᭄ᬮᬲᬂ᭞ᬭᬳᬸᬄᬭᬶᬂᬦᬾᬘ᭄ᬭᬶᬓ᭄ᬘ᭄ᬭᬶᬓ᭄᭞ᬦᬾᬓᬵᬭᬶᬩᬭᬓ᭄᭞ᬢᬶᬢ᭄ᬬᬂᬜᬤ᭄ᬬᬗᬮᬓ᭄ᬱᬡᬳᬶᬦ᭄᭟ᬯ᭄ᬬ᭠ᬓ᭄ᬢᬶᬢᬦ᭄ᬩᬶᬦᬓᬤᬶᬫᬦᭂᬕᬸᬮ᭄ᬫᬘᬦ᭄᭞ᬲᬲᬳᬶᬦᬕᬶᬄᬬᬢ᭄ᬦᬳᬶᬦ᭄᭞ᬤ᭄ᬯᬕᬸᬂᬭᬳᬶᬓᬕ᭄ᬬᬢ᭄᭞ᬫᬾᬲᭂᬫ᭄ᬢᬸᬫᬸᬮᬶᬗᬦ᭄ᬤᬶᬓ᭞ᬧ