[᭑᭑᭐110B]
᭑᭑᭐
ᬲᬶᬦᬯᬗᬶᬂᬫᬦᬄ᭞ᬦ᭄ᬤᬢᬦ᭄ᬩᬶᬦᬓᬤᬶᬲᬂᬤ᭄ᬭᬸᬫᬳᬤᬶᬧᬢᬶ᭞ᬳᬕᬺᬳᬦ᭄ᬯᬯᬸᬓᬶᬦᭂᬧᬸᬂ᭞ᬤᬾᬦᬶᬂᬩᬸᬫᬶᬧᬸᬢ᭄ᬭ᭞ᬧᬢᬶᬲᬶᬮᬶᬤ᭄ᬯᬭᬯᬢᬶᬦᬾᬓᬚᬸᬚᬸᬭ᭄᭞ᬫᬗ᭄ᬓᬶᬦ᭄ᬳᬶᬤᬘᭀᬓᭀᬃᬤ᭞ᬓᬵᬭᬶᬗᬗ᭄ᬲᬸᬃᬤᬳᬲ᭄ᬤᬶᬳᬶᬲ᭄᭟ᬲ᭄ᬯᬪᬵᬯᬓᬤᬶᬕᬮᬸ
ᬕ᭞ᬫᬢ᭄ᬭᬘᭀᬗᬄᬳᬾᬭᬗᬾᬫᬤᬸᬮᬸᬃᬳᬶᬲᬶᬦ᭄᭞ᬓ᭄ᬢᬸᬕ᭄ᬓ᭄ᬢᬸᬕ᭄ᬤᬳᬢ᭄ᬩᭂᬦ᭄ᬤᬸ᭞ᬲᬵᬫ᭄ᬧᬸᬦ᭄ᬓᬵᬢᬸᬭᬦ᭄ᬫᬮᬸᬗ᭄ᬕᬸᬄ᭞ᬧᬦ᭄ᬓᬲᬢᬦ᭄᭞ᬯᬢ᭄ᬭᬭᬶᬂᬧᬭᬳᬶᬲ᭄ᬢ᭄ᬭᬶᬲᬵᬫ᭄ᬧᬸᬦ᭄᭞ᬫᬗ᭄ᬓᬶᬦ᭄ᬳᬶᬤᬘᭀᬓᭀᬃᬤ᭞ᬫ᭄ᬦᭂᬂᬓᬸᬤ᭄ᬬᬂᬫᬫᬶᬦᭂᬳᬶᬦ᭄᭟ᬕᬸᬲ᭄ᬢᬶ᭠
ᬳᬕᬸᬂᬫᬵᬢᬹᬃᬧᬫᬸᬗᬶᬯ᭞ᬗ᭄ᬕᬶᬄᬤᬾᬯᬵᬕᬸᬂᬬᬦ᭄ᬓᬧᬶᬲᬶᬗ᭄ᬕᬶᬄ᭞ᬦᬸᬦᬲ᭄ᬦᬾᬫᬗ᭄ᬓᬶᬦ᭄ᬫᬗᬫᬹᬓ᭄᭞ᬳᬾᬭᬗᬂᬧᬓᬬᬸᬦᬦ᭄᭞ᬢᬶᬢ᭄ᬬᬂᬗᬶᬭᬶᬂ᭞ᬓ᭄ᬭᬫᬲᬾᬍᬩᭀᬦᬂᬤᬸᬫᬸᬦ᭄᭞ᬓ᭄ᬦᬶᬲᬵᬫ᭄ᬧᬸᬦ᭄ᬗᬤᬸᬳᬸᬦᬂ᭞ᬢᬶᬢ᭄ᬬᬂᬫᬶᬲᬤ᭄ᬬᬫᬢᬦ᭄ᬤᬶᬂ᭟ᬘᭀᬓᭀᬃ
ᬤᬕ᭄ᬮᬶᬲ᭄ᬗᬦ᭄ᬤᬶᬓ᭞ᬦᬄᬲᬸᬩᬳᬂᬫᬫᬦ᭄ᬳᬕᬸᬂᬩᬸᬓᬚᬦᬶ᭞ᬭᭀᬯᬂᬲᬸᬩᬧᬥᬓᬸᬭᬸ᭞ᬳᬸᬮᬶᬢ᭄ᬮᬸᬦ᭄ᬩᬦ᭄ᬫᬕᬤᬂ᭞ᬗᬦ᭄ᬢᬶᬳᬦ᭄ᬢᬶ᭞ᬧᬮᬸᬮᬸᬂᬪᬝᬵᬭᬤᬾᬯᬵᬕᬸᬂ᭞ᬤᬶᬚᬓᬧᭀᬬᬦᬸᬲᬶᬗ᭄ᬕᬄ᭞ᬤᬤᬶᬦ᭄ᬫᬸᬩᬸᬓᬚᬦᬶ᭟ᬘᭀᬓᭀᬃᬤ᭠
[᭑᭑᭑111A]
ᬕᬾᬮ᭄ᬕᬾᬮ᭄ᬮ᭄ᬯᬶᬃᬧᬗ᭄ᬲᭂᬕᬂ᭞ᬓᬤᬶᬲᬶᬦᭂᬧᬂᬓᬃᬡ᭄ᬦᬫᬶᬭᬕᬶ᭞ᬓᬧᬼᬓ᭄ᬯ᭄ᬬᬓ᭄ᬢᬶᬫᬲᬳᬸᬭ᭄᭞ᬚᬦᬶᬓᬸᬤ᭄ᬬᬂᬫᬗᬓᬮᬂ᭞ᬳᬶᬗ᭄ᬕᬶᬄᬯ᭄ᬬᬓ᭄ᬢᬶᬓᬤᬶᬓᬤᬢ᭄ᬢᬶᬢ᭄ᬬᬂᬭᬳᬸᬄ᭞ᬭᬾᬄᬓᬵᬭᬶᬲ᭄ᬥᭂᬂᬫᬫᬤᬢ᭄᭞ᬗᬶᬂᬲᬵᬫ᭄ᬧᬸᬦ᭄ᬗᬦ᭄ᬢ᭄ᬬᬂᬫᬫᬃᬵᬕ᭄ᬕᬶ᭟ᬳᬓᬸ᭠
ᬤᬯᬾᬦ᭄ᬢᭂᬦ᭄ᬓᬩᬜ᭄ᬘᬭᬦ᭄᭞ᬧᬗᬶᬭᬶᬗᬾᬚᬕᬭᬳᬸᬄᬲᬓᬤᬶᬫᬗ᭄ᬓᬶᬦ᭄᭞ᬕᬸᬲ᭄ᬢᬶᬳᬕᬸᬂᬫᬫ᭄ᬮᬢ᭄ᬳᬢᬹᬃ᭞ᬭᬢᬸᬲᬫ᭄ᬧᬸᬦ᭄ᬫᬫᬜ᭄ᬚᬗᬂᬗᬯᬾᬭᬸᬦ᭄ᬢᬶᬓ᭄᭞ᬰᬢ᭄ᬭᬸᬦᬾᬧᬶᬦᭂᬳᬶᬦ᭄ᬤᬸᬫᬸᬦ᭄᭞ᬘᭀᬓᭀᬃᬤᬦᬩᬶᬩᭂᬮ᭄ᬩᭂᬮᬦ᭄᭞ᬫ᭄ᬦᭂᬂᬢ᭄ᬯᬭᬫᬜᬳᬸ
ᬭᬶᬦ᭄᭟ᬜᬭᬸᬭᬭᬶᬲ᭄ᬫᬧᬸᬢᬸᬲᬦ᭄ᬓᬲ᭄ᬭᭀᬗ᭄ᬕ᭞ᬗᬢᬸᬭᬶᬦ᭄ᬲᬧᬭᬳᬶᬲ᭄ᬢ᭄ᬭᬶ᭞ᬓ᭄ᬦᬶᬫᬦ᭄ᬢᬸᬓ᭄ᬓᬓ᭄ᬮᬸᬂᬓᬸᬂ᭞ᬲᬕᬺᬳᬦ᭄ᬲᬤᬕᬶᬂᬚ᭄ᬭᭀ᭞ᬲᬂᬓᬳᬸᬢᬸᬲ᭄᭞ᬳᬾᬜ᭄ᬘᭀᬂᬢᬸᬫᬸᬮᬶᬮᬸᬫᬓᬸ᭞ᬘᭀᬓᭀᬃᬤᬫᬮᬶᬄᬗᬦ᭄ᬤᬶᬓ᭞ᬭᬶᬂᬕᬕᬶᬭᬶᬂᬲᬦᬾᬗᬶᬭᬶᬂ᭟
ᬘ᭄ᬭᬶᬓ᭄ᬘ᭄ᬭᬶᬓ᭄ᬳᬸᬮᬶᬢ᭄ᬕᬮ᭄ᬲ᭄ᬭᭀᬗ᭄ᬕ᭞ᬓᭂᬫᬫᬸᬮᬶᬄᬳᬢᬸᬭᬂᬕᬸᬫᬶᬦᬾᬩᬗ᭄ᬮᬶ᭞ᬯᬓᬾᬢ᭄ᬯᬭᬳᬤᬲᬸᬭᬸᬤ᭄᭞ᬗᭂᬦᭂᬳᬶᬦ᭄ᬘᬳᬶᬧᬥ᭞ᬲᭀᬓ᭄ᬳᬶᬗᭂᬢᬂ᭞ᬧᬶᬢᬺᬱ᭄ᬡᬵᬦ᭄ᬯᬓᬾᬦᬾᬫᬮᬸ᭞ᬲᬂᬓᬶᬘ᭄ᬙᬾᬦ᭄ᬧᬗᬦ᭄ᬤᬶᬓ᭞ᬲᬳᬸᬃᬫᬦᬸᬓ᭄ᬧ᭠
Kaca:Bali-lontar-gaguritan-rereg-gianyar-300ppi.pdf/111
Kaca puniki sampun kauji-wacén
