[᭑᭐10B]
᭑᭐
ᬕ᭄ᬦᬶ᭞ᬧᬘᬂᬦ᭄ᬮᬲᬂ᭞ᬤᬕᬶᬂᬳᬮᬲᬾᬲᬫᬶ᭟ᬕᭂᬮᬶᬲᬂᬧᬶᬲᬦ᭄ᬫᬗᬸᬜ᭄ᬘᬭᬂᬧᬗᬲ᭄ᬢᬯ᭄᭞ᬧᬗᬫᭂᬃᬲᬗ᭄ᬳ᭄ᬬᬂᬳᬸᬭᬶᬧ᭄᭞ᬓᬤᬶᬲᬂᬚᬭᬶᬓ᭞ᬮᬧᬶᬢᬚᬭᬶᬓᬬ᭞ᬩ᭄ᬘᬶᬓ᭄ᬓᬓ᭄ᬮᬸᬂᬓᬸᬂᬫᬗ᭄ᬓᬶᬦ᭄᭞ᬫᬦᬸᬦᬲ᭄ᬚᬶᬯ᭞ᬬᬤᬶᬦ᭄ᬫᬉᬧᬲ᭠
ᬓ᭄ᬱᬶ᭟ᬳ᭄ᬤᬳᬶᬳᬚᬶᬮᬶᬗ᭄ᬕᬶᬳᬂᬭᬶᬂᬩᬜ᭄ᬚᬗ᭄ᬓᬦ᭄᭞ᬳᬗ᭄ᬕᬾᬦ᭄ᬧᬜᬸᬦ᭄ᬤᬸᬮ᭄ᬫᬮᬶᬄ᭞ᬧᬶᬮᬶᬄᬢᬢ᭠ᬲᬤ᭄ᬬᬦ᭄᭞ᬓᬦᬸᬕ᭄ᬭᬳᬦ᭄ᬲ᭄ᬯᬚᬶᬯ᭞ᬓᬧᬸᬗ᭄ᬓᬸᬃᬫᬮᬶᬄᬧᬶᬦᭂᬳᬶᬦ᭄᭞ᬕᭂᬦ᭄ᬢᭀᬲᬶᬦ᭄ᬢᬤᬄ᭞ᬳᬶᬳᬚᬶᬲᬵᬫ᭄ᬧᬸᬦ᭄ᬮᬶ᭠
ᬗ᭄ᬲᬶᬃ᭟ᬫᬗ᭄ᬓᬶᬦ᭄ᬢᬦ᭄ᬳᬶᬯᬂᬳᬢᬹᬃᬧᬫᬸᬗᬸᬦ᭄ᬢᬶᬢ᭄ᬬᬂ᭞ᬭᬶᬂᬪᬝᬵᬭᬳᬶᬳᬚᬶ᭞ᬬᬦᬶᬂᬤᬸᬭᬸᬲ᭄ᬳᭂᬫ᭄ᬩᬓ᭄᭞ᬢᬦ᭄ᬧᬭᬶ᭠ᬯᬗ᭄ᬤᬾᬲᬓ᭄᭞ᬧᬭᬳᬕᬸᬗᬾᬳᬶᬭᬶᬓᬶ᭞ᬳᬦᬓ᭄ᬫᬭᬕ᭞ᬧᬸᬦᬶᬓᬗᬯᬶᬱ᭄ᬬᬦᬶᬦ᭄᭟ᬫᬮᬶᬄᬭᬳᬸᬄᬨᬮ᭠
ᬦᬾᬫᬓᬵᬃᬬ᭄ᬬᬳᭂᬫ᭄ᬩᬄ᭞ᬧ᭄ᬭᬮᬶᬡᬦᬶᬂᬓᬧᬢᬶᬦ᭄᭞ᬫᬦ᭄ᬢᬸᬓ᭄ᬓᬧ᭄ᬭᬥᬦ᭞ᬦᬵᬗ᭄ᬳᬶᬂᬢᬶᬢ᭄ᬬᬂᬫᬫᬶᬦ᭄ᬤᬄ᭟᭠ᬧᬥᭂᬫ᭄ᬗᭂᬫᬲᬶᬦ᭄ᬧᬸᬦᬶᬓᬶ᭞ᬫᬜᭂᬢᬶᬓ᭄ᬭᬕ᭞ᬩᬳᭀᬲ᭄ᬳᬶᬤᬳᬶᬳᬚᬶ᭟ᬳᬫ᭄ᬧᬸᬭᬬᬂᬢᬶᬢ᭄ᬬᬂᬫᬧᬫᬶᬢ᭄ᬲᬧᬶ
[᭑᭑11A]
ᬲᬦ᭄᭞ᬭᬶᬳᬶᬦᬦ᭄ᬧᬥᭂᬫ᭄ᬲᬓᬶᬢ᭄᭞ᬚᭂᬗᬄᬗᬢᭀᬦᬂ᭞ᬮᬶᬗ᭄ᬕᬶᬄᬘᭀᬓᭀᬃᬳᬶᬤᬾᬯ᭞ᬤᬸᬄᬓᬶᬢᬦᬾᬓᬤᬶᬫᬗ᭄ᬓᬶᬦ᭄᭞ᬲᬢ᭄ᬲᬢ᭄ᬲᬵᬕᬭ᭞ᬧᬲᬂᬗᭂᬩᭂᬓᬶᬦ᭄ᬮᬗᬶᬢ᭄᭟ᬱᬸᬦᬶᬓᬳᬶᬩᬦ᭄ᬤᬶᬭᬲᬋᬂᬳᬶᬧᬸᬦ᭄ᬳᬶᬲᭂᬓᬃ᭞
ᬓᬳᬸᬭᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬦᭂᬫ᭄ᬯᬂᬤᬸᬄᬓᬶᬢ᭞ᬓᬵᬮᬶᬄᬜᬫᬦ᭄ᬢᬶᬢ᭄ᬬᬂ᭞ᬮᬷᬮᬬᬂᬓᬬᬸᬦᬾᬫ᭠ᬗ᭄ᬓᬶᬦ᭄᭞ᬳᬶᬗᬦᬦ᭄ᬢᭂᬮᬲ᭄᭞ᬓᬯᬶᬪᬵᬯᬦᬾᬭᬶᬳᬶᬦ᭄᭟ᬱᬤᬕᬶᬗᬦ᭄ᬳᬶᬤᬳᬶᬳᬚᬶᬗᬃᬬ᭄ᬬᬦᬂ᭞ᬧᬸᬗ᭄ᬓᬸᬃᬫᬮᬶᬄᬧᬶᬦᭂ
ᬳᬶᬦ᭄᭞ᬦᭂᬫᬸᬓᬯᬶᬪᬯᬦ᭄᭞ᬯᬮᬸᬬᬓᬤᬶᬭᬶᬂᬓᬸᬦ᭞ᬨᬮᬦ᭄ᬳᬦᬓᬾᬫᬶᬲᬶᬗ᭄ᬕᬶᬄ᭞ᬚᬦ᭄ᬫᬦᬾ᭠ᬩᬸᬓ᭞ᬧᬢᬶᬧᬸᬭᬸᬕ᭄ᬧᬸᬭᬸᬕᬶᬦ᭄᭟ᬲᬵᬫ᭄ᬧᬸᬦ᭄ᬓᬧᬵᬢᬹᬢ᭄ᬭᬭᬶᬲ᭄ᬳᬶᬤᬫᬧᬸᬢᬸᬲᬦ᭄᭞ᬓ᭄ᬱᬢ᭄ᬭ᭄ᬬᬓᬵᬮᬶᬄᬲᬶᬓᬶ᭞ᬗᬶᬭᬶᬗᬂ
ᬧᬥᬡ᭄ᬥ᭞ᬦᭂᬢᭂᬕ᭄ᬓᬧᬮ᭄ᬬᬢᬦ᭄᭞ᬳᬶᬤᬾᬯᬩᭀᬓᭀᬭᬦ᭄ᬫᬮᬶᬄ᭞ᬧᬥᬡ᭄ᬥᬩᬸᬭᬸᬯᬦ᭄᭞ᬳᬶᬤᬾᬯᬚᬫᬸᬃᬗᬶᬭᬶᬂ᭟ᬧᬗ᭄ᬭᬳᭀᬲ᭄ᬳᬶᬤᬧᬥᬡ᭄ᬥᬢᭂᬓᬗᬫ᭄ᬧᬓ᭄᭞ᬫᬦ᭄ᬤᭂᬮ᭄ᬢᭂᬮᬾᬦ᭄ᬓᬸᬮᬫ᭄ᬩᬶ᭞ᬧᬧ᭄ᬢᭂᬢ᭄ᬫᬭᬚᬄ᭞ᬓᬸᬤ᭄ᬬᬂᬳᬶ
Kaca:Bali-lontar-gaguritan-rereg-gianyar-300ppi.pdf/11
Kaca puniki sampun kauji-wacén
