Kaca:Bali-lontar-gaguritan-rereg-gianyar-300ppi.pdf/109

Saking Wikisource
Kaca puniki sampun kauji-wacén

[᭑᭐᭘108B]
᭑᭐᭘
ᬓᬳᬶᬲᬶᬓᭂᬧ᭄ᬳᬩ᭄ᬬᬦ᭄‌ᬲ᭄ᬥᬄ᭞ᬢ᭄ᬕᬮ᭄‌ᬲ᭄ᬭᭀᬗ᭄ᬕᬓ᭄ᬱᬶᬳᬦ᭄‌ᬍᬯᬶᬄ᭞ᬫᬸᬮᬲᬲᬸᬳᬸᬦᬦ᭄᭞ᬤᬦᬾᬳᬶᬧᬸᬦ᭄ᬲᬚᬶᬂᬗᬹᬦᬶ᭟ᬧᬦ᭄‌ᬕᬾᬩᬕ᭄‌ᬯ᭄ᬭᬸᬳᬶᬂᬘᬾᬱ᭄ᬝᬓᬭ᭞ᬲ᭄ᬩᭂᬗᬾᬓᬤᬶᬫᬗ᭄ᬓᬶᬦ᭄᭞ᬳᬕᭂᬫᬫᬗ᭄ᬯᬂ᭞ᬗᭂᬮᬸᬢ᭄ᬘᭀᬓᭀᬃᬲᬳᬲᭂᬫ᭄ᬩᬄ᭞᭠
ᬤᬾᬯᬕᬸᬂᬩ᭄ᬘᬶᬓ᭄ᬧᬶᬦᭂᬳᬶᬦ᭄᭞ᬭᬢᬸᬧᬜ᭄ᬚᬗᬂ᭞ᬳᬦ᭄ᬢᬸᬓ᭄ᬦᬓᭂᬳᬂᬧᬫᬵᬃᬕ᭄ᬕᬶ᭟ᬓ᭄ᬦᬶᬲᬵᬫ᭄ᬧᬸᬦ᭄ᬓᬤᬶᬫᬥᭂᬫᬂᬫ᭄ᬭᬘᬶᬓ᭞ᬫᬧᬶᬓᬵᬮᬶᬄᬢᬦ᭄ᬩᭂᬘᬶᬓ᭄᭞ᬮᬘᬸᬯᬾᬭᬾᬫᬗᬯᬕ᭄᭞ᬫᬓᬺᬗᬶᬦ᭄ᬤᬾᬰᬦ᭄ᬳᬦᬓ᭄᭞ᬦᬸᬦᬲ᭄‌ᬕ᭄ᬮᬶᬲᬂᬫᬯᬮᬶ᭞ᬳᬶᬤᬘᭀᬓᭀᬃᬤ᭞
ᬫ᭄ᬦᭂᬂᬢᬹᬃᬫᬫᬶᬲᬶᬗ᭄ᬕᬶᬄ᭟ᬕ᭄ᬮᬶᬲ᭄ᬫᬢᬸᬮᬓ᭄ᬭᬳᬸᬳᬾᬩᬜ᭄ᬘᬶᬗᬄ᭞ᬫᬗᭂᬲᬾᬗᬶᬦ᭄ᬧᬭᬳᬶᬲ᭄ᬢ᭄ᬭᬶ᭞ᬮᬦ᭄ᬲᬤᬕᬶᬂᬳ᭄ᬭᭀ᭞ᬲ᭠ᬫᬶᬲᬵᬫ᭄ᬧᬸᬦ᭄ᬫᬓᬓᬲ᭄᭞ᬗᬶᬭᬶᬂᬩᬸᬤᬮ᭄ᬧ᭄ᬭᬫᬗ᭄ᬓᬶᬦ᭄᭞ᬭᬭᬶᬲ᭄ᬫᬫᬃᬵᬕ᭄ᬕ᭞ᬩᭀᬗ᭄ᬮᭀᬢᬢᬶᬮᬃᬧᬸᬭᬶ᭟ᬫᬗᬗᬶᬦᬂᬭᬶᬂᬩᬼᬕ᭠
ᬫᬾᬗ᭄ᬕᭀᬓ᭄ᬫᬗ᭄ᬮᭀᬤᬂ᭞ᬰᬢ᭄ᬭᬸᬦᬾᬗᭂᬢᬹᬢ᭄ᬩᬸᬭᬶ᭞ᬫᬗᬶᬭᬶᬂᬩᬦ᭄‌ᬲᬹᬃᬬ᭄ᬬᬓ᭄᭞ᬫ᭄ᬥᬶᬮ᭄ᬫᬋᬧ᭄ᬫᬸᬗ᭄ᬕᬄ᭞ᬗᬢᬸᬭᬶᬦ᭄‌ᬕ᭄ᬮᬶᬲ᭄ᬫᬫᬃᬵᬕ᭄ᬕᬶ᭞ᬫᬓᬚᬢᬶᬦ᭄ᬬ᭞ᬓᬾᬯᬮᬓᬬᬸᬦ᭄ᬫᬕᭂᬤᬶ᭟ᬲᬓᬶᬂᬤ᭄ᬭᬦᬬᬦ᭄ᬢᬸᬯᬶᬫᬲᬾᬤᬳᬦ᭄᭞ᬩᭀᬬᬚᬦ᭄ᬢᭀ
[᭑᭐᭙109A]
ᬲᬧᬦᬮᬶᬓ᭄᭞ᬯᬦ᭄ᬢᬄᬧᬳᬶᬗᬦᬦ᭄᭞ᬲᬧᬸᬦᬶᬓᬧᬤᬕᬶᬗᬦ᭄᭞ᬫᬲᬶᬄᬢᬶᬫ᭄ᬩᬂᬳᬧᬂᬧᬲ᭄ᬢᬶ᭞ᬕᬦ᭄ᬢᬶᬓᬳᬸᬘᬧ᭄᭞ᬓᬧᭀᬧᬕᬯᬾᬦᬾᬭᬶᬳᬶᬦ᭄᭟ᬫᬮᬶᬄᬲᬸᬯᬾᬲᬵᬫ᭄ᬧᬸᬦ᭄ᬳᬶᬤᬫᬕ᭄ᬩᬕᬦ᭄᭞ᬭᬶᬂᬩᬢᬸᬄᬜᭀᬗ᭄ᬓᭀᬓᬶᬦ᭄᭞ᬧᬸᬭᬶᬜᬦ᭄ᬤᬂᬲᬵᬫ᭄ᬧᬸ
ᬦ᭄ᬩᬸᬤᬮ᭄᭞ᬲᬵᬫ᭄ᬧᬸᬦ᭄ᬧᭀᬮᬶᬄᬫᬕ᭄ᬭᬾᬦ᭄ᬤᭀᬢᬦ᭄᭞ᬗᬯᭀᬦᬂᬲᬤᬕᬶᬂᬧᬸᬭᬶ᭞ᬳᬗ᭄ᬕᬾᬦ᭄ᬓᬲᬸᬓᬵᬦ᭄᭞ᬭᬶᬂᬓ᭄ᬮᬸᬂᬓᬸᬂᬲᬋᬂᬲᬫᬶ᭟ᬫᬭᬾᬭᭀᬤ᭄ᬧᬭᬳᬶᬲ᭄ᬢ᭄ᬭᬶᬦᬾᬫᬫᬃᬵᬕ᭄ᬕ᭞ᬫᬓᬓᬸᬤᬸᬂᬲ᭄ᬫᬸᬢᬗᬶᬲ᭄᭞ᬫᬓᬵᬤᬶᬘᭀᬓᭀᬃᬤ᭞ᬓ᭄ᬢᬸᬢᬲ᭄ᬫᬸ
ᬳᬾᬭᬂ᭞ᬳᬶᬕ᭄ᬭᬾᬩᬕ᭄ᬫᬳᬢᬹᬃᬳᬭᬶᬲ᭄᭞ᬭᬢᬸᬋᬡᬬᬂ᭞ᬓᬧᬸᬗ᭄ᬓᬸᬃᬫᬮᬶᬄᬯᬯᬦᬶᬦ᭄᭟᭜᭟ᬧᬗ᭄ᬓᬸᬭ᭄᭟᭜᭟ᬲᬵᬫ᭄ᬧᬸᬦ᭄ᬗᬮᬶᬦ᭄ᬢᬂᬩᬼᬕ᭞ᬫᬗᬗᬶᬦᬂᬲ᭄ᬮᬢ᭄ᬧᬲ᭄ᬤᬍᬫᬾᬳᬸᬗ᭄ᬲᬶ᭞ᬓᬸᬭᬸᬫᬲᬾᬚ᭄ᬯᬓᬚᬸᬚᬸᬭ᭄᭞ᬲᬤᬗ᭄ᬮᬶᬲᬂᬫᬃᬵᬕ᭄ᬕ᭞ᬲᬗ᭄ᬲ᭠
ᬬᬯᬶᬭᬾᬄᬩᭀᬬᬓ᭄ᬦᬶᬳᬦ᭄ᬢᬸᬓ᭄᭞ᬧᬜ᭄ᬚᬂᬓᬾᬭᬶᬂᬩᬢᬸᬄᬓᭀᬘᬧ᭄‌᭞ᬫᬮᬕᬾᬦ᭄ᬤᬄᬫᬫᬾᬜ᭄ᬚᬸᬮᬶᬦ᭄᭟ᬯᬾᬦ᭄ᬢᭂᬦ᭄ᬫᬫᬓ᭄ᬢᬓᭂᬧ᭄ᬯᬓᬦ᭄᭞ᬧᬧᬄᬳᬶᬤᬸᬂᬓᬳᬸᬬᭂᬂᬮᬳᬸᬢ᭄ᬓᭂᬧ᭄ᬮᬸᬕᬶᬦ᭄᭞ᬓᬳᬸᬓ᭄ᬓᬳᬸᬓ᭄ᬲᬓᬾᬂᬧᬸᬗ᭄ᬓᬸᬭ᭄᭞ᬓᬸᬤᬳ᭄ᬮᬲ᭄ᬗᬫ