[᭑᭐᭖106B]
᭑᭐᭖
ᬫᬵᬲ᭄᭞ᬧ᭄ᬭᬕᬸᬂᬧᬮ᭄ᬬᬢᬦ᭄ᬫᬸᬗ᭄ᬓᬸᬲᬶᬦ᭄᭞ᬳᬶᬤᬾᬯᬓᬮᬾᬭᬦ᭄᭞ᬫᬗᭀᬋᬕ᭄ᬫᬗᬸᬚᬶᬯᬢ᭄᭞ᬘᭀᬓᭀᬃᬤ᭠ᬕ᭄ᬥᬾᬫᬗᬩᬶᬄ᭞ᬬᬬᬕ᭄ᬦᬶᬚ᭄ᬯᬮ᭞ᬲᬶᬂᬓᬤᬸᬗ᭄ᬓᬧ᭄ᬦᬸᬦᬲ᭄ᬳᬸᬭᬶᬧ᭄᭟ᬫᬸᬦ᭄ᬢᬩ᭄ᬓ᭄ᬭᭀᬥᬘᭀᬓᭀᬃᬤᬦᬸᬗ᭄ᬓᬧ᭄ᬦᬵᬕᬭ᭞ᬧᬸᬭᬶ᭠
ᬦᬾᬓᬢᬸᬜ᭄ᬚᭂᬮᬶᬦ᭄᭞ᬫᬯᭂᬯᭂᬄᬓᬵᬤ᭄ᬪᬹᬢ᭞ᬗᬯᬾᬋᬲ᭄ᬦᬶᬂᬫᬦᬄ᭞ᬳᬦ᭄ᬤᬸᬲᬾᬲᬵᬫ᭄ᬧᬸᬦ᭄ᬦᬶᬓᭂᬮᬶᬦ᭄᭞ᬳᬕ᭄ᬦᬶᬉᬚ᭄ᬯᬮ᭞ᬭᬯᬸᬳᬶᬂᬮᬬᭀᬦᬾᬩᬲ᭄ᬫᬶ᭟ᬬᬦ᭄ᬯᬶᬦᬶᬫ᭄ᬩᬓᬕ᭄ᬲᭂᬂᬵᬦᬡ᭄ᬥᬓᬯᬦ᭞ᬩᬸᬭᭀᬦᬲᬲᬭᬦᬚ᭄ᬭᬶᬄ᭞ᬗᬸᬗ᭄ᬲᬶᬧᬲᬗᬶᬤ
ᬦ᭄᭞ᬫᬗ᭄ᬓᬶᬦ᭄ᬘᭀᬓᭀᬃᬤᬧ᭄ᬮᭀᬓᭀᬲ᭄᭞ᬦᭀᬂᬓ᭄ᬮᬂᬓᬧᬸᬭᬸᬕ᭄ᬧᬸᬭᬸᬕᬶᬦ᭄᭞ᬯᬲ᭄ᬢ᭄ᬭᬩ᭄ᬮᬸᬲᬦ᭄᭞ᬩᬄᬩᬗᬸᬦ᭄ᬫ᭠ᬫᬸᬤᬶᬤᬶᬂ᭟ᬓᬾᬲᬄᬓᬾᬲᬄᬲ᭄ᬗᬮ᭄ᬲ᭄ᬗᬮ᭄ᬳᬗ᭄ᬓ᭄ᬬᬦ᭄ᬢᬸᬗ᭄ᬕᬄ᭞ᬤᬾᬯᬳᬬᬸᬢ᭄ᬓᬫᬫᬳᬶᬦ᭄᭞ᬲᬫ᭄ᬩᬶᬮ᭄ᬫᬢᬗᬶᬲᬦ᭄᭞ᬜᭂᬮ᭄ᬲᭂ
ᬮ᭄ᬭᬕᬢᬦᬶᬩᬕ᭄ᬬ᭞ᬚᬕᬢ᭄ᬩᬤᬸᬗᬾᬓᬳᬸᬗ᭄ᬲᬶ᭞ᬭᬯᬸᬳᬶᬂᬳᬶᬭᬶᬗᬦ᭄᭞ᬢᭀᬂᬜᬦ᭄ᬤᬂᬫᬮᬶᬄᬩᬳᭀᬲᬶᬦ᭄᭟ᬦᬸᬚᬸᬤᬶᬦᬩᬳᬸᬤ᭄ᬥᬧᬳᬶᬂᬓ᭄ᬭᬸᬮᬸᬢ᭄ᬧᬸᬦᬶᬓ᭞ᬧᬤᬶᬦᬳᬦ᭄ᬜᬦᬾᬧᬲ᭄ᬢᬶ᭞ᬓᬕ᭄ᬲᭂᬂᬦᬵᬕᬭ᭞ᬰᬰᬶᬄᬓᬲᬭᬄᬓᬶᬕ᭞ᬢᬗ᭄ᬕᬮ᭄ᬯᭀ
[᭑᭐᭗107A]
ᬮᬸᬢᭂᬗ᭄ᬕᭂᬓ᭄ᬲᬶᬓᬶ᭞ᬇᬲᬓᬵᬯᬃᬱ᭞ᬓᬵᬭᬶᬫᬗ᭄ᬕᭂᬄᬓᬤᬶᬗᬹᬦᬶ᭟ᬤᬸᬓ᭄ᬧᬸᬦᬶᬓᬓᬓᬳᭀᬦ᭄ᬚᬕᬢ᭄ᬦᬵᬕᬭ᭞ᬫᬦ᭄ᬢᬸᬓ᭄ᬦᬓᬕᬸᬂᬲᬓ᭄ᬯᬢᬶ᭞ᬓᬳᭀᬦ᭄ᬭᬳᬸᬄᬓ᭄ᬮᭀᬤ᭄ᬲᬶᬗ᭄ᬳᬧᬤᬸᬩᬢᬸᬩᬸᬮᬦ᭄᭞ᬲᬤᬳᬸᬄᬧᬢᬦᬸᬲᬫᬶ᭞ᬭᬭᬶᬲ᭄ᬩᬾᬜ᭄ᬚᬗᬦ᭄
᭞ᬩᬩᬢᬸᬳᬾᬓᬳᬗ᭄ᬓᬢᬶᬦ᭄᭟ᬓᬘᬭᬶᬢᬲᬤᬯᭂᬕ᭄ᬯᭂᬗᬶᬧᬸᬦᬶᬓ᭞ᬳᬶᬤᬘᭀᬓᭀᬃᬤᬦᬕᬶ᭞ᬫᬶᬢᬳᭂᬦ᭄ᬓᬧᬶᬲᬦ᭄᭞ᬓᬤᬶᬚᬭᬦ᭄ᬩᬾᬮᬾᬲᬾᬗᬦ᭄᭞ᬗᬩᬾᬕ᭄ᬩᬾᬕ᭄ᬢᭀᬂᬦᭂᬄᬫᬮᬶᬗ᭄ᬕᬶᬄ᭞ᬳᬧᬦ᭄ᬭᬶᬂᬚᬩ᭞ᬓᬾᬄᬳᬶᬘᬮ᭄ᬧᬓᬮᬶ
ᬤ᭄ᬓᬶᬤ᭄᭟ᬓᬤᬶᬢᬫ᭄ᬧᬸᬲ᭄ᬯ᭄ᬬᬓ᭄ᬢᬶᬬᬦ᭄ᬓᬧᬶᬦᭂᬳᬂ᭞ᬧᬦ᭄ᬲᬵᬫ᭄ᬧᬸᬦ᭄ᬧᬥᬫᬩᬮᬶᬓ᭄᭞ᬤ᭄ᬭᬲᬢ᭄ᬲᬢ᭄ᬗᬭᬕ᭞ᬳᬸᬧᬫᬚᬸᬓᬸᬂᬧᬫᭂᬦ᭄ᬢᬲ᭄᭞ᬢᬦ᭄ᬧᬩᬶᬤᬓ᭄ᬤᬬᬸᬂᬓᬦ᭄ᬢᬶᬄ᭞ᬓᬸᬤ᭄ᬬᬂᬜᬮᬦᬂ᭞ᬢᬦ᭄ᬯᬸᬦ᭄ᬓᬋᬫᬶᬂᬧᬲᬶᬭ᭄᭟ᬲᬸᬯᬾᬜᬦ᭄ᬢᭀᬲ᭄ᬧ
ᬢᬸᬮᬸᬂᬓ᭄ᬮᬸᬂᬓᬸᬂᬤᬾᬭᬾᬂᬢ᭄ᬓ᭞ᬫᬮᬶᬄᬬᬦ᭄ᬧᬓ᭄ᬱᬫᬢᬶᬦ᭄ᬤᬶᬄ᭞ᬢᬦ᭄ᬧᬭᬶᬯᬗ᭄ᬤᬾᬜᬕ᭄᭞ᬫᬓᬸᬓᬸᬳᬶᬦ᭄ᬤᬾᬰᬦ᭄ᬳᬦᬓ᭄᭞ᬗᬯᬕᬯᬕ᭄ᬫᬢᬶᬦ᭄ᬤᬶᬄ᭞ᬬᬦ᭄ᬜᬫᬢᬶᬗ᭄ᬕᬮ᭄᭞ᬢᬦ᭄ᬯᬸᬭᬸᬂᬓ᭄ᬤᬾᬓᬶᬦ᭄ᬕᬸᬫᬶ᭟ᬲᬧᬸᬦᬶᬓᬓᬵᬭᬶᬧᬧᬶᬦᭂᬄ
Kaca:Bali-lontar-gaguritan-rereg-gianyar-300ppi.pdf/107
Kaca puniki sampun kauji-wacén
