[᭑᭐᭕105B]
ᬧᬜ᭄ᬚᬓᬾᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬗᭀᬚᭀᬕ᭄ᬓᬩᬜ᭄ᬘᬶᬗᬄ᭞ᬳᬶᬤᬘᭀᬓᭀᬃᬤᬧ᭄ᬮᭀᬓᭀᬢ᭄᭞ᬚᭂᬚᭂᬄᬳᬶᬤᬢᬶᬤᭀᬂᬕᬶᬕᬶᬲ᭄᭞ᬫᬭᬲᬭᬶᬂᬭᬕ᭞ᬓᬸᬘᬶᬯᬧᬘᬂᬫᬢᬦ᭄ᬤᬶᬂ᭟ᬕᬸᬲ᭄ᬢᬶᬕᬾᬫ᭄ᬩ᭄ᬭᭀᬂᬲᭂᬄᬗᬢᬸᬭᬶᬦ᭄ᬫᬓᬸᬓᬸᬳᬦ᭄᭞ᬤᬾᬯᬓ᭄ᬢᬸ
ᬢ᭄ᬲᬦ᭄ᬤᬢ᭄ᬜᬳᬸᬭᬶᬦ᭄᭞ᬗ᭄ᬕᬶᬄᬭᬢᬸᬘᭀᬓᭀᬃᬤ᭞ᬧᬶᬦᭂᬄᬫᬗ᭄ᬓᬶᬦ᭄ᬧᬜ᭄ᬚᬗᬂ᭞ᬬᬸᬱᬦᬾᬤᬸᬫᬸᬦ᭄ᬩᬳᭀᬲᬶᬦ᭄᭞ᬳᬶᬤᬘᭀᬓᭀᬃᬤ᭞ᬫ᭄ᬦᭂᬂᬗᬯᬗ᭄ᬲᬶᬢᬶᬦ᭄ᬧ᭄ᬭᬩᬶ᭟ᬗᭂᬲᬾᬗᬶᬦ᭄ᬧᬗ᭄ᬭᭀᬩ᭄ᬧᬋᬓᬦ᭄ᬧᬜ᭄ᬚ᭄ᬭᭀᬯᬦ᭄᭞ᬓ᭄ᬦᬶᬬᬢ᭄ᬦᬫᬓᬓᬲᬶᬦ᭄᭞ᬲᭀ
ᬭᭀᬄᬭᬵᬚᬤᬺᬯ᭄ᬬ᭞ᬲᬂᬓᬶᬘ᭄ᬙᬾᬦ᭄ᬧᬗᬦ᭄ᬤᬶᬓ᭞ᬕᬶᬧᬶᬄᬧᬥᬫᬓᬓᬲᬶᬦ᭄᭞ᬫᬲᬮᬶᬯ᭄ᬭᬦ᭄᭞ᬓᬕᬾᬢ᭄ᬲᬵᬫ᭄ᬧᬸ᭠ᬦ᭄ᬕᬮᬂᬓᬗᬶᬦ᭄᭟ᬓᬸᬫᬭᬸᬢᬸᬕ᭄ᬲ᭄ᬯᬭᬦ᭄ᬩᭂᬤᬶᬮ᭄ᬲᬓᬶᬂᬓᬚ᭞ᬓᬸᬮ᭄ᬓᬸᬮ᭄ᬲᬮᬶᬂᬲᬳᬸᬢᬶᬦ᭄᭞ᬯᬾᬦ᭄ᬢᭂᬦ᭄ᬫᬗᬸᬦᬶᬗᬂ᭞ᬰᬢ᭄ᬭᬸᬦᬾᬲᬵ
ᬫ᭄ᬧᬸᬦ᭄ᬫᬸᬗ᭄ᬕᬄ᭞ᬘᭀᬓᭀᬃᬤᬲᬸᬫᬗ᭄ᬓᬶᬦ᭄ᬕ᭄ᬭᬶ᭞ᬢᬹᬃᬩᬩᬸᬬᬸᬢᬦ᭄᭞ᬕᬼᬄᬕᬸᬤᬸᬕ᭄ᬧᬢᬶᬳᬫ᭄ᬩᬶᬮ᭄᭟ᬕ᭄ᬮᬶᬲᬶᬂᬘᬭᬶᬢ᭠ᬓᬮᬾᬃᬲᬵᬫ᭄ᬧᬸᬦ᭄ᬗᬫᬭᬳᬂ᭞ᬧᬦ᭄ᬲᬵᬫ᭄ᬧᬸᬦ᭄ᬫᭂᬧᬄᬫᬃᬵᬕ᭄ᬕᬶ᭞ᬗᬦᬹᬢᬶᬦ᭄ᬳᭀᬭᭀᬗᬦ᭄᭞ᬧ᭄ᬭᬕᬸᬂᬲᬵᬫ᭄ᬧᬸᬦ᭄ᬫᬫᬃᬵᬕ᭄ᬕ᭞ᬢᬦ᭄ᬧᬾ᭠
[᭑᭐᭖106A]
ᬦ᭄ᬤᬄᬮ᭄ᬯᬶᬃᬕᬸᬦᬸᬂᬳᬧᬶ᭞ᬲ᭄ᬥᭂᬂᬧ᭄ᬭᬮᬬ᭞ᬳᬗᭂᬲᭂᬂᬵᬯᬦᬳᬸᬓᬶᬭ᭄᭟ᬲᬓᬾᬂᬓᬮᬾᬃᬓᬳᬸᬄᬳᬶᬤᬘᭀᬓᭀᬃᬤᬳᭀᬓ᭞ᬘᭀᬓᭀᬃᬤᬲᬬᬦ᭄ᬜᬦ᭄ᬤᬶᬂ᭞ᬫᬦᭀᬤᭀᬲ᭄ᬗ᭄ᬮᭀᬤᬂ᭞ᬳᬲᬶᬂᬤᬾᬰᬓᬂᬤᬶᬦᬸᬗ᭄ᬓᬧ᭄᭞ᬗᬬᬸᬄᬧᬥᬦᬸᬦᬲ᭄ᬳᬸᬭᬶᬧ᭄᭞
ᬢᬹᬃᬓᬕᬤᬾᬦᬦ᭄᭞ᬳᬸᬘᬧᬂᬧᬗ᭄ᬓᬢᬾᬓᬗᬶᬦ᭄᭟ᬕᬸᬲ᭄ᬢᬶᬗᬸᬭᬄᬫᬥᬾᬳᬮᬶᬢ᭄ᬳᭀᬓ᭞ᬳᬮᬶᬢ᭄ᬗᬸᬭᬄᬳᬶᬤᬾᬯᬵᬩ᭄ᬬᬦ᭄ᬘᬦᬂᬜᬦ᭄ᬤᬶᬂ᭞ᬮᬾᬦ᭄ᬓᬾᬦ᭄ᬤ᭄ᬭᬦ᭄ᬦ᭄ᬯᬩ᭞ᬧᬫᬸᬘᬸᬓ᭄ᬧᬗᬾᬦ᭄ᬢᬾᬗᬦ᭄᭞ᬫᬧᬓᬸᬓᬸᬄᬤᬾᬯᬮᬶᬗ᭄ᬲᬶᬃ᭞ᬭᬶᬂᬢ᭄ᬕᬮ᭄ᬮᬮᬂ᭞
ᬧᬾᬚᬾᬗᬚᬶᬫᬗᬶᬭᬶᬂ᭟ᬓᬩᬶᬦᬯᬳᬸᬧᬫᬲᬵᬕᬭᬧᬲᬂ᭞ᬢᬗ᭄ᬓᬸᬮᬓ᭄ᬓᬳᬗ᭄ᬓᬢᬶᬦ᭄᭞ᬓᬫᭂᬦᬸᬄᬲᬸᬫᬫ᭄ᬧᬦ᭄᭞ᬗᬬᬄᬭᬯᬸᬄᬧᬕᬸᬦᬸᬗᬦ᭄᭞ᬢ᭄ᬯᬭᬳᬤᬫᬜᬦ᭄ᬢᬸᬮᬶᬦ᭄᭞ᬫᬗᭂᬚᬂᬢᬸᬫ᭄ᬩᬓ᭄᭞ᬲᬵᬫ᭄ᬧᬸᬦ᭄ᬓᬕᬫᭂᬮ᭄ᬲᬫᬶ᭟ᬫᬮᬶᬄ
ᬲᬓᬾᬂᬓᬮᬾᬃᬧᬫᬸᬘᬸᬓ᭄ᬳᬶᬤᬾᬯᬗᬸᬭᬄ᭞ᬲᬋᬂᬳᬶᬤᬾᬯᬭᬳᬶᬧ᭄ᬭᬶᬢ᭄᭞ᬳᬦᬓ᭄ᬧᬥᬕᬜ᭄ᬘᬂ᭞ᬭᬳᬸᬄᬲᬓᬶᬂᬧᬗᭂᬦᭂᬲᬦ᭄᭞ᬳᬦᬓᬕᬸᬂᬲᬸᬓᬵᬯᬢᬶ᭞ᬫᬫᬃᬵᬕ᭄ᬕᬩᬦ᭄ᬩᬦ᭄᭞ᬫᬸᬮᬢᬺᬱ᭄ᬡᬳᬶᬦ᭄ᬕᬸᬫᬶ᭟ᬫᬧᬜ᭄ᬤᬶᬂᬲᬶᬓᭂᬧ᭄ᬧᬢᬸᬮᬸ
Kaca:Bali-lontar-gaguritan-rereg-gianyar-300ppi.pdf/106
Kaca puniki sampun kauji-wacén
