[᭑᭐᭐100B]
᭑᭐᭐
ᬓᬤᬶᬧᬸᬦᬧᬶ᭞ᬫᬸᬗ᭄ᬕ᭄ᬯᬶᬂᬧᬗ᭄ᬭᬲ᭞ᬘᭀᬓᭀᬃᬳᬶᬤᬾᬯᬓᬵᬮᬶᬄ᭟ᬯᬶᬭᬾᬄᬓᬦ᭄ᬢᭂᬦ᭄ᬳᬶᬲᬶᬩᬂᬫᬓᬵᬤ᭄ᬥᬶᬳᬾᬭᬂ᭞ᬜᬦ᭄ᬤᬂᬭᬢᬸᬧᭂᬘᬳᬶᬦ᭄᭞ᬲᬂᬫᬓᬃᬵᬤ᭄ᬥᬶᬳᬮ᭞ᬓᬭᬗ᭄ᬳᬲᭂᬫᬾᬧᬵᬢᬹᬢᬂ᭞ᬢᬶᬢ᭄ᬬᬂᬫᬶᬲᬤ᭄ᬬᬫᬢᬦ᭄ᬤᬶᬂ᭞ᬭᬶᬂᬳᬶᬓᬫ᭠
ᬲᬦ᭄᭞ᬳᬦᬓᬾᬳᬕᬸᬂᬜᬳᬸᬭᬶᬦ᭄᭟ᬦᬄᬢᭀᬩ᭄ᬦᭂᬄᬮᬳᬸᬢᬂᬚᬦᬶᬤᬩ᭄ᬤᬩᬂ᭞ᬕᬸᬲ᭄ᬢᬶᬓ᭄ᬮᭀᬤᬦ᭄ᬢᬹᬃᬪᬓ᭄ᬢᬶ᭞ᬫᬗᬾᬲᬾᬭᬂᬢ᭄ᬕᬓ᭄᭞ᬗᬦ᭄ᬤᬶᬓᬳᬫᬦ᭄ᬢᭂᬲ᭄ᬧᬶᬲᬦ᭄᭞ᬢᭀᬜᬫᬓᬭᬗ᭄ᬳᬲᭂᬫ᭄ᬲᬫᬶ᭞ᬮᬦ᭄ᬩᬳᬸᬥ᭠
ᬡ᭄ᬥ᭞ᬩᬢᭂᬓ᭄ᬳᬶᬥᭂᬧᬾᬚᬦᬶ᭟ᬕᬸᬲ᭄ᬢᬶᬕ᭄ᬥᬾᬩᬕᬾᬡ᭄ᬥᬵᬮᬶᬲᬯᬸᬭᬾᬚᬜ᭄ᬚᬦ᭄᭞ᬗ᭄ᬳᬶᬄᬧᬗᬦ᭄ᬤᬶᬓᬦ᭄ᬩᭂᬮᬶ᭞ᬓᬵᬮᬶᬄᬲᬵᬫ᭄ᬧᬸᬦ᭄ᬜᬦ᭄ᬤᬂ᭞ᬲᬓᬶᬂᬓᬭᬗ᭄ᬳᬲᭂᬫ᭄ᬗᬗ᭄ᬓᬲ᭄᭞ᬲ᭄ᬫᬶᬲᬤ᭄ᬬᬗᭂᬢᭀᬳᬂᬕ᭄ᬢᬶᬄ᭞ᬫ᭄ᬭᬶᬄᬭᬡᬬᬚ᭄ᬜ᭞ᬳᬶᬤ
ᬩᬕᬸᬲ᭄ᬫᬥᬾᬜᬳᬸᬭᬶᬦ᭄᭟ᬳᬶᬗ᭄ᬕᬶᬄᬜᬦ᭄ᬤᬂᬫᬓᭀᬭᬸᬯᬦ᭄ᬳᬲᬶᬄᬥᬦ᭞ᬧ᭄ᬭᬗ᭄ᬓᬢᬾᬲᬳᬶᬲᬳᬶ᭞ᬫ᭠ᬳᬾᬩᬸᬳᬾᬩᬸᬳᬦ᭄᭞ᬬᬦ᭄ᬢᬦ᭄ᬢᬳᬸᬭᬦᬵᬲᬶᬄ᭞ᬢᬸᬫᬶᬮᬃᬥᬦ᭞ᬢᬦ᭄ᬯᬸᬦᬸᬧᭂᬢ᭄ᬕᬸᬫᬶ᭟ᬢᬸᬮᬓ᭄ᬓᬓᬭᬗ᭄ᬳᬲᭂᬫ᭄
[᭑᭐᭑101A]
ᬗᬸᬲᬧᬸᬲᬧ᭄ᬮᬶᬫ᭞ᬢ᭄ᬩᭂᬮ᭄ᬫᬢᬦᬾᬤᬶᬫᬃᬵᬕ᭄ᬕᬶ᭞ᬤᬾᬯᬕᬸᬂᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬳᬶᬓᬸᬓᬸᬄᬫᬗ᭄ᬓᬶᬦ᭄ᬘᬭᬸᬯᬂ᭞ᬫᬂᬤᭀᬄᬢ᭄ᬯᬭᬲᬶᬤ᭄ᬥᬩᬲ᭄ᬫᬶ᭞ᬩᬤᬸᬂᬢᬩᬦᬦ᭄᭞ᬫᬸᬮᬮᬮᬩ᭄ᬳᬸᬮᬶᬗᬹᬦᬶ᭟ᬚᬤ᭄ᬫᬢᬫ᭄ᬩᭂᬢ᭄ᬢᭀᬂᬩᬶᬲᬦᬗ᭄ᬓᭂᬧᬂᬬᬸ᭠
ᬤ᭄ᬥ᭞ᬫᬮᬶᬄᬢᬸᬦᬳᬦ᭄ᬩᭂᬤᬶᬮ᭄᭞ᬚᬭᬸᬫᬦ᭄ᬲᬶᬦᬧᬂ᭞ᬫᬮᬶᬄᬳᬶᬲᬶᬩᬂᬓᬨᬮ᭄᭞ᬚᬤ᭄ᬫᬦᬾᬫᬸᬮᬚᬚ᭄ᬭᬶᬄ᭞ᬳᬓᭂᬧᭂᬮ᭄ᬓᬸᬯᬂ᭞ᬢ᭄ᬯᬭᬓᭀᬜᬦ᭄ᬤᬂᬳᬾᬲᭂᬫᬶᬦ᭄᭟ᬲᬶᬤᬳᬸᬭᬦ᭄ᬳᬦ᭄ᬢᬸᬓ᭄ᬕᬸᬲ᭄ᬢᬶᬫᬥᬾᬗᬸᬭᬄ᭞ᬧᬸᬦᬶᬓᬓ᭠
ᬮᬶᬦ᭄ᬢᬂᬯ᭄ᬬᬓ᭄ᬢᬶ᭞ᬓᬤᬶᬩᬳᭀᬲ᭄ᬳᬶᬤ᭞ᬦᬾᬫᬗ᭄ᬓᬶᬦ᭄ᬲᭂᬤᭂᬂᬳᭂᬧᬳᬂ᭞ᬫᬃᬵᬕ᭄ᬕᬶᬦ᭄ᬲᬶᬓᭂᬧᬾᬦᬾᬫᬗ᭄ᬓᬶᬦ᭄᭞ᬓᬭᬗ᭄ᬳᬲᭂᬫᬾᬭᬶᬂᬢ᭄ᬗᬄ᭞ᬫᬗ᭄ᬯᬶᬦᬾᬫᬗᬧᬶᬢ᭄᭟ᬫᬧᬄᬢᬶᬕᬫᬓᬵᬤᬶᬩᬸᬮᬦ᭄ᬢᬸᬫᬗ᭄ᬕᬮ᭄᭞ᬳᬦᬓᬕᬸᬂᬓᬵ᭠
ᬮᬶᬄ᭞ᬤᬶᬧᬸᬭᬶᬫᬓᬵᬯᬓᬶᬂᬲᬜ᭄ᬚᬢ᭞ᬫᬸᬗ᭄ᬕᬄᬳᬗᬦᬦ᭄ᬓᬾᬃᬬ᭄ᬬ᭞ᬢᭀᬫ᭄ᬧ᭄ᬮᭀᬓ᭄ᬲᬧᬶᬲᬦ᭄ᬢᬹᬢ᭄ᬩᬸᬭᬸ᭞ᬲᬵᬫ᭄ᬧᬸᬦ᭄ᬭᬾᬭᬾᬦᬦ᭄᭞ᬭᬯᬸᬳᬂᬓᬩᬤᬸᬂᬳᬸᬗ᭄ᬲᬶ᭟ᬲᬵᬫ᭄ᬧᬸᬦ᭄ᬓᬧᬵᬢᬹᬢ᭄ᬩᬳᭀᬲᬾᬭᬭᬶᬲ᭄ᬫᬤᬩ᭄ᬤᬩ᭄᭞ᬧᬥᬗ᭄ᬮᬸᬯᬭᬶ
Kaca:Bali-lontar-gaguritan-rereg-gianyar-300ppi.pdf/101
Kaca puniki sampun kauji-wacén
