[᭙9B]
᭙
ᬪᬝᬵᬭᬓᬯᬶᬢᬦ᭄᭞ᬦᬢᬓ᭄ᬲᬩᬬᬵᬦ᭄ᬢᬓ᭞ᬧᬜ᭄ᬚᬂᬬᬦ᭄ᬘᬭᬶᬢᬫᬮᬶᬄ᭞ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥ᭞ᬩᬳᭀᬲᬾᬓᬤᬶᬫᬗ᭄ᬓᬶᬦ᭄᭟ᬢᬸᬫᬸᬮᬶᬫᭂᬤᬮ᭄ᬳᬶᬤᬳᬦᬓ᭄ᬳᬕᬸᬂᬗᬸᬭᬄ᭞ᬓᬳᬶᬭᬶᬂᬮᬦ᭄ᬭᬓᬭᬳᬶ᭞ᬫ᭄ᬯᬂᬫ᭠
ᬜ᭄ᬘᬧᬸᬗ᭄ᬕᬯ᭞ᬳᬦᬓᬾᬳᬕᬸᬂᬭᬶᬂᬚ᭄ᬭᭀ᭞ᬗᬸᬭᬄᬫᬥᬾᬫᬶᬦᬓᬵᬤᬶ᭞ᬚ᭄ᬭᭀᬦᬶᬂᬘᬭᬂᬘᬂ᭞ᬳᬶᬓ᭄ᬢᬸ᭠ᬢ᭄ᬧᬲᭂᬓ᭄ᬗᬶᬭᬶᬂ᭟ᬫᬧᬸᬢᬸᬲᬦ᭄ᬗᬲᬾᬗᬶᬦ᭄ᬫᬥᬾᬧᬲᭂᬓ᭄ᬓᬩᬜ᭄ᬘᬶᬗᬄ᭞ᬗ᭄ᬭᬳᭀᬲ᭄ᬫᬤᬸᬫ᭄ᬧᬶᬮᬶᬄ᭞ᬫᬮᬶᬄᬫ
ᬧᬸᬢᬸᬲᬦ᭄᭞ᬳᬢᬶᬫᬚᬚᬭᬦᬦ᭄᭞ᬫ᭄ᬭᬶᬢᬢᬲ᭄ᬗᬸᬗ᭄ᬲᬶᬧᬦᭂᬧᬶ᭟ᬲᬵᬫ᭄ᬧᬸᬦ᭄ᬫᬢᬸᬮᬓ᭄᭞ᬓᬵᬢᬹᬃᬳᬓᬾᬄᬫᬩᬮᬶᬓ᭄᭟ᬧᬗᬦ᭄ᬤᬶᬓᬦᬾᬗᭂᬮᬶᬲᬂᬫᬓᬸᬮ᭄ᬓᬸᬮᬦ᭄᭞ᬫᬗ᭄ᬤᬾᬓ᭄ᬦᬶᬳᬾᬮᬶᬗᬶᬦ᭄᭞ᬳᬲᬶᬂᬜᬭᬶᬢᬺᬱ᭄ᬡ
᭞ᬲᬋᬂᬳᬚᬓ᭄ᬫᬢᬸᬗ᭄ᬓᬲ᭄᭞ᬓᭀᬘᬧ᭄ᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄᭞ᬫᬳᭀᬲ᭄ᬭᬶᬂᬧᬸᬭ᭞ᬧᬕᭂᬄᬓᬬᬸᬦᬾ᭠ᬳᬶᬦᬶᬲ᭄ᬢᬶ᭟ᬫᬮᬶᬄᬯᬾᬦ᭄ᬢᭂᬦ᭄ᬭᬳᬸᬄᬫᬶᬭᬶᬩ᭄ᬲᬵᬫ᭄ᬧᬸᬦ᭄ᬓᬢᬢᭀᬦᬦ᭄᭞ᬳᬶᬫᬥᬾᬧᬲᭂᬓ᭄ᬲᬓᬶᬢ᭄᭞ᬭᬳᬸᬄᬫ
[᭑᭐10A]
ᬭᬭᬫ᭄ᬧ᭞ᬗ᭄ᬭᬭᬸᬲ᭄ᬓᬩᬜ᭄ᬘᬶᬗᬄ᭞ᬓᬵᬭᬶᬗᬗ᭄ᬲᬹᬃᬤᬳᬲ᭄ᬤᬶᬳᬶᬲ᭄᭞ᬜᬮᬾᬫ᭄ᬧᭀᬄᬦᭂᬕᬓ᭄᭞ᬫᬵᬢᬹᬃ᭠ᬫᬲᭂᬩᭂᬂᬗ᭄ᬮᬶᬂ᭟ᬗ᭄ᬮᬸᬢ᭄ᬘᭀᬓᭀᬃᬭᬢᬸᬳᬦᬓ᭄ᬳᬕᬸᬂᬗᬸᬭᬄᬮᬘᬸᬃᬲᬓᬤᬶᬫᬗ᭄ᬓᬶᬦ᭄᭞ᬧᬸᬦᬧᬶᬫᬓᬤ᭞ᬢ᭄ᬓᬋᬩᬄᬲ
ᬧᬶᬲᬦ᭄᭞ᬧᬸᬗ᭄ᬕᬯᬧᬸᬦ᭄ᬢᭂᬮ᭄ᬲᬸᬪᬓ᭄ᬢᬶ᭞ᬫᬶᬲᬤ᭄ᬬᬫᬸᬘᬄ᭞ᬓᬯᬶᬪᬯᬦᬾᬫᬗ᭄ᬓᬶᬦ᭄᭟ᬳᬶᬗ᭄ᬕᬶᬄᬲᬵᬫ᭄ᬧᬸ᭠ᬦ᭄ᬓᬫᬦᬄᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬯᬶᬱ᭄ᬬᬦᬾᬓᬤᬶᬫᬗ᭄ᬓᬶᬦ᭄᭞ᬯᬦ᭄ᬢᬄᬧᬳᬶᬗᬦᬦ᭄᭞ᬲᬵᬫ᭄ᬧᬸᬦᬂᬓᬸᬮ᭄ᬓᬸᬮᬦ᭄᭞ᬬᬸ᭠
ᬱᬦᬾᬤᬸᬫᬸᬦ᭄ᬩᬳᭀᬲᬶᬦ᭄᭞ᬬᬦ᭄ᬫᬓᬸᬮ᭄ᬓᬸᬮᬦ᭄᭞ᬩᭀᬬᬚᬦ᭄ᬢᭀᬲ᭄ᬳᬯ᭄ᬗᬶ᭟ᬧᬶᬮᬶᬄᬲᬓ᭄ᬱᬡ᭠ᬭᬳᬸᬳᬶᬂᬧ᭄ᬭᬮᬷᬡ᭞ᬧᬢᬶᬢᬳᬦ᭄ᬢᬸᬓ᭄ᬭᬸᬦ᭄ᬢᬶᬓ᭄᭞ᬓᬤᬶᬳᬶᬩᬥᬯᬂ᭞ᬜᭂᬗᬳᬂᬓᬧᬸᬭᬸᬱᬦ᭄᭞ᬥᬃᬫ᭄ᬫᬦᬾᬕ
ᬫᭂᬮᬂᬫᬗ᭄ᬓᬶᬦ᭄᭞ᬧᬶᬮᬶᬄᬢᬲᬶᬤ᭄ᬥ᭞ᬯᬾᬦ᭄ᬢᭂᬦ᭄ᬲ᭄ᬯᬾᬘ᭄ᬙᬦ᭄ᬯᬶᬤ᭄ᬥᬶ᭟ᬓᬤᬶᬫᬗ᭄ᬓᬶᬦ᭄ᬓᬵᬮᬫᬺᬢ᭄ᬬᬸᬦᬾᬫ᭠ᬜᭂᬩᬓ᭄᭞ᬲᬵᬫ᭄ᬧᬸᬦᬂᬫᬜᭂᬮᬸᬧᬶᬦ᭄᭞ᬳᬧᬶᬲ᭄ᬥᭂᬂᬗᬭᬩ᭄᭞ᬓᬤᬶᬭᬶᬂᬦᬵᬦ᭄ᬤᬯᬦ᭞ᬧᬗ᭄ᬲᭂᬂᬵᬪᬝᬵᬭᬵᬭᬳ᭠
Kaca:Bali-lontar-gaguritan-rereg-gianyar-300ppi.pdf/10
Kaca puniki sampun kauji-wacén
