Kaca:Bali-lontar-gaguritan-rengganis-550ppi.pdf/57

Saking Wikisource
Kaca puniki sampun kauji-wacén

[᭕᭖ 56B]
᭕᭖
ᬲ᭄ᬧᬤᬵ᭞ᬳᬤᬸᬄᬳᬦᬓ᭄ᬳᬶᬂᬲᬸᬦ᭄ᬭᬤᬾᬦ᭄᭞ᬰᬧᬢᬭᬾᬯᬗᬾᬲᬶᬭᬵ᭞ᬧ᭄ᬭᬧ᭄ᬝᬵᬤᬢᬦ᭄ᬧᬲᬗ᭄ᬓᬦ᭄᭞ᬋᬧᬢ᭄ᬫᬚᬦᭂᬫ᭄ᬩᬄᬫ
ᬢᬸᬃ᭞ᬲᬶᬗ᭄ᬕᬶᬄᬯᭀᬦ᭄ᬝᭂᬦ᭄ᬓᬂᬳᬗ᭄ᬕᬯ᭄ᬯᬵ᭟ᬧᬸᬢ᭄ᬭᬶᬚᬶᬫ᭄ᬳᬶᬓᬸᬲᬶᬗ᭄ᬕᬶᬄ᭞ᬦᭂᬕᬭᬵᬧᬸᬮᭀᬫᬸᬤᬭᬵ᭞ᬚᬶᬫ᭄ᬕᬫᬳᬶᬂᬲ᭄ᬮᬫᬗ᭄ᬓᭀ
ᬧᬸᬢᬸᬢᬦᬩᬶᬧᬢ᭄ᬝᬶᬫᬄ᭞ᬓᬩᬸᬬᬸᬢ᭄ᬣᬦᬶᬂᬳᭂᬲᬫ᭄᭞ᬫᬗ᭄ᬓᬦᬵᬓᬜ᭄ᬚᭂᬂᬲᬶᬦᬸᬳᬸᬦ᭄᭞ᬚᬬᬾᬂᬭᬦᬵᬳᬗᬦ᭄ᬥᬶ
ᬓᬵ᭟ᬮᬳᬶᬂᬫᬗ᭄ᬓᬾᬳᬦᬾᬂᬳᭂᬦ᭄ᬥᬶ᭞ᬧᬺᬦᬳᬾᬧᬸᬭᬶᬦᬓ᭄ᬳᬶᬗ᭄ᬯᬂ᭞ᬋᬧᬢ᭄ᬫᬚᬗᬯ᭄ᬯᬾᬳᬕᬾ᭞ᬮᬄᬫᬾᬭᬾᬦᬾᬳᬭᬶᬦᬶᬗ᭄ᬯᬂ᭞ᬲᬶ
᭕᭗ 57A
ᬭᬓᬂᬳᬶᬗᬦ᭄ᬥᬶᬓᬵᬦ᭄᭞ᬤᬾᬦᬾᬚᭂᬂᬭᬫᬲᬶᬦᬸᬳᬸᬦ᭄᭞ᬰᬗ᭄ᬧᬸᬢ᭄ᬭᬶᬧ᭄ᬭᬧ᭄ᬝᬵᬳᬦᭂᬫ᭄ᬩᬄ᭟ᬲᬃᬯ᭄ᬯᬶᬫᬢᬸᬃᬱ᭄ᬳᬶᬂᬰᬶᬫᬸᬶᬭᬃᬫᬶᬃ᭞ᬓᬯᬸᬮ
ᬳᬶᬓᬶᬍᬗ᭄ᬕᬦᬵ᭞ᬗ᭄ᬕᬯᬵᬧᬸᬢ᭄ᬭᬢ᭄ᬯᬦ᭄ᬫᬗ᭄ᬓᭀ᭞ᬓᭀᬦ᭄ᬢᬨᬶᬂᬦᬕ᭄ᬭᬶᬓᬯᬸᬮᬵᬱᬸᬯᭀᬗ᭄ᬱᬢᬶᬩᬾᬂᬢᬫᬦ᭄᭞ᬩᬶ
ᬦ᭄ᬯᬂᬓᬲᭀᬃᬳᬘᬸᬘᬸᬄ᭞ᬧ᭄ᬭᬂᬮᬯᬦ᭄ᬩᭀᬫᬂᬓᬭᬵ᭟ᬲᬧᬢᬶᬗᬮ᭄ᬳᬫ᭄ᬩᬳᬶᬓᬶ᭞ᬳᬶᬂᬧᬸᬢ᭄ᬭᬳᬦ᭄ᬥᬶᬓᬢ᭄ᬯᬦ᭄᭞᭠
ᬢᬦ᭄ᬱᬕᭂᬤ᭄ᬓᬸᬮᬫᬦᬳᬾ᭞ᬓᬗᭂᬦ᭄ᬢᭂᬫᭂᬦ᭄ᬯᬸᬲ᭄ᬓᬯᬸᬮᬵ᭞ᬤᬾᬦᬾᬓᬲᭀᬃᬳᬬᬸᬤ᭄ᬥᬵ᭞ᬲᬳᬶᬓᬧᭀᬮᬳᬦ᭄ᬦᬶᬧᬸᬦ᭄᭞