[᭘᭒ 82 B]
᭘᭒
ᬗᬸᬭᬄᬦ᭄ᬤᬯᬸᬳᬂ᭞ᬳᬶᬘᬫᬦ᭄ᬢ᭄ᬬᬵᬫᬢᬸᬃᬳᬭᬶᬲ᭄᭞ᬭᬢᬸᬲᬮᬾᬶᬤᬂ᭞ᬢᬶᬢ᭄ᬬᬂᬫᬫᬶᬢ᭄ᬫᬸᬗ᭄ᬓᬸᬭᬶᬦ᭄᭟᭐᭟ᬧᬸᬧᬸᬄᬧᬗ᭄ᬓᬸᬃ᭟ᬓᭀᬭᬢᬸᬫᬗ᭄ᬓᬶᬦ᭄ᬫᬫᬃᬕ᭄ᬕ᭞ᬲᬦᬾᬓ᭄ᬮᭀ
ᬤ᭄ᬭᬢᬸᬫᬗ᭄ᬓᬶᬦ᭄ᬧᬭᬦᬶᬦ᭄᭞ᬓᭀᬭᬢᬸᬮᬾᬤᬂᬫᬲᬳᬸᬃ᭞ᬦᬄᬚᬦᬶᬬᬂᬫᬚᬮᬦ᭄᭞ᬮᬸᬢ᭄ᬫᬤᬩ᭄ᬤᬩ᭄᭞ᬩᭂᬡ᭄ᬥᬾᬢᬫ᭄ᬩᬸᬃᬳᬦᬾᬂᬗᬬᬸᬦ᭄᭞ᬩ᭄ᬥᬶᬮ᭄ᬲᬜ᭄ᬚᬢᬮᬸᬫᬭ
ᬧ᭄᭞ᬗᬸᬮᬾᬮᬫ᭄ᬢᬦ᭄ᬧᬾᬦ᭄ᬤᬄᬢᬢᬶᬢ᭄᭟ᬕᭀᬗ᭄ᬲᭀᬃᬫᬫᬃᬕ᭄ᬕᬵᬳᬓ᭄ᬭᬶᬕᬦ᭄᭞ᬩᭂᬡ᭄ᬥᬾᬢᬫ᭄ᬩᬸᬃᬢ᭄ᬯᬭᬧ᭄ᬕᬢ᭄ᬦ᭄ᬤᬮᬶᬤᬶ᭞ᬲᬓᬫᬃᬕ᭄ᬕᬳᬸᬫ᭄ᬯᬂᬳᬸᬫᬸᬂ᭞ᬲᭀᬢᬦᬶᬂᬳᬸᬯᬸᬲ᭄ᬚ
ᬬ᭄᭟ᬬᬦ᭄ᬓᬯᬃᬡ᭄ᬦᬾᬂ᭞ᬫᬃᬕ᭄ᬕᬫᬾᬄᬳᬦᬸᬗ᭄ᬓᬧ᭄ᬲᬫ᭄ᬧᬸᬦ᭄᭞ᬭᬶᬂᬢ᭄ᬕᬮ᭄ᬯᬶᬭᬲᬶᬮᬸᬫᬵᬦ᭄᭞ᬩᬮᬚᬶᬫ᭄ᬓᬘᬸᬦ᭄ᬤᬸᬓ᭄ᬢᬶᬢᬶᬩ᭄᭟ᬭᬫᬾᬧᬥᬫᬕᬕᬶᬮᬓ᭄᭞ᬲᬸᬭᬓ᭄ᬲᬸ
[᭘᭓ 83 A]
ᬭᬓ᭄ᬫᬗᬶᬍᬳᬶᬦ᭄ᬩᬶᬮᬂᬲᬶᬲᬶ᭞ᬳᬶᬯᭀᬂᬩ᭄ᬭᬸᬡᬫ᭄ᬩᬭᬳᬸᬫᬸᬂ᭞ᬧ᭄ᬭᬲᬫᬚ᭄ᬚᬸᬓᬸᬗᬵᬦ᭄᭞ᬳᬤᬫᬦ᭄ᬤᬸᬲ᭄᭞ᬫᬗᬯᬸᬓᬶᬦ᭄ᬢᬶᬫ᭄ᬧᬮ᭄ᬳᬸᬬᬸᬢ᭄᭞ᬲ᭄ᬩᭂᬗᬾᬧᬸᬗᬸᬦ᭄ᬧᬸᬗᬸᬦᬦ᭄᭞
ᬭᬾᬄᬓ᭄ᬦᬵᬧᬗ᭄ᬯᬾᬲᬦ᭄ᬚᬶᬫ᭄᭟ᬲᬶᬓᭂᬧᬾᬤᬶᬫᬮᬸᬲᬫ᭄ᬬᬦ᭄᭞ᬧᬥᬚᬗ᭄ᬕᭂᬮ᭄ᬘᬦ᭄ᬤᭂᬕ᭄ᬫᬩᬮᬶᬄ᭞ᬲᬲᭀᬮᬳᬦᬾᬳᬶᬫᬸᬲᬸᬄ᭞ᬓᬓᬶᬢᭂᬃᬳᬦ᭄ᬢᬸᬓ᭄ᬢᭀᬬ᭞ᬢ᭄ᬯᬭᬲᬾ
ᬗᭂᬄ᭞ᬗᭂᬦᭂᬳᬂᬳᬶᬩᬦᬾᬗᭂᬧᬸᬂ᭞ᬳᬤᬫᬤᬬᬸᬂᬩᬦ᭄ᬢᬸᬫ᭄ᬩᬓ᭄᭞ᬤᬍᬫᬾᬢᬦ᭄ᬧᬾᬦ᭄ᬤᬄᬧᬲᬶᬄ᭟ᬦᬾᬤᬸᬭᬶᬦ᭄ᬤᭂᬄᬫᬦᬓᭀᬦᬂ᭞ᬓᬾᬦ᭄ᬓᬾᬦ᭄ᬓ᭄ᬭᬡᬚᬗ᭄ᬕᭂᬮ᭄ᬫ
ᬓᬲᬫᬶ᭞ᬢ᭄ᬯᬭᬤᬳᬤᬫᬲᬳᬸᬢ᭄᭞ᬓᬢᬸᬗ᭄ᬓᬸᬮ᭄ᬫᬧᬯᬲᬦ᭄᭞ᬘᭀᬓᭀᬃᬭᬢᬸ᭞ᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬳᬮᬸᬲ᭄᭞ᬚᬬᬯᬸᬲ᭄ᬫᬦ᭄ᬳᬶᬩᬳᬾᬗ᭄ᬕᬮ᭄᭞ᬓᭂᬫ
Kaca:Bali-lontar-gaguritan-ratmaja-300ppi.pdf/83
Kaca puniki sampun kauji-wacén
