[᭗᭙ 79 B]
᭗᭙
᭞ᬫᬲᬶᬄᬫᬦᬸᬗ᭄ᬓᬲᬂ᭞ᬩ᭄ᬯᬶᬦ᭄ᬧᬘᬂᬦᬸᬶᬦᬸᬫ᭄ᬩᬓ᭄᭞ᬢᬶᬗᬸᬭᬄᬜᬫ᭄ᬩᬓ᭄ᬜᭂᬢᬾᬢᬶᬦ᭄᭞ᬲᬸᬓᬧᬸᬗ᭄ᬕᬮ᭄᭞ᬭᬳᬾᬫᬸᬮᬓᬦ᭄ᬫᬶᬚᬶᬮ᭄᭟ᬯ᭄ᬯᬂᬫᬥᬸᬭᬓᭂᬦ᭄ᬤᭂᬮ᭄ᬫᬓᭀᬳᭀᬓ᭄ᬫᬲᬸ
ᬭᬓ᭄᭞ᬲ᭄ᬩᬶᬢ᭄ᬯᭀᬂᬳᬦ᭄ᬤᬪᬸᬫᬶ᭞ᬕᬸᬲ᭄ᬢᬶᬦᬾᬓᬧᬸᬗ᭄ᬕᬮ᭄᭞ᬓᭀᬘᬧ᭄ᬧᬥᬗᬋᬧᬂ᭞ᬧᬭᬢᬡ᭄ᬥᬳᬤᬶᬫᬦ᭄ᬢ᭄ᬭᬶ᭞ᬧᬢᬶᬄᬫ᭄ᬯᬂᬳᬃᬬ᭄ᬬ᭞ᬢᬸᬫᭂᬫ᭄ᬕ᭄ᬕᬂᬮᬦ᭄ᬫᬗᬸᬭᬶ᭟ᬦᬾᬦᬾᬦᭂᬫ᭄ᬦᭂᬫ᭄ᬗᬋᬧᬶ
ᬦ᭄ᬮᬦ᭄ᬧ᭄ᬭᬢᬫ᭞ᬢᬗ᭄ᬓᭂᬧᬾᬧᬥᬘᬮᬶᬭᬶᬂ᭞ᬢᬸᬯᬶᬓᬸᬮᬧᬸᬢ᭄ᬭ᭞ᬓᬯᭀᬗᬦᬾᬂᬉᬢ᭄ᬢᬫ᭞ᬢᬦ᭄ᬓᬾᬗ᭄ᬕᬸᬄᬭᬶᬂᬤᬸᬃᬕ᭄ᬕᬯᬶᬱ᭄ᬝᬶ᭞ᬳᬢᬸᬅ᭄ᬥᬾᬅ᭄ᬳᭀᬓ᭞ᬮᬩ᭄ᬥᬳᭀᬮᬶᬄᬓᬾᬦ᭄
ᬧᬢᬶᬄ᭟ᬮᬕ᭄ᬬᬲᭀᬯᬾᬳᬢᬓᭂᬃᬢᬦ᭄ᬤᬶᬂᬧ᭄ᬭᬯᬶᬭ᭞ᬢᬦ᭄ᬤ᭄ᬯᬓᬯᭂᬲ᭄ᬓᬾᬦ᭄ᬧᬢᬶᬄ᭞ᬓᬚ᭄ᬫᬓ᭄ᬓᬧᬸᬗ᭄ᬕᬮ᭄᭞ᬫᬢᬶᬢᬸᬫᬶᬩᬾᬂᬍᬫᬄ᭞ᬓᬂᬩᬮᬳᬲᬸᬭᬓᬵᬢ᭄ᬭᬶ᭞ᬭᬳᬤᬾᬦᬃ
[᭘᭐ 80 A]
ᬬ᭄ᬬ᭞ᬢᬸᬫᬦ᭄ᬤᬂᬓᬋᬧ᭄ᬕᭂᬮᬶᬲ᭄᭟ᬢᬸᬥᬾᬅ᭄ᬭᬳᬶᬫᬧᬕ᭄ᬢᬦᬕᬢᬾᬂᬪᬬ᭞ᬢᬗ᭄ᬓᭂᬧᬾ᭠ᬓᬮᬶᬲ᭄ᬢᭂᬧᬶᬂ᭞ᬫᬦᬤ᭄ᬢᬦ᭄ᬤᭂᬓᬦ᭄᭞ᬭᬤᬾᬦᬃᬬ᭄ᬬᬳᬫ᭄ᬩᬩᬤ᭄᭞ᬧᬳᬸᬢ᭄ᬧᬥᬲᬶᬮᬶᬄ
ᬳᬸᬓᬶᬄ᭞ᬫᬸᬤᭂᬃᬳᬸᬤᭂᬭᬦ᭄᭞ᬳᬸᬧᬲᬦᬸᬫ᭄ᬩᬓ᭄ᬕᭂᬮᬶᬲ᭄᭟ᬓᬧᬶᬲᬗᭂᬢᬶᬳᬾᬗᭂᬘᭀᬃᬫᬜ᭄ᬘᭀᬭᬦ᭄᭞ᬓᬮᬸᬤ᭄ᬩ᭄ᬯᬶᬦ᭄ᬓᬲᬸᬭᬶ᭞ᬲᬸᬭᬓᬾᬫᬸᬭᬳᬦ᭄᭞ᬭᬫᬾᬧᬲ
ᬮᬶᬂᬢᬶᬫ᭄ᬩᬮ᭄᭞ᬓᬾᬦ᭄ᬤᭂᬫᬂᬚᭂᬗᬄᬢᬦ᭄ᬲᬶᬧᬶ᭞ᬢᬸᬫᭂᬗ᭄ᬕᬸᬂᬤ᭄ᬬᬓ᭄ᬱ᭞ᬓᬋᬋ᭄ᬮᬯᬦ᭄ᬫᬗᬸᬭᬶ᭟ᬢᬸᬥᬾᬅ᭄ᬗᬸᬭᬄᬓᬗᬵᬦᬗ᭄ᬕᬮ᭄ᬳᬚᬓ᭄ᬧᬢ᭄ᬧᬢ᭄᭞ᬫᬩ᭄ᬭᬶᬬᬸᬓ᭄
ᬓᬋᬧ᭄ᬲᬫᬶ᭞ᬧᬥᬮᬩ᭄ᬥᬓᬃᬬ᭄ᬬ᭞ᬫ᭄ᬩᬳᬦ᭄ᬓᬋᬋᬧᬦ᭄᭞ᬲ᭄ᬯᬾᬳᬗᬤᬸᬯᬦᬶᬦ᭄᭞ᬢᬦ᭄ᬤ᭄ᬯᬓᬯ᭄ᬦᬂ᭞ᬓᬾᬦ᭄ᬤᭂᬫᬂᬲᬫ᭄ᬧᬸᬦ᭄ᬫᬢᬶ᭟ᬓᬾᬦ᭄ᬢᬸᬫᭂᬗ᭄ᬕᬸᬂᬦᬸᬳᬶᬤᬸᬧ᭄᭠
Kaca:Bali-lontar-gaguritan-ratmaja-300ppi.pdf/80
Kaca puniki sampun kauji-wacén
